འདྲེ་གླེན་པ།
བོད་རྒྱའི་དཀའ་ཉོག་གི་མཐའ་མ་སེལ་བར་དུ་བོད་རྒྱའི་བར་གྱི་གནས་དོན་ཆེ་ཕྲ་ག་རེ་ཡིན་ཡང་ཆབ་སྲིད་ཀྱི་གནས་དོན་ཡིན། མི་རིགས་དབྱེ་འབྱེད་ཡིན། དབང་ཡོད་དབང་མེད་ཡིན། བཙན་འཛུལ་ཡིན། གཉའ་ནོན་ཡིན། དེ་ལ་རྒྱ་གཞུང་དང་རྒྱ་མི་རིགས་ཞེས་ཁ་ཁར་དབྱེ་ས་མེད། མི་རིགས་དཀར་ནག་གི་གནས་དོན་དང་གཅིག་པ་ཡིན།
རྒྱ་ནག་གཞུང་རང་གིས་བོད་མི་དང་རྒྱ་མི་གཉིས་གཉེན་སྒྲིག་བྱས་པ་ཡང་ཆབ་སྲིད་ཀྱི་གནས་དོན་ལ་ངོས་འཛིན་བྱེད་གི་ཡོད་རེད། དེ་ལ་རྒྱ་ནག་གཞུང་གིས་ཆབ་སྲིིད་ཀྱི་གནས་དོན་ལ་ངོས་འཛིན་ཡོད་པའི་ཐོག་ནས་བྱ་དགའ་སྤྲོད་ཀྱི་ཡོད་རེད།
རྒྱ་གཅིག་གིས་བོད་མི་གཅིག་བསད་ན་དེ་ཆབ་སྲིད་ཀྱི་གནས་དོན་ཡིན་ད་ཡིན །
མི་རིགས་ནག་པོ་གཅིག་གིས་རྐུན་མ་བརྒྱབ་ཏེ་མི་རིགས་དཀར་པོས་བསད་པ་དེ་མི་རིགས་དབྱེ་འབྱེད་ལ་ངོས་འཛིན་བྱེད་ཀྱི་ཡོད་རེད། རྒྱུ་མཚན་གནས་ཚུལ་ག་རེ་ཡིན་ཡང་མི་ཞིག་གིས་མི་གསོད་ཆོག་གི་ཡོད་མ་རེད། ལྷག་པར་དུ་མི་རིགས་དཀར་ནག་གི་གནས་དོན་དང་བོད་རྒྱའི་གནས་དོན་སོགས་ནི་ཆབ་སྲིད་ཀྱི་ཧ་ཅང་ཚོར་བ་རྣོ་བའི་རིགས་ཡིན་པས་དེ་ད་ཆབ་སྲིད་ཀྱི་གནས་དོན་ཡིན་ད་ཡིན།
རྒྱ་གཞུང་གིས་བོད་ནང་དུ་་“ སྒོ་བརྒྱབ ། ཁྱི་རྡུང་། ”གི་ཆབ་སྲིད་ནག་པོའི་འོག་ནས་ད་བར་དུ་བོད་མི་རྣམ་ཁྱི་རྡུང་རྡུང་དང་ཁྱི་གསོད་གསོད་བྱེད་ཀྱི་ཡོད་པ་དེས་བདེན་དཔུང་གསལ་བོ་གཅིག་ཧྥ་རན་སི་France ནས་བྱུང་བའི་ད་ཐེངས་ཀྱི་་གནས་དོན་འདི་ཡིན། གོ་སྐབས་འདི་བརྒྱུད་ནས་ཡོ་རོབ་གླིང་ལ་རྒྱ་ནག་གིས་བོད་མི་རྣམས་ཇི་ལྟར་རྩ་མེད་གཏོང་གི་ཡོད་པ་གསལ་འདོན་བྱེད་དགོས།
བོད་མི་རྣམ་རང་བཞིན་གྱིས་རྒྱ་ནག་ལ་མི་དགའ་བ་དེ་བོད་མི་ཚོས་རྒྱ་འོག་ནས་མྱོང་ཡོད་པས་ཡིན། བོད་མི་རེ་རེ་ཡི་སེམས་ལ་རྒྱ་ནག་གིས་བཟོད་ཐབས་མེད་པའི་སྡུག་བསྔལ་བཞག་ཡོད་པས་ཡིན། དཔེར་ན། མི་རིགས་ནག་པོ་དང་ཨོ་གླིང་གི་གདོད་མའི་མི་རིགས་ལྟ་བུ་རེད། དམངས་གཙོའི་རྒྱལ་ཁབ་ཨ་རི་དང་ཨོ་གླིང་ལྟ་བུའི་ཚད་ལྡན་གྱི་རྒྱལ་ཁབ་ཡིན་ཡང་། མི་རིགས་དཀར་པོས་བཟོས་པའི་ཁྲིམས་སྒྲིག་གཅིག་ལ་ཡང་ཡུལ་འདིའི་གདོད་མིའི་མི་རིགས་ཀྱིས་་ངོས་ལེན་བྱེད་ཀྱི་མེད་པ་ལྟ་བུ་རེད།
རྒྱུ་མཚན་ནི། ཁོ་ཚོས་མི་རིགས་བརླགས། རྒྱལ་ཁབ་འཕྲོག་པའི་རྗེས་ནས་དགོས་པ་དེ་རང་གི་མི་རིགས་དང་རྒྱལ་ཁབ་ཡིན་པ་ལས། ཁྲིམས་སྒྲིག་སྙིང་ལ་རྗེ་བོ་ཚོ་མ་རེད།
དགོས་རྒྱུ་དངོས་གནས་ནི་རང་གི་ས་ཐོག་ནས་དགྲ་བོ་བཙན་འཛུལ་བ་ཚོ་ཕྱིར་ཐོན་དགོས་པ་དེ་རེད། དེ་ལས་ལྷག་ཅི་གང་ཡང་དགོས་ཡ་ཡོད་མ་རེད། ང་ཚོ་ཡང་གཅིག་པ་ཡིན། བོད་ཀྱི་གནམ་ས་གཉིས་ནས་རྒྱ་མི་མ་ཚད་རྒྱ་སྤུ་ཞིག་ཀྱང་མཐོང་རྒྱུ་མེད་པ་ཆགས་ན་དེའི་རྗེས་ཀྱི་གནད་དོན་ནི་ཆབ་སྲིད་ཁོ་ན་ཙམ་མིན། དེ་ལྟར་མ་བྱུང་བར་དུ་བོད་རྒྱའི་གནས་དོན་ཆེ་ཕྲ་ག་རེ་ཡིན་ཡང་ཆབ་སྲིད་ཀྱི་གནས་དོན་ཡིན།
ད་ཐེངས་གོ་སྐབས་འདི་བཟུང་ནས་ཡོ་རོབ་ཀྱི་བོད་རིགས་སྤུན་ཟླ་ཚོས་རྡོག་རྩ་གཅིག་སྒྲིལ་བྱས་ཏེ་ལས་འགུལ་གནམ་ས་འགུལ་བ་ཞིག་སྤེལ་དགོས་པ་ནི་གནད་ཀྱི་སྙིང་བོ་ཡིན། ལྷག་པར་རང་དབང་ལུང་པ་ནས་རྒྱ་མི་ཞིག་གིས་བོད་པ་ཞིག་གསོད་རྒྱུ་ཕར་ཞོག བོད་མི་གཅིག་གི་གདོང་ལ་མགོ་བཀྱགས་ནས་བལྟས་ན་ཡང་ཉེས་པ་ཡོད།
གཞན་གཅིག་ནི་བོད་མའི་ནང་ཁུལ་ན་ཁྲིམས་སྒྲིགས་བཤད་མཁན་ཚོར་ཞུ་རྒྱུ་ཞིག་ལ།
ཧྥ་རན་སིར་གནས་བཞུགས་བོད་རིགས་སྤུན་ཟླ་ཚོས་ལས་འགུལ་སྤེལ་ཏེ་མི་གསོད་ལག་མར་ཚང་གི་ཟ་ཁང་གཏོར། མོ་ཊ་བཅག་པའི་གནས་དོན་དེ་འགྲིག་མི་འདུག་ཟེར་ན་ཁ་ལ་ཐལ་བ་རྒྱོབས་ལབ་ཡ་ཡིན། ད་རུང་ཁྲིམས་ཐོག་ནས་མཇུག་འབྲས་ང་ཚོའི་མྱོང་དགོས་རབས་ཀྱི་སྐད་ཆ་བཤད་པ་དེ་འཇིགས་སྐུལ་རེད། རྒྱ་གཞུང་གིས་བོད་ནང་དུ་ནམ་རྒྱུན་བོད་མི་ལ་མི་རིགས་ཁ་བྲལ་གྱི་ནག་ཉེས་ཀྱི་ཁྲིམས་སྒྲིག་འོག་ནས་འཇིགས་སྐུལ་བྱས་པ་དང་གཅིག་པ་རེད། ད་རུང་མགོ་བདེ་དྲན་འཕྲུལ་ཁེ་སང་རང་ལུགས་པའི་སྐད་ཆ་རེད། མི་རིགས་ཀྱི་གནས་དོན་དང་འཐབ་རྩོད་ནི་ཁེ་སང་ཡོད་མེད་ཀྱི་གནས་དོན་མིན། ང་ཚོས་ཡག་ཡག་དང་འཇམ་འཇམ་བྱས་པའི་མཇུག་འབྲས་འདི་རེད། མི་རིགས་གཞན་གྱིས་དམར་གསོད། བཙན་གཡེམ། བྲན་གཡོག མཐོང་ཆུང་།
16/7/2022 ཨོ་གླིང་གནས་སྡོད་འདྲེ་གླེན་པས་ལས་ཞོར་དུ་ཐད་གར་ངོ་དེབ་ལ་བྲིས།
མི་སུ་འདྲ་ཞིག་ཡིན་ཀྱང་ཚོར་བ་ལ་རྣོ་ངར་དང་ངར་ཤུགས་འདྲ་མིན་ཡོང་སྲིད་པ་རེད་།
ང་ཚོ་བོད་མིའི་ངོས་ནས་ཁ་ཕྱི་ལ་གཏད་ནས་བཤོད་དགོས་པ་ལས་ནང་ཁུལ་ལ་འགྲིག་མ་འགྲིག་བཤད་བསྡད་ན་དགྲ་བོ་རྒྱ་དམར་ལ་ཁ་གཏད་བཅོག་རྒྱུ་ཁག་པོ་མིན་འགྲོ་། ང་ཚོའི་ལས་འགུལ་ག་འདྲ་ཞིག་སྤེལ་ཀྱང་ནུས་པ་འཐོན་པ་ཞིག་དགོས་པ་ལས་གསར་ཤོག་སྟེང་འཐོན་པ་ཙམ་གྱི་ང་ཚོའི་འདོད་དོན་འགྲུབ་པར་ངོས་འཛིན་བྱས་ན་སྔ་དྲག་པ་མིན་འགྲོ་།
https://www.youtube.com/watch?v=0za3uRRzSvI