རླབས།
ལོ་ངོ་སྟོང་ཕྲག་དུ་མའི་རིང་ང་ཚོ་བོད་རིགས་དཀྱུས་མ་ཚོས་ཟས་ཀྱི་གཙོ་བོ་ཁྱེད་ཚོར་མཆོད་ཀྱང་ཁྱིམ་གྱི་བདེ་སར་ཁྱེད་ཚོ་བཞུགས་སུ་བཅུག ལོ་ངོ་སྟོང་ཕྲག་རིང་ང་ཚོས་བོད་རིགས་དཀྱུས་མ་ཚོས་ཁྱེད་ཚོ་ནི་མི་ཚེ་འདིའི་ཁ་རྗེ་དབང་ཐང་དང་རླུང་རྟ་ཚེ་བསོད་སོགས་ཀྱི་མགོན་སྐྱབས་ཡིན་པར་བསམ། ད་དུང་ཁྱེད་ཚོ་ནི་དགྲ་ནག་པོའི་སྔོན་ནས་གློག་ལྟར་མྱུར་ཞིང་མེ་ལྟར་ཚ་བའི་སྡོངས་གྲོགས་ཡིན་པར་བསམ་ལ། ཁྱེད་ཚོ་ནི་ཀི་གསུམ་བཏབས་ན་དཀྲིས་གསུམ་རྒྱག་མཁན་དང་མཆོད་གསུམ་འཕངས་ན་ལན་གསུམ་གཟིགས་མཁན་དེ་ཡིན་པར་ཡིད་ཆེས་བྱས། དེའི་ཕྱིར། ལོ་ངོ་སྟོང་ཕྲག་རིང་བོད་པ་དག་གིས་མི་མངོན་དབྱིངས་ཞིག་ན་རང་ཉིད་ལ་མགོན་སྐྱབས་དང་དཔུང་གཉེན་ཡ་མེད་ཅིག་ཡོད་པར་བསམ་མྱོང་ལ་རང་ཉིད་ལ་སུ་དང་གང་གིས་མི་ཐུབ་བའི་མཐུ་དང་སྡོངས་གྲོགས་དཔག་མེད་ཅིག་ཡོད་པར་འདོད་མྱོང་། སེམས་བྱུང་དེའི་དབང་གིས་བོད་མི་དག་གིས་རྐེད་ཀྱི་གྲི་རིང་ཕུད་ནས་ཁྱེད་ཀྱི་བརྩན་ཁང་དུ་བཀལ་ཞིང་རྒྱབ་ཀྱི་མེ་མདའ་ཕབས་ནས་ཁྱེད་ཀྱི་སྒོ་ཆེན་དུ་བཏགས་པ་མ་ཡིན་ནམ།
འོན་ཀྱང་། དེ་རིང་ཕྱི་དགྲ་བོས་རང་རེའི་ཕ་ས་བཙན་གྱིས་བཟུང་ཞིང་རང་རའི་ཕུ་ནུ་མིང་སྲིང་ཚོ་མེ་མདའི་ཁའི་རྩེད་མོ་རུ་གྱུར་དང་འགྱུར་བཞིན་པའི་གཉན་འཕྲང་གི་དུས་ཚོད་འདིར། ཁྱེད་ཅག་གིས་ཀྱང་ཕྱོགས་གང་ཞིག་ནས་རྟགས་དང་མཚན་མ་ལྟས་དང་ཆོ་འཕྲུལ་རེ་སྟོན་རྒྱུ་མིན་ནམ། དཔའ་རྒོད་ཚོ་རེ་རེ་བཞིན་དམར་བོ་མེ་རུ་མཆོང་བཞིན་འདུག་ལ་བོད་རིགས་མི་སེར་དཀྱུས་མ་ཚོའི་ཁྲོད་དུ་རྒྱ་དམག་གིས་ཐེ་ཚོམ་མེད་པར་མེ་མདའི་འཁོར་ལོ་སྐོར་བཞིན་འདུག བོད་རིགས་ལ་མཚོན་ན་དེ་རིང་ནི་ཁྱེད་ཀྱི་མཐུ་དང་ཆོ་འཕྲུལ་ཆེས་མཁོ་ཤོས་ཀྱི་ཉིན་མོ་དེ་ཡིན་ངེས་ལ། དེ་རིང་ནི་ཁྱེད་ཀྱི་དགྲ་བོའི་སྙིང་ཁྲག་ཧུབ་ཀྱིས་འཐུང་ཞིང་དགྲ་ཤ་ཞལ་ཏུ་བརྟབས་པའི་དུས་ཚོད་ཛ་དྲག་དེ་ཡང་ཡིན་ངེས།
ཕ་མེས་ཚོས་བཤད་ན། ཁྱེད་ནི་སད་དང་སེར་བ་ནད་དང་མུ་གེ་སོགས་ཡོད་ཚད་ལ་ཁ་ལོ་སྒྱུར་མཁན་དེ་ཡིན་པར་བཤད་ལ། ཁ་མེས་ཚོས་བཤད་ན། ཁྱེད་ཀྱི་གནས་རི་བསྔོག་ན་སད་དང་ཐོག་དམར་འཕེན་ཞིང་ཁྱེད་ཀྱི་ཆུ་འགོ་བྲུས་ན་མཛེ་དང་ཕོལ་མིག་གིས་མནར་རབས་ཟེར། ད་ལྟ་རི་བོ་ཡོད་ཚད་རྒྱ་ནག་གིས་བསྔོགས་ནས་ཁྱེད་ཀྱི་གཏེར་ཁ་གང་ཡོད་བོད་ཡུལ་ནས་འཁྱེར་བཞིན་ཡོད་ལ་ཁྱེད་ཀྱི་ཆུ་འགོ་ཡོད་ཚད་བྲུས་ནས་ཁོ་ཚོའི་དགོས་མཁོ་བཞིན་ས་གཞན་དང་གཞན་དུ་དྲངས་བཞིན་འདུག ད་དུང་། ཁྱེད་ལ་མཆོད་ཅིང་བསྟོད་ལ་རེ་ཞིང་སྐྱབས་མཁན་གྱི་བོད་མི་དཀྱུས་མ་དག་དམྱལ་བ་མི་ཡུལ་དུ་ལྷུང་བ་བཞིན་སྡུག་བསྔལ་མྱོང་བཞིན་ཡོད། ཁྱེད་ཅག་ད་དུང་གནས་གང་ཞིག་ཏུ་གཟིམས་ནས་བཞུགས་ཡོད། ཁྱེད་ཅག་ད་དུང་ས་གང་ཞིག་ཏུ་འཁྱམ་བཞིན་ལུས་ཡོད། དོན་ངོ་མར་ཁྱེད་ཅག་ནི་འཇིག་རྟེན་འདིའི་མྱུར་མགྱོགས་འཕྲིན་ལས་ནུས་པ་གསུམ་ལྡན་གྱི་སྡོངས་གྲོགས་བླ་ན་མེད་པ་དེ་ཡིན་ཟེར་བ་མིན་ནམ། དོན་ངོ་མར་ཁྱེད་ཅག་གང་དུ་ཡོད། ང་ཚོས་དེ་རིང་གདུང་ཤུགས་དྲག་པོས་ཁྱེད་ཅག་ལ་འབོད་བཞིན་ཡོད། དེ་རིང་ང་ཚོས་རེ་ལྟོས་ཆེན་པོས་ཁྱེད་ཅག་ལ་སྒུག་ནས་ཡོད།
བོད་མི་རེ་རེ་ངོས་ནས་མ་འཇོན་ན།།
བོད་དོན་གཞན་ལ་རེ་བ་ལས་ཀྱི་ཐ།།
འདི་ནི་རྒྱུན་སྲོལ་ཙམ་ལས་རེ་བ་བརྒྱབ་ན་ཕོངས་ཀི་རེད་དོ། དེ་ལས་རང་ཉིད་འགུལ་ན་ལས་དགའ།
གྲོགས་པོ་རླབས་ལགས། དེ་ནི་ཁྱེད་ཀྱི་རྣམ་རྟོག་གི་རླབས་ཕྲེང་ཙམ་དུ་ཟད་པས། དེ་ལས་གཉིས་བརྒྱད་ལྷག་དཀར་ཉིན་མོར་རྒྱ་ནག་གི་གཞུང་ཚབ་ཁ་ཤས་ཤིག་གི་རྒྱལ་སྒོ་གཏོར་ཐུབ་ན་མི་ལེགས་སམ།
བདེ་སྐྱིད་དང་བསྟན་ཆོས་ཀྱི་གླེང་མོལ།
བོད་ཀྱི་བུ།
“ཨོ་ཝེ། བསྟན་བདེ་སྐྱིད། long time no see. ག་དུས་སླེབས་པ་ཡིན”
“Monday ལ་སླེབས་པ་ཡིན”
“Baby ག་བ”
“Husband རྩ་ལ་བཞག་ཡོད”
“འོ་ན། ཚོང་ཁང་ལ་སུ་བསྡད་ཡོད”
“Husband བསྡད་ཡོད”
“Husband གིས་ཚོང་ཁང་དང་baby གཉིས་ཀ་གླགས་འཁེལ་གྱི་རེད་པས་”
“Monday ཚོང་ཁང་close རེད། Sunday ལ husband གི་ sister གིས་རོགས་པ་བྱེད་དགོས་ཟེར”
“Monday full day close རེད་པས”
“རེད”
“སྔོན་མ་ཁྱེད་ཚོས་Monday morning ཏོག་ཙམ་ close བྱས་ནས་ after lunch ནས་སྒོ་ཕྱེ་གི་འདུག་ག”
“དེང་སང་ rule དེ་ཡོད་མ་རེད”
“ཨ་ལེ། change ཆགས་པ་ཡིན་པ་རེད”
“འང་ཨང་། བསྟན་ཆོས་རང་དེང་སང་slim ཞེ་བོ་ཞིག་ཆགས་འདུག་ག Dieting མང་པོ་བྱེད་ཀྱི་ཡོད་ས་རེད་ད”
“ག་བ་ག་བ། full day, continue ཅིག་ཟ་ཟ་བསྡད་ཡོད”
“གང་ཤེས། ཡང་ darling ཞིག་འགུག་དགོས་བསམ་གྱི་ཡོད་མ་རེད་པ”
“ག་བ་ག་བ། ད་སྨོ་ཆགས་ནས་ tension ཐོལ་བ་ལེན་ནས་ག་རེ་བྱེད་དགོས་རེད”
“ཧ་ཧ་ཧ་ཧ་་་་་་
རང་ office རང་འཇགས་ཡིན་པ”
“Yes”
“གཞན་པ་དེང་སང་ News ག་རེ་འདུག”
“Miss Tibet སྐོར་མ་གཏོགས་གེ་མི་འདུག”
“གཞན་པ་ function འདྲ་མི་འདུག་གས”
“TIPA ལ་ concert འདྲ་ཚུགས་ཀྱི་འདུག”
“Dance party འདྲ་ཡོད་མ་རེད་པས”
“གང་ཤེས། ཚེས་བཟང་དུས་བཟང་ལ་ night ཡོད་རེད་ལབ་ཀྱི་འདུག”
“ཡ་ཡ།
རང་ lunch ཟ་མེད་པ། ང་གཉིས་ lunch ཞིག་ཟ་ག་འགྲོ་གས”
“རེད། Restaurant ག་བར་འགྲོ་ག”
“Hotel Tibet ལ་འགྲོ་གས”
“ཨོ་རེད། lets go”
“་་་་་་་་་་་་་་་་་་་”
“Table སྟོང་པ་འདུག་གས”
“ཕ་ཀིའི་ corner ལ་གཅིག་འདུག”
“ཡ་ འགྲོ་གདའ”
“་་་་་་་་་་་་ ”
“Menu ཁྱེར་ཡོང་ཡག་མི་འདུག་ག”
“ཏོག་ཙམ་སྒུགས་དང་ཡོང་གི་རེད། རང་ལ་ time ཡོད་པཱ”
“ཡོད་ཡོད། དེ་རིང་ང་ off ཡིན”
“བྱས་ན་འགྲིག་འདུག་གཱ དེ་ནས་བསྟན་བདེ་སྐྱིད་རང་གི་ ex B.F. ཡོད་པཱ། ཁོ་དང་ཚེ་སྒྲོལ་མ་གཉིས་འཁྲུགས་འདུག་གཱ”
“ཨ་མ་་་་། ཤི་སོང་། ཚེ་སྒྲོལ་མ་ནི་ཀྲབ་ཀྲབ་(སྲབ་སྲབ་)ཅིག་ལས་མེད་པཱ། ཁོ་ནི་འཇིགས་ཏེ་ཚ་བོ་ཞིག་ཡོད་རེད། ཁོང་གཉིས་ཁྱོན་ནས་ match བྱེད་ཀྱི་མ་རེད། ཧ་ཧ་ཧ། ཁོང་གཉིས་ག་འདྲས་ཁ་ཐུག་པ་ཡིན་ན”
“ཧ་མ་སོང་གདའ། རྟག་པར་མཉམ་དུ་འགྲོ་ཡི་འདུག ཕལ་ཆེར་མོ་ pregnant ཡིན་པ་འདྲ་བོ་འདུག”
“ཨ་་་་། མགྱོགས་པ་ལ། ཡིད་བཞིན། super fast ཡིན་རྒྱུ་ཨེ་འདྲས། ཧ་ཧ་ཧ་་”
“ཁྱོད་རང་གཉིས་ག་རེ་བྱས་ནས་ break ཆགས་པ་རེད།”
“དེ་ལ་ story རིང་པོ་ཞིག་ཡོད་རེད། ཀས”
“ག་རེ་རེད། ལབ་གདའ”
“Last summer ལ་ང་གཉིས་གུང་གསེང་ཁོ་རང་གི་ནང་། ལ་དྭགས་ཟངས་དཀར་ལ་ཕྱིན་པ་ཡིན། ཡིད་བཞིན། གནམ་གཤིས་གྲང་ང་ཅིག་འདུག ལམ་ཁ་ནི་སྡུག་ག་ཅིག་འདུག ཡིན་ན་ཡང་ལམ་ཁ་ཕར་རྒྱགས་ཙི་ཡོད་ན་འགྲིག་གི་འདུག་གཱ། དེ་ཡང་ཀྲབ་(སྲབ་)བ་ཅིག་འདུག Bus ནང་ལ་ shake བྱས་བྱས་ནས་གྲོད་ཁོག་ནང་གི་བཅའ་ལག་ཚང་མ་ཡང་དཀྲུག་དཀྲུག་བཏང་སོང་། མོ། Last དེ་ལ་ཁོ་ཚོའི་ནང་ལ་སླེབས་སོང་གདའ། ག་འདྲས་འདུག་ལབ་དགོས་བས། ཁོ་རང་གི་ family སྡོད་ས་ནི་གཡག་གི་སྐྲ་ཡིས་བཟོས་པའི་གུར་ཅིག་རེད་འདུག་ར། Gas དང་གློག phone ཟེར་ཡག་དེ་ཚོ་ད་མཐོང་ཡག་ཁོ་རང་མི་འདུག ཁ་ལག་ནི་གཡག་གི་བཙོག་པ་མེ་བཏང་ནས་བཟོ་ཡི་འདུག་ར། ཇ་དང་ཁ་ལག་ཚང་མར་མེ་ཡི་དྲི་མ་ཁ་ནས་ཟ་ཐུབ་ཡག་ཁོ་རང་མི་འདུག ད་དུང་ཉིན་གུང་ནི་ཉི་མ་ heat ཚ་ཞིག་འདུག Direct གདོང་པ་ལ་ཤར་ཡོང་གི་འདུག sun’s cream ད་ use བྱས་མ་བྱས་མི་འདུག མི་དེ་ཚོ་ནི་གདོང་པ་ brown brown ཚེ་སྔོན་མའི་མི་འདྲ་བོ་རྐྱང་རྐྱང་འདུག Toilet དང་ bathroom ཟེར་བ་དེ་ཚོ་ད་རྨི་ལམ་ལ་ཡང་བཏང་མྱོང་མེད་པ་འདྲ་བོ་འདུག གལ་སྲིད་གྲོད་ཁོག་ན་ནས་ emergency ཆགས་ན་ད་མྱངས་འདུག་འོ། ད་དུང་ཁྱི་དེ་ཚོ་ནི་དེ་ག་ཞིག་སྐད་བརྒྱབ་ནས་ attack བྱེད་ཀི་ཡོང་གི་འདུག ཡ་ཡོད་ཞེད་སྣང་ཚ་བོ། ང་ནི་ཧབ་དྷ་གཅིག་ལ་བསྡད་པ་དེ་ཡང་ཉོབ་ནས་སྨྱོ་སོང་། ཨ་མ་མ་་་་ ལ་དྭགས་ད་ནཧེ་ལབ་ཡག་རེད་གཤའ། ཡ་ཡོད་ boring. Life ཁོ་རང་མི་འདུག་འོ།
བྱས་ཙང་ངས་ཁོ་ལ་ཁྱེད་ཚའི་ས་ཆ་འདི་སེམས་ཅན་སྡོད་ས་ཡིན་ན་མ་གཏོགས་མི་སྡོད་ས་ཞིག་ད་མ་རེད། ང་ནི་འདི་ནས་འདུག་དགོས་ན། ཡིད་བཞིན། ད་ལྟ་རང་ལྡི་མག་ཁ་རབ་ཆགས་ས་རེད་ལབ་པ་ཡིན། བྱས་ཙང་། ཁོ་རླུང་ལངས་ནས་ང་ལ། “ཁྱོས་རྫིག་མདོག་མ་བྱེད། ཁྱོད་ཚོའི་གཞིས་ཆགས་ན་ཡང་གེ་མེད་པཱ། བུ་དེ་ཚོ་ནི་སློབ་གྲྭ་ཁོངས་མ་འཁྱོལ་མཁན་སྦང་རྐྱལ་རྐྱང་ཡིན་པཱ། ད་དུང་བུ་མོ་དེ་ཚོ་ནི་དཔེ་ཤག་ཡོད་ན་སྤོ་དང་སྐུ་ཞོགས་ཡིན་ཡང་རྐུབ་ལ་རྒྱུགས་འགྲོ་མཁན་རྐྱང་ཡིན་པཱ” ལབ་སོང་། དེ་ནས་ང་གཉིས་འཁྲུག་པ་ཞེད་སྣང་ཚ་བོ་དཔེ་ཤོར་སོང་།
མར་ཡོང་དུས། ཀླས་ནས་ངས་གནམ་གྲུའི་ticket བཏོག་ནས་འགྲོ་ཡི་ཡིན་ལབ་ཡིན། ཁོ་རང་ road ནས་འགྲོ་ཡིན་ལབ་སོང་། དེ་ནས་མར་སླེབས་ནས་ཚུར་ཞེ་དྲག་ care བྱེད་ཀྱི་མི་འདུག ངས་ཡས་ཡ་མེད་བཏང་ཡིན། མ་གཞི་ནས་ཁོ་ jealous ཚ་བོ་དཔེ་ཡོད་རེད། བུ་ཞིག་ལ་ hi འདྲ་བོ་ལབ་ན་ཡང་ལམ་སེང་གདོང་པ་ change ཆགས་ཀྱི་རེད།”
“ཨ་ལེ། ང་ནི་ཁོ་ཡག་དྲགས་པའི་སྐྱོན་འདུག་བསམ་སོང་། མ་གཞི་ནས་ life དེ་འདྲ་རེད་བ། ང་ཡང་ཨེ་འདྲས་སོ་སོའི་ class teacher མཉམ་དུ་ཆགས་འགྲོ་སུས་བསམ་གི་རེད།”
གླེང་མོལ་སྐྱིད་པོ་འདི་ཁ་སང་ཁ་བརྡའི་ནང་བཀོད་སོང་ང་། དེ་མ་ཟད་ཉིན་འགའི་སྔོན་ཆང་ས་དྲ་བའི་ནང་ལའང་བཀོད་ཡོད་པ་རེད།