མྱི་ལྟིག
_རང་ཡུལ་གྱི་བུ་མོ་ཆུང་ཆུང***མགྲོན་ཁང་ཞིག་ཏུ་གཅེར་བུར་ཕུད་ཡོད་པའི་འདྲ་པར་མཐོང་རྗེས།
འདོམ་གྱི་བུ་ཆུང་འཇིབ་ཀྱང་རྣམ་རྟོག་ལ་མི་འཇིག།།
བྷ་གའི་ཁྱིམ་མཚེས་འདོད་ཀྱང་ན་ཟུག་ལ་མི་འཛེམ།།
སྟེང་འོག་གཡས་གཡོན་གང་དུ་ཅི་འདོད་དུ་བསྐོར་ཆོག།།
མ་བཅོལ་འདྲ་པར་ཞིག་གིས་བརླག་དོན་ནི་འདུག་གམ།།
ཁྲ་ཁྲ་ཆིལ་ཆིལ་མང་བའི་རེབ་གོང་དུ་འཕྲད་ནས།།
དགའ་དགའ་དུངས་དུངས་ཡིན་པས་ཁྱོད་བློ་དང་བསྟུན་ཏེ།།
ནན་ནན་ཏན་ཏན་ཡིན་པའི་ཡིད་ཆེས་ཤིག་འབུས་མོད།།
ཟང་ཟིང་ལང་ལོང་ཡིན་པས་ངའི་བློ་དང་འགལ་འདུག །
བསླུ་བྲིད་དཀར་པོ་བཏིངས་ཏེ་སྣ་ལུང་དུ་བྱས་པས།
མཇུག་འབྲས་ནག་པོ་ཐེབས་པའི་བློ་དོགས་ཤིག་མ་ཡོད།།
1གློག་བརྙན་དམར་པོ་ཞིག་ཏུ་མ་བཏོན་པ་ཙམ་ལས།།
ཉམ་ཆུང་བུ་མོ་ཁྱེད་རང་ཧྲུལ་ཧྲུལ་དུ་བཏང་འདུག།
དེང་གི་ན་གཞོན་དེང་རབས་འཕྲུལ་ཆས་ཀྱིས་བརྒྱན་ན།།
རང་གི་ཤ་མཆིན་གླན་སའི་རོགས་ལོ་སུ་ཡིན་རུང་།།
ལྷད་མེད་དྭངས་གཙང་ཟེར་བའི་མནའ་ཚིག་དེར་འགལ་ཏེ།།
མི་འདོད་ཀུན་ལ་བརྡལ་བའི་བྱ་སྤྱོད་འདི་སྐྱོ་ཨང་།
དགའ་བའི་སེམས་པ་དམར་པོ་ལག་ནང་བཞག་སྟེ།།
རྣམ་དག་བརྩེ་བ་ཞིག་ལ་ལུས་སེམས་གཉིས་གཏད་རུང་།།
ཁྲེལ་གཞུང་ཕྱི་ཐག་ཕྲ་བའི་སྟག་ཤར་དེས་བྱིན་གྱིས།།
ན་ཆུང་བུ་མོ་གཅེར་བུར་རྒྱལ་ཁམས་ལ་བསྟན་སོང་།།
ང་རང་ཁྱོད་རང་མིན་པས་ཁྲོས་དོན་ཞིག་མེད་ཀྱང་།།
ཁྱོད་དང་ཁྱོད་འདྲའི་ལང་ཚོ་མི་ཚོགས་སུ་གཏོར་དུས།།
ངའང་ཁོག་འདར་ཞིག་གིས་རྩ་ལམ་ཀུན་སྦྲིད་དེ།།
གློ་བུར་ངག་ནས་སྐད་ཆ་བརྒྱུས་མ་འདི་འཐོར་རོ།།
2012 9 9དགོང་མོ།
གལ་སྲིད་འདི་བདེན་པ་ཡིན་ན།པར་རྒྱག་མཁན་གྱི་མིང་གསལ་བོ་བྱས་ཏེ་བྲིས་ནས་དྲ་ཐོག་ཡོངས་བསྐུར་ན་ལེགས།
མི་འདི་འདྲའི་རིགས་ཀྱིས་བུ་མོ་ལོ་ཆུང་མང་པོ་འཕྲོ་བརླགས་གཏོང་གི་ཡོད་པས་འདིའི་རིགས་དམར་རྗེན་བྱས་ཏེ་མིང་བཏོན་དགོས་བར་སྙམ།
བདེན་པ་རེད་དེ་འདྲ་ད་མང་པོ་ཡོད་པ་རེད་དེ་ལ་དམིགས་བསལ་གསལ་པོ་ཞིག་བྱེད་དགོས་དོན་མཐོང་མ་སོང་གལ་སྲིད་གསལ་པོ་བྱེད་ཀྱང་དེ་སུ་ཡིའི་འགོག་དུས་ནམ་ཡང་འགོག་ཐུབ་ཀྱིན་མ་རེད་དོ།