ཏྲེ་ཧོར་ཐུབ་བསྟན་ནས།
་གི་ཆུ་ཚོད་བཅུ་ཐོག་རྒྱ་གཞུང་གིས་སྨྱོན་ཧམ་ཆེན་པོས་བོད་ཀྱི་ཞིང་འབྲོག་ཁྲི་ཚོ་མང་པོར་ཞི་བའི་བཅིངས་བཀྲོལ་བཏང་ནས་མི་ལོ་ཧྲིལ་པོ་དྲུག་ཅུ་འཁོར་བ་ཟེར་བའི་དུས་དྲན་མཛད་སྒོ་དེ་གྲོང་ཁྱེར་ལྷ་སའི་རྩེ་པོ་ཏ་ལའི་ཐང་ཆེན་དུ་ཟབ་རྒྱས་ངང་འཚོགས་ཡོད་པ་དང་མཛད་སྒོའི་ཐོག་དབུས་གཞུང་གི་སྐུ་ཚབ་ཞིའི་ཅིན་ཕིན་ཆེད་བཅར་ཀྱིས་འཚོགས་ཐོག་ཏུ་རྒྱུན་ལྡན་ལྟར་སྔར་གྱི་གུང་ཁྲན་གཞུང་གི་དོན་དངོས་ཀྱི་རང་བཞིན་ལས་ཡོལ་བའི་འཁྱོག་བཤད་ཀྱི་སྙན་ཚིག་དག་བསྐྱར་བཟློས་ཀྱིས་བདེ་འཇགས་དམག་མི་དང་སྐོར་སྲུང་མི་སྣས་དམ་དྲག་ཆེན་པོའི་འོག་མཇུག་བསྡུས་ཡོད་པ་དང་སྔར་ནས་གྲ་སྒྲིག་བྱས་ཟིན་པའི་མི་དག་ལས་སྤྱིར་བཏང་གི་བོད་མི་དཀྱུས་མ་དག་པོ་ཏ་ལའི་མདུན་ཐང་གི་ཐག་ཉེ་སར་ཡང་བཅར་བཅུག་མེད་པ་རེད།
འདས་པའི་མི་ལོ་དྲུག་ཅུའི་རིང་རྒྱ་ནག་དམར་པོས་གཞུང་གིས་བཙན་ཤེད་ཀྱི་བོད་ཀྱི་བདག་དབང་ཡོངས་སུ་འཕྲོག་ཏེ་ཆེས་གདུག་རྩུབ་ཆེ་བའི་ཆབ་སྲིད་ཀྱི་སྲིད་ཇུས་འདྲ་མིན་སྣ་དགུའི་འོད་བོད་ཀྱི་མི་རྒྱུ་གཉིས་ཀར་སྔར་ལོ་རྒྱུས་ནང་བྱུང་མྱོང་མེད་པའི་གྱོང་གུན་ཧ་ཅང་ཚབས་ཆེན་དང་ལྷག་པར་དུ་འཛམ་གླིང་གི་གཅེས་ནོར་དུ་འབོད་པའི་ལོ་ངོ་སྟོང་ཕྲག་འགའི་རིང་གི་འོད་སྟོང་འབར་བའི་རིག་གཞུང་ཉམས་དམས་དང་། བོད་ཀྱི་སྐད་ཡིག་སྤྱོད་བཀོལ་མི་ཆོད་པའི་ཁོར་ཡུག་འོག་མི་རིགས་ཀྱི་ཁྱད་ཆོས་མཐའ་དག་ཡོངས་སུ་བཅོམ་ཏེ་བོད་ཅེས་པ་མིང་གི་ལྷག་མར་འགྱུར་རྒྱུའི་ལྟས་ཡོངས་སུ་འཆར་འགོད་ཟིན་པ་དང་། རྒྱ་ལུགས་རིག་གནས་དང་རྒྱ་ཡིག་རྒྱ་སྐད་ཀྱི་སློབ་གསོ་ཤུགས་ཆེན་པོས་ཁྱབ་སྤེལ་དང་རྒྱུད་སྐུལ། དཔལ་འབྱོར་དང་སྤྱི་ཚོགས་ཀྱི་ཁོར་ཡུག་སོགས་ཀྱི་མནོན་ཤུགས་འདྲ་མིན་གྱི་སུན་བཙེར་འོག་བོད་འདི་མི་རིགས་རང་ཉིད་ཀྱི་ཁྱད་ཆོས་མེད་པའི་རྒྱ་ལུགས་ཅན་དུ་འགྱུར་རྒྱུའི་སྔ་ལྟས་ཡོངས་སུ་གོ་རིམ་ཡོད་པ་དང་འཆར་གཞི་ལྡན་པ་། ཆབ་སྲིད་ཀྱི་རང་བཞིན་ལྡན་པའིོ་སྲིད་ཇུས་གཏིང་ཟིན་པ་དང་ལག་ལེན་བསྟར་བཞིན་པ་རེད། དེ་ཙམ་མ་ཟད་ཆོས་ལུགས་དད་པ་རང་དབང་ལ་ཚད་འཛིན་དང་བཀག་བསྡོམས། གང་འདོད་ལྟར་འགྲོ་བ་མིའི་གཞི་རྩའི་ཐོབ་ཐང་རྩིས་མེད་རྡོག་རོལ་དུ་བཏང་བཞིན་པ་སོགས་མདོར་ན་འདས་ཟིན་པའི་མི་ལོ་དྲུག་ཅུ་དེ། ཁོང་ཚོས་ཁྱབ་བསྒྲགས་བྱེད་པ་ལྟར་ཞིང་འབྲོག་ཁྲི་ཚོར་བརྒྱར་ཞི་བའི་བཅིངས་བཀྲོལ་ཐོབ་ཏེ་མཛེས་སྡུག་འོད་སྟོང་འབར་བའི་རང་ས་རང་བདག་དང་རང་ཁྱིམ་རང་སྲུང་གི་སྤྱི་ཚོགས་གསར་པའི་ཕྱོགས་སུ་གོམ་པ་སྤོས་པ་མི་ཡིན་པར། དེ་ལས་ལྡོག་ཏེ། བོད་ཀྱི་ཞིང་འབྲོག་མང་ཚོ་དང་སྐྱ་སེར་རྒན་གཞོན་ཁྲི་ཚོ་མང་པོའི་རང་དབང་གི་ཐོབ་ཐང་ཡོངས་སུ་ཤོར་ཏེ་ཆེས་མུན་ནག་དང་གདུག་རྩུབ་ཀྱི་ཕྱོགས་སུ་བསྐྱོད་པའི་ཆེས་མ་རུང་བའི་ལོ་རྒྱུས་ཀྱི་དཀྱོགས་མཚམས་གསར་བ་ཞིག་ཏུ་སླེབས་པའི་མི་ལོ་དྲུག་ཅུ་ཡིན་ཞིང་། ལོ་ངོ་ཁྲི་སྟོང་གི་ལོ་རྒྱུས་ཀྱི་དོན་སྙིང་ལྡན་ཞིང་འགྲོ་བ་མིའི་རིགས་ཀྱི་རིག་གནས་ཀྱི་བང་མཛོད་ཆེན་མོའི་ནང་གི་འོད་སྟོང་འབར་བའི་བོད་ཀྱི་ཆོས་ཆོས་རིག་ལ་གོད་ཆགས་ཚད་མེད་ཐེབས་པའི་མི་ལོ་དྲུག་ཅུ་ཡང་རེད། དེ་རིང་གི་དུས་འདིར་ཀླད་སྙིང་རུས་གསུམ་བོད་ལ་དུངས་ཤིང་ཁ་མིག་རྣ་གསུམ་གངས་ཅན་པར་ཕྱོགས་པའི་མི་བུ་མཐའ་དག་ནས་ལོ་རྒྱུས་ཀྱི་རང་བཞིན་ལྡན་པའི་མྱ་ངན་དུས་དྲན་ཞིག་ཏུ་བརྩིས་ཏེ་གདུང་སེམས་བསྐྱེད་དགོས་པ་ལས་གུང་ཁྲན་གཞུང་གིས་དུས་དྲན་མཛད་སྒོ་འདིར་དུས་ནམ་ཡང་
དང་ལེན་དང་ཡི་རང་། ངོས་ལེན་བྱ་ཐབས་ག་ལ་ཡོད།
རྒྱ་གཞུང་གི་གཡོ་ཐབས་སྣ་ཚོགས་ཀྱི་བོད་མི་ཚོ་མགོ་སྐོར་གཏོང་གི་ཡོད་རུང་དོན་དམ་གང་ལ་ཐུགས་ན་ཡང་བོད་མི་རིགས་ཟེར་པ་འདི་ལོ་རྒྱུས་ལྡན་པ་ཞིག་ཡིན་པ་དང་རྒྱ་མི་རིགས་དང་ཐད་ཐད་ཡིན་པ་གསལ་བོ་ཤེས་ཀྱི་ཡོད་ན་ཡང་ད་ལྟ་གནས་སྟངས་གང་ལ་ལྟས་ཀྱང་གང་འདོད་ལྟར་བྱེད་མི་བཅུག་པ་གསལ་བོ་རེད། འདས་པའི་ལོ་ངོ་དྲུག་ཅུའི་རིང་རྒྱ་ནག་དམར་གཞུང་གིས་ངག་གཡོ་དང་བཙན་གནོན་ངང་བོད་མི་ཚོ་གནས་ཡོད་པ་ལས་བདེ་སྐྱིད་ལྡན་པ་ཞིག་གི་ངང་གནས་ཐུབ་མེད་པ་འདས་པའི་ལོ་ངོ་འདི་དག་གི་རིང་བོད་མི་དང་ཤིས་འཇང་མི་རིགས་ད་དུང་དྲང་བདེན་ལ་དགའ་བའི་རྒྱ་མི་རིགས་སོགས་མང་པོ་ཞིག་གིས་རྒྱ་ནག་དམར་གཞུང་ལ་ངོ་རྒོར་ཐང་མང་བྱས་པ་འདི་བདེན་རྟགས་གསལ་བོ་ཞིག་ཡིན། གང་ལྟར་རྒྱ་ནག་དམར་གཞུང་གི་ཐབས་ལམ་འདྲ་མིན་གྱི་བོད་མི་ཚོ་མགོ་སྐོར་གཏོང་ཐུབ་བྱས་ཀྱང་བོད་མི་ཚོས་ཆབ་སྲིད་ཀྱི་གཡོ་ཐབ་ཞིག་དང་མགོ་སྐོར་བྱེད་རྒྱུ་ཡོད་པ་ཤེས་གསལ་ཡིན་འོན་ཀྱང་གནས་སྐབས་རིང་འདི་འདྲ་མི་འཚོ་ཐབས་མེད་འདྲ་བོ་རེད། ཡིན་ཡང་དོན་དམ་གང་ལ་རྟག་ཀྱང་རྒྱ་ནག་དམར་གཞུང་གིས་དྲང་བདེན་ཞིག་བྱེད་ཀྱི་མེད་པ་ཚང་མའི་ཤེས་གསལ་ལྟར་ཡིན།
ཁ་བྱང་འདིར། བོད་ཀྱི་ལོ་རྒྱུས་རྨ་ཁ་དང་རྒྱ་གཞུང་གི་དགའ་སྟོན། ཞེས་བཀོད་ན་དེ་ལས་ཀྱང་ཡག་
ཆེ།
ཧྲེ་ཧོར་ཐུབ་བསྟན་ལགས། ཆེད་རྩོམ་ཡག་པོ་ཞིག་བྲིས་འདུག་ཀྱང་། ཁྱེད་ཀྱི་ཚིག་ལ་གཅོད་མཚམས་མེད་སྟབས། ང་ལྟ་བུའི་ཀློག་པ་པོ་ཚོར་དབུགས་ཀྱིས་མ་འདང་བའི་དཀའ་ངལ་འདུག གོ་ཐོས་སུ་ཁྱེད་ལ་བོད་ཡིག་གི་ཤེས་ཚད་ཡག་པོ་ཡོད་པ་རེད་ཟེར་གྱི་འདུག དེ་ཡིན་དུས། རྗེས་མ་དག་ཆའི་ཐད་ལའང་དོ་སྣང་མང་ཙམ་སྤྲད་རོགས། ཐུགས་རྗེ་ཆེ། ཡག་པོ་འདུག མུ་མདུན་ནས་ཡིན་ད།
གྲོགས་པོ་ཏྲེ་ཧོར་ཐུབ་བསྟན་ནས་ཡག་པོ་བྲིས་འདུག རྒྱབ་སྐྱོར་ཡོད། ལར་ནས་འུ་ཚོ་བཙན་བྱོལ་བའི་མཐོ་དམན་འབྲིང་གསུམ་སུ་ཡིན་ཡང་། ད་ནས་ནང་གི་ཕོར་ཁ་དང་རྐུབ་སྟེགས་མཐོ་དམན་གཅིག་པུར་རྩོད་ནས་མི་འདུག་པར། ཕྱོགས་གང་ཐད་ནས་ཡིན་ཀྱང་ཚ་ཚ་འུར་འུར་གྱི་ལས་འགུལ་གནད་སྨིན་རེ་སྤེལ་རྒྱུ་གལ་ཆེ།།