སྤྲུལ་སྐུ་དབང་ཆེན།
ཀ་མད་སུམ་ཅུའི་ཁྱོ་དང་བྲལ་ན་ཡང་།།
ཁ་བ་རི་བའི་སྲོལ་རྒྱུན་ཤུལ་འཛིན་མ།།
ག་ཤེད་པེ་ཅིང་མཁར་གྱི་གྲོང་ཁྱེར་ནས།།
ང་ཅག་གདོང་དམར་བོད་པའི་སྐྱིད་སྡུག་གླེང་།།
ཅ་ཅོ་འུར་འདྲོག་རྒོད་པའི་གངས་ཅན་པར།།
ཆ་ལུགས་ཡ་རབས་གཤིས་བཟང་ཤེས་ལྡན་མ།།
ཇ་ཆང་བསླུ་གཏམ་མགོ་བོ་མི་འཐོམ་པར།།
ཉ་གང་རྗེས་འགྲོའི་དཔེ་ཟླར་ཀུན་ལ་གྲགས།།
ཏཱ་ལའི་གཞུང་གི་ལོ་རྒྱུས་བདེན་པར་སྨྲས།།
ཐ་ཆད་དམར་གཞུང་མཚང་བརྡོལ་སྐྱོན་བརྗོད་བྱེད།།
ད་ལོར་ཨ་རིས་མི་རིགས་དཔའ་མོ་ཞེས།།
ན་གཞོན་མཛེས་མ་ཁྱེད་ལ་གཟེངས་བསྟོད་ཕུལ།།
པ་ཏྲ་ཅན་གྱི་གནའ་རབས་དགོན་གྲོང་སོགས།།
ཕ་ཡིས་པར་ལ་བཏབ་པའི་བདེན་དཔུང་རྣམས།།
བ་གླང་དུད་འགྲོའི་ཁང་བཞིན་ལྟར་བཅོམ་རིགས།།
མ་ལུས་འགྲེལ་བཅས་པར་མཛོད་དེབ་ཆེན་བསྐྲུན།།
ཙ་ཁྲག་གཞིབ་པའི་དམར་པོའི་སྲིད་ཇུས་ལ།།
ཚ་ངར་ཅན་གྱི་དྲང་བདེན་མདས་བསྣུན་པས།།
ཛ་དྲག་ལས་རིགས་གནས་དབྱུང་མཐར་སྤྲད་ཅིང་།།
ཝ་ཁྱུ་དུ་མས་ཉིན་མཚན་བྱ་རར་བྱེད།།
ཞྭ་གོས་ལྷན་སོགས་བོད་ཆས་གཙང་མ་སྤྱོད།།
ཟ་ཉལ་འགྲོ་འདུག་རྒྱ་དང་མཉམ་དུ་འགྲོགས།།
འ་ཅག་ལས་དབང་ཕྲ་མོའི་ལས་སྣེ་ཞིག །
ཡ་རབས་བུ་མོ་འདི་ཡིས་འཁུར་དུ་འདེགས།།
ར་ལྟར་གྱོང་བའི་སྒེར་གཅོད་ལྕགས་སྒྲོག་འོག །
ལ་རྒྱའི་དར་ཆ་འཁྱར་ནས་གཏམ་བཤད་ཚེ།།
ཤ་འདར་འགའ་རེས་རྒྱ་དར་མགོར་འཁྱར་ནས།།
ས་མཐའི་ཡུལ་དེར་ཁྱི་བཞིན་འཁྱམས་འདི་ཁྲེལ།།
ཧ་ཅང་གུས་བཅས་དཔའ་མོ་འོད་ཟེར་ལ།།
ཨ་རིའི་ཡུལ་ནས་ཡིད་སྨོན་འཚམས་འདྲི་ཞིག །
ཧ་ཅང་སྟབས་བདེའི་ངོ་དེབ་འཕྲུལ་བརྒྱུད་ནས།།
ཨ་ཉོག་བོད་པའི་རྩམ་གཟན་ཞིག་གིས་ཕུལ།།
༢༣/༠༥/༢༠༡༣
ཨ་མའི་བོ་མོ་མཚན་མུན་མགོན།
ཨ་ལ་འོད་ཟེར་དྲ་བ་ཅན།
ཨ་ཧོ་མུན་སེལ་འོད་ཟེར་་ལག།
ཨ་ཧུཾ་སྒྲོལ་མས་མགོན་གྱུར་ཅིག།
ཚེ་རིང་འོད་ཟེར་བཀའ་དྲིན་ཆེ། སྤྲུལ་སྐུ་དབང་ཆུང་གིས་ཚེ་རིང་འོད་ཟེར་བཏེག་པ་ནི་སྐྱག་པས་རྐུབ་བཏེག་པ་མིན་པར་སྐྱག་པས་མཆོད་རྟེན་བཏེག་ཟེར་དགོས་སོ།
ཀ་ར་ལྟ་བུའི་གཏམ་སྙན་བརྗོད་མཁས་མ། །
ཁ་བ་ཅན་གྱི་ལ་རྒྱ་འཛིན་མཁས་མ། །
ག་བར་སོང་ཡང་བོད་དོན་བསམ་མཁས་མ། །
ང་དང་འདྲ་བར་མི་རིགས་གླེང་མཁས་མ། །
ཅ་ལག་ཙག་ཙིག་ཡན་གྱི་དོན་ཆེན་དང་། །
ཆ་ཤས་མ་ལུས་བོད་ཀྱི་གནད་དོན་ཀུན། །
ཇ་ཡུན་ཙམ་ལ་ཡལ་བར་མི་གཏོང་བ། །
ཉ་མོ་ཆུ་དང་འགྲོགས་པ་ཀུན་ནས་མཚུངས། །
ཞྭ་གོས་ལྷམ་སོགས་བོད་ཆས་གཙང་གྱོན་ཡང་། །
ན་གཞོན་མཛེས་མ་ཡིན་མིན་ཆ་མ་འཚལ། །
ཨ་རིའི་ཡུལ་ནས་སྤུལ་སྐུ་དབང་ཆེན་གྱིས། །
འོད་ཟེར་མོ་ལ་བསྟོད་པ་དོན་དང་ལྡན། །
ཀ་མད་སུམ(་ཅུའི་ཁྱོ)་དང་བྲལ་ན་ཡང་།། ཟེར་ན་ག་རེ་ལབ་ཀི་ཡོད་པ་རེད། སྤྲུལ་སྐུ་ལགས།