ཆབ་མདོ་ངག་ཕུན།
མཁྱེན་པའི་གཏེར་ཆེན་རྒྱལ་དབང་ཀརྨ་པ།།
བསྟན་འགྲོའི་དོན་དུ་མཛད་པ་རླབས་ཆེན་སྐྱོང་།།
འགྲོ་བའི་དོན་དུ་ངལ་བ་ལྷོད་མེད་མཛད།།
རྒྱལ་དབང་ཀརྨ་པ་ལ་བསྟོད་དབྱངས་འབུལ།།
ངལ་བ་ལྷོད་མེད་རིག་པའི་གནས་ལ་བརྩོན།།
འཆད་རྩོད་རྩོམ་ལ་ཆགས་ཐོགས་མི་མངའ་ཞིང་།།
བསྟན་པའི་བདག་པོ་རྒྱལ་དབང་ཀརྨ་པ།།
སྐུ་ཚེ་བསྐལ་བརྒྱ་བརྟན་པའི་སྨོན་ལམ་འདེབས།།
འཁྲུངྶ་ས་གངས་ཅན་ལྗོངས་སུ་འཁྲུངྶ་ན་ཡང་།།
མཛད་པ་འཕྲིན་ལས་འཕཌ་པའི་ཡུལ་ལ་རྒྱས།།
འགྲོ་ལ་ཉེ་རིང་མེད་པར་བརྩེ་བའི་གཟིགས།།
རྒྱལ་དབང་ཀརྨ་པ་ལ་སྙིང་ནས་བསྟོད།།
ཚེ་འདིར་གཏམ་དང་སྙན་གྲགས་རྩ་ལྟར་འདོར།།
འདོད་ཆུང་ཆོག་ཤེས་བསྟན་འགྲོའི་མཛད་པར་སྐྱོང་།
རྩ་བའི་བླ་མའི་ཅི་གསུང་གཙུག་ཏུ་བཀུར།།
ལུང་རིག་བུམ་པ་གང་འབྱོ་ཚུལ་དུ་མཛད།།
ནད་མུག་མེད་ཅིང་ཞི་བདེར་གནས་དགོས་ན།།
འཛམ་གླིང་ཁོར་ཡུག་སྲུང་སྐྱོབ་གལ་ཆེ་གཟིགས།།
དགེ་འདུན་སྡེ་ཡི་སྣེ་མཛད་ཁོར་ཡུབ་སྐྱོབ།།
མཁྱེན་པའི་བདག་པོ་ཁྱེད་ལ་སྙིང་ནས་བསྟོད།།
སྔོན་གྱི་དུས་སུ་རྒྱལ་བའི་བཀའ་བསྟན་རྣམས།།
གཙུག་ལག་ཁང་དུ་མཆོད་ཡུལ་བཞུགས་པ་ལས།།
མི་དམངས་རྣམས་ཀྱི་ལྟ་བའི་གོ་སྐབས་དབེན།།
ཕྱག་དང་མཆོད་པའི་ཡུལ་ལས་གནས་མེད་དོ།།
འོན་ཀྱང་མགོན་ཁྱེད་ཐུགས་རྗེའི་འོ་མཚོ་ལས།།
དེང་རབས་གློག་འཕྲུལ་ཐོག་ཏུ་གཏན་ཕབ་ནས།།
ལྟ་ཀློག་ཐུབ་པའི་ཁྱེད་ཀྱིས་བསྐྲུན་གནང་མཛད།།
བཀའ་དྲིན་དེ་ལས་ཆེ་བ་ཡོད་མ་ཡིན།།
བཀའ་དྲིན་ཆེ་འོ་བསྟན་འགྲོའི་མགོན་དཔུང་ཉིད།
ཁྱེད་ཀྱི་འཕྲིན་ལས་ཡར་ངོ་ཟླ་ལྟར་རྒྱས།།
འཛམ་གླིང་ཀུན་ལ་བདེ་སྐྱིད་ཡུན་གནས་ནས།།
བླ་མ་སྐུ་ཚེ་ཡུན་རིང་བརྟན་པར་ཤོག།
ཞེས་པ་འདི་ནི་དཔལ་རྒྱལ་དབང་ཀརྨ་པ་མཆོག་གི་སྐུའི་འཁྲུངས་སྐར་ཉིན་མོར་ཆབ་ངོམས་ཨ་ཚོགས་ཀྱིས་དད་འདུན་ཆེན་པོས་བྲིས་པའོ།
ཀརྨ་པ་འདིའི་སི་ཏུ་རིན་པོ་ཆེ་ལ་བསྟོད་ར་གནང་བ་གོ་མ་མྱོང་། ཁོ་རང་གི་རྩ་བའི་བླ་མ་དེ་སུ་ཡིན་ནམ།