ཆང་སྐྱེས།
__དྲ་གྲོགས་བུ་མོ་ཞིག་ལ།
བཅུ་དྲུག་ལང་ཚོ་དར་བའི་ཡིད་འོང་མ།།
ཡིད་ཀྱི་ལྷིང་འཇགས་དཀྲོགས་པའི་ན་ཆུང་མ།།
ཁྱོད་ཞལ་པད་མོ་མིག་གིས་མ་མཐོང་ཡང་།།
ངག་གི་འགྱུར་ཁུགས་རྣ་བའི་དཔྱིད་དུ་སྨིན།།
ཟླ་བའི་འོད་དཀར་ངོགས་ཀྱི་བཞིན་བཟང་མ།།
དྲན་གདུང་རྦ་རླབས་ཁུགས་ཀྱི་ཡིད་འཕྲོག་མ།།
ཁྱེད་ཀྱི་བརྩེ་བ་བདག་ལ་མི་དབང་རུང་།།
བདག་གིས་འདི་ལྟར་ཁྱེད་རང་གླེང་ན་འདོད།།
རྨི་ལམ་ལྗང་ཁུའི་ཀློང་གི་སྡུག་གུ་མ།།
འཛུམ་ལ་དམར་ཁ་ཚ་བའི་ལུས་ཕྲ་མ།།
ཁྱོད་ལ་དགའ་རོགས་ཡོད་པ་ཤེས་མོད་ཀྱང་།།
ཤོར་བའི་སེམས་པ་འདི་ལ་འགོག་ཐབས་བྲལ།།
སྐད་འཕྲིན་དྲ་ལམ་སྟེང་གི་དགོད་ཁ་མ།།
ཁ་མཚར་གཏམ་ལ་སྤྲོ་བའི་ནུ་འབུར་མ།།
ཁྱོད་དང་འགྲོག་པའི་གོ་སྐབས་མེད་ན་ཡང་།།
སྙིང་གི་དཀྱིལ་ན་ཁྱེད་རང་གཅིག་པོ་ཡིན།།
སྐར་མའི་མཛེས་སྡུག་འོག་གི་གཞོན་ནུ་མ།།
རེ་བའི་མིག་ཆུ་འཁུར་བའི་སྙིང་སྡུག་མ།།
ཁྱེད་དང་རྒྱང་ཐག་ཧ་ཅང་རིང་ན་ཡང་།།
བདག་སེམས་ནམ་ཡང་ཁྱོད་ཀྱི་ཕྱོགས་ན་ཡོད།།
མདོ་དབུས་ཁམས་གསུམ་བོད་ཀྱི་ལྗོངས། རིགས་གཅིག་སྤུན་ཟླ་ས་ཡ་དྲུག།
ཚེ་བསོད་རླུང་རྟ་ཡར་ཡར་རྒྱས། བསམ་དོན་འགྲུབ་པའི་རྟེན་འབྲེལ་ཞུ།