འཕན་པོ་སྐལ་ལྡན་ནས།
བྱང་ཧེ་མ་ལ་ཡི་རྩེ་མོ་ན།།
སྤྲིན་དཀར་པོ་གནམ་ལ་འདྲེན་འདྲ་བ།།
དེ་མཐོང་བའི་མོས་ལ་གངས་ལྗོངས་དྲན།།
དྲེན་བསམ་ཤིང་བསམ་ཤིང་མཆི་མ་ཤོར།།
སྤྲིན་དཀར་པོ་ལྡིང་བའི་བྱང་ཕྱོགས་ན།།
བོད་ཁ་བ་ཅན་གྱི་ཞིང་ཁམས་ཡོད།།
ཞིང་དེ་ན་ཞུགས་པའི་སྤུན་ཟླ་རྣམས།།
རྒྱ་དམར་པོའི་བཙན་འོག་དྲག་གནོན་མྱོང་།།
དཔའ་མ་ཞུམ་ཆོས་རིགས་ལ་རྒྱ་དང་།།
རྗེ་བླ་མ་བོད་ནང་གདན་འདྲེན་ཆེད།།
རྩ་ཆེ་བའི་སྐུ་ལུས་མེ་མཆོད་ཕུལ།།
ཁོངས་རྣམས་པའི་རེ་མདུན་ང་ཚོའི་འགན།།
ལམ་དབུ་མའི་ཐོག་ནས་བདེན་དོན་སྒྲུབ།།
རྒྱ་དམར་པོའི་གཞུང་ལ་འབྲེལ་ལམ་བྱེད།།
རྒྱ་མི་རིགས་ཡོངས་གི་བོད་དོན་དེ།།
དོན་དམ་པའི་གཉིས་སྨན་ལམ་ཁ་ཞིག།
འགྲོ་བཞིན་དུ་ཡོད་པ་གསལ་བཤད་དགོས།།
དོན་བསྒྲུབ་པར་སྡོག་རྩ་ཅིག་སྒྲིལ་དགོས།།
ལར་ད་ལྟ་བཙན་བྱོལ་སྤྱི་ཚོགས་ནང་།།
རང་མཁས་པར་འཛིན་པ་མཁས་ལེན་ཞིང་།།
གཞན་རྨོང་པའི་རང་བཞིན་ཉིད་དུ་མཐོང་།།
དོན་དེ་ལྟར་མཐོང་བའ་ིསྐྱེས་བུ་ང་།།
ཚུལ་འདི་ལ་གཞན་པ་གཏིང་ནས་ལོག།
མི་ཁོ་བོའི་བསམ་འཚུལ་རྟོག་མཁན་རྣམས།།
ཡིད་ཕྱོགས་ལྷུང་དབང་དུ་མ་སོང་བར།།
བློ་ཟུར་པོར་གནས་པའི་བསམ་བརྗོད་ཀྱིས།།
ལམ་དྲང་པོར་ཞུགས་པ་ཅེས་ཀྱང་ལེགས།།
བཅས་འཕན་པོ་སྐལ་ལྡན་ནས་ཁ་བརྡར་གང་དྲན་དུ་བྲིས།
དར་དམར་པོའི་འོག་གི་པོ་ཏ་ལ། །
དེ་མཐོང་བའི་མོད་ལ་སྙིང་རླུང་ལྡང་། །
སྤང་སྔོན་ལྗང་ངོས་ལ་ནོར་ལུག་མཐོང་། །
དེ་མཐོང་བའི་མོད་ལ་དགའ་སྣང་སྐྱེ། །
དར་དམར་པོའི་འིག་བོད་མི་གནས་ལུགས་
ཡིད་དྲན་པ་ཙམ་ཀྱི་གང་དྲག་བསམ་
དེང་བཙན་བྱོལ་བའི་བོད་མི་གནས་ལུགས་
ཡིད་དྲན་པ་ཙམ་ཀྱི་ཁོང་འཁྲོ་ལངས་