སྐྱོ་བྲག་དགའ་དབང་།
གནམ་ས་ཕྱེད་བགོས་ཀྱི་བདག་པོ་མོ་རིགས་ཡིན་པའི་ཕྱིར་ན་བུད་མེད་རྣམས་ཀྱང་འགྲོ་བ་མིའི་རིགས་ཀྱི་གྲུབ་ཆ་གལ་ཆེན་དང་། སྤྱི་ཚོགས་ཀྱི་གནས་ཚུལ་འཇལ་བའི་ཉ་ག་ཟབ་མོ་ཡིན་པ་སྟེ། བུད་མེད་ཀྱི་བྱམས་སྐྱོང་ལ་དཔགས་ཏེ་ཁྱོ་གའི་གཤིས་རྒྱུད་བཟང་ངན་ཤེས་ཤིང། བུད་མེད་ཀྱི་རྒྱན་གོས་ཉེར་སྤྱོད་ལ་དཔགས་ཏེ་སྤྱི་སྒེར་གྱི་དཔལ་འབྱོར་གནས་བབས་དང་། བུད་མེད་ཀྱི་ཐོབ་ཐང་ལ་དཔགས་ཏེ་སྤྱི་ཚོགས་ཀྱི་རང་དབང་གནས་བབས་དང་། བུད་མེད་ཀྱི་ཤེས་ཡོན་ལ་དཔགས་ཏེ་སྤྱི་ཚོགས་ཀྱི་ཤེས་ཡོན་གནས་བབས་ཤེས་ཀྱི་ཡོད། 
བུད་མེད་ལ་བལྟ་ཚུལ་གྱི་ཐད་ནས་རིག་གཞུང་ལེགས་ཉེས་ཀྱང་གང་འཚམས་ཤེས་ཐུབ་པ་སྟེ། དཔེར་ན། ཀླ་ཀློའི་ཆོས་ལུགས་དང་ནང་ཆོས་ཀྱིས་བུད་མེད་ལ་བལྟ་སྟངས་རྩ་བ་ནས་མི་འདྲ་ཞིང་། ནང་ཆོས་ནས་ཀྱང་འདུལ་བ་དང་བྱང་སེམས་གསང་སྔགས་རྣམས་ལས་བུད་མེད་ལ་བལྟ་ཚུལ་ཇེ་མཐོར་བཏང་བ་དང་། མཐར་བླ་མེད་ཀྱི་སྐབས་སུ་བུད་མེད་རྣམས་ཚད་བརྒལ་རང་བཞིན་དུ་བཞག་པ་དག་གིས་སྤྱི་ཡོངས་ཀྱི་གནས་ཚུལ་ཕལ་མོ་ཆེ་ཟུར་བལྟས་ལེབ་མཐོང་དུ་གྱུར་པ་ཡིན་ནོ།།
དེ་རིང་སྟབས་ལེགས་ནས་ལྡེ་མིག་འདྲ་ཞིག་བྲིས་ཡོད་ཀི
ཁ་བྱང་ཀློག་ན་ཐུར་བསྟན་མཇེ་དང་འདྲ།།
ཁ་མ་མེད་པ་ལྟ་བུའི་སྣང་བ་སྟེར།།
ཁ་ཡིག་ཁོག་རྩོམ་ཁ་ཁར་སོང་འདུག་པས།།
ཁ་མཁས་ཁོག་མི་མཁས་ལ་གསོལ་བ་འདེབས།།
བུད་མེད་ལ་བརྙས་བཅོས་ཀྱི་རྩོམ་རེད་འདུག་པ།