གནས་ཚུལ་མཁོ་གཏོང་བ། རྨེའུ་དཀོན་རྒྱམ།
ཕྱི་ལོ་ ༢༠༡༦ ཟླ་ ༡༢ ཚེས་ ༡༦ ཉིན་གུང་རྒྱབ་ཏུ་རྔ་བ་རྫོང་གི་རྨེའུ་རུ་མའི་རུ་ཆེན་པོ་ནས་ཡིན་པའི་བློ་ཆོས་ཚང་གི་བསྟན་པ་ལགས་ཀྱིས་ལག་ཏུ་བོད་ཀྱི་རྒྱལ་དར་དཀྱིལ་དུ་༸གོང་ས་མཆོག་གི་སྐུ་པར་ཡོད་ས་ཞིག་བཟུང་ནས། རྔ་བ་རྫོང་གི་དཔའ་བོའི་སྲང་ལམ་ནས་“༸རྒྱལ་བ་རིན་པོ་ཆེ་ཕྱིར་ཕ་ཡུལ་དུ་ཕེབས་འཇུག་དགོས།„ ”བོད་ལ་རང་དབང་དགོས།„ ཟེར་བཞིན་ཞི་རྒོལ་སྐད་འབོད་བྱས་ཏེ་ཁྲོམ་གཞུང་ནས་གོམ་བགྲོད་སྐར་མ་ལྔ་ཙམ་མ་འགོར་བར་ཉེན་རྟོག་པ་བཅུ་གྲངས་ཤིག་གིས་གཅར་རྡུང་གཏོར་ཤོར་བཙན་ཁྲིད་བྱས་ཏེ་ད་ལྟ་ནང་མི་ཚོས་ཁོང་གང་དུ་བཙོན་འཇུག་བྱས་ཡོད་མེད་དང་ཁོང་གི་གང་ཡང་ཤེས་རྟོགས་ཐུབ་ཀྱི་མེད་འདུག
བསྟན་པ་ཁོང་གི་ཕའི་མིང་ལ་བློ་ཆོས་དང་མའི་མིང་ལ་རྒྱལ་མོ། ད་ལྟ་ཁོང་གི་ལོ་བཅོ་བརྒྱད་ཡིན་ཞིང་། དེ་སྔོན་རྔ་བ་ཀིརྟི་དགོན་གྲྭ་པ་བྱས་ཤིང་རྗེས་སུ་སྐྱ་སར་བབས་ཏེ་འབྲོག་པའི་འཚོ་བ་སྐྱོང་བཞིན་ཡོད་འདུག ཁོང་ནི་དུས་རྒྱུན་སྤྱི་སེམས་ཅན་ཞིག་ཡིན་པ་མ་ཟད། མི་མང་འདུ་འཛོམས་སར་འཇིགས་ཞུམ་མེད་པའི་སྒོ་ནས་བོད་དོན་གླེང་མཁན་ཞིག་ཡིན་པ་ཁོང་ལ་རྒྱུས་མངའ་ཡོད་མཁན་ཚོས་འགྲེལ་བརྗོད་བྱས་སོང་།
གནས་ཚུལ་མཁོ་གཏོང་བ། རྨེའུ་དཀོན་རྒྱམ།
ལག་ཁྱེར་ཁ་པར་ཨང་གྲངས། (+61403649808)
གློག་འཕྲིན་ཁ་བྱང་། kungam2000@gmail.com
་་་་་་་་་ རྔ་བ་རྫོང་གི་དཔའ་བོའི་སྲང་ལམ་ནས་“༸རྒྱལ་བ་རིན་པོ་ཆེ་ཕྱིར་ཕ་ཡུལ་དུ་ཕེབས་འཇུག་དགོས།„ ”བོད་ལ་རང་དབང་དགོས།„ ཟེར་བཞིན་ཞི་རྒོལ་སྐད་འབོད་བྱས་་་་་་་་་་