གཞུང་པ་ཚེ་དབང་བསོད་ནམས།
འཇིག་རྟེན་གྱི་ས་གཞི་འདི་ཆགས་པ་ནས་མི་གི་འགྲོ་བ་འཕེལ་བའི་བརྒྱུད་རིམ་ལ་ཕྱི་མིག་བལྟ་སྐབས་བོད་ས་མཐོ་གངས་རིའི་ཁྱག་རོམ་ཁྲོད་དུ་མི་གི་འགྲོ་བ་འཕེལ་བའི་ལོ་རྒྱུས་ནས་གདོན་མའི་སྤྱི་ཚོགས་ནས་ཡར་རྒྱས་ལ་ཁ་ཕྱོགས་ནས་མི་རིགས་མཉམ་འདུས་ཀྱིས་ལམ་ལུགས་དར་ནས་མི་མང་གི་ནང་ནས་མི་རིག་པ་གསལ་བ་དང་། སྤྱང་གྲུང་འཛོམས་པ། ཡོན་ཏན་ཆེ་བ། མི་མང་གི་འགོ་ཁྲིད་ལ་བསྐོས་པའི་ལམ་ལུགས་ནས་བོད་ཀྱི་རྒྱལ་པོ་གཉའ་ཁྲི་བཙན་པོ་ནས་བཟུང་རྒྱལ་པོ་གླང་དར་མ་འམ་འུ་དུམ་བཙན་པོ་བར་བོད་ཀྱི་མངའ་དབང་དེ་འཛམ་གླིང་གསུམ་ཆ་གཉིས་ལ་གྲགས་པའི་ལོ་རྒྱུས་ཡོད་ན་ཡང་རྒྱལ་པོ་གླང་དར་ནས་བོད་སྤྱི་ལ་དབང་བའི་རྒྱལ་པོའི་རིང་ལུགས་ཆད་པ་ནས་ལུང་ཆུང་རེ་ལ་དཔོན་ཆུང་རེ་བྱས་ནས་མི་ལོ་བཞི་བརྒྱ་ཙམ་བོད་སིལ་བུའི་དུས་རབས་ནས་ཆོས་ལུགས་མི་སྣས་ཆོས་ཡོན་གྱི་སྒོ་སྐབས་བརྒྱུད་ནས་ཆབ་སྲིད་ལ་ལག་པ་འཆང་ནས་བོད་སིལ་བུའི་དུས་རབས་རྫོགས་ནས་བོད་ཀྱི་ཆོས་སྲིད་ཟུང་འབྲེལ་ཟེར་བའི་ཐ་སྙད་དེ་དར་ནས་ཆོས་ལུགས་མི་སྣས་རིམ་གྱིས་བོད་ཀྱིས་སྲིད་དབང་ལ་ཁ་ལོ་བསྒྱུར་ནས་ཆོས་སྲིད་ཟུང་འབྲེལ་གྱིས་ལམ་ལུགས་དེ་སྤྱི་ལོ་ ༡༢༥༣ ནས་འགོ་བཙུགས་ནས་སྤྱི་ལོ་ ༡༩༦༠ བར་ཆོས་དང་སྲིད་ཟུང་དུ་འབྲེལ་ནས་བོད་ཀྱིས་ཆབ་སྲིད་ལ་འཕོ་འགྱུར་ཡོ་ལངས་མང་པོ་བྱུང་ཡོད་ལ་བོད་སིལ་བུའི་དུས་རབས་རྫོགས་ནས་བོད་ཀྱིས་ཆོས་ལུགས་མི་སྣས་ཕྱི་མིའི་དཔུང་རོགས་ལ་སྐྱབས་བཅོལ་ནས་བླ་སློབ་བམ་ཆོས་ཡོན་སྦྱིན་བདག་ལ་འགོ་འདྲེན་ཞུས་ནས་བོད་ཀྱི་ཆོས་སྲིད་ཟུང་འབྲེལ་གྱིས་ལམ་ལུགས་གསར་གཏོད་གནང་ནས་སྤྱི་ལོ་ ༡༢༥༣ ནས་ ༡༣༥༨ བར་ལོ་ ༡༠༥ ས་སྐྱས་སྲིད་བསྐྱངས་པ་དང་། ༡༣༥༨ ནས་ ༡༤༩༨ བར་ཕག་གྲུའི་ལོ་ ༡༤༠ སྲིད་བསྐྱངས་པ་དང་། ༡༤༩༨ ནས་ ༡༥༦༦ བར་རིན་སྤུངས་པས་ལོ་ ༦༨ སྲིད་བསྐྱངས་པ་དང་། ༡༥༦༦ ནས་ ༡༦༤༢ བར་སྡེ་པ་གཙང་པས་ལོ་ ༧༦ སྲིད་བསྐྱངས་པ་དང་། ༡༦༤༢ ནས་ ༡༩༦༠ བར་དགའ་ལྡན་ཕོ་བྲང་ནས་ལོ་ ༣༢༢ སྲིད་བསྐྱངས་པ་ནས་བོད་ཀྱིས་ཆོས་སྲིད་ཟུང་འབྲེལ་གྱི་དུས་རབས་དེ་སྤྱི་ལོ་ ༡༢༥༣ ནས་སྤྱི་ལོ་ ༡༩༦༠ བར་ལོ་ ༧༠༧ རིང་གོང་གི་ཆོས་ལུགས་སྡེ་ཚན་ལྔའི་མི་སྣ་ནས་བོད་ཀྱིས་ཆབ་སྲིད་བསྐྱངས་པའི་དུས་རབས་ལ་ཆོས་སྲིད་ཟུང་འབྲེལ་ཟེར་བའི་ཐ་སྙད་དེ་ནས་དར་བ་དང་། རྒྱལ་པོ་གླང་དར་མས་སངས་རྒྱས་ཀྱིས་བསྟན་པ་བསྣུབ་པ་ཙམ་མ་ཡིན་པར་བོད་ཀྱི་རྒྱལ་པོའི་རིང་ལུགས་ལ་འཇུག་བསྡོམས་རྒྱབ་ནས་བོད་སྤྱི་ལ་དབང་བའི་རྒྱལ་པོའི་དུས་རབས་འཇུག་བསྡུས་ནས་བོད་སིལ་བུའི་དུས་རབས་ནས་ཆོས་ལུགས་མི་སྣས་ཆོས་སྲིད་ཟུང་འབྲེལ་གྱི་ལམ་ལུགས་ལ་སྒོ་སྐབས་བླངས་པ་ནས་ཆོས་སྲིད་ཟུང་འབྲེལ་གྱིས་དུས་རབས་དེ་ཡང་སྤྱི་ལོ་ ༡༩༦༠ ནས་འཇུག་བསྡུས་ནས་མི་མང་མང་གཙོའི་ལམ་ལུགས་ལ་ཁ་ཕྱོགས་ནས་མི་ལོ་དྲུག་ཅུ་རེ་བཞི་འགྲོ་བཞིན་པའི་སྐབས་འདིར་སྤྱི་ལོ་ ༢༠༢༠ ལོར་སྤྱི་འཐུས་སྐབས་བཅུ་དྲུག་གིས་ཁྲིམས་འགལ་གྱིས་གྲོས་ཆོད་ཡིག་ཆ་ཨང་ ༣༩ ཟེར་བ་དེའི་ཤུགས་རྐྱེན་འོག་ནས་ཆེས་མཐོའི་ཁྲིམས་ཞིབ་ཁང་ནང་ཁྲིམས་ཞིབ་པ་གཅིག་ལས་མེད་པ་དང་། བཀའ་བློན་ཆ་ཚང་བ་བསྐོ་མ་ཐུབ་པ། སྤྱི་འཐུས་སྐབས་བཅུ་བདུན་གྱི་གྲོས་ཚོགས་ཚོགས་དུས་དྲུག་པའི་ལས་རིམ་འཇུག་སྐྱོངས་མ་ཐུབ་པ་འདི་དག་ལ་བསམ་ཞིབ་བྱ་སྐབས་བཙན་བྱོལ་བོད་མིའི་མང་ཙོའི་སྒྲིག་འཛུགས་འདི་ཡང་མ་འོངས་ཁ་ཕྱོགས་སམ་ལམ་ལུགས་ག་འདྲ་ཞིག་ཏུ་འཁྲིད་རྒྱུའི་འཆར་གཞི་ཡོད་ད་ལྟའི་ཁྲིམས་བཟོ་སྤྱི་འཐུས་གྲོས་ཚོགས་ཀྱིས་འཐུས་མི་ཚོའི་ཕྱག་ལས་གནང་སྟངས་ལ་བལྟས་ཚེ་བ་མོ་དེ་ཉལ་སྟངས་ལ་ལྟས་ན་བེའུ་སྐེ་ཀྱོག་ཞིག་ཡིན་པ་ཐག་ཆོད་ཟེར་བའི་དཔེ་ལྟར་བསམ་ཡོད་བློ་ལྡན་རྒྱ་ཆེ་མང་ཚོགས་ནས་སྤྱི་འཐུས་གྲོས་ཚོགས་ཀྱིས་བཅའ་སྒྲིག་ལ་འགན་འཁུར་སྟངས་ལ་ཐུགས་སྣང་དང་འགན་འཁུར་ཆེ་ཙམ་བཞེས་དགོས་པ་དེ་བཅའ་ཁྲིམས་དོན་ཚན་བཅུ་གསུམ་ནང་གསལ་བའི་བོད་ཀྱི་ཡུལ་མིའི་ལས་འགན་ཞིག་མ་རེད་དམ།