ཨ་མདོའི་རྫས་ཚ༜རིག་འཛིན་བཀྲ་ཤིས་ཀྱིས།
ཀ་དར་བརྒྱུས་པའི་ཚིག་གི་སྐུལ་མས་དཔའ་བསྐྱེད་མ།།
ཁ་གཡང་སྨོན་ལམ་ཕྱག་གི་སྙིམ་པ་སོར་བཅུ་མ།།
ག་དུས་བླ་མས་བསྟན་པ་སྐྱོང་བའི་རྗེས་འཇུག་མ།།
ང་དང་ཕ་མ་གཞན་དག་སྨོན་ལམ་མགྲིན་གཅིག་མ།།
ཅ་ཅོའི་མོད་ལ་བསྟོད་པའི་རེ་བ་རྫོགས་ལྡན་མ།།
ཆ་ཙམ་རྣ་བ་ཟུར་ཙམ་གཡོ་དང་རིག་བཟང་མ།།
ཇ་ཐུན་ཙམ་མིན་མི་ཚེ་སློབ་གཉེར་སྐལ་ལྡན་མ།།
ཉ་མོ་ཆུ་བཞིན་དྲན་པ་བྲིས་པ་སོན་གྱུར་མ།།
ཏ་རེས་བླ་མ་དཀོན་མཆོག་གསུམ་གྱི་རྗེས་བཟུང་མ།།
ཐ་མལ་མི་ཡི་འཚེ་དང་གནོད་པ་སེལ་གྱུར་མ།།
ད་ལྟ་ཕ་མའི་དགེ་རྩ་སྨོན་ལམ་འགྲུབ་གྱུར་མ།།
ན་མཉམ་གྲས་ན་འདོད་འཇོ་རིག་པ་འབྱོན་གྱུར་མ།།
པ་ལོ་ལན་བུ་རྩེ་རྡུམ་ཉ་མའི་བྱད་གཟུགས་མ།།
ཕ་ལོའི་སེམས་ཀྱི་མེ་ལོང་ནང་གི་གཟུགས་བརྙན་མ།།
བ་གམ་གྲོང་ན་འཇིགས་བྲལ་སེམས་པ་ལྷུན་ཆགས་མ།།
མ་ལོའི་མན་ངག་རྒྱུ་ལ་མནབས་པའི་སྤྱོད་བཟང་མ།།
ཙ་རིའི་ཡུལ་འདིར་བརྩོན་པ་ཆུ་བོའི་རྒྱུན་བཟང་མ།།
ཚ་གྲང་ལ་སོགས་དཀའ་སྡུག་འཚོ་བར་འཇིགས་བྲལ་མ།།
ཛ་ཏའི་ཤིང་བཞིན་རྒྱུ་འབྱོར་རིག་གནས་མི་ལྟུང་མ།།
ཝ་སྐྱེས་ལ་ནི་ཤེས་རབ་སེང་གེ་སྟོབས་བསྐྱེད་མ།།
ཞྭ་གོས་ལྷམ་གསུམ་ལྟོ་རྒྱབ་འཚོ་བར་སྡུག་མེད་མ།།
ཟ་འཐུང་བག་ཡོད་གཞན་དང་འགྲོཊ་ལུགས་ཚུལ་མཐུན་མ།།
འ་ཅག་དེང་འདིར་ལྷན་དུ་འཛོམས་པ་བུ་ཕ་མ།།
ཡ་ཐོག་བསོད་ནམས་ལས་ཀྱིས་སྤྲས་པའི་ཕུན་ཚོགས་མ།།
ར་ལུག་ལ་སོགས་རྩྭ་ཐང་རིགས་པ་རབ་དབུལ་མ།།
ལ་ལུང་སྒང་ནས་གླུ་སྐད་བསྐྱོན་པ་རབ་ཟད་མ།།
ཤ་དང་ཡུ་མོ་དངོས་ཡོད་མཐོང་ཐོས་རབ་བྲལ་མ།།
ས་ཆོད་བསམ་ནས་གྲོང་ཁྱེར་ཡུལ་ནས་ཆེར་བསྐྱེད་མ།།
ཧ་ཅང་དགེ་འོ་དཀའ་ཐུབ་འཇུག་ངོགས་དཔལ་འབར་མ།།
ཨ་ཅང་རེ་བའི་འདུན་མ་རྒྱ་ཆེན་འབྱུང་གྱུར་མ།།
ཧ་མའི་སྐྱབས་འཇུག་སྨོན་ལམ་བཏབ་པའི་མཐུས་བྱིན་མ།།
ཨ་སྔོན་མཁའ་རྒྱུ་རྩ་གསུམ་ལྷ་ཚོགས་མཆོག་གསོལ་ལོ།།
དྲ་མིང་མེས་པོའི་ལྕེ་ཞེས་པ་ནས་ཁོ་བོའི་བུ་མོ་སྒྲོལ་མ་སྐྱིད་ཀྱི་མཐོ་རྒྱུགས་ལ་དད་པ་སྙིང་གི་རུས་པ་འཇུ་བའི་གསོལ་འདེབས། 2017ལོའི་ཟླ་4བའི་ཚེས་13ལ།