འཇམ་དཔལ།
འཛམ་གླིང་འདིའི་ཐོག་ཡོད་པའི་ཡུལ་གྲུ་གང་སར་ཆོས་ལུགས་ཀྱང་འདྲ་མིན་སྣ་ཚོགས་བྱུང་ཡོད་ལ། རྒྱལ་ཁབ་ཀྱི་དབང་ཤུགས་ཐོག་ཆོས་ལུགས་ཀྱིས་གནོན་ཤུགས་ཀྱང་གང་ལ་གང་འཚམས་སྤྲད་ཡོད་པ་ནི་ནུབ་ཕྱོགས་རྒྱལ་ཁབ་མང་ཆེ་བ་དང་རང་རེའི་བོད་རྒྱལ་ཁབ་སོགས་ཀྱི་ལོ་རྒྱུས་ལ་ཕྱིར་མིག་ཅིག་འཕངས་ན་ཆོས་ལུགས་ཀྱིས་བདག་དབང་བཟུང་ཡོད་པ་ནི་གདོན་མི་ཟའོ།། དེ་ཡང་ཆོས་ལུགས་ཐམས་ཅད་ཀྱི་ལྟ་བ་དང་གྲུབ་མཐའ་ལ་ཁྱད་པར་ཧ་ཅང་ཆེན་པོ་ཡོད། དཔེ་མཚོན་ཙམཞིག་ཞུས་ན། ཆོས་ལུགས་ཁ་ཤས་ཀྱིས་འཇིག་རྟེན་བཀོད་པ་པོ་འདོད་ལ་ཁ་ཤས་ཀྱིས་མི་འདོད། ཡང་ཁ་ཤས་ཀྱིས་ལས་རྒྱུའབྲས་དང་སྐྱེ་བ་སྔ་ཕྱི་ཁས་མི་ལེན་ལ་ཁ་ཤས་ཀྱིས་ཁས་ལེན། ཁ་ཤས་རྒྱུ་མཚན་མེད་ཀྱང་དད་པ་ཁོ་ནར་བརྟེན་ནས་འགྲོ་མཁན་ཞིག་དང་རྒྱབ་ལྗོངས་ལ་རྒྱུ་མཚན་མང་པོ་ཞིག་བསྒྲང་ནས་ཁས་ལེན་མཁན་ཡོད་འོན་ཀྱང་ཕལ་མོ་ཆེའི་གཞན་ལ་ཕན་གདག་ཡ་དང་། སྙིང་རྗེ་སྤེལ་ཡ། བྱམས་པ་དང་བརྩེ་བ་སྤེལ་ཡ་ནི་ཧ་ལམ་གཅིག་མཚུངས་ཡིན། ཕྲན་ཀྱིས་འདིར་སྐབས་བབ་ཀྱི་བརྗོད་འདོད་ནི་བོད་ལ་ནང་ཆོས་དར་ནས་བོད་མིའི་སེམས་ཁམས་ལ་འགྱུར་ལྡོག་ཇི་ཙམ་ཕྱིན་ཡོད་མེད་སྐོར་ཞུས་ན། ཁུངས་ལྡན་ཅན་གྱི་རྒྱལ་རབས་ལོ་རྒྱུས་འགའ་ཞིག་གི་ནང་རྒྱལ་ཐོག་ཉེར་བརྒྱད་པ་ལྷ་ཐོ་ཐོ་རི་གཉན་བཙན་སྐབས་བོད་ལ་ནང་ཆོས་ཐོག་མ་དར་ཚུལ་བརྗོད་ཡོད་ཀྱང་སྐབས་དེར་མཆོད་བཤམས་ནང་བསྒྲིགས་པ་ཙམ་མ་གཏོགས་དེའི་ནང་དོན་རྟོགས་མེད། འོན་ཀྱང་ཕྱིས་སུ་རྒྱལ་ཐོག་སོ་གསུམ་པ་ཆོས་རྒྱལ་སྲོང་བཙན་སྒམ་པོའི་སྐབས་ཨ་ནུའི་བུ་ཐོན་མི་སམ་བྷོ་ཊས་རྒྱ་གར་ནས་བོད་སྤྱི་ལ་དབང་བའི་ཡིག་གེ་བཟོས་པ་དང་རིམ་བཞིན་རྒྱ་གར་ནས་ནང་ཆོས་བོད་ལ་དར་ཁྱབ་ཆེ་རུ་ཕྱིན་ཡོད་ལ་དེའི་ནང་དོན་ལ་བྱང་ཆུབ་པའི་ལོ་ཙཱ་བ་ཡང་མང་པོ་བྱུང་། སྐབས་དེ་ནས་བཟུང་བོད་མིའི་སེམས་ཁམས་ནང་བྱམས་བརྩེ་ཡིས་ས་བོན་འདེབ་འགོ་ཚུགས་ལ་ལུང་པའི་ཁྲིམས་ནང་ལ་ཡང་ནང་ཆོས་ཀྱིས་ཤན་ཆེན་པོ་ཐེབས།
ཕྱིས་སུ་ཁྲི་སྲོང་ལྡེའུ་བཙན་སྐབས་བོད་ལ་རབ་བྱུང་ངུར་སྨུགས་གི་ལྡེ་བཙུགས་པ་ནས་བཟུང་ནང་ཆོས་བོད་མིའི་འཚོ་བས་ནང་ཁྱབ་སྤེལ་ཤུགས་ཆེར་ཕྱིན་ཡོད། སྐབས་དེར་ཁྱིམ་པ་ཡིན་ན་ནང་ཆོས་ལ་ཉམས་ལེན་བྱས་མི་ཐུབ་པའམ་མི་ཆོག་པས་ཁོར་ཡུག་ཅིག་ཆགས་ཡོད་ཀྱང་རབ་བྱུང་དེ་དག་སློབ་གཉེར་ཚར་རྗེས་མི་མངས་དཀྱིལ་ལ་ཕྱིན་ནས་ནང་ཆོས་ཀྱི་དགོས་པ་གཙོ་བོ་ལས་རྒྱུ་འབྲས་ཀྱི་རྣམ་གཞག་དང་སྐྱེ་བ་སྔ་ཕྱི་སོགས་ཀྱི་སྐོར་གོ་རྟོགས་སྤེལ་བས་ན་དངོས་ཤུགས་བརྒྱུད་གསུམ་ནས་བོད་མི་དེ་དག་གི་སེམས་ལ་འགྱུར་བ་ཧ་ཅང་ཤུགས་ཆེན་་པོ་ཞིག་ཕྱིན་ཡོད་པ་དེ་ཡང་ཁ་ཡོད་ལག་ཡོད་ཡིན། མ་ཟད་སྐབས་དེར་བོད་ཀྱི་གཏམ་དཔེ་རུ་༼རྒན་མོ་གསེར་ཁུར་གྱི་དུས་རབས་༽ཞེས་་པས་དུས་ཞིག་ཀྱང་ཤར་ཡོད་པ་ནི་ལུང་པའི་ཁྲིམས་བཙན་ཙང་མིན་ལ་བོད་མི་གཤིས་རྒྱུད་ལ་སྔར་ནས་རང་བཞིན་ལྷན་སྐྱེས་སུ་ཡོད་བསྡད་པ་ཞིག་ནི་མིན་ཞེས་གུས་པས་ཚིག་ཐག་ཆོད་པོའི་ངང་ནས་ཞུ་ཐུབ། དེ་ནི་ཕྱིས་སུ་ནང་ཆོས་བོད་ལ་དར་ཁྱབ་ཤུགས་ཆེར་ཕྱིན་པ་དེའི་བསྐྲུནད་པས་བྱམས་བརྩེ་དང་ཞི་བདེ་ལྡན་པའི་ཁོར་ཡུག་ཅིག་ཡིན། གོང་དུ་ཞུས་པ་ལྟར་ཆོས་ལུག་ཁ་ཤས་ཀྱི་རྒྱབ་ལྗོངས་ལ་རྒྱུ་མཚན་གང་ཡང་མེད་པ་དད་པ་ཁོ་ནར་བརྟེན་ནས་ཡོད་བསྡད་པ་དེ་དག་དང་ནང་ཆོས་ནི་མི་འདྲ་བར་གཙོ་བོ་རྟེན་འབྲེལ་གྱི་རྣམ་གཞག་གཙོར་འཛིན་ནས་རྒྱུ་མཚན་ནམ་དགོས་པ་མང་པོ་ཞིག་ལ་བརྟེན་ནས་བྱུང་ཡོད། འོན་ཀྱང་བོད་མི་དེ་དག་གི་ད་ལྟ་བར་ནང་ཆོས་ལ་དད་པ་ཙམ་མ་གཏོགས་དེ་ལ་སློབ་སྦྱོང་བྱེད་མཁན་ནི་གྲྭ་བཙུན་ཁོ་ན་ཡིན། ཆེས་ཡར་ཐོན་ཅན་གྱི་ཚན་རིག་དང་མཚུངས་བསྡུར་བྱེད་ཐུབ་མཁན་དེ་འདྲཞིག་ལ་ང་ཚོའི་སྔར་ནས་སྦྱང་པ་བྱེད་མ་ཐུབ་པ་ནི་རྗེས་ལུས་ཀྱི་རྣམ་པ་ཤུགས་ཆེར་མཐོང་། འོན་ཀྱང་ད་ལྟའི་ཆར་༧གོང་ས་མཆོག་གཙོས་པས་བླ་སྤྲུལ་མང་པོའི་ཁྱིམ་པ་རབ་བྱུང་ཚང་མས་བསླབ་པ་སློབ་གཉེར་བྱེད་དགོས་ཞེས་ཡང་ཡང་བཀའ་ཕེབས་པ་ནང་བཞིན་མི་སྐྱ་ཕོ་མོ་ནང་ལ་ཡང་ནང་ཆོས་སྦྱོང་མཁན་མང་། དེ་ནི་ནང་ཆོས་ལ་སྤྱིར་བཏང་གིས་དད་པ་ཙམ་མ་ཡིན་པར་དད་པ་དེ་ཡང་ཡིད་ཆེས་པའི་དད་པ་ཞིག་ལ་འགྱུར་རྒྱུ་དང་། འཛམ་གླིང་ཐོག་བྱམས་བརྩེའི་ནུས་པ་ཆེ་རུ་གཏོང་ཐུབ་པས་བཟང་ཕྱོགས་ཀྱི་བྱ་བ་ཞིག་ཡིན་པ་ནི་སྨོས་ཅི་ལ་དགོས། ཟང་ཟིང་ཆེ་བའི་སྤྱི་ཚོགས་འདིའི་ནང་ཕྱིའི་རྒྱལ་ཁབ་མང་པོ་ཞིག་ནང་དམིགས་བསལ་བོད་ཀྱི་ནང་ཆོས་ཐོག་དོ་སྣང་དང་དངོས་སུ་སློབ་གཉེར་གནང་གི་ཡོད་པའི་རྒྱུ་མཚན་ནི་འཁྲུག་ཆ་ཆེ་བའི་དུས་རབས་འདིའི་ནང་སེམས་ལ་ཞི་བདེ་སྤྲོད་མཁན་ནི་ནང་ཆོས་ལས་ལྷག་པ་མེད་པས་ཡིན།
འོ་ན་ནང་ཆོས་ཀྱིས་སེམས་ལ་ཞི་བདེ་ཇི་ལྟར་བསྐྲུན་ཞེ་ན། སེམས་མི་སྐྱིད་པ་དང་སེམས་ལ་དཀའ་ངལ་བཟོ་མཁན་ཐམས་ཅད་ཀྱི་འབྱུང་རྐྱེན་གཙོ་བོ་ནི་བདག་འཛིན་གྱི་བློ་དེ་ཡིན་ལ། དེ་ལ་བརྟེན་ནས་འདོད་ཆགས་དང་། ཞེ་སྡང་། ཁོང་ཁྲོ་འདོད་རྔམས་ཐམས་ཅད་རང་རྒྱུད་ལ་སྐྱེ་བྱེད་ཀྱི་རྒྱུ་གཙོ་བོ་ཡིན་པ་དེ་ནང་ཆོས་ནང་དགག་བྱར་བཞག་ཡོད། མ་ཚད་ནང་པའི་གཞུང་ནང་རང་ལས་གཞན་གཅེས་པར་འཛིན་པའི་བློ་དེ་ནི་བྱང་ཆུབ་སེམས་རང་རྒྱུད་ལ་སྐྱེས་ནས་མཐར་མངོན་པར་རྫོགས་པར་སངས་རྒྱས་བྱེད་རྒྱུ་རྐྱེན་མེད་ཐབས་བྲལ་བ་ཞིག་ཡིན་པས་རྒྱུ་མཚན་ལ་བརྟེན་ནས་ནང་ཆོས་ཀྱི་རང་ཉིད་ལ་འདི་ཕྱི་གཉིས་ཀས་བདེ་བ་ཙམ་མ་ཡིན་པར་མཐར་ཐུག་གི་བདེ་བ་ཡང་ཐོབ། དེང་དུས་ཀྱི་བོད་མི་དེ་དག་གིས་ཤིག་ཅིག་གསོད་པས་སྐབསཞེད་སྣང་དང་བཅོས་མ་མ་ཡིན་པའི་སྙིང་རྗེ་ཞིག་རྒྱུད་ལ་སྐྱེ་བ་ནི་ནང་ཆོས་བོད་ལ་དར་བས་འབྲས་བུ་ཡིན། གལ་སྲིད་ནང་ཆོས་བོད་ལ་དར་མེད་ན་ད་ལྟའི་ཆར་བོད་ཅེས་པའི་ཐ་སྙད་དེ་ཡང་འཛམ་གླིང་གང་སར་ཁྱབ་མི་ཐུབ་ལ། ཨ་མདོ་སྟག་འཚེར་རུ་འཁྲུངས་པས་བྱིས་པ་དེ་ཡང་ད་ལྟའི་ཆར་འཛམ་གླིང་འདིའི་ཞི་བདེ་དེད་དཔོན་ག་ལ་ཆགས། མཐའ་དོན་བོད་ཀྱི་ནང་ཆོས་ནི་བོད་མི་རིགས་དང་ཁ་བྲལ་ཐབས་མེད་པ་ཞིག་ཡིན་ལ་འཛམ་གླིང་འདིའི་སྒང་སེམས་ལ་ཞི་བདེ་སྤྲོད་མཁན་གྱི་སློབ་ཚན་གལ་ཆེན་ཞིག་ཀྱང་ཆགས་ཡོད་ཅེས་གུས་པས་མགྲིན་པ་གཟེངས་སུ་འདེགས། སྐད་གསང་མཐོན་པོའི་ངང་ནས་ཞུའོ།།
ཁ་ནས་ཆོས་ཞེས་མ་ཟེར་གྲོགས་པོ་ལགས།།
ཆོས་ཀྱི་གནད་དོན་དཔེ་ཆ་ནང་དུ་གསལ།།
ཚུལ་དང་ལྡན་པའི་ཆོས་པ་བྱེད་འདོད་ན།།
ཉིན་མཚན་མེད་པར་གཞུང་ལུགས་གྲོགས་ལ་བསྟེན།།
འཇམ་དཔལ་མཆོག །ང་དང་མིང་གཅིག་པས། བོད་ཀྱི་ནང་ཆོས་དང་བོད་མི་བར་གྱི་འབྲེལ་པ། ཞེས་པའི་རྩོམ་ཡིག་གི་འབྲི་བ་པོ་བོད་ཀྱི་ཆོས་སྐད་ལ་སྦྱངས་པ་ལེགས་པར་མཛད་ཅིང་རང་གི་ཐུགས་ལ་ཤར་བའི་བོད་ཀྱི་ཆོས་ཀྱི་འབྱུང་བ་ཡི་གེར་བཀོད་པ་བཀླགས་ན། ཐོས་པ། བསམ་པ། སྒོམ་པ་གསུམ་བྱེད་པ་ལ་བོད་ཀྱི་ཆོས་སྐད་ཤེས་པ་ཀུན་ལ་ཕན་པ་ཞིག་མཆིས་པས་རྩོམ་པ་མཛད་པོར་བཀའ་དྲིན་ཆེ་ཞུ།
་
མིང་ཚིག་ལ་དཔྱད་པ་བྱེད་དགོས་པ་མང་ཡང་། འགའ་ཞིག་ལ་དཔྱད་ན། གདག་ཡ་དང་། སྤེལ་ཡ། སོགས་ཁ་སྐད་ཡིན་པ་དང་། དེ་རྣམས་དག་པར་གདོན་ནམ་འབྲི་ན། གདགས་བྱ། སྤེལ་བྱ། ཞེས་སོགས་སུ་འབྲི་དགོས་པ་མ་ཡིན་ནམ།
ཨ་ནུའི་བུ་ཐོན་མི། བུ་སྟོན་རིན་པོ་ཆེས་ཐོན་མི་ཨ་ནུའི་བུ། ཞེས་པ་མཁས་དབང་དགེ་འདུན་ཆོས་འཕེལ་གྱིས་ཐུ་མི་ཞེས་མི་འདྲ་བ་དང་ཀློག་པ་པོ་དག་ལ་ཐུགས་རྒྱུས་འདྲ་ཡོད་དམག། ལོ་ཙཱ་བ། ཞེས་པར་དག་ཆ་མི་མཐུན་པ་དུ་མ་ཡོད་པ་དང་། དེ་ལ་དགེ་ཆོས་ཀྱིས།
་
མི་ལོ་བརྒྱད་བརྒྱའི་ཡུན་ལ་རྒྱ་གར་དུ།
མ་སླེབས་ཕྱི་དལ་ཅན་གྱི་ལོ་ཙ་པ།
ལེགས་སྦྱོར་བསྟན་བཅོས་དངོས་སུ་ཀློག་པ་ཞིག
ད་ལྟ་མ་ག་དྷ་ན་མཆིས་སོ་སྐད།
་
ཞེས་པའི་ལོ་ཙ་པ་དང་མཐུན་པར་ཁོ་བོས་བཤད་པ་བྲིས་ནས་བཀྲམ་པ་དེ་ཀློག་པ་པོ་འགའ་རེས་གཟིགས་ཡོད་ངེས། དེ་ལ་འཐད་མི་འཐད་ཀྱི་འཐད་ལྡན་གྱི་དཔྱད་པ་རེ་ཡོད་དམ།
ངུར་སྨུགས་ནི་གི་གུ་དང་ཞབས་ཀྱུ་འདོན་ཚུལ་མ་དག་པས་འབྱུང་། དག་པར་འདོན་ན།
་
ངུར་སྨྲིག་འཛིན་པ་ཐུབ་དབང་གཉིས་པའི་རྗེ།
་
ཞེས་པ་ལྟ་བུའོ།
ང་ཚོའི་ཕ་ཡུལ་སྐད་དུ་མིང་གཅིག་པ་ལ། ང་གཉིས་མིང་རོགས་རེད། ཅེས་ཟེར་སྲོལ་འདུག
ཨ་ཁུ་ལ་དྭགས་པ་ཚང་ལ་གུས་ཕྱག་ཞིག་འབུལ་ལོ།
ཁ་སྐད་ཟུར་གྱིས་གནོན་པ་སྟེ།
ཨ་ཁུ་ཚང་གི་གྲུབ་རྟགས་རེད།
ཆོས་སྐད་ཅན་ལ་གུས་པ་སྟེ།
ཨ་ཁུ་ཚང་གི་མཛད་པ་རེད།
གཞན་པར་བཅོ་བའི་ཐུགས་ཡོན་ན།
སོ་སོས་ནོར་བའི་གནས་མ་འཛིན།
ཁྱེད་ཀྱི་ཟུར་མཆན་ཤ་ཚ་མ།།
ག་དུས་ཡོད་ན་ག་དུས་སྔག།
(འོན་ཀྱང་ཕྱིས་སུ་རྒྱལ་ཐོག་སོ་གསུམ་པ་ཆོས་རྒྱལ་སྲོང་བཙན་སྒམ་པོའི་སྐབས་ཨ་ནུའི་བུ་ཐོན་མི་སམ་བྷོ་ཊས་རྒྱ་གར་ནས་བོད་སྤྱི་ལ་དབང་བའི་ཡིག་གེ་བཟོས་པ་དང་རིམ་བཞིན་རྒྱ་གར་ནས་ནང་ཆོས་བོད་ལ་དར་ཁྱབ་ཆེ་རུ་ཕྱིན་ཡོད་ལ་དེའི་ནང་དོན་ལ་བྱང་ཆུབ་པའི་ལོ་ཙཱ་བ་ཡང་མང་པོ་བྱུང་། སྐབས་དེ་ནས་བཟུང་བོད་མིའི་སེམས་ཁམས་ནང་བྱམས་བརྩེ་ཡིས་ས་བོན་འདེབ་འགོ་ཚུགས་ལ་ལུང་པའི་ཁྲིམས་ནང་ལ་ཡང་ནང་ཆོས་ཀྱིས་ཤན་ཆེན་པོ་ཐེབས།)
འདི་མོ་དགོད་སྤྱད་ཞིག་མྱི་རབས་མྱི་རྒྱུད་ལ་གོ་མ་མྱོང་། ཕ་སྤྲེའུ་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དང་མ་བྲག་སྲིན་མོ་རྗེ་བཙུན་སྒྲོལ་མ་གཉིས་ལས་བོད་མི་བྱུང་བ་ཡིན་པར་འདོད་ན། བྱམས་བརྩེ་འདེབ་འགོ་ཚུགས་ས་དེ་བསམ་ན། ང་དགོད་རྒྱོ་མང་ནས་ཤི་ན་ཐང་ས་རེད། ཨ་ཧ་ཧ།
བོད་རིགས་རྣམས་ཕ་སྤྲེའུ་དང་པོ་གཅིག་ལས་བྱུང་ཡོད་ན། སྤྲེའུ་དེ་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་མ་ཡིན་པས་མ་ཁྱབ་པ་དང་། མ་བྲག་སྲིན་མོ་དེ་བོད་མིའི་མི་རིགས་ཀྱི་མ་དང་པོ་ཡིན་ན། སྲིན་མོ་དེ་རྗེ་བཙུན་སྒྲོལ་མ་ཡིན་པས་མ་ཁྱབ་ལགས།
ཀརྡོར་ལགས། རྗེས་མ་ལ་དུས་ཚོད་བྱུང་ན། དགོན་པར་སོང་ནས་དཀོར་ཟས་དཀོར་ཆུ་་དག་ཙམ་ཟ་འཐུང་བྱས་བ་དང་། ཁྱོད་ལ་རྩོད་དུ་ཡོང་ངོ།
ངོ་མ་དེ་ཡིན་ན་གནམ་ནས་བཤད་པ་བཞིན་དགོད་རྒྱུ་རང་རེད་ཡ། ཐོན་མི་སམ་བྷོ་ཌས་བོད་
ཡིག་བཟོས་ཟེར། དེའི་སྔོན་བོད་ལ་ཆོས་སེམས་དང་བྱམས་སེམས་མེད་རྒྱུ་ཐག་ཆོད་ལྟ་བུ་བཤད།
སྲོང་བཙན་ཡན་གང་ཡང་མེད་ལྟ་བུར་བཤད། ལྷན་བཅས་ཀྱི་བྱམས་བརྩེ་མེད་པར་བཤད།
ཧཧཧཧཧཧ
བོད་ཀྱི་ནང་ཆོས་ཀྱིས་བསྐྲུན་པའི་བོད་མི་རིགས་ཀྱི་སེམས་ཁམས་ཀྱི་འཇིགས་སྐྲག་རྣམས་ཟུར་ཞུ་འདོད་པས་དགོངས་འགལ་མེད་པ་བྱོས།
༡་་་་བོད་མི་རིགས་ལ་ཆོས་བཤད་བཤད་ཀྱི་མཐའ་མ་ཕྲུ་གུ་རྣམས་མཚན་མོར་ཕྱི་ལ་གཅན་གཏོང་འགྲོ་མི་ཕོག ཆོས་མེད་ནུབ་ཕྱོགས་པའི་ཕྲུ་གུ་ཚོའི་རྒྱུད་ལ་དེ་འདྲ་བའི་ལྷ་འདྲེའི་འཇིགས་སྐྲག་མེད། བོད་པའི་ཕྲུ་གུ་ལས་ནུབ་ཕྱོགས་པའི་ཕྲུ་གུ་རྣམས་ཀྱི་སེམས་ལ་ཞི་བདེ་ཆེ་བ་དང་འཇིགས་སྐྲག་ཆུང་བ་ཡོད།
༢་་་་བོད་མི་རྒད་པ་ཚོ་ནི་མར་དམྱལ་བའི་ནང་དུ་ལྷུང་ཡོང་བསམས་ནས་ཞོགས་སྔ་ལང་དང་དགོང་ཕྱི་ཉལ་བྱས་ནས་ཕྱག་མཚལ་བ་དང་མ་ཎི་འདོན་པ་སོགས་བྱེད་བཞིན་ཡོད། རྒྱུ་མཚན་གཙོ་བོ་དམྱལ་བ་ནང་དུ་ལྷུང་དོགས་ཀྱིས་སེམས་ལ་འཇིགས་སྐྲག་ཆེན་པོ་ཡོང་གི་ཡོད། ནུབ་ཕྱོགས་པའི་རྒད་པོ་རྒད་མོ་རྣམས་ཀྱི་སེམས་ལ་དེ་འདྲ་བའི་འཇིགས་སྐྲག་མེད་ལ་ཞི་བདེ་བག་འཕེལ་གྱི་འཚོ་བ་ལ་རོལ་བཞིན་བསྡད་འདུག
༣་་་་ནང་ཆོས་ལ་ཚོད་མཐོ་བའི་མཁས་དབང་རྣམས་ཀྱང་གཞན་དོན་གྱི་ཆེད་དུ་སེམས་ལ་སྡུག་ངལ་ཆེན་པོ་ཡོང་གི་ཡོད། མཐའ་ན་གཡག་བཤས་ཀྱི་ཚེ་སྲོག་ལ་སེམས་འཁྲུལ་བྱེད་བཞིན་ཡོད། སེམས་ཅན་ཐམས་ཅད་ཀྱི་སྡུག་ངལ་སེམས་ཁུར་བྱས་ནས་སེམས་སྐྱིད་པའི་ཉིན་མོ་གཅིག་ཀྱང་མེད།
༤་་་་འོ་ན་་་ད་་་་་་སེམས་སྐྱིད་པོ་དང་ཞི་བདེ་ཡོད་མཁན་མི་དེ་སུ་རེད་དམ།།།
བོད་མི་རྣམས་ཀྱི་སེམས་ལ་ཞི་བདེ་དང་བྱམས་སེམས་ཀྱི་ཚད་མཐོ་བོ་སླེབས་ཡོད་པ་ནི་ནང་ཆོས་བོད་ལ་དར་བས་ཤུགས་རྐྱེན་ཡིན་ལ་ད་ལྟའི་ཆར་འཛམ་གླིང་ཡུལ་གྲུ་མང་པོའི་མི་རྣམས་ཀྱིས་བོད་མི་ལ་དམིགས་བསལ་སྤྲོས་སྣང་ཡོང་གི་ཡོད་པ་ནི་གོང་གི་ཆ་རྐྱེན་གཉིས་བོད་མིའི་གཤིས་རྒྱུད་ལ་ཡོད་པས་ཡིན་པ་གདོན་མི་ཟ། འོན་ཀྱང་དེང་དུས་ཀྱི་ཚན་རིག་ལ་ཁ་བཏུད་གཅོག་པའི་ནང་ཆོས་དེ་ལ་སྔར་བོད་མི་རྣམས་ཀྱིས་བསླབ་པ་ཤུགས་ཆེར་བྱས་མ་ཐུབ་པ་དེ་ནི་རྗེས་ལུས་ཀྱི་རྣམ་པ་ལས་མ་འདས་སོ། ད་ལྟའི་ཆར་༧གོང་ས་མཆོག་ནས་ནང་ཆོས་ལ་དབྱེ་བ་གསུམ་བཞག་ཡོད་པ། ནང་པའི་ཚན་རིག ནང་པའི་ལྟ་གྲུབ། ནང་པའི་ཆོས་ལུགས་ཞེས་གསུམ་ཕྱེས་ཡོད་པ་དེ་ནས་ནང་པའི་ཚན་རིག་ཐོག་ཤུགས་སྣོན་རྒྱག་དགོས་རྒྱུ་ཧ་ཅང་གི་གལ་གནད་ཆེར་མཐོང་།།།
ཅོ་རི་ལགས་གཅིག་ཆད་འདུག
སེམས་དཔའ་རྟག་ངུ་དེ་ཡང་སྡུག་བསྔལ་ཆེ་དྲག་ནས་རྟག་ཏུ་ངུ་མཁན་ཞིག་ཡིན་པར་བ྄ཤད་ཡོད་དེ་ཡང་འཇུག་རོགས་གནང།
༦༽ གནམ་ནས།
སྤྱི་ལོ་ ༢༠༡༣ ཟླ་ ༡ ཚེས་ ༢༠ གི་ཆུ་ཚོད་ ༧ སྐར་མ་ ༣༦
ཀརྡོར་ལགས། རྗེས་མ་ལ་དུས་ཚོད་བྱུང་ན། དགོན་པར་སོང་ནས་དཀོར་ཟས་དཀོར་ཆུ་་དག་ཙམ་ཟ་འཐུང་བྱས་བ་དང་། ཁྱོད་ལ་རྩོད་དུ་ཡོང་ངོ། །་་་་་ཟེར་བའི་ལན་དུ།
ངའི་དགོན་པར་དཀོར་ཆུ་དཀོར་ཟས་ཀྱི་མིང་ཙམ་ཡང་མི་འདུག འོནད་ཀྱང་རྩོད་སའི་ཆོས་ར་ཡང་ཁ་བརྡར་འཛོམས་ཤོག