གསང་གྲོལ་གྱིས།
ཞང་ཀང་རྒྱལ་སྤྱིའི་གློག་བརྙན་དུས་སྟོན་ཐེངས་༣༥ སྟེང་བོད་ཀྱི་གློག་བརྙན་འཁྲབ་ཁྲིད་པ་པད་མ་ཚེ་བརྟན་གྱིས་ཕབ་པའི་གློག་བརྙན་༼ཁྱི་རྒན༽ཞེས་བར་ཐེངས་འདིའི་གློག་བརྙན་དུས་སྟོན་གྱི་ཆེས་མཐོ་བའི་གཟེངས་རྟགས་སྟེ་ཨེ་ཤ་ཡའི་གསེར་གྱི་གཟེངས་རྟགས་རག་པ་དང་། ཟོན་མཐར་རྒྱལ་གྱིས་ཕབ་པའི་གློག་བརྙན་༼དབུས་ལམ་གྱི་ཉི་མ༽ལ་ཨེ་ཤ་ཡའི་དམིགས་བསལ་ཆེ་བསྟོད་གཟེངས་རྟགས་རག་ཡོད་འདུག རེབ་འདིའི་གློག་བརྙན་དུས་སྟོན་སྟེང་ལ་རྒྱལ་ཁབ་༥༦ནས་ས་ཁུལ་༣༣༥ གློག་བརྙན་འགྲེམས་སྟོན་བྱས་ཡོད་ལ།
གློག་བརྙན་༡༩ འཛམ་གླིང་སྟེང་ཆེས་ཐོག་མར་བསྟན་པ་དང་། གློག་བརྙན་༥ རྒྱལ་སྤྱིའི་སྟེང་ཆེས་ཐོག་མར་བསྟན་པ། གློག་བརྙན་༣༥ ཨེ་ཤ་ཡའི་ནང་ཆེས་ཐོག་མར་བསྟན་ཡོད་འདུག་ལ། རྒྱ་ནག་སྐམ་ས་ནས་གློག་བརྙན་༡༥ ཐེངས་འདིའི་དུས་སྟོན་སྟེང་འཛུལ་ཞུགས་བྱས་ཡོད་འདུག
ཞང་ཀང་རྒྱལ་སྤྱིའི་གློག་བརྙན་དུས་སྟོན་ཐེངས་༣༠སྟེང་པད་མ་ཚེ་བརྟན་གྱིས་འཁྲབ་ཁྲིད་བྱས་པའི་གློག་བརྙན་༼ལྷིང་འཇགས་ཀྱི་མ་ཎི་རྡོ་འབུམ༽ཞེས་པར་རྒྱལ་སྤྱིའི་གློག་བརྙན་དཔྱད་བརྗོད་མཁན་མཉམ་འབྲེལ་གྱི་གཟེངས་རྟགས་དང་གནམ་བདག་ཆོས་ལུགས་རིག་གནས་དམིགས་བསལ་ཆེ་བསྟོད་གཟེངས་རྟགས་བྱས་པ་རག་ཡོད་པ་རེད།
བོད་པའི་གློག་བརྙན་རླུང་རྟ་ཡར་འགྲོ་རེད། བོད་མིའི་ཐོབ་ཐང་བསོད་ནམས་མར་འགྲོ་རེད།
བཀྲ་ཤིས་བདེ་ལེགས་གྲངས་མེད་ཡོད།
འདི་ཡང་མི་རིགས་ཤིག་གི་སྲོག་དབུགས་རེད། ཡར་ངོས་ཟླ་ལྟར་འཕེལ་བར་སྨོན།