གནས་ཚུལ་མཁོ་གཏོང་བ་རྨོག་རུ་བསྟན་པ།
བོད་ཀྱི་གསོ་རིག་བང་ཆེན་གསར་ཤོག་གི་རྩོམ་སྒྲིག་པ་བུ་མོ་སྒྲོལ་དཀར་ནི་ར་ཤི་ཡའི་ཁོངས་གཏོགས་ཨོ་ལན་བོ་རྡེ་ནས་ཡིན་པ་དང་།ས་གནས་ཀྱི་སློབ་གྲྭ་ཆུང་འབྲིང་བརྒྱུད་མཐོ་རིམ་སློབ་གྲྭ་ཐོན་རྗེས་ཚོང་གཉེར་ལས་རིགས་སུ་ཞུགས།དགུང་གྲངས་དགུ་བཅུར་སོན་པའི་ཁོ་མོའི་སྤོ་པོ་ནི་༸གོང་ས་བཅུ་གསུམ་པའི་མཚན་ཞབས་ངག་དབང་རྡོ་རྗེ་ཡབ་སོགས་དང་འབྲེལ་འདྲིས་ཆེ་བའི་མི་ཞིག་ཡིན་པ་དང་།ཁོ་མོའི་ཨ་མ་ནི་བུད་མེད་རྩོམ་པ་པོ་ཞིག་རེད།
སྤོ་པོ་སོགས་ཀྱིས་བུ་མོ་སྒྲོལ་དཀར་ལགས་སུ་བོད་ཀྱི་གནས་བབ་སྐོར་ལ་བག་ཆགས་ཆེན་པོ་བཞག་མྱོང་ཡོད་པ་མ་ཟད།ཨ་མའི་ཤུགས་རྐྱེན་གྱིས་ཁོ་མོ་རྩོམ་རིག་ལ་དགའ་བའི་གཤིས་ཀའང་ཡོད།ཕྱི་ལོ་༢༠༠༩་ལོ་ནས་ཁོ་མོས་བོད་ཀྱི་གསོ་རིག་བང་ཆེན་ཞེས་པའི་ཟླ་རེའི་གསར་ཤོག་ཅིག་འདོན་སྤེན་བྱེད་ཀྱིན་ཡོད་པ་རེད།
དྲི་བ། ཁྱེད་ཀྱིས་བོད་པ་ངོ་ཤེས་པའི་བརྒྱུད་རིམ་བཤད་རོགས།
ལན།ང་ཚོའི་ལུང་པའི་ནང་བོད་པ་ཟེར་དུས་མི་རིགས་ཀྱི་ལོ་རྒྱུས་ཐོག་ནས་འབྲེལ་བ་ཡོད་པ་མ་ཟད།ཆོས་ལུགས་དང་གསོ་རིག་སོགས་ཀྱིས་བག་ཆགས་གཏིང་ཟབ་མོ་ཐེབས་ཡོད་པ་རེད།ང་རང་ཆུང་ཆུང་སྐབས་སུའང་སྤོ་པོ་དང་ནང་མིའི་ཁ་བརྡ་མང་པོ་ནས་བོད་ཀྱི་གནས་ཚུལ་གོ་མྱོང་།
ཕྱི་ལོ་༢༠༠༨ལོར་དངོས་སུ་བོད་པའི་མི་དང་ཐུག་སོང་།སྐད་ཆ་བཤད་པ་དང་།འབྲེལ་བ་བྱེད་རྒྱུ་སོགས་ཁོ་ཚོའི་གཤིས་ཀ་ནི་སྟབས་བདེ་ཅན་ཞིག་ཡིན་པ་ཚོར་སོང་།དེ་ནས་བཟུང་ང་རང་བོད་པ་ཁག་ཅིག་དང་གྲོགས་པོ་ཡང་ཆགས་སོང་།ཁོ་ཚོ་ལས་ངའི་མི་ཚེ་ལ་ཤུགས་རྐྱེན་དང་།དོ་སྣང་།ཁ་ཕྱོགས་གསར་པ་ཞིག་ཀྱང་སྤྲད་སོང་།
དྲི་བ།ཁྱེད་རང་གིས་བོད་ཀྱི་གསོ་རིག་བང་ཆེན་གསར་ཤོག་འདོན་དགོས་པའི་དམིགས་ཡུལ་གང་ཡིན་ནམ།
ལན། ང་ཚོའི་ལུང་པའི་ནང་གསར་ཤོག་དང་། དུས་དེབ་མང་པོ་རེད། ཆབ་སྲིད་དང་། སློབ་གསོ།འཕྲོད་བསྟེན་སོགས་བརྗོད་བྱའང་སྣ་ཚོགས་རེད།ང་ཚོའི་ཁོར་ཡུག་ནང་བོད་ཀྱི་ནང་ཆོས་དང་།གསོ་རིག་སོགས་ལ་དོ་སྣང་ཡོད་པ་ལས་དྲིལ་བསྒྲགས་ཀྱི་བརྒྱུད་ལམ་གང་ཡང་མཐོང་རྒྱུ་མི་འདུག་་དེའི་ཕྱིར།མེད་པ་ཞིག་ཡོད་པ་བཟོ་དགོས་པ་གལ་ཆེན་པོ་རེད།ལྷག་པར་ནང་པའི་ཆོས་ལུགས་དང་།བོད་ཀྱི་གསོ་རིག་སོགས་མི་མང་དང་ཁ་ཐག་ཉེ་བའི་རིག་གཞུང་བཟང་པོ་ཞིག་ཀྱང་རེད།དེའི་ཕྱིར།བོད་ཀྱི་གསོ་རིག་བང་ཆེན་གསར་ཤོག་འདོན་རྒྱུར་སེམས་ཤུགས་བསྐྱེད་པ་ཡིན།
དྲི་བ།བོད་ཀྱི་ནང་ཆོས་དང་གསོ་རིག་སོགས་ཁྱེད་ལ་མཚོན་ན་ཤེས་བྱ་གསར་པ་ཞིག་རེད། དེས་ན་གསར་ཤོག་འདོན་སྤེལ་ལ་དཀའ་ངལ་འཕྲལ་གྱིན་འདུག་གམ།
ལན། དཀའ་ངལ་དེ་ཙམ་འཕྲལ་གྱིན་མི་འདུག བོད་ཀྱི་ནང་ཆོས་དང་། ལོ་རྒྱུས། གསོ་རིག་་༸གོང་ས་ཏཱ་ལའི་བླ་མ་མཆོག་གི་བཀའ་སློབ་སོགས་ར་ཤི་ཡའི་སྐད་ཡིག་སྟེང་མང་པོ་ཡོད་པ་རེད།ལྷག་པར་དུ་དེང་སང་དྲ་རྒྱའི་བརྒྱུད་ལམ་ནས་ཕབ་ལེན་བྱེད་རྒྱུ་སྟབས་བདེ་བོ་རེད། སྐབས་རེར་གནད་དོན་མ་ཤེས་པ་དང་མ་གོ་བ་ཡོང་གིན་འདུག དེ་ཚོ་ང་ཚོའི་ས་གནས་འདིར་ཡོད་པའི་བོད་པའི་སྨན་པ་བྷག་ཞུ་སྐལ་བཟང་དང་། བླ་མ་རྡོ་རྗེ་སོགས་ལ་འདྲི་གིན་ཡོད།ཁོ་ཚོའི་སློབ་སྟོན་དང་།བློ་སྒོ་ཡངས་བའི་སྤྱོད་ཚུལ་གྱིས་ང་ལ་རམ་འདེགས་ཆེན་པོ་བྱེད་ཀྱིན་ཡོད།
དྲི་བ། བོད་ཀྱི་གསོ་རིག་བང་ཆེན་ཐད་རེ་བ་གང་འདྲ་བཟུང་ཡོད་དམ།
ལན།འདིའི་ཐད་རེ་བ་དང་དམིགས་ཡུལ་ཆེན་པོ་ཡོད།བོད་ཀྱི་གསོ་རིག་གི་ནུས་ཤུགས་ནི་བླ་ན་མེད་པ་ཞིག་རེད།ཉམ་ཐག་གི་མི་སྡེ་སྤྱི་ཚོགས་ཤིག་གི་ལུས་སེམས་གསོ་བྱེད་རེད།དེའི་ཆེད་དུ་ལས་ཀ་བྱས་པ་འདིའི་ང་རང་གིས་ཀྱང་བསོད་ནམས་ཆེན་པོ་ཞིག་བསགས་ཀྱིན་ཡོད་པའི་དགའ་བ་ཡོད། གཉིས་པ་ནི་སྤྱི་ཚོགས་ཟིང་ཟིང་གི་དུས་ཚོད་འདིར་མི་ཚང་མའི་བཟང་སྤྱོད་ཉམས་རྒུད་དུ་འགྲོ་བཞིན་ཡོད་པ་རེད།འཛམ་གླིང་ན་མིག་དཔེ་ལྟ་ཡུལ་གྱི་སྐྱེས་ཆེན་དམ་པ་༸གོང་ས་སྐྱབས་མགོན་ཆེན་པོའི་བཀའ་སློབ་ལམ་སྟོན་བརྒྱུད་མིའི་ཀུན་སྤྱོད་ལ་བདག་གཅེས་དང་།འགྱུར་བ་གཏོང་ཐུབ་པའི་རེ་བ་ཡོད་པ་རེད།
ལྷག་པར་ངའི་ལུང་པའི་ནང་བོད་ཀྱི་ནང་བསྟན་རིག་གཞུང་རྒྱ་ཁྱབ་ཏུ་དར་མྱོང་ཡོད་པ་དེ་དེང་སང་ཉམས་རྒུད་ཀྱི་དུས་ཚོད་རེད།གསར་ཤོག་གི་བརྒྱུད་ལམ་འདི་ལ་བརྟེན་ཏེ་གནའ་བོའི་བོད་ཀྱི་ཁྱད་འཕགས་རང་བཞིན་གྱི་རིག་གཞུང་འདི་ཉིད་གཞོན་སྐྱེས་ཚོས་དོ་སྣང་དང་ཤེས་པ་བྱེད་ཐུབ་རྒྱུའི་དམིགས་ཡུལ་ཡོད་པ་མ་ཟད།ང་རང་གིས་ཀྱང་བོད་དང་བོད་ཀྱི་རིག་གཞུང་ལ་འབྲེལ་འདྲིས་མང་ཙམ་བྱེད་རྒྱུའི་གོ་སྐབས་བཟང་པོ་ཞིག་ཡིན་པས་དགའ་བ་སྒོམ་བཞིན་ཡོད།མ་ཟད་ད་ལྟའི་བོད་ཀྱི་ལོ་རྒྱུས་ཀྱི་སྐྱོ་གར་ལ་ང་ཚོས་གདུང་སེམས་མཉམ་བསྐྱེད་ཞུས་པའི་སེམས་པའི་མཚོན་དོད་ཙམ་ཞིག་ཀྱང་ཡིན།
དྲི་བ།ཁྱེད་ཀྱི་གསར་ཤོག་གི་དུས་ཡུན་དང་བརྗོད་བྱ་ག་རེ་ཡིན་ནམ།
ལན།གསར་ཤོག་འདོན་སྤེལ་གྱི་ལས་ཀ་མགོ་བཙུགས་ཏེ་ལོ་གཅིག་མ་ཟིན་ཙམ་འགྲོ་བཞིན་ཡོད།ཟླ་རེའི་མཚམས་སུ་གསར་ཤོག་འགྲེམས་སྤེལ་བྱེད་ཀྱིན་ཡོད།གསར་ཤོག་འདོན་སྤེལ་བྱས་པ་དང་གཞུང་གི་གསར་ཤོག་སྡེ་ཚན་གྱིས་འགྲེམས་སྤེལ་བྱས་འགྲོ་གིན་རེད།ད་ཆར་གསར་ཤོག་འཚོང་ཡུལ་ཉིས་བརྒྱ་ལྷག་ཅིག་ཏུ་ཁྱབ་སྤེལ་ཐུབ་ཡོད།མུ་མཐུད་ཚགས་ཚུད་དུ་གཏོང་བ་དང་།དུས་ཡུན་ཐུང་དུ་གཏོང་བ་སོགས་ཡར་རྒྱས་ལ་མཐའ་མེད་པ་རེད།བརྗོད་བྱ་དང་ཁ་ཕྱོགས་གསར་པ་ལྟ་བུར་སོང་ཀློག་པ་པོ་མང་པོས་དགའ་བོ་བྱེད་ཀྱིན་འདུག་་བརྗོད་བྱ་གཙོ་བོ་ནི་བོད་ཀྱི་གསོ་རིག་དང་།འཕྲོད་བསྟེན་སྐོར་ཡིན།དེ་དང་ཆབས་ཅིག་ནང་ཆོས་རིག་གནས་དང་།༸གོང་ས་ཏཱ་ལའི་བླ་མ་མཆོག་གི་བཀའ་སློབ་གཙོས་སྤྱི་ཚོགས་སློབ་གསོ་སྐོར་ཡིན།བོད་ཀྱི་ལོ་རྒྱུས་དང་ས་ཁོངས་།མི་རིགས་སྐོར་སོགས་ཀྱང་ཡོད།སྤྱི་ཚོགས་ཀྱི་ལྟ་ཀློག་ཡོང་བའི་ཕྱིར་ཁྱད་མཚར་རང་བཞིན་དང་།ངོ་མཚར་རང་བཞིན་ལྡན་པའི་གནས་ཚུལ་ཡང་འགོད་ཀྱིན་ཡོད། བཀྲ་ཤིས་བདེ་ལེགས།
བོད་ཀྱི་གསོ་རིག་དང་ནང་ཆོས་ཀྱི་སླད་བླ་ན་མེད་པའི་ཞབས་འདེབས་ཞུས་པར་བཀའ་དྲིན་ཆེ།
བུ་མོ་འདི་གསེར་ཟངས་ཀྱིས་གཞེངས་བའི་སྐུ་འདྲ་ཞིག་དང་འདྲ།ངོ་མ་བསོད་ནམས་ཆེན་པོ་ཡོད་ས་རེད།
བཀྲ་ཤིས་བདེ་ལེགས་ཡོད།
བོད་ཀྱི་གསར་སྐྱེས་གཞོན་ནུའི་ཚོགས་ལ་འགྲན་སེམས་ཀྱི་མེ་ལྕེ་ཞིག་སྤར་བ་རེད། སྲོལ་རྒྱུན་གྱི་རིག་གནས་ལ་བློ་ཁ་མ་རྫོགས་པའི་དེང་དུས་ཀྱི་རིག་གནས་སྨྲ་བའི་གཞོན་ནུར་སྲོལ་རྒྱུན་རིག་གནས་ཀྱི་ཕན་རླབས་དང་གལ་ཆེའི་རང་བཞིན་གསལ་བའི་སྒྲོན་མེ་ཆུང་ཆུང་ཞིག་བསྟེགས་པ་རེད། དེར་བརྟེན་དེང་སྲོལ་གཉིས་ཀྱི་རིག་གནས་སློབ་གསོའི་ཚར་ལོངས་བྱུང་བའི་འཚོ་བྱེད་ཀྱི་མིང་འཛིན་པས།
བོད་ཀྱི་གསོ་རིག་བང་ཆེན་གྱི་རྩོམ་སྒྲིག་པ་སྒྲོལ་དཀར་ལགས་ལ་ཐུགས་རྗེ་ཆེ་ཞུ།
སྐུ་ཤ་རྒྱས་ཤིང་སྐུ་གཟུགས་དར།།
ལྷུན་ཆགས་བུ་མོའི་ཉམས་དང་ལྡན།།
བཟང་པོའི་ལས་སུ་སེམས་སུ་ཆེ།།
ཨ་ཅེ་སྒྲོལ་དཀར་ཕྱག་འཚལ་ལོ།།
ཆོས་དང་རིག་གཞུང་ལ་སོགས་པའི།།
ལོ་རྒྱུས་འབྲེལ་ལམ་ཆུ་བོ་རིང་།།
ཁྱེད་ཀྱིས་ཕྱི་རབས་གཞོན་སྐྱེས་ལ།།
མིག་དཔེ་བསྟན་པར་ངོ་སོ་བསྟོད།།
སྐྱེས་དམན་དེ་ལས་རིགས་བཟང་གི། འོན་ཀྱང་རྨོག་རུ་བསྟན་པའི་ཆེད་དུ་བྱ་བའི་འདུལ་བྱ་མིན་པར་སྨོན། ད་ལྟར་དམར་དམར་གྱོན་མཁན་མགོ་རིལ་དེ་ཕྱིས་སུ་ནག་ནག་སྐྲ་ལོ་ཅན་པ་ཞིག་དང་ད་ལྟ་བུ་མོ་འདིར་ཆོས་བཤད་མཁན་མི་ཡོང་བའི་ངེས་པ་ཨེ་ཡོད།
དབྱངས་བུ་ལགས།ཉེས་པ་བསགས་སོང་།ཨོཾ་མ་ཎྀ་པདྨེ་ཧཱུ་་་་་་་་་་་་་་
བུ་མོ་འདི་ཡིས་རྟ་ཤ་དང་རྟ་འོ་བཏུང་ཐག་གཅོད་རེད།ཤ་མདོག་དཀར་སྟངས་འདི་ལ་ལྟས་ན།
ཨ་ལ་ཀུ་རྩེད་ཞུས་ཡིན།
བུ་མོ་འདི་ནི་བསོད་ནམས་ཆེ་མདོག་དང་ཆོས་ལ་དད་པའང་ཆེ་ཙམ་ཡོད་བཟོ་ཞིག་འདུག
འོན་ཀྱང་སོག་པོའི་ལུགས་ལ་དགེ་བཤེས་ཆེན་མོར་བག་མ་བསུ་བའི་ལུགས་སྲོལ་ཞིག་ཡོད་པ་དང་དེ་ཡི་ཕྲུག་གུར་བརྩི་མཐོང་ཆེ་རབས་ཀྱང་གོ་བས་དགེ་བཤེས་དང་དགེ་སློང་དེ་རིགས་དང་ལྷན་སྲིད་པའི་འབྲེལ་བ་མི་ཡོང་པའི་རེ་བ་ཡོད།་
བོད་མི་རིགས་དང་སོག་རིགས་གཉིས་ནི་ལོ་རྒྱུས་ཀྱི་ཀྱག་ཀྱོག་གི་ནང་དུ་སྐབས་རེར་དམག་འཁྲུག་དང་སྐབས་རེ་ཆོས་ཕྱོགས་ཀྱི་འབྲེལ་བ་ལས་སོགས་མང་པོ་བྱུང་ཡོད།
འདས་པའི་ལོ་རྒྱུས་ནང་གི་ལེགས་པའི་ཆ་དེ་ཚོར་གླེང་བ་འདྲ་བྱས་མི་ལེགས་པའི་ཆ་དེ་ཚོ་ཞིམ་བུའི་འཕྱི་ས་སྦས་པ་བཞིན་གནང་ན་དགེ་མཚན་ཆེ་བས།
ད་མང་པོ་མི་བཤད།
བཙན་བྱོལ་བོད་རིགས་ནང་ལ་བོད་སྐད་གསོ་རིག་བང་ཆེན་མི་མཁོ་བའམ། ཉོ་མཁན་མེད་པ་ཡིན་ནམ། ཡང་ན་ཡོད་ལ་ངས་མ་ཤེས་པ་ཡིན་ནམ། ནང་ཆོས་དང་གསོ་རིག་ཅེས་པ་ལྟ་བུའི་ཚགས་པར་ཅིག་བྱུང་ན་ཨང་།
སོག་བོད་འབྲེལ་འདྲིས་གངྒའི་ཆུ་ལས་རིང་། །ཆོས་སྲིད་འབྲེལ་འདྲིས་ཆུ་དང་འོ་མ་འདྲ། །
ཕོ་མོ་འབྲེལ་འདྲིས་ཞིམ་མངར་འོ་མའི་རོ། །མི་ནུབ་དབྱར་གྱི་མཚོ་བཞིན་འཕེལ་བར་ཤོག །
ལས་ཀ་འདི་འདྲ་བོད་ཀྱི་གསོ་རིག་གི་དར་སྤེལ་བྱ་བར་ཕན་ཐོགས་འདུག དྲི་བ་ཞིག་ལ། སྨན་པ་བྷག་ཞུ་སྐལ་བཟང་ཟེར་བ་སུ་རེད།