བསྟོད་དབྱངས་དུང་གི་ཟླ་བའི་རླབས་ཕྲེང་།

ཆབ་མདོ་ངག་དབང་ཕུན་ཚོགས།

ཕྱག་ན་པདྨོའི་སྤྱན་རས་གཟིགས་དབང་གིས།།
བྱམས་བརྩེའི་ཐུགས་རྗེ་བཀའ་དྲིན་བླ་མེད་ཀྱིས།།
འགྲོ་བ་ཀུན་ལ་ཞིི་བདེེེའིིིིིི་འོོོད་སྣང་སྦྱིིན།།
༸བསྟན་འཛིིན་རྒྱ་མཚོོ་སྐུ་ཚེེ་བརྟན་པར་ཤོོག།

༸གངས་ཅན་ཡོངས་ལ་བཀའ་དྲིན་རླབས་ཆེ་བའི།།
འཁྲུངས་ཏེ་དགུང་ལོ་དོན་དྲུག་ཕེབས་པའི་རིང་།།
བཀའ་དྲིན་རྗེས་དྲན་མཚོན་པའི་ཆུ་ཐིགས་ཙམ།།
བདག་གི་སྙིང་ནས་དྲན་ཞིང་དད་པའི་སྤུ་ལོངས་གཡོས།།

རྒྱལ་བསྟན་ནུབ་ཉེར་དུས་ལ་གནད་ཡོད་མི་སྣས་ང་མིན་ཁོ་མིན་ཟེར།།
ལྷ་ལུང་ཁ་གཡར་མཛད་ནས་ན་གཞོན་ཞིག་གི་ལག་ཏུ་བཙན་གྱིས་སྤྲད།།
སྐུ་ན་ཕྲ་ཡང་ཡོད་ཚད་མི་རིགས་དོན་དུ་བློས་བཏང་མཛད་པ་བསྐྱངས།།
རྒྱལ་སྲས་བྱང་ཆུབ་སེམས་དཔའ་ཁྱེད་ལ་བདག་གི་སྙིང་ནས་བསྟོད་ཚིག་ཕུལ།།

ཆབ་སྲིད་ཐུགས་འགན་བཞེས་མ་ཐག་ནས་བཅོས་བསྒྱུར་ལས་ཁུངས་གསར་འཛུགས་མཛད།།
བུན་འཇལ་བྲལ་བའི་ཉམས་ཆུང་རྣམས་ལ་ཅུང་ཟད་རིང་ལ་བདེ་སྐྱིད་ཉི་འོད་སྦྱིན།།
བཙོན་པ་དུ་མ་ལྷོད་དཀྲོལ་བཏང་སྟེ་མཁའ་དབུགས་གསར་པའི་ཞི་བདེ་སྐྲུན།།
ཉམས་ཐག་ཡོངས་ལ་བདེ་སྐྱིད་གསར་པའི་འོད་སྣང་ཤར་རི་རྩེ་ནས་འཆར།།

རྒྱུས་མེད་མི་ཡུལ་བཞུགས་དགོས་བྱུང་ན་ཡང་།།
ཡོད་ཚད་མི་རིགས་དོན་དུ་སྐུ་ལས་བསྐྱོན།།
བོད་ཀྱི་རིག་གཞུང་འཛམ་གླིང་ཡོངས་སུ་ཁྱབ།།
བཀའ་དྲིན་ཆེ་འོ་༸བསྟན་འཛིན་རྒྱ་མཚོ་མཆོག།།

འཛམ་གླིང་ཡོངས་ལ་ཞི་བདེའི་འོད་སྣང་སྦྱིན།།
མ་རིགས་རྨོངས་པ་གཉིད་ལས་གྲོལ་མཛད་པོ།།
ས་གསུམ་ཀུན་ལ་རྣམ་པར་མཛེས་པའི་རྒྱན།།
བདག་གི་བླ་མ་༸བསྟན་འཛིན་རྒྱ་མཚོར་བསྟོད།

འཛམ་གླིང་ཡོངས་ལ་སྙན་གྲགས་རླབས་ཆེ་བའི།།
ནོར་ཝེལ་གཟེངས་རྟགས་ལ་སོགས་ཆེ་བསྟོད་སོགས།།
སྙན་གྲགས་ཆེ་བའི་གཟེངས་རྟགས་འབུལ་ལམ་མཛད།།
མཚན་དང་སྙན་གྲགས་ཡར་ངོ་ཟླ་ལྟར་རྒྱས།།

བྱམས་དང་བརྩེ་བའི་འགྲོ་ཀུན་བདེ་བར་བཀོད།།
ངལ་བ་ལྷོད་མེད་གཞན་དོན་མཛད་པར་བསྐྱངས།།
རིས་མེད་ཆོས་བརྒྱུད་འོ་ཆུ་གཅིག་འདྲིས་མཛད།།
ཞི་བདེའི་ཕན་པའི་མཛད་པ་བསམ་མི་ཁྱབ།།

བོད་མིའི་ཆོས་རིག་མ་བརླག་གོང་འཕེལ་ཆེད།།
བོད་མིའི་སློབ་གྲྭ་ཁེ་གཙང་ཟུར་འཛུགས་མཛད།།
བོད་མིའི་ཁྱད་ཆོས་གོམས་གཤིས་མ་བརླག་ཆེད།།
བོད་མིའི་གཞིས་སྒར་ཁེ་གཙང་བསྐྲུན་གནང་མཛད།།

འཛམ་གླིང་ཡོངས་ལ་ཞི་བདེའི་མཆོད་མེའི་སྒྲོན།།
འཛམ་གླིང་ཡོངས་ལ་བྱམས་བརྩེའི་ཐབས་ལམ་བསྟན།།
འཛམ་གླིང་ཡོངས་ཀྱི་ནད་མུག་འཁྲུགས་བརྩོད་ཞི།།
འཛམ་གླིང་ཡོངས་ལ་བདེ་སྐྱིད་འོད་སྣང་ཤར།།

མཇུག་བསྡུ།
པད་མ་འདྲ་བའི་གདན་སྟེང་ལ།།
འགྱུར་མེད་རྡོ་རྗེའི་མཆོད་རྟེན་བཞེངས།།
ངོ་མཚར་རྨད་བྱུང་བྱང་ཆུབ་ཤིང་།།
མི་རྣམས་ཕྱག་འཚལ་དགེ་སྦྱོང་གནང་།།