ལྡོང་གསེར་མིག
རྒྱ་ནག་དམར་པོའི་ཁྲིམས་ཤེད་འོག་ཨ་མདོ་རྔ་བ་དང་ཁམས་རྟ་བོ་ཁུལ་གྱི་བོད་མིའི་གནས་སྟངས་ཉིན་རེ་བཞིན་སྔར་བས་ཇེ་སྡུག་ཏུ་འགྲོ་བཞིན་ཡོད་པས་ཁ་འཐོར་དུ་གནས་པའི་གཞིས་བྱེས་བོད་མི་རྣམས་ཀྱིས་གཙོས་བོད་རྒྱའི་ཐད་ཆབ་སྲིད་ལ་གོ་རྟོགས་ཡོད་པ་མང་པོ་ཞིག་གིས་རྒྱ་ནག་ལ་སྐྱོན་བརྗོད་དང་དམོད་མོ་བགྲང་བཞིན་ཡོད།ལྷག་པར་ཏུ་བསྟན་རྡོར་དང་། བཀྲས་མཐོང་ལྷ་སྒྲོན་སོགས་གཞོན་སྐྱེས་ཁག་ཅིག་གིས་རྒྱ་ནག་གི་མནར་གཅོད་དྲག་པོ་འཛམ་གླིང་མི་མང་གི་མདུན་སྟེགས་སུ་བཤམས་ཏེ་རྒྱ་ནག་གི་ནང་རོ་དམར་པོ་ཕྱི་ལ་སྟོན་ཇི་ཐུབ་བྱས་པ་དང་བྱེད་བཞིན་པ་རེད། ཁོང་ཚོས་བཤད་ན་སྤྱི་ཟླ་༡༡ ཚེས་ ༢ ཉིན་འཛམ་གླིང་གང་སར་གནས་པའི་བོད་མི་ཚོས་བོད་དོན་ཆེད་ཡར་ལངས་བྱེད་རོགས་ཞེས་འབོད་བསྐུལ་བྱས་སོང་།ད་ལྟའི་སྐད་འབོད་ནི་ཆེས་འུ་ཐུག་པའི་སྐབས་ཀྱི་གནས་སྟངས་སམ་ཛ་དྲག་གི་གནས་བབ་དེ་ཁྲོམ་དང་མི་མང་འདུ་སར་དཔའ་བོ་རྣམས་ལ་གདུང་སེམས་བསྐྱེད་མཚོན་པའི་ཐབས་ལམ་ཞིག་རེད།དེ་བཞིན་ད་ལྟའི་ཆར་ངོ་གདོང་དྲ་བ་(Facebook)ནི་དེ་བས་ཀྱང་མི་མང་ལ་ཁྱབ་བསྒྲགས་བྱེད་ཐབས་ཡག་ཤོས་དེ་ཡིན་པས་ངོ་གདོང་དྲ་ངོས་ཀྱི་བོད་མི་ཡོངས་རྫོགས་ཀྱིས་བོད་ཀྱི་རྒྱལ་གཅེས་དཔའ་བོ་དང་དཔའ་མོ་རྣམས་ལ་གདུང་སེམས་བསྐྱེད་ཆེད་མ་མཐའ་ཟླ་གཅིག་ཙམ་ལ་གོང་གསལ་མཆོད་མེའི་པར་དེ་བཞག་ན་ག་འདྲ་འདུག
ངོ་དེབ་སྟེང་མཆོད་མེ་མང་པོ་བཞག་འདུག དེ་ཁྱབ་ཆེ་རུའང་འགྲོ་བཞིན་པ་རེད། རྗེས་སུ་ཡི་རང་ཡོད།
ད་ལྟ་གོང་ན་གསལ་བའི་མཆོད་མེའི་འགྲམ་ངོས་ཀྱི་བོད་ཡིག་དེ་ནི་ཡིག་ནོར་ཅན་ཞིག་རེད་འདུག འདི་འདྲ་ཞིག་ཡིན་ན། ངོ་དེབ་སྟེང་འཇོག་པ་ལས་མ་བཞག་ན་ཡག་གི་རེད། བོད་ནང་ན་སྐད་ཡིག་རང་དབང་གི་སྐད་འབོད་བྱེད་བཞིན་པ་རེད། འདི་ནས་ཁྱབ་བསྒྲགས་གནད་འགག་ཅན་འདི་འདྲ་ལའང་ཡིག་ནོར་བྲིས་བསྡད་ན་སེམས་ཕམ་བཟོ་གི་རེད། འདི་འདྲ་ཡིན་ན་མ་སྤེལ་ན་ཡག་པོ་འདུག
རྒྱལ་བཅེས ལབ་ན་ག་རེ་རེད།
མྱང་ངན ལབ་ན་ག་རེ་རེད། མྱང་འདས་ཞེས་པའི་སྐབས་ལ་བསྡུས་ཡིག་གིས་བསྟན་པ་དང་འདི་གཉིས་འདྲ་ལེ་མ་རེད།
དྲ་གྲོགས་ལུང་རིགས་ལགས། པར་ངོས་སུ་ཡིག་སྐྱོན་བྱུང་བ་ཞིག་བཀོད་པར་བཟོད་གསོལ་ཞུ། འདི་ནས་ཁ་བརྡའི་དྲ་དཔོན་ལ་དེ་ལུགས་ཞུས་ཡོད་པས། མི་རིང་བར་བཟོ་བཅོས་གནང་བའི་རེ་བ་ཡོད། །
འབོད་སྒྲ་གཅིག རེ་བ་གཅིག གཅིག་རྗེས་གཅིག་གིས་མཐུད་པའི་མེ་ལྕེ་གཅིག