འདྲེ་གླེན་པ། ༼ཨོ་གླིང་།༽
དབུས་ཇ་མངར་མོ་ལ་སྐོལ་སྟངས་མི་འདྲ་བ་བརྒྱ་ཡོད།།
མངའ་རིས་སྒྲ་སྙན་ལ་དཀྲོལ་སྟངས་མི་གཅིག་པ་བརྒྱ་ཡོད།།
ཨ་མདོའི་བག་ལེབ་ལ་སྙལ་སྟངས་མི་འདྲ་བ་གཉིས་ཡོད།།
ཁམས་པའི་རལ་གྲི་ལ་གཡུགས་སྟངས་མི་འདྲ་བ་གཅིག་རེད།།
ཨ་མདོའི་མོག་མོག་གི་ཁ་ཆུ་ཐུར་དྲུད་མ་ལངས་སྟངས།།
དབུས་གཙང་མོག་མོག་གི་སེན་ཁ་བརྒྱ་འགྲོས་མ་ཉལ་སྟངས།།
ཁམས་པའི་མོག་མོག་མོག་གི་གཡག་ཤ་ཚོན་པོ་མ་འགྱིངས་སྟངས།།
ཟ་སྟངས་མི་གཅིག་པ་སྐུ་དྲགས་མི་དྲགས་ལས་མཚར་མེད།།
ལྷ་སའི་བག་ཐུག་ལ་མངར་ཆ་ཅུང་ཟད་ཅིག་འདྲེས་པ།།
ཁམས་པའི་རྩམ་ཐུག་ལ་ཚ་ཁུ་ཅུང་ཟད་ཅིག་མང་བ།།
ཨ་མདོའི་འཐེན་ཐུག་ལ་རྒྱ་ཧོར་རྫས་གསུམ་གྱིས་དཀྲུགས་པ།།
རྒྱ་ཐུག་ཧོར་ཐུག་ཀྱང་ཨ་མདོའི་འཐེན་ཐུག་ལ་མི་འགྲན།།
ཞེས་བར་སྐབས་ཀྱི་ཚིགས་སུ་བཅད་པ་འདི་ནི་ཆེ་མཐོའི་ཁྲིམས་ཞིབ་ཁང་གི་གསལ་བསྒྲགས་རིམ་པ་དང་བོད་མི་མང་སྤྱི་འཐུས་ལྷན་ཚོགས་ཀྱི་འགྲེལ་བཤད་རིམ་པ། འབྲེལ་ཡོད་སྤྱི་འཐུས་རྒྱུན་ལས་རྣམས་པའི་ཡིག་ངག་གཉིས་ནས་འགྲེལ་བཤད་རིམ་པ་ཕེབས་པར་ཡང་ནས་བསྐྱར་དུ་ཉན་ཀློག་བྱས་རྗེས་སུ་< བོད་ཆོལ་ཁ་གསུམ་ལ་མོག་མོག་གསུམ་དང་འཐེན་ཐུག་གསུམ>ཞེས་པའི་ཚིག་བཅད་སྙན་ངག་འདི་ལོ་ངོ་སྟོང་ཕྲག་བརྒལ་བར་བོད་མི་རིགས་ཀྱི་འཚོ་བ་དང་གཏན་ནས་བྲལ་མ་མྱོང་བའི་བོད་ཆོལ་ཁ་གསུམ་ནས་ཟས་ཟས་འཐུང་འཐུང་ལ་ཡོང་བའི་ཟ་མ་གལ་ཆེན་གཉིས་དང་སྦྱར་ཏེ་འདྲེ་གླེན་པས་ཤར་་མར་འཚིགས་ཇ་ཁང་ཞིག་ཏུ་25-05-2021ཉིན་བྲིས་པ་དགེའོ།།