སྐལ་བཟང་ལམ་བྲག་དང་བསྟན་འཛིན་རིག་གྲོལ།
བོད་ཀྱི་དེང་རབས་སྒྱུ་རྩལ་ལ་དགའ་བ་དོ་སྣང་ཡོད་པ་རྣམས་ཟླ་བཅུ་བའི་ཚེས་བཅུའི་ཉིན་གཤམ་དུ་བཀོད་པའི་གྲགས་ཅན་རི་མོ་པ་གཉིས་ཀྱིས་གསུང་བཤད་ལ་ཉན་དུ་ཕེབས་རྒྱུ་མ་བརྗེད།
བོད་ཀྱི་དེང་དུས་ཀྱི་སྒྱུ་རྩལ་གྱི་སྒོ་མོ་ཡངས་པོར་འབྱེད་མཁན་སུད་སི་ལ་བཞུགས་པའི་སྐལ་བཟང་ལམ་བྲག་མཆོག་ནི་ལག་ལ་གང་ཐོགས་སྒྱུ་རྩལ་ལ་བཀོལ་ནས་སྙན་གྲགས་རྒྱས་པའི་སྒྱུ་རྩལ་པ་ཞིག་ཡིན། དཔེར་ན་སྦི་རག་གི་ལྕགས་དམ་དང་། དེ་བཞིན་རྐང་འཁོར་གྱི་འཁོར་ལོའི་ཐོག་ལ་འགྱིག་ཤོག་བཞུར་ནས་སྒྱུ་རྩལ་གྱི་བརྩམས་ཆོས་བསྐྲུན་པ་དེ་དག་ནི་བསམ་ཡུལ་ལས་འདས་པ་དང་། ཚོན་མདངས་བཀྲ་བ། དེ་བཞིན་བློ་ལ་ཤོང་མི་ཐུབ་པའི་སྒྱུ་རྩལ་གྱི་ཁྱད་ཆོས་ལྡན་པ་ཤ་སྟག་ཡིན། ཐེངས་འདིར་སྐལ་བཟང་ལམ་བྲག་ལགས་དང་། བོད་ཀྱི་སྙན་གྲགས་ཅན་གྱི་སྒྱུ་རྩལ་བ་གཞན་པ་ཞིག་སྟེ། ནུབ་ཕྱོགས་ཀྱི་འདྲ་སྐུ་དང་ནང་པའི་མཚོན་རྟགས་སྣ་ཚོགས་མཉམ་སྒྲིག་གནང་ནས་སྒྱུ་རྩལ་གྱི་བརྩམས་ཆོས་སྐྲུན་མཁན། ཕུལ་བྱུང་གི་བྱ་དགའ་ཐེངས་མང་ཐོབ་མྱོང་མཁན་བསྟན་འཛིན་རིག་གྲོལ་ལགས་གཉིས་ནས་གླེང་གཞི་སྣ་ཚོགས་ཏེ། སྒྱུ་རྩལ་དང་། གོམས་སྲོལ། རྒྱུད་ལམ། ངོ་བོ་ལ་སོགས་ཀྱི་སྟེང་ལ་བགྲོ་གླེང་ཟབ་རྒྱས་གནང་རྒྱུ་ཡིན་པས། སྐུ་ཉིད་བཞུགས་མོལ་བགྲོ་གླེང་འདིར་མཉམ་ཞུགས་ཐུབ་པའི་རེ་བ་ཞུ།
དུས་ཚོད།
༢༠༡༣ལོའི་ཟླ་བ་༡༠ཚེས་༡༠
ཕྱི་འདྲོ། ཆུད་ཚོད། ༦-༨
སྒོ་འཛིན་གྱི་རིན་པ། སྒོར་༡༠
སློབ་མར་སྒོར་༥
132 Perry Street, Suite 2B, New York, New York 10014
212-367-7380 news@trace.org