ཀླུ་སྨྱོན།
མེ་ཞིག་འབར་བྱུང་།
མེ་དེ་ག་འདྲ་བྱས་ནས་འབར་སོང་ངམ།
མེ་དེ་གང་ནས་འབར་སོང་ངམ།
མེ་དེ་འབར་སྟངས་ག་འདྲ་ཞིག་ཡིན་ནམ།
མེ་དེ་ཤི་སྟངས་ག་འདྲ་ཞིག་ཡིན་ནམ།
མེ་དེ་ག་འདྲ་བྱས་ནས་ལོ་རྒྱུས་སུ་གྱུར་པ་ཡིན་ནམ།
ཀླུ་སྨྱོན།
མེ་ཞིག་འབར་བྱུང་།
མེ་དེ་ག་འདྲ་བྱས་ནས་འབར་སོང་ངམ།
མེ་དེ་གང་ནས་འབར་སོང་ངམ།
མེ་དེ་འབར་སྟངས་ག་འདྲ་ཞིག་ཡིན་ནམ།
མེ་དེ་ཤི་སྟངས་ག་འདྲ་ཞིག་ཡིན་ནམ།
མེ་དེ་ག་འདྲ་བྱས་ནས་ལོ་རྒྱུས་སུ་གྱུར་པ་ཡིན་ནམ།
མེ་དེ་འདོད་འཆགས་ཀྱི་མེ་ཞིག་རེད་
མེ་དེ་ལས་ཉོན་དབངས་ཀྱི་འབར་བ་རེད
མེ་དེ་ གཟུགས ་སྒྲ་ དྲི་ རོ་ རེག་བྱ་ ལྔ་ནས་འབར་སོང་
མེ་དེ་འབར་སྟངས་སྤྱིར་གཏང་ཞིག་མ་རེད་
རང་གི་ཟུང་ཁྲག་ཀྱི་རྒྱུ་ཆ་བརྗེས་པའི་མེ་ཞིག་རེད
མེ་དེ་བསམ་བཞིན་དུ་བསྒྲོན་ནས་འབར་སོང་།
མེ་དེ་བོད་མི་མང་པོ་ཞིག་གི་གཟུགས་པོའི་ཐོག་ནས་འབར་བྱུང་།
མེ་དེ་འབར་སྟངས་ནི་རང་དབང་གི་དབྱིབས་གཟུགས་སུ་འབར་འདུག
མེ་དེ་ཤི་སྟངས་ནི་མེའི་རྒྱུ་ཆ་ཟད་པའམ་ཡང་ན་མེ་མདའི་ཡུ་བ་དང་རྡོག་ཀྱག་སོགས་ཀྱིས་ཤི་རུ་བཅུག་སོང་།
མེ་དེ་ལོ་རྒྱུས་སུ་གྱུར་པའི་རྒྱུ་རྐྱེན་ནི་མེ་དེས་མི་རིགས་ཤིག་གི་སྡུག་བསྔལ་མཚོན་ཡོད་པས་རེད།
དེ་འདྲ་རེད་དམ།
བོད་མིའི་དཀའ་སྡུག་མ་བཟོད་པར་སྡུག་བསྔལ་གྱི་མེ་རི་འབར་སོང་། བོད་མིའི་དྲག་གནོན་མ་བཟོད་པར་བཟོད་སྲན་གྱི་མེ་རེ་འབར་སོང་། བོད་མིའི་མནར་གཅོད་མ་བཟོད་པར་དཀའ་སྡུག་གི་མེ་རི་འབར་སོང་། བོད་མིའི་དམ་དྲག་མ་བཟོད་པར་ཞི་བདེའི་མེ་རི་འབར་སོང་།
རིན་ཆེན་སྲོག་ལས་གཅེས་པ་རྙེད་མིན་ཀྱང།
རང་དབང་ནོར་ལྟར་འཛིན་པའི་དཔའ་བོའི་བློས།
རང་དབང་ཆེན་པོས་དལ་རྟེན་བོད་མིའི་ཆེད།
སྣང་གསལ་བཞུགས་ལ་སྒྲོན་པ་སེམས་དཔའ་དངོས།
མེ་དེ་བོད་ཀྱི་ས་ཆ་ཉུང་ཤས་ནས་མཆེ་སོང།
ཁོང་ཚོས་རྒྱལ་བ་རིན་པོ་ཆེ་བོད་ལ་ཕེབས་ལམ་བཏོད་ཆེད་དུ་མཆེད་སོང།
མེ་དེ་དགེ་ལུགས་གཅིག་པུའི་ནང་ནས་མཆེད་སོང།
ཆོས་བརྒྱུད་གཞན་ལ་མེ་དེ་དང་འབྲེལ་བ་གཏན་ནས་མི་འདུག
མེ་དེ།
ས་སྐྱ་་་་རྙིང་མ་བཀའ་བརྒྱུད་་་་བོན་པོ་ནས་འབར་མ་སོང་།
རྒྱུ་མཚན་དེས།
མེ་དེས་དད་པ་གཅིག་པུ་མ་གཏོགས་མི་རིགས་གཅིག་གི་བདེ་སྡུག་མཚོན་ཐུབ་མ་སོང།
མེ་དེས་བླ་མ་གཅིག་ལ་དད་སེམས་ཙམ་ལས་གཞན་གང་ཡང་མཚོན་ཐུབ་མ་སོང།
མེ་དེས་བོད་མི་ཚང་མ་དང་ཆོས་ལུགས་རིས་མེད་མཚོན་ཐུབ་མ་སོང།
མེ་དེས་རྒྱལ་བ་རིན་པོ་ཆེ་གཅིག་པུའི་དད་སྟོབས་ལས་མི་རིགས་ཤིག་གི་བདེ་སྡུག་གཏན་ནས་མཚོན་ཐུབ་མ་སོང།
རང་ལུས་གསོན་པོར་བསྲེག་པའི་སྙིང་སྟོབས་ཀྱི་མེ་སྒྲོན།
རང་རིགས་གསོན་པོར་གནས་པའི་སྤྱི་ཕན་གྱི་མེ་དཔུང་།
རང་ཡུལ་གསོན་པོར་རྩོད་པའི་རྒྱལ་གཅེས་ཀྱི་མེ་འབར།
རང་དབང་གསོན་པོར་འདེགས་པའི་ལྷག་བསམ་གྱི་མེ་ཁྱིལ།
ཨེ་མ།
གངས་རིའི་སྟག་སེང་གི་རྒྱུད་པ་རྩོད་མེད་དཔའ་བོ།
བན་བོན་ལུགས་བཟང་གི་རིགས་རྒྱུད་བཙན་པོའི་གདུང་སྲས།
ཆོས་སྲིད་གོང་དུ་འདེགས་པའི་པུར་རྒྱལ་གྱི་བདག་པོ།
བོད་རིགས་ཀུན་གྱི་བཀུར་འོས་གཅེས་ཕྲུག་ཀི་རྟི་བ།
ཁྱོད་ཚོར་གདུང་བའི་སྡུག་སྐད་སྙིང་ལ་འཆོར་དུས།
ཁྱོད་ཚོ་དྲན་པའི་ངུ་སྐད་གློ་ནས་ཤོར་སོང་།
ཁྱོད་ཚོས་བཞག་པའི་མིག་དཔེ་ལྗོངས་འདིར་ཤར་དུས།
ཁྱོད་ཚོར་དད་པའི་ལྷག་བསམ་ལྕི་བོར་བཞད་བྱུང་།
ༀམཎྀཔདམེཧུཾ། བྫ་གུ་རུ་པད་མ་སིཏི་ཧུཾ། བློ་བཟང་གྲགས་པའི་ཞབས་ལ་གསོལ་བ་འདེབས། གངས་ཅན་མགོན་པོས་རྗེས་སུ་བཟུང་བར་ཤོག
omg haha nb http://c35.ultraphotosend.com/dn.php?z2m0s0s-Picture13.JPG
ཁོར་ཡུག་དེའི་གཡས་གཡོན་གང་སར།
དུས་ཚོད་ལ་སྔ་གཞུག་མེད་པར་སུན་གཙེར་དང་།
འགྲོ་འདུག་ལ་གཤིབ་བཞེར་ཡང་ཡང་བྱས་དུས།
བཙོན་པའི་འདུ་ཤེས་དང་གཉིས་སུ་མ་སྣང་བས།
འགྲོ་འདུག་གི་བར་གསེང་ནས་རང་དབང་ལ་ཁ་ཅི་ལྟར་ཕྱོགས་ཀྱང་།
གོམ་གང་སྤོ་དབང་མེད་ས་ནས།
གལ་ཆེན་དུ་སྣང་བའི་ཚེ་སྲོག་འདིས།
དམར་འཆིལ་ལེ་ཁྲོམ་གཞུང་དུ་སྤར་བ།
རང་ཉིད་ཁོ་ནའི་ཕྱིར་དུ་ག་ལ་ཡིན།
མེ་ལྕེ་འདིའི་སྣེ་དང་ཟུར་གང་རུང་།
རྔ་ཡུལ་དང་དཀར་མཛེས་རྒལ་ནས།
བོད་ཀྱི་རོང་འབྲོག་གྲོང་གསུམ་ལ་མཆེད་ཐུབ་ན།
ཆིག་སྒྲོལ་དང་གཡས་སྐྱོར་གཡོན་འཁུར་གྱི་ཚོར་བ་བྲང་གཞུང་དུ་སླེབས་ཐུབ་པས།
མང་པོའི་རྗེས་ཤུལ་ལ་བྱས་འབྲས་ཀྱང་དེ་བཞིན་དུ་མོད་ན།
ང་ཚོས་བཙལ་བཞིན་པའི་རང་དབང་ཡང་བར་ཐག་ཉེ་རུ་འགྲོ་ངེས།
སྙན་པོ་འདུག ཐུགས་རྗེ་ཆེ་མི་མཐུད་དེ་བོད་དོན་ཐོག་འབྲི་རོགས།
མེ་དེ་ནི་མི་རིགས་ཤིག་གི་མངོན་
འདོད་འགྲུབ་པའི་སྔ་ལྟས་རེད།
མེ་དེའི་རྒྱབ་རོལ་དུ་ས་ཡ་དྲུག་བདེ་སྡུག་ཡོད།
ས་ཡ་དྲུག་མིག་ཆུས་མེ་དེ་འབར་ཡོད་ལ་་
དེས་ན་ས་ཡ་དྲུག་གིས་ཡིད་ངོ་ན་ནམ་ཡང་མེ་དེ་འབར་གྱིན་འབར་གྱིན་
རང་དབང་གི་ཉི་མ་འཆར་ངེས་ངེས་ཡིན་
རྒྱ་གཞུང་མ་རབས་བཙན་ཤེད་གཉའ་གནོན་གྱི་མེ་ཡིས། །
བོད་མིའི་བཟོད་བསྲན་ལྗང་མྱུག་མང་དག་ཅིག་བསྲེགས་སོང། །
བོད་མིར་རང་དབང་དགོས་༧གོང་ས་མཆོག་བོད་དུ་གདན་འདྲེན་ཞུ་དགོས། ཞེས་ཟེར་བ་དགེ་ལུགས་པ་གཅིག་པུར་རང་དབང་རྩོད་པ་མ་ཡིན་ལ། ༧གོང་ས་མཆོག་ལ་དད་པ་ཁོ་ནས་ག་ལ་ཡིན་མཆོད་མེ་རྐང་གཅིག།
གོང་ས་མཆོག་བོད་ཏུ་ཕེབས་དང་མ་ཕེབས་ཆོས་བརྒྱུད་གཞན་ལ་ཁྱད་པར་ཡོད་པ་མ་རེད།
ཆོས་ལུགས་སོ་སོ་ལ་སོ་སོའི་དཀོན་མཆོག་རེ་ཡོད་རེད་རྒྱལ་བ་རིན་པོ་ཆེ་དགེ་ལུགས་པའི་དཀོན་མཆོག་ལས་ཆོས་བརྒྱུད་གཞན་གྱི་དཀོན་མཆོག་ཆགས་མེད་་་་་་་་་་དེ་ཆགས་ཡོད་སྙམ་པའི་ལྟ་སྟངས་དེ་རྡ་སའི་ཕྱོགས་རིས་རིང་ལུགས་ཀྱི་ལྟ་ཚུལ་ཁོ་ན་རེད།
བོད་ཁྱོན་ཡོངས་ནས་རྒྱལ་བ་རིན་པོ་ཆེ་ཐུན་མོངས་ཀྱི་དཀོན་མཆོག་གཅིག་ཆགས་པའི་འབད་བརྩོན་མི་ལོ་ལྔ་བཅུའི་རིང་ལ་བྱས་ཀྱང་གྲུབ་འབས་ྠོན་མེད།
དེ་ནོ་ཆོས་བརྒྱུད་སོ་སོ་ལ་གཞན་ལ་མགོ་སྒུར་མི་དགོས་པའི་དཀོན་མཆོག་མི་འདྲ་བ་ཡིན་པས་འཇིགརྟེན་ཐུན་མོངས་ཀྱི་དཀོན་མཆོག་གཅིག་ཆགས་ཀྱི་མ་རེད།
དལ་འབྱོར་མི་ལུས་རིན་ཆེན།།
ཤིན་ཏུ་རྙེད་དཀའ་བསམ་བཞིན།།
བོད་མིའི་རང་དབང་ཆེད་དུ།།
དལ་རྟེན་མེ་ལྷར་ཕུལ་སོང།།
ང་ཡིས་མཆོད་མེ་རྐང་གཅིག།
འདས་པོའི་ཆེད་དུ་ཕུལ་ཀྱང།།
མཆོད་མེས་འདས་པོར་མི་ཕན།།
གསོན་པོའི་སྙིང་རྩ་གཏོར་སོང།། །།
སངས་རྒྱས་བཅོམ་ལྡན་འདས་འཇིག་རྟེན་འདིར་འཛུལ་འཕྲུལ་དང་བཅས་བྱོན་ཀྱང། ཁྱོད་དང་འདྲ་བའི་ལྷ་བྱིན་ལྟ་བུས་རྟག་ཏུ་སྐྱོན་ཁོ་ན་བཙལ་ཀྱང་སྐྱོན་རྙེད་མེད་པ་མ་ཟད། སངས་རྒྱས་ལ་ཅུང་ཟད་ཙམ་ཡང་གནོད་མེད་པའི་ངང་ཚུལ་བཞིན་ཤེས་པར་གྱིས་ཤིག་རྐང་གཅིག་ལོག་སྨོན་ཅན།། །།
མེ་དེ་འབར་བ་མ་རེད། སྤར་བ་རེད།
མེ་དེ་རྒྱ་ནག་གཞུང་གིས་སྤར་སོང་།
མེ་དེ་བོད་མིའི་ལུས་ཐོག་སྤར་སོང་།
མེ་དེ་སྤར་སྟངས་དེ་འདྲའི་གདུག་རྩུབ་ཆེ།
མེ་དེ་ད་དུང་ཡང་ཤི་མེད།
མེ་དེས་ལོ་རྒྱུས་ལ་ཚིག་པ་ཟ།
མཆོད་མེ་རྐང་གཅིག་ལགས།
བོད་ནང་བུ་རྒོད་ཚོས་རང་ལུས་མཆོད་མེར་སྤར་ནས་བོད་མིའི་རང་དབང་རྩོད་བཞིན་པ་དེ།
ཁྱེད་ཀྱིས་རྒྱལ་བ་རིན་པོ་ཆེ་གཅིག་པུའི་ཆེད་དུ་རེད་ཟེར་བ་དེ་ནི་གུང་ཁྲན་གྱི་ལྟ་ཚུལ་ལས་མ་འདས།
སྤྱིར་གུང་ཁྲན་གྱི་ལྟ་ཚུལ་ཚང་མ་རྫུན་པ་ཡིན་པའི་ཁྱབ་པ་མེད་ཀྱང་།
བོད་དོན་ཐོག་རྫུན་གཏམ་སྤེལ་བཞིན་ཡོད་པ་ཕྱི་གསལ་ནང་གསལ་རེད།
ཁྱེད་ཀྱིས་ཁོ་ཚོའི་རྗེས་སུ་ཧོལ་རྒྱུགས་བྱེད་དགོས་རྒྱུ་མཚན་ཡོད་ཀྱི་རེད།
ཁྱོད་ཀྱི་མཆོད་མེ་རྐང་གཅིག་དེས་ཁྱོད་ཀྱི་ཕྱོགས་ཞེན་གྱི་མུན་པ་སེལ་ཐབས་མི་འདུག་པས།
ད་དུང་ཡང་མཆོད་མེ་བརྒྱ་ཕྲག་ཁ་ཤས་སྤར་དགོས་འདུག
མེ་འདི་ག་གེ་མོ་ནས་མཆེད་མ་སོང་ཁ་ཅིག་ནས་འབར་སོང་ཞེ་སྨྲ་བ་ནི། ལྟ་ངན་ལ་སྦས་གསང་མེད་པར་བྱུར་ལ་ངོ་སོ་བྱས་པ་མ་ཡིན་ནམ།། །།
ཕྱོགས་ཞེན་གྱི་མུན་པ་མ་རེད།།
རྒྱ་དངུལ་གྱི་མུན་པ་རེད་འདུག།
འདོད་ཆུང་དང་ཆོག་ཤེས་མེད་ན།།
སྟོང་མཆོད་ཀྱིས་མུན་པ་མི་སེལ།། །།
མེ་མཆོད་དེ། མཆོད་ཐེངས་དང་པོ་རྒྱལ་བ་རིན་པོ་ཆེ་དང་ཀི་ཏི་རིན་པོ་ཆེ་ལ་མཆོད་པ་དངོས་གསལ་རེད།
མེ་མཆོད་དེ། མཆོད་ཐེངས་གཉིས་པ་ཀི་ཏི་གྲ་ཚང་དང་བོད་མི་རིགས་ལ་མཆོད་པ་དངོས་གསལ་རེད།
མཆོད་རོ་སྡོང་དུམ་དེ་རྒྱ་མི་གུང་ཕྲན་ལ་གཡུག་པ་དངོས་གསལ་རེད།
མཆོད་པ་གཞེས་ཡུལ་དང་སྡོང་དུམ་རུག་ཉན་རྣམས་ཀྱི་ཁུར་ལེན་དང་སྟངས་འཛིན་མ་བྱས་ན།
ན་གཞོན་དང་མ་སྨིན་པའི་ཕྲུ་གུ་དེ་ཚོ་ལ་ཤ་རེ་ཚ་ད་དུང་དེ་བའི་ལམ་ལ་སོང་ན།
བདེན་པ་མེད་ན་དང་པོ་ནས་སེམས་ལ་བསམ་ཚད་ཡིག་ཐོག་ཏུ་བཀོད་རྒྱུ་ཡོད་པ་མ་རེད་ལ། རྒྱ་མིའི་དངུལ་དངོས་ལ་དགའ་ནས་༧གོང་ས་མཆོག་དང་བོད་གཞུང་ལ་དེ་བས་གཞི་མེད་སྐྱོན་བརྗོད་བྱ་རྒྱུ་ཡོད་པ་མ་རེད།ཇི་སྐད་དུ་ཡང་་་ཚེར་མ་རྣོ་ཡང་བྲག་རི་ལ།།བསྣུན་ན་རྩེ་མོ་འཇིག་པར་འགྱུར།།ཞེས་གསུངས་པ་ལྟར་ཡིན་་་་མཆོད་མེ་རྐང་གཅིག་ཤེས་སོང་ངམ།། །།
མེ་དེ་འབར་བ་མ་རེད། སྤར་བ་རེད། མཆོད་མེ་རྐང་གཅིག་ཅེས་པའི་མིང་ངན་དང་། བསྟན་དགྲ་རྒྱ་དམར་དཔུང་གིས་སྤར་བ་རེད། བོད་པ་ནང་ཁུལ་དཀྲུགས་པའི་མཆོད་རྐང་དང་། །རྒྱ་དམར་ཀླ་ཀློའི་དཔུང་གིས་སྦར་བ་རེད།
བོད་པའི་ཁྲག་རྒྱུན་རྒྱ་ཡི་སེམས་པ་ཅན།
ངོ་ཚ་ཁྲེལ་མེད་མ་རབས་ཟིང་སློང་བ།
མཆོད་མེ་རྐང་གཅིག་རྒྱ་དམར་རྒྱུག་ཁྱི་ཁྱོད།
བདེན་མེད་སྨྱོ་གཏམ་གླེང་རྒྱུ་ཉུང་ན་དགའ།
སྙིང་སྟོབས་ཅན་གྱི་རང་རིགས་སྤུན་ཟླ་ཡིས།
གཅེས་པའི་ལུས་སྲོག་མེ་ལྷའི་ཞལ་བཏབས་ནས།
ས་ཡ་དྲུག་གི་བདེན་དོན་རྩོད་པ་དེ།
མཆོད་མེ་རྐང་གཅིག་མ་ཤེས་ངོ་མཚར་ཆེ།
མི་རིགས་ལ་རྒྱ་དམར་པོའི་དངུལ་དང་བརྗེས།
ཉིན་མཚན་དུས་དྲུག་བོད་པ་ནང་ཁུལ་དབྱེན།
ཆོས་མེད་ཀླ་ཀློའི་རྗེས་བགྲངས་མི་ངན་ཁྱོད།
དྲིན་ཆེན་ཕ་མའི་གདོང་པར་ཡང་ཡང་བལྟོས།
རྙིང་མ་ས་སྐྱ་བཀའ་དགེ་བོན་དང་བཅས།
ཕན་ཚུན་དམ་གཙང་དགེ་བའི་ཐུགས་གཤིན་པ།
༧གོང་ས་བཅུ་བཞི་ཁོ་ནའི་མཛད་པ་་ལས།
བྱུང་བ་གཟུ་གནས་ཀུན་གྱི་ཐུགས་ན་གསལ།
མི་ཚང་མས་ཤེས་གསལ་ལྟར་ཆོ་ཁ་དང་ཆོས་རྒྱུད་ནི་བོད་ནང་ལ་མཐུན་སྒྲིལ་དང་རིགས་མེད་རྒྱ་གར་ལས་ཤིན་ཏུ་ཡག་པ་ཚོང་མས་མཁྱེན་གསལ་རེད། སྐྱུར་རྩི་ལགས་དེ་གང་གི་རྒྱུ་རྐྱེན་ཡིན་ན།
མེ་དེ་མི་ཡི་ངན་ལྷུང་འོག་ནས་འབར།
མེ་དེ་ལོ་ཆུང་བྱིས་བའི་ལུས་ནས་འབར།
མེ་དེ་ཆབ་སྲིད་པ་ཡི་གཡོ་རྒྱུས་སྤར།
མེ་དེ་ས་ཀྱོག་ལུང་ཀྱོང་ཞིག་ནས་འབར།
མེ་དེ་མ་གསོད་ད་དུང་འབར་འཇུག་རོགས།
གཅིག་རྗེས་གཉིས་མཐུད་མེ་ལ་འབར་བཅུག་ན།
བོད་མིའི་བདེན་དོན་ར་སྤྲོད་ཡོང་ངེས་རེད།
བོད་ལ་མཐའ་མར་རང་བཙན་ཐོབ་ཉིན་མོ།
ཁོ་ཚོའི་ཆེད་དུ་མར་མེ་ཚེ་འབར་ཞིག
ལྷ་སའི་ཇོ་བོའི་མདུན་དུ་ངས་འབར་ཡོང་།