ལྷ་རྩེའི་ཁུ་བྱུག
འཇའ་འོད་གློག་མ་སྤྲིན་གྱི་བུ་མོ་ཞིག །
དཀར་འོད་ཉག་མ་འཐིབ་པའི་བུ་མོ་ཞིག །
ཟླ་བའི་འོད་ལས་བརྒལ་བའི་མངོན་འགྲོ་མ། །
ས་སྟེང་མེ་ཏོག་སྟོང་གིས་མཚོན་ནུས་མིན། །
བཞིན་གྱི་པདྨ་བཀད་ཡག་མ། །
མིག་གི་ཨུཏྤལ་འཛུམ་ཡག་མ། །
མཆུ་སྒྲོས་མེ་ཏོག་འབུས་ཡག་མ། །
འགུལ་གྱི་བུམ་བཟང་ཚུགས་ཡག་མ། །
ལུས་ཀྱི་འཁྲི་ཤིང་ལྡེམ་ཡག་མ། །
དཀར་མཛེས་མྱོས་བུམ་རྒྱས་ཡག་མ། །
ཡན་ལག་ཉིང་ལག་མཛེས་ཡག་མ། །
སྐྱེས་པའི་སྔུན་གྱི་ཡིད་འཕྲོག་མ། །
ཁ་ཕར་གྱུ་དར་དཀར་ཕྱར་ཡག་མ། །
སྐྲ་དྲི་བཟང་རླུང་གིས་བསིལ་ཡག་མ། །
ཁ་ཚུར་གྱུའི་རྨ་བྱ་སྒེག་ཡག་མ། །
དར་གོས་བཟང་ནང་གི་ལུས་ཡག་མ། །
སྨན་མཛེས་མ་ནང་གི་གཡུ་ཆུང་ཡིན། །
གཡུ་དྲུག་དཀར་ནང་གི་གཙུག་གཡུ་ཡིན། །
ཡིད་འོང་པའི་བུ་མོ་མེ་ཏོག་ཡིན། །
ཡག་མེ་ཏོག་ནང་གི་གཡུ་སྒྲོན་ཡིན། །