གཡུ་ཞུན།
གནས་འཕྲིན་དྲ་བའི་རྩོམ་རིག་ནི་བོད་ལ་མཚོན་ན་ཉེ་བའི་ལོ་འདི་འགར་ཤིན་ཏུ་དར་ཁྱབ་འགྲོ་བཞིན་པའི་རྩོམ་རིག་སྣང་ཚུལ་ཞིག་ཡིན་ལ་།དེ་རིང་འདིའི་དགེ་སྐྱོན་ཐད་རང་གི་ལྟ་ཚུལ་ཅུང་ཙམ་བཤད་ན་བསམ་བྱུང་།སྤྱིར་གནས་འཕྲིན་དྲ་བ་ནི་གསར་དུ་དར་བའི་དངོས་པོ་ཞིག་དང་།དེ་ནི་ཚན་རིག་ལག་རྩལ་ཡར་རྒྱས་ཀྱི་ཐོན་རྫས་ཤིག བརྡ་འཕྲིན་གྱི་དུས་རབས་འདིའི་མཚོན་རྟགས་ཤིག་ཀྱང་རེད་ལ་།འདི་རྟོགས་བཟོའི་བར་གསེང་ཞིག་ཡིན་ནའང་།དེ་ཧ་ཅང་སྟབས་བདེ་བ་དང་མགྱོགས་པོ་།རྣམ་པ་མ་འདྲ་བ་སོགས་ཀྱི་ཁྱད་ཆོས་ལྡན་ཕྱིར་།ང་ཚོའི་ཤེས་རྒྱ་ཇེ་ཆེར་འགྲོ་བ་དང་གནས་ཚུལ་ཤེས་རྟོགས་ཐད་ནུས་བ་གལ་ཆེན་ཐོན་གྱི་ཡོད་ལ་།གོ་ལ་ཟླུམ་པོ་འདིའི་བར་ཐག་ཉེ་ནས་ཉེ་རུ་འགྲོ་བའི་ཚོར་བ་ཞིག་དང་།ལྷག་པར་དུ་བོད་ལ་མཚོན་ནའང་ན་ནིང་ནས་བཟུང་ཧི་མ་ལ་ཡའི་རྒྱལ་སྤྱིའི་གཅིག་གྱུར་ཨང་རྟགས་ཀྱི་ཡིག་གཟུགས་གློག་ཀླད་ནང་བཅུག་པའི་རྗེས་སུ་།བོད་གཞིས་བྱེས་གཉིས་དང་།དགེ་འདུན་པ་དང་མི་སྐྱ་།ཡང་ན་ཤེས་ཡོན་པ་དང་མི་དཀྱུས་མའི་བར་ཐག་ཇེ་ཉེར་སོང་ཡོད་ལ་།དེ་སྔོན་བོད་ཕྱི་ན་གནས་ཚུལ་ཇི་བྱུང་ཟླ་དང་ལོ་ཡི་རྗེས་ནས་མ་གཏོགས་བོད་ནང་གི་མི་གོ་བ་དང་།བོད་ནང་་གི་གནས་ཚུལ་ཅི་ཡོད་ཕྱི་ནས་མི་གོ་བའི་གནས་སྟངས་དེར་སྔོན་མ་ལས་བླ་ལྷག་གིས་འགྱུར་བ་ཐེབས་ཡོད་།འདིའི་ཐད་ལག་ཁྱེར་ཁ་པར་དར་བ་ལས་དེ་བས་ཀྱང་ནུས་བ་ཐོན་གྱིན་ཡོད་ནའང་།དེ་རིང་འདིར་དེའི་ཐད་གནས་སྐབས་གླེང་མོལ་བྱེད་རྒྱུ་མིན་།སྤྱིར་བོད་མི་ས་ཡ་དྲུག་གི་མི་གྲངས་དང་བསྡུར་ན་།ད་ལྟ་ད་དུང་བོད་ཕྱི་ནང་གཉིས་ལ་མཚོན་ན་བོད་ཡིག་གི་ལམ་ནས་གནས་འཕྲིན་དྲ་བ་བེད་སྤྱོད་བྱེད་མཁན་ཉུང་ཉུང་ཡིན་པ་དང་དངོས་གནས་བོད་མི་ཇི་ཙམ་གྱིས་བེད་སྤྱོད་བྱེད་ཀྱི་ཡོད་པ་ཚོད་དཔག་བྱེད་རྒྱུ་ཧ་ཅང་ཁག་པོ་རེད་།ཡིན་ནའང་ད་ལྟ་གློག་ཀླད་ནང་ཐད་ཀར་བོད་ཡིག་བེད་སྤྱོད་བྱེད་ཆོག་ལ།བེད་སྤྱོད་བྱེད་མཁན་ནི་གཞུང་གི་ལས་བྱེད་པ་དང་།ཤེས་ཡོན་ཅན་།དགོན་སྡེ་ཁག་གི་དགེ་འདུན་པ།སློབ་གྲྭ་ཆེ་འབྲིང་གི་སློབ་མ་བཅས་ཡིན་པས་།ཁོང་ཚོས་བོད་ཀྱི་སྤྱི་ཚོགས་སྟེང་གོ་གནས་ངེས་ཅན་ཞིག་བཟུང་ཡོད་ལ་།ནུས་བ་བླ་ན་མེད་པ་ཐོན་གྱི་ཡོད་པ་མ་ཟད་།མ་འོངས་པར་དེ་ལས་ལྷག་པར་ནུས་བ་ཐོན་ངེས་རེད་།ལྷག་པར་དེ་སྔོན་སློབ་གྲྭ་ཆེ་འབྲིང་ཆུང་གསུམ་ནས་བོད་ཡིག་སྦྱོང་བརྩོན་བྱས་ཏེ་སློབ་མཐར་ཕྱིན་པའི་སློབ་མ་ཚོས།གཞུང་གི་ཡིག་བསྒྱུར་ལས་ཁུངས་དང་སློབ་གྲྭ་ཁག་གི་བོད་ཡིག་སློབ་ཁྲིད་མ་གཏོགས་བོད་ཡིག་བཀོལ་ས་མེད་པར་སྨྲེ་ངག་འདོན་བཞིན་པ་དང་།དགོན་སྡེ་ཁག་གི་དགེ་འདུན་པ་དང་ཐ་ན་དགེ་བཤེས་དག་ལའང་ཡིག་རྨོངས་ཞེས་གཞུང་འབྲེལ་འབྲི་སྲོལ་ཡོད་པ་དེའི་གནས་སྟངས་རྩ་བ་ནས་བསྒྱུར་ཐུབ་ཀྱི་མེད་ཀྱང་།མ་མཐའ་སྒེར་གྱི་ངོས་ནས་བོད་ཡིག་བེད་སྤྱོད་ཀྱི་གཞི་རྒྱ་ཆེ་རུ་ཕྱིན་ཡོད་ལ།བོད་མི་ན་གཞོན་ཚོར་སེམས་ཤུགས་གསར་བ་ཞིག་ཀྱང་སྦྱིན་ཡོད་།ལྷག་པར་བོད་ནང་ལ་མཚོན་ན་ན་གཞོན་ཤེས་ལྡན་པ་ལྷག་བསམ་ཅན་སྐོར་ཅིག་གིས་སྒེར་ངོས་ནས་གཙོ་གཉེར་བྱེད་བཞིན་པའི་དྲ་ཚིགས་དག་ནི་གཞུང་འབྲེལ་གྱི་དྲ་ཚིགས་དག་ལས་ནང་དོན་སོགས་གང་གི་ཆ་ནས་ཕུན་སུམ་ཚོགས་པ་དང་ཕྱུག་པོ་རེད་།བོད་ཡིག་གི་ལམ་ནས་གནས་འཕྲིན་དྲ་བ་བེད་སྤྱོད་བྱེད་མཁན་ཚོའི་ཉིན་རེའི་འཚོ་བའི་ནང་མེད་དུ་མི་རུང་བའི་ཆ་ཤས་སུ་གྱུར་ཡོད་།གནས་འཕྲིན་དྲ་བའི་རྩོམ་རིག་དང་སྲོལ་རྒྱུན་གྱི་རྩོམ་རིག་གཉིས་བར་གྱི་ཁྱད་པར་ཆེ་ཤོས་དེ་ནི་།མི་མང་ཆེ་བས་གནས་འཕྲིན་དྲ་བའི་རྩོམ་རིག་ཡིན་ན་བཀག་རྒྱ་མེད་པ།དཔེར་ན།དུས་དེབ་ལྟ་བུར་རྩོམ་སྒྲིག་པས་འགྲེམ་སྤེལ་བྱེད་མི་བྱེད་ལ་སེམས་ཁུར་བྱེད་མི་དགོས་པ།རྩོམ་གྱི་འབྲི་སྟངས་ཀྱི་ཆ་ནས་ཀྱང་རང་དགར་ཡིན་པ་དང་འགྲེམ་སྤེལ་གྱི་དུས་ཚོད་མགྱོགས་པ་།དེ་ནས་ཀློག་མཁན་མང་བོ་ཡོད་པ།ཡང་ཁ་ཤས་ཀྱིས་དྲ་རྩོམ་དེ་སྲོལ་རྒྱུན་རྩོམ་རིག་དང་(འདི་ནས་སྲོལ་རྒྱུན་རྩོམ་རིག་ཞེས་པ་དེ་ནམ་རྒྱུན་དུས་དེབ་སོགས་སུ་སྤེལ་བའི་རྩོམ་རིག་ལ་ཟེར་)མི་འདྲ་བའི་ཁྱད་པར་དང་ལེགས་ཆ་དེ་ཡིན་ན་།མི་མང་གི་འཚོ་བ་དང་ཐག་ཉེ་པོ།རང་དགར་ཅི་འདོད་བརྗོད་ཆོག་པ་དེ་རེད་ཟེར་།ཡང་ཁ་ཤས་ཀྱིས་དེར་གདོང་ལེན་གྱི་རང་བཞིན་ཆེན་པོ་ཡོད་པས་།རྩོམ་རིག་གསར་རྩོམ་གྱི་ཆུ་ཚད་ངེས་ཅན་མེད་ནའང་རྩོམ་འབྲི་བར་དགའ་མོས་ཆེན་པོ་ཡོད་པ་ཚོའི་འདོད་བློ་སྐོང་ཐུབ་ཀྱི་ཡོད་ཟེར་།ཡང་ཁ་ཤས་ཀྱིས་དེས་ཀློག་པ་པོ་དང་རྩོམ་པ་པོ་གཉིས་བར་ལམ་སང་ཕན་ཚུན་བསམ་ཚུལ་བརྗེ་རེས་བྱས་ནས་།མི་རྣམས་ཀྱི་རང་གཤིས་འབུར་དུ་ཐོན་པར་སྐུལ་འདེད་བྱས་ཏེ་།རྩོམ་རིག་དེ་མང་ཚོགས་རང་བཞིན་ཅན་དུ་གྱུར་ནས་དེ་མི་ཉུང་ཤས་ཤིག་ཁོ་ནར་དབང་པའི་ཁྱད་རྫས་ཀྱི་རྣམ་པ་བསྒྱུར་ཡོད་ཟེར་།མི་ཚང་མ་འདྲ་མཉམ་དང་།རྩོམ་རིག་ལ་དགའ་བའི་མི་མང་པོ་ཞིག་གིས་རྩོམ་མང་པོ་འབྲི་གི་ཡོད་ནའང་དུས་དེབ་སོགས་སུ་འགྲེམ་སྤེལ་བྱེད་མ་ཐུབ་པར་ལྷག་པའི་གནས་སྟངས་དེར་འགྱུར་བ་ཐེབས་ནས་།རྩོམ་རིག་ནི་འཚོ་བ་དངོས་ལས་བྱུང་བའི་མཚན་ཉིད་དེ་མངོན་འགྱུར་བྱས་ཏེ།ཐོན་ས་དམངས་ཁྲོད་ཡིན་པའི་རྩོམ་རིག་སྒྱུར་རྩལ་འདི་ཡང་བསྐྱར་མི་མང་ཁྲོད་སླེབས་ཏེ་།ང་ཚོེར་རྩོམ་རིག་གསར་གཏོད་ཀྱི་སྤྲོ་སེམས་ཉམས་སུ་མྱོང་བར་བཅུག་པའི་གོ་སྐབས་རེག་པ་མ་ཟད་།ནམ་རྒྱུན་རང་གཞན་ལས་འཕགས་པར་བརྩི་བའི་སྲོལ་རྒྱུན་གྱི་རྩོམ་འབྲི་བ་དེ་དག་ལ་ཁྱོད་ཚོས་སྒྲུབ་ཐུབ་པ་དེ་ངས་ཀྱང་བསྒྲུབ་ཐུབ་པའི་སློབ་གསོ་གོ་སྐོན་བྱས་ཡོད་།
དེ་བཞིན་རྩོམ་རིག་དང་མིའི་བར་གྱི་འབྲེལ་ཐག་ཉེ་རུ་གྱུར་ནས་།ཚང་མས་མཉམ་དུ་གསར་རྩོམ་དང་ལོངས་སུ་སྤྱོད་པ་།བསམ་ཚུལ་བརྗེ་རེས་བྱས་ཏེ་རང་ཉིད་ཀྱི་ཤེས་ཡོན་མངོན་པར་བྱས་པ་མ་ཟད་།ནམ་རྒྱུན་རྩོམ་རིག་ལ་དགའ་བོ་ཡོད་ཀྱང་རང་གིས་རང་ལ་ཡིད་ཆེས་མེད་པའི་མི་དེ་དག་ལའང་རིམ་གྱིས་སྐུལ་མ་ཐེབས་ནས་རྩོམ་རིག་གི་ལམ་ཁར་གོམ་པ་དང་པོ་སྤོ་བར་སྐུལ་ལྕག་བྱས་ཡོད་།ད་གོང་ནས་བརྗོད་པ་ནི་གནས་འཕྲིན་དྲ་བའི་རྩོམ་རིག་གི་དགེ་མཚན་ཕྱོགས་རེད་།དེ་བཞིན་དངོས་པོ་གང་ཞིག་ལ་དགེ་མཚན་དང་སྐྱོན་ཆ་གཉིས་ཀ་ལྡན་པ་བཞིན་།སྤྱིར་ཚན་རིག་ལག་རྩལ་ཡར་རྒྱས་ཀྱི་ལོ་རྒྱུས་ནང་།ཚན་རིག་ལག་རྩལ་ནི་གྲི་ཁ་གཉིས་མ་ནང་བཞིན་ཡིན་པ་བདེན་དཔང་བྱེད་བཞིན་ཡོད་ལ་།དེའི་འགྲོ་བ་མིའི་རིགས་ཀྱི་ཡར་རྒྱས་ལ་དགེ་མཚན་ལྡན་པའི་ཆ་ཞིག་ཡོད་ནའང་།འགྲོ་མ་མིའི་རིགས་ལ་གནོད་པའི་ཆའང་ཡོད་པས་།གནས་འཕྲིན་དྲ་བ་དེའང་བརྡ་འཕྲིན་སྤྱི་ཚོགས་ཁྲོད་གསར་དུ་དར་བའི་དངོས་པོ་ཞིག་ཡིན་པས་ཆ་ནས་།སྐྱོན་ཆ་ཡོད་པ་སྨྲས་མ་དགོས་པ་ཡིན་ཞིང་།དེར་མཉམ་འཇོག་བྱེད་རྒྱུ་གལ་ཆེན་པོ་རེད་།དྲ་རྩོམ་གྱི་སྐྱོན་ཆ་ཡིན་ན་།ཁ་ཤས་རྩོམ་རིག་གི་ཚད་གཞི་དང་མི་འདང་པ།ཁ་ཤས་ཀྱིས་སྤྱི་ཚོགས་ལ་འགན་མི་ཁུར་བར་རང་སྣང་གང་ཤར་འདོད་འདོད་ཚང་མ་བཤད་པ།ཡང་ཁ་ཤས་ཀྱིས་རང་ཉིད་ཀྱི་མཚན་སྙན་གྲགས་རྒྱས་ཆེད་ཐལ་དྲགས་ཀྱི་ནང་དོན་འབྲི་བ།བསམ་གཞིགས་གཏིང་ཟབ་མོ་མི་གཏོང་པ།སྟོང་བསམ་གྱིས་སྦག་ནས་དངོས་ཡོད་འཚོ་བ་དང་ཁ་གྱེས་པ་སོགས་རེད་ལ།དེང་སྐབས་བོད་ཕྱི་ནང་གཉིས་སུ་ཚང་མས་དགའ་མོས་བྱེད་པའི་བོད་ཡིག་གི་དྲ་གནས་ཡིན་ན་མཆོད་མེ་།བོད་ཀྱི་རྩོམ་རིག་དྲ་བ་དང་བོད་ཀྱི་སྐད་ཡིག་།ཧུ་གཟུགས་ཟིན་བྲིས་།འོད་དཀར་དྲ་ཚིགས།ཁ་བརྡ།བོད་ཀྱིི་དུས་བབ།བོད་ཀྱི་བང་ཆེན་སོགས་མང་པོ་ཞིག་ཡོད་ལ།ཁོམ་སྐབས་རེ་ཡོད་དུས་དེ་དག་ལ་ལྟ་ཀློག་བྱེད་བཞིན་ཡོད་།དྲ་ཚིགས་དེ་དག་དངོས་གནས་ཡག་པོ་རེད་།ཡིན་ནའང་བེད་སྤྱོད་མཁན་གྱི་རིག་གནས་ཤེས་ཡོན་གྱི་མཐོ་དམའ་ལས་བར་ཁྱད་ཀྱང་ཆེན་པོ་ཡོད་ལ་།ཁ་ཤས་སུ་ཡིག་ནོར་མང་བ་དང་ཚིག་གི་སྡེབ་སྦྱོར་གྱི་ཆ་ནས་ཡིན་ཡང་སྐྱོན་ཆ་མི་ཉུང་བ་ཡོད་ཀྱང་རུང་།གང་ལྟར་བོད་གཞིས་བྱེས་དང་སེར་སྐྱ་ཕོ་མོ་།སྐྱེས་ཆེན་དམ་པ་དང་སྤྱིར་བཏང་གི་མི་དཀྱུས་མ་།སུ་ཞིག་ཡིན་རུང་ད་བར་བོད་ཡིག་གི་ལམ་ནས་ཕན་ཚུན་བསམ་ཚུལ་བརྗེ་རེས་ཀྱི་བར་གསེང་འདི་འདྲ་ཞིག་རེག་མྱོང་ཡོད་མ་རེད་།དེ་བས་འདི་དངོས་གནས་རྩ་ཆེན་པོ་དང་མུ་མཐུད་དུ་ང་ཚོ་བསྐྱོད་དགོས་པའི་ལམ་ཞིག་རེད་སྙམ།ནམ་རྒྱུན་ཁོམ་ལོང་རེ་བཙལ་ནས་དྲ་ཚིགས་དེ་དག་ལ་ལྟ་དུས་དངོས་གནས་དྲང་གནས་ནང་དོན་དང་རྩོམ་རྩལ་གྱི་ཆ་ནས་རིན་ཐང་ཆེན་པོ་ཡོད་པའི་བརྩམས་ཆོས་རྣམས་ཀྱི་ཁ་ངོ་ས་རྡུལ་གྱིས་ཁེངས་ནས་ཐ་ན་མཆན་བུ་ཞིག་ཀྱང་འཇོག་མཁན་ཡང་མེད་པར་ལྷག་ཡོད་ལ།དེ་ལས་ལྡོག་སྟེ་གང་ཟག་སྒེར་བའི་མཚན་མཐོང་དང་ཡང་ན་མཚང་འདྲི་བྱེད་པར་རྗེས་བསྙེགས་ཀྱིས་མི་གང་དེའི་བརྩམས་ཆོས་ཀྱི་རྩོམ་རིག་རིན་ཐད་དོ་སྣང་མེད་པར།སོ་སོའི་དགའ་མོས་ཆགས་སྡང་ལ་ཕྱོགས་ཞེན་འཐེན་འཁྱེར་གྱིས་འགྲོ་བ་ཞིག་མཐོང་སོང་།ཡིན་ནའང་གནས་འཕྲིན་དྲ་བ་ནི་གནས་ཚུལ་བརྒྱུད་སྤྲོད་ཀྱི་ལམ་ཁ་ཞིག་ཡིན་པས་ཆ་ནས་།ང་ཚོ་ཚང་མ་ཐུན་མོང་གིས་དེའི་ནང་དོན་ཇེ་ཕྱུག་ཏུ་གཏོང་དགོས་ལ།མི་ཁ་ཤས་ཀྱིས་དེར་རིན་ཐང་ལྡན་པའི་ནང་དོན་ཁ་སྣོན་བྱེད་ཀྱི་རེད་།ཡང་ཁ་ཤས་ཀྱིས་གད་སྙིགས་གནས་ཚུལ་མཁོ་སྤྲོད་བྱེད་ཀྱི་རེད་།འདི་དག་ཚང་མ་ང་ཚོ་གནས་འཕྲིན་དྲ་བ་བེད་སྤྱོད་བྱེད་མཁན་ཡིན་པས་ཆ་ནས་རང་ཉིད་ལ་དེ་དག་དབྱེ་འབྱེད་ཀྱི་ནུས་བ་དགོས་པ་རེད་།གནས་འཕྲིན་དྲ་བ་ནི་ལག་ཆ་ཞིག་ཡིན་ལ།ང་ཚོ་ནི་ལག་ཆ་དེ་བེད་སྤྱོད་བྱེད་མཁན་ཡིན་པས་ཆ་ནས་།ལག་ཆ་ཡི་དགེ་སྐྱོན་དེ་ལག་ཆ་བེད་སྤྱོད་བྱེད་མཁན་གྱི་མི་ལ་རག་ལས་ཡོད་པར་འདོད་།།
གཡུ་གཞོན་ལགས་སུ། །
དགོངས་དག ཁྱེད་བདེན།
ཐུགས་བདེན། ཁྱོད་དྲགས།
ཁྱེད་མཁྱེན། ཁྱེད་དར། །
དྲ་རྒྱ་རྒྱལ་ལོ། །
རྩོམ་སྒྲིག་པ་ལགས་།
ཆེད་རྩོམ་འདི་ཡིན་གཅིག་མིན་ཟུར་མཆན་དུ་མ་བཞག་པར་།་དྲ་རྒྱའི་གཞུང་ལམ་དུ་འགོད་པར་ཞུ།་
རྒྱ་ནག་གི་མེ་ཡི་ལགས་རི་དམར་པོ།
མེ་རི་གཏོར་མཁན་ནས་།
ཉེ་ལམ་དྲ་རྒྱ་བདག་པོ་གྷོ་གྷིལ་རྒྱ་ནག་ནས་ཕྱིར་འཐེན་བྱེད་སྲིད་པའི་གསར་འགྱུར་དང་།བོད་ནང་གི་དྲ་རྒྱ་རྣམས་སྒོ་རྒྱབ་བལྟ་མི་ཐུབ་པ་།དེ་བཞིན་ཕྱི་རྒྱལ་དུ་ཡོད་པའི་དྲ་ཚིགས་ཁ་ཤས་ཀྱི་སྟེང་དུ་བོད་ནང་གི་ད་ལམ་ཧི་གཟུགས་སོགས་སྒོ་རྒྱབ་པ་ནི་ཕྱི་རྒྱལ་གྱི་བོད་པ་རྣམས་བོད་ནང་གི་དྲ་རྒྱ་སྟེང་དུ་་ཡོང་གིན་མི་འཇུག་ཆེད་རེད་ཅེས་མང་པོ་ཤིག་བཤད་གིན་འདུག་མོད།བོད་ཕྱི་ནང་གང་ཡིན་ཡང་བོད་ཀྱི་ཡོན་ཏན་པ་ཡིན་ཟེར་བ་ཚོར་སྐད་ཆ་ཆེན་པོ་རང་གིས་ཀྱང་མི་ཤེས་བ་ཤིག་བཤད་པ་ལ་གོམས་ཡོད་པ་ལས་།གལ་ཆེ་བའི་གསར་འགྱུར་འདི་ཙམ་དོ་སྣང་ཅི་ཡང་བྱེད་ཀིན་མི་འདུག་།དེའི་ཕྱིར་བོད་མི་ཕལ་ཆེ་་བ་ཤིག་གིས་རྒྱུ་མཚན་གསལ་བོ་ཧ་གིན་མི་འདུག་།འདིར་བྱ་མེད་སར་བོང་བུས་ནམ་ཚོད་བཟུང་བ་ལྟར་དྲ་རྒྱ་ལས་འཕྲོས་བའི་གཏམ་འགའ་ཤས་རྒྱུ་ཡིན་།དེ་ལ་བརྟེན་ནས་དྲ་རྒྱའི་སྐོར་གྱི་རྩོམ་མང་པོ་ཁ་གསལ་བ་གོ་བདེ་བ་འགའ་བྲིས་ནས་བོད་ཕྱི་ནང་གང་དུ་དར་སྤེལ་བྱེད་པའི་རེ་བ་ཡོད་།
ཐོག་དང་པོ་ཐ་སྙད་འགའ་གཏན་ལ་ཕབ་ནས་།དེ་ནས་དེ་ཇི་ལྟར་བཀོལ་ཚུལ་བཤད་པར་བྱ་།
དྲ་རྒྱ་ནི་།(དབྱིན་ཇིའི་སྐད་དུ་World Wide Web་དང་རྒྱ་ནག་གི་环球信息网) གཙོ་བོ་ཆ་ཤས་བཞི་ཡིས་གྲུབ་པའི་ཁང་བ་ལྟ་བུ་ཞིག་ཡིན་།ཁང་བ་ལྟ་བའི་གྲུབ་ཆ་དེ་ལ་།དབྱིན་ཇིའི་སྟེང་ནས་Computer།རྒྱ་ཡིག་གི་སྟེང་ནས་电脑་ཟེར་་།བོད་སྐད་དུ་བོད་ནང་དུ་གློག་ཀླད་ཅེས་རྒྱ་ཡིག་གི་སྟེང་ནས་དོན་བསྒྱུར་དང་།ཕྱི་རྒྱལ་གྱི་བོད་མི་ཚོས་སྒྲ་བསྒྱུར་གྱི་ཁམ་པོ་ཊུར་ཞེས་བཏགས་བདགས་འདུག་།དོན་གྱི་གཉིས་ཀ་ཁང་བ་ལྟ་བའི་འཕྲུལ་ཆས་དེ་རེད་།ང་ཚོའི་ཁང་བའི་ནང་དུ་ཁང་མིག་མི་འདྲ་བ་སྣ་ཚོགས་དང་།ཅ་ལག་མི་འདྲ་ཡོད་པ་དེ་བཞིན་དུ་གློག་ལམ་ནང་དུ་ཅ་ལག་བསྡུ་ས་དང་།ལེན་ས་།དེ་བཞིན་ཅ་ལག་དེ་དག་ཕྱིར་ལ་མངོན་བྱེད་ཀྱི་སྒེའི་ཁུང་ལྟ་བུ་ཡོད་པ་རེད་།གློག་ཀླད་ཟེར་དུས་ཁང་བ་ལྟ་བུའི་འཕྲུལ་ཆས་འདི་ལ་གོ་དགོས་།དེང་དུས་གློག་ཀླད་བཟོ་མཁན་ཤིན་ཏུ་ནས་མང་པོ་ཡོད་པ་དང་།སྐད་གྲགས་ཅན་གྱི་གློག་ཀླད་ནི་།ཀུ་ཤུ་ཅན་གྱི་གློག་ཀླད་ལྟ་བུ་རེད་།
གློག་ཀླད་ཀྱི་སྒོ་འམ་སྒེའི་ཁུང་། འདི་ནི(operating system (OS) 操作系统)་གློག་ཀླད་ཀྱི་ཁང་པ་ནང་དུ་འཛུལ་བྱེད་ཀྱི་སྒོ་ལྟ་བ་ཡིན་ཞིང་།ཨ་རིའི་སྐད་གྲགས་ཅན་གྱི་དབྱིན་ཇིའི་མ་ཁུ་སོ་ཧྥུ་ཐུ་ཟེར་བའམ་།རྒྱ་མིང་དུ་་འབོད་པའི་བཟོ་གྲྭ་བཟོ་བའི་སྒོ་ལྟ་ལྟ་བུ་འདི་སྒེའུ་ཁུང་ཞེས་བཏགས་པ་དང་།ཀུ་ཤུ་བཟོ་གྲྭ་བཟོས་བས་མ་ཁུ་གློག་ཀླད་འདི་ལ་ཞེས་འབོད་ཀྱིན་འདུག་།དོན་གྱིས་གཉིས་ཀ་གློག་ཀླད་ཀྱི་ནང་དུ་འཛུལ་བྱེད་ཀྱི་ཁུང་བུ་ལྟ་བུ་དང་།དེས་དྲ་རྒྱ་ཁང་བ་ནང་གི་ཅ་ལག་དང་།གློག་ཀླད་ཁང་བ་བར་གྱི་འབྲེལ་བ་འཛུགས་བཞིན་ཡོད།དྲ་རྒྱ་བཀོལ་མཁན་གྱི་མི་དག་གིས་སྒེའུ་ཁུང་ལ་བརྟེན་ནས་།རང་རང་ལ་དགོས་བའི་ཅ་ལག་དེ་བེད་སྤྱོད་བྱེད་དགོས་བ་ལས།ནང་དུ་འགྲོ་བྱེད་དུ་སྒེའུ་ཁུང་མེད་ཚེ།དེའི་ནང་གི་ཅ་ལག་རྣམས་བཀོལ་སྤྱོད་བྱེད་ཐབས་ཡོད་པ་མ་རེད་།སྤྱིར་བཏང་སྒེའུ་ཁུང་བཟོ་མཁན་མང་པོ་ཡོད་མོད་།དེང་དུས་མང་ཆེ་བས་དབྱིན་ཇིའི་མ་ཁུ་སོ་ཧྥུ་ཐུ་ཟེར་བ་དང་།རྒྱ་ནག་ཏུ་སྐད་དུ་་ཟ།དེ་ཡིས་བཟོས་བའི་སྒེའུ་ཁུང་དག་ཡིན་ཞིང་།ཉེ་ལམ་གསར་བ་ཐོན་ནས་།མི་ཚང་མས་བེད་སྤྱོད་གཏོང་བཞིན་འདུག།།དེ་བཞིན་ཀུ་ཤུ་བཟོ་གྲྭ་ལས།འདི་བེད་སྤྱོད་གཏང་བཞིན་ཡོད་།ཕྱི་ལོ་༡༠༠༦་ལོར་བོད་ཡིག་ཀྱང་ཚད་ལྡན་ཅན་གྱི་ཨང་ཡིག་ཏུ་བཟོས་ཏེ་།ད་ལྟ་ཁུང་དེ་ནང་དུ་ཤར་རྒྱག་འགྲོ་ཐུབ་པ་དེ་རེད་།
དེ་ནི་དཔེར་ན་འདི་ལྟ་བུ་ཤིག་རེད་།དམག་གི་ཁང་གི་ཞིག་ལ་མཚོན་ན་དོན་མེད་དུ་སོང་མི་ཆོག་པ་བཞིན་།ཁང་བའི་ནང་དུ་ཕར་འགྲོ་ཚུར་འགྲོ་བྱེད་པ་ལ་།ཆོག་མཆན་གྱི་ཡི་གེ་ཐོབ་དགོས།བོད་ཡིག་ཁང་བའི་ནང་དུ་འགྲོ་བའི་ཆོག་མཆན་ཐོབ་མོད་།ཆོག་མཆན་དཔང་རྟགས་ནི་བོད་ཡིག་ཤེས་མཁན་ཤིག་གིས་བཟོ་དགོས་ཡོད་།དེ་ལ་སྨོན་ལམ་གསུམ་པ་དང་།མཚོ་སྔོན་པོ་སོགས་ནི་དེའི་ནང་ལ་འགྲོ་བྱེད་ཀྱི་དཔང་རྟགས་ཡི་ལྟ་བུ་རེད་།དེ་བས་དཔང་རྟགས་དེ་བཟུང་ནས་གློག་ཀླད་དྲ་བའི་འཛུལ་ན་འགོག་མཁན་སུ་ཡང་ཡོད་པ་མ་རེད་།
ཁང་བའི་ནང་དུ་ཅ་ལག་མང་པོ་ཡོད་པ་བཞིན་། (Application) ་ཅ་ལག་འདི་དག་ལ་བརྟེན་ནས་ཅ་ལག་རང་རང་གིས་ནུས་བ་འདོན་གྱིན་ཡོད་པ་རེད་།ཀློག་ཀླད་ལ་ཅ་ལག་མང་པོ་ཡོད་མོད་།སྤྱིར་བཏང་གི་ཆ་ནས་རིགས་བཞི་ཡི་ནང་དུ་འདུ་།དཔར་སྐྲུན་གྱི་རིགས་།རྩིས་ཀྱི་རིགས་།གློག་བརྙན་གྱི་རིགས་།གནས་ཚུལ་བསྡུ་བའི་རིགས་བཞི་ཡི་འདུ་།དཔེར་་ན་།མ་ཁུ་སོ་ཧྥུ་ཐུ་བཟོས་བའི་ལས་ཁུངས་ཟེར་བ་ལ་མཚོན་ན།ཡི་གེ་word ཟེར་བ་འདི་ནི་དཔར་སྐྲུན་གྱི་རིགས་དང་།ཤོག་བྱང་ཟེར་བ་རྩིས་ཀྱི་རིག་།གསར་འགྱུར་རྩེད་མོའི་རིགས་གློག་བརྙན་སོགས་ལྟ་བུ་རེད་།བོད་ཡིག་ནི་ཡི་གེའི་ནང་དུ་འདུ་།
་
དྲ་རྒྱ་།རྡ་རྒྱ་ནི་ཕྱིའི་དྲ་རྒྱ་དུང་ཕྱུར་མང་པོ་ཕྱོགས་གཅིག་དུ་བསྡུས་ཏེ་གློག་ཀླད་ཀྱི་སྒོ་ཡོལ་གྱི་འཆར་ཐུབ་པ་དེ་ལ་ཟེར་ཞིང་།ད་ལྟ་དྲ་རྒྱ་སྟེང་ནས་གློག་བཞིན་པའི་ངེད་ཀྱི་རྩོམ་ཐུང་དེ་ཡང་དྲ་རྒྱ་དུང་ཕྱུར་མང་པོ་ནང་གི་གཅིག་ཡིན་།དྲ་ཚིགས་ནི་དྲ་རྒྱའི་ཁ་བྱང་ངམ་།ཡང་ན་དྲ་བ་ཡོད་སའི་ས་ཆ་དེ་མིང་ཡིན་།དཔེར་ན་འདྲ་བ་ཤིག་གི་སྟེང་དུ་དབྱིན་ཇིའི་བོད་ཟེར་ཤིག་སྤྱར་བོད་དང་འབྲེལ་བའི་གལ་ཆེན་རང་བཞིན་ཅན་གྱི་དྲི་ཚིགས་ཚང་མ་དྲུད་ཡོང་ཏེ་།འདེམ་ཀ་གཏོང་གིན་འཇུག་པ་དེ་བཞིན་རེད་།བོད་ཡིག་ཚད་ལྡན་ཅན་གྱི་ཨང་གྲངས་སུ་བསྒྱུར་རྗེས་།སྟེང་དུ་བོད་ཅེས་སྤྱར་ནའང་དེ་བཞིན་དུ་དགོས་ངེས་ཀྱི་དྲ་ཚིགས་འཚོལ་ཐུབ་།རྗེས་སུ་བོད་ཡིག་གི་དྲ་ཚིགས་ཇེ་མང་དུ་སོང་བ་དང་མཉམ་དུ་།འདེམས་ཀ་ཡང་དེ་ལས་མང་པོ་ཡོང་རྒྱུ་རེད་བསམ་གིན་འདུག་།འདིར་ཤེས་དགོས་བ་གལ་ཆེ་ཤོས་ཤིག་ནི་།རྒྱ་ནག་མ་ཡིན་པའི་རྒྱལ་ཁམས་ཚང་མས་དྲ་རྒྱ་གཅིག་གི་འཛམ་གླིང་གི་དྲ་རྒྱ་ཚང་མ་བལྟ་ཐུབ་།
བོད་མིང་ལ་གྷོ་གྷིལ་ལམ་རྒྱའི་མིང་ལ་谷歌ཟེར་བ་དང་།དབྱིན་ཇིའི་google ་ཟེར་བ་ཅི་ཞིག་རེད་དམ་ཟེར་ན།དེ་ནི་སྐད་ཅིག་ཉིད་ལ་་འཛམ་གླིང་གི་དྲ་རྒྱ་རྣམས་ཚུར་བསྡུས་ཏེ་སྟོན་པར་བྱེད་པའི་བཙལ་སྟོན་དྲ་ཚིགས་ཤིག་ཡིན་།དྲ་ཚིགས་ཀྱི་ཁུང་མིག་ནང་དུ་འཛམ་གླིང་གི་ཡིག་རིགས་ཀྱི་གང་གི་ཆ་ནས་དེ་དང་འབྲེལ་ཡོད་ཀྱི་དྲ་ཚིགས་ཁྱེར་ཡོང་བ་དང་།ཚིག་དང་དོན་གང་རུང་ལམ་ནས་དགོས་མཁོ་ཆེ་བའི་དྲ་ཚིགས་རྣམས་བཏོན་ཡོང་བས་།འཛམ་གླིང་ཡོངས་ཀྱི་བཙལ་སྟོན་དྲ་ཚོགས་ཀྱི་རྩེ་མོ་ལྟ་བུ་དང་།ཡ་ཝོན་ཟེར་བ་དང་།རྒྱ་ཡིག་གི་པར་ཏོ་ཟེར་བ་བཙལ་སྟོན་གྱི་དྲ་ཚོགས་གལ་ཆེ་ཤོས་དག་ཡིན་། འཛམ་གླིང་གི་བཙལ་སྟོན་གྱི་དྲ་ཚིགས་རྣམས་གཅིག་འདྲ་རེད་ནམ་ཞེ་ན་།རྩ་བ་ཆ་ནས་གཅིག་རེད་།གནས་ཚུལ་ཡག་ཤོས་དང་མཁོ་བྱེད་དེ་བཙལ་བ་དང་སྟོན་མཁན་དག་རེད་།ཡིན་ནའང་རྒྱ་ནག་ནང་གི་བཙལ་སྟོན་གྱི་དྲ་ཚིགས་རྣམས་རྒྱལ་ཁབ་གཞན་དང་འདྲ་བ་ཡོད་པ་མ་རེད་།རྒྱུ་མཚན་ནི་རྒྱ་ནག་གཞུང་གིས་དྲ་ཚིགས་ཕྱོགས་གཉིས་ཀྱི་སྒོ་ནས་དོ་དམ་བྱེད་ཀྱིན་ཡོད་པ་རེད་།
དང་པོ་།ཕྱི་ནས་ཡོང་བའི་དྲ་ཚིགས་ཐམས་ཅད་།བྱེ་མ་བཙག་པ་བཞིན་དུ་བཙག་ནས་ནང་ནས་གང་བལྟས་ཆོག་པ་དང་།གང་བལྟས་མི་ཆོག་པ་བཟོས་ཡོད་པ་རེད་།བཙགས་བྱེད་ཀྱི་འཕྲུལ་འཁོར་འདི་ལ་ཕྱིའི་རྒྱལ་དག་ན་འི་ལྕགས་རི་དང་།རྒྱ་ནག་སྲིད་གཞུང་གི་金盾工程གི་གསེར་གྱི་ལས་གཞི་ཞེས་འབོད་ཀྱིན་ཡོད།མེ་རིའི་ལྕགས་རི་འདིས་རྒྱ་ནག་ནས་ཡོང་དྲ་ཚིགས་ཐམས་ཅད་བྱེ་མ་བཙགས་པ་བཞིན་ཏུ་བཙགས་ཏེ་ཡོང་གིན་འཇུག་འདོད་པ་རྣམས་ཡོང་གིན་བཅུག་།འགོག་འདོད་པ་འགོག་བཞིན་ཡོད་པ་རེད་།དཔེར་ན་བོད་གཞུང་གི་དྲ་ཚིགས་དང་།བོད་ཡིག་དང་འབྲེལ་བའི་དྲ་ཚུགས་ཐམས་ཅད་མེ་རིའི་ལྕགས་རི་བཀག་ནས་ནང་ལ་ཡོང་གིན་འཇུག་གིན་ཡོད་པ་མ་རེད་།གྷོ་གྷིལ་ཐོག་མར་རྒྱ་ནག་ཏུ་འགྲོ་དུས་།གྷོ་གྷིལ་དྲ་ཚིགས་ཀྱི་ཁང་མིག་ནང་དུ་བོད་ཞེས་སྤྱར་ན་བོད་གཞུང་སོགས་འབྲེལ་བའི་བོད་དང་འབྲེལ་བ་ཡོད་མཁན་གྱི་དྲ་རྒྱ་ཚང་མ་ཡོང་གིན་རེད་།རྒྱ་གཞུང་གིས་གྷོ་གྷིལ་དེ་ལྟར་བྱེད་ན་མི་ཆོག་པའི་བཀའ་ཕབ་ཏེ་།གྷོ་གྷིལ་རང་གི་རྒྱ་ནག་གི་གྷོ་གྷིལ་ཤིག་བཟོ་དགོས་བྱུང་བ་རེད་།འདི་མེ་རིའི་ལྕགས་རི་ནང་དུ་ཡོད་ཕྱིར་།རྒྱ་ནག་གི་ནང་གི་དྲ་རྒྱ་རྣམས་གཙོ་བོ་སྟོན་ཡོང་བ་ཤིག་བཟོས་ཡོད་པ་རེད་།
གཉིས་པ་།ནང་གི་དྲ་རྒྱ་ཇི་ལྟར་བཀག་འགོག་བྱ་ཚུལ་ནི་།ཐོག་མར་རྒྱ་ནག་གཞུང་གི་དྲ་རྒྱ་གསར་བ་བཟོ་དགོས་བ་ལས་ཁུངས་ཤིག་གི་མིང་ཐོག་ནས་མ་གཏོགས་དྲ་རྒྱ་དང་།རྒྱལ་ཁབ་ཀྱི་རྩ་ཁྲིམས་དང་མི་མཐུན་པའི་བཟོ་མི་ཆོག་པ་དང་།དེ་བཞིན་དྲ་རྒྱ་བལྟ་སྐབས་སུ་ལག་ཁྱེར་སྟོར་དགོས་བའི་ཁྲིམས་ལུགས་བཟོས་ཡོད་པ་མ་ཟད་།བཙལ་སྟོན་དྲ་ཚིགས་སོགས་སུ་ཚིག་དང་།ཡི་གེ་མང་པོ་ཤིག་བཙལ་མི་ཐུབ་པ་བྱས་ཡོད་པ་རེད་།དཔེར་ན་རྒྱ་ཡིག་གི་ཞེས་སྤྱར་ན་ཅི་ཡང་འཆར་རྒྱུ་མེད་པ་ཅིག་བཟོས་ཡོད་པ་རེད་།དེ་བཞིན་མི་ཁྲི་ཕྲག་མང་པོ་རྒྱལ་ཁབ་ཀྱི་ལས་བྱེད་པར་།མིང་ལ་དྲ་རྒྱའི་ཉེན་རྟོག་དམག་མི་ཞེས་བཏགས་ནས་།དྲ་རྒྱའི་སྟེང་ཀ་སྐད་ཆ་ག་འདྲ་བཤད་ཀྱིན་ཡོད་མེད་རྟོག་དཔྱོད་བྱེད་བཞིན་ཡོད་པ་རེད་།དེང་སྐབས་བོད་ཡིག་ཤེས་བའི་དྲ་རྒྱའི་ཉེན་རྟོག་དམག་མི་འགའ་རེའང།སློབ་གྲྭ་ཆེན་མོ་འགས་ཤས་ནས་བསྡུས་ཏེ།བོད་ཡིག་གི་དྲ་རྒྱ་ལ་རྟོག་དཔྱོད་བྱེད་གིན་ཡོད་པའི་སྐད་ཆ་གོ་རྒྱུ་འདུག་།
རྒྱ་གཞུང་ཤིན་དུ་སྐྲག་དགོས་བ་ཤིག་ནི།བདེན་པ་ངོ་སྤྲོད་པ་དང་།ཁོ་ཚོ་ལ་སྐྱོན་རྒྱག་པ་དང་།ལོ་རྒྱས་ཀྱི་ནག་ཉེས་རྣམས་ཁྱེར་ཡོང་ནས།དམངས་གཙོ་སྲིད་གཞུང་ཤིག་འཛུགས་རྒྱུ་དེ་རེད་།དེའི་ཕྱིར་ཁོ་ཚོས་ལོ་རེ་སྒོར་དུང་ཕྱུར་མང་པོ་བཏང་ནས་།དྲ་རྒྱའི་མེ་རུ་འབར་གིན་མཇུག་བཞིན་ཡོད་པ་དང་།མི་ཁྲི་ཁྲག་མང་པོ་ལ་ལས་ཀ་སྤྲད་ནས་མེ་རིའི་ལྕགས་རི་སྲུང་སྐྱོབ་བྱ་བཞིན་པ་དང་།ལེགས་བཅོས་བྱ་བཞིན་ཡོད་པ་རེད།དེ་བཞིན་དམངས་གཙོ་དོན་གཉེར་བ་རྣམས་དང་།ཚོགས་ཁག་མང་པོ་ཤིག་གི་ཆེད་དུ་མེ་རིའི་ལྕགས་རི་དེ་ཇི་ལྟར་གཏོར་ཚུལ་གྱི་ཞིབ་དཔྱད་མང་པོ་བྱས་ནས་།ལོ་མང་པོ་འགྲོ་བཞིན་ཡོད་པ་རེད་།ང་ཚོ་ཕྱི་རྒྱལ་དུ་ཡོད་པའི་བོད་ཡིག་ཤེས་མཁན་ཚོས་།དེའི་སྐོར་ལབ་གླེང་ཙམ་ཡང་མེད་པ་ཡིད་སྐྱོ་བའི་གནས་རེད་།ད་གྷོ་གྷིལ་ཚང་གིས་རྒྱ་ནག་དྲ་རྒྱ་བྱེ་མ་མི་བཙགས་ཟེར་བ་དང་།བཙག་དགོས་ན་རྒྱ་ནག་ནས་ཕྱིར་འཐེན་བྱ་རྒྱུ་ཟེར་བ་དེ་ཡིས་།མཁས་བ་མང་པོ་ཤིག་གིས་རྒྱ་ནག་གི་དྲ་རྒྱ་མེ་རུ་གཏོར་ལ་ཉེ་བའི་དུས་སུ་སླེབས་ཞེས་བཤད་ཡོད་པ་དང་།བོད་ཕྱི་ནང་ཀུན་དུ་བོད་ཡིག་གི་ལམ་ནས་འབྲེལ་ཐུབ་པའི་ཕྱིར་ང་ཚོས་ངེས་པར་ཏུ་ཇི་ལྟར་གཏོར་ཚུལ་སྐོར་གྱི་རྩོམ་གོ་བདེ་ལ།ཁ་གསལ་བ་།ཕན་ཐོགས་པ་མང་པོ་བྲིས་ཏེ་།བོད་ཕྱི་ནང་གང་ལ་ས་འཁྱམས་རྡོ་འཁྱམས་བྱེད་དགོས་།གལ་སྲིད་བོད་ཕྱི་ནང་གཉིས་ཀྱི་བོད་ཀྱི་མཁས་བ་ཚོས་།རྒྱ་ནག་གི་མི་རིའི་ལྕགས་རི་ཡིས་འགོག་མ་ཐུབ་པར་སྐད་ཆ་བཤད་པའི་གོ་སྐབས་ཤིག་བྱུང་ན་།ཉིས་སྟོང་བརྒྱད་ཀྱི་འོས་ལངས་ལས་སྟོང་འགྱུར་གྱི་ནུས་བ་ཆེ་བ་།དངོས་གནས་དྲང་གནས་ཀྱི་བོད་ཕྱི་ནང་གཉིས་སུ་ཕན་ཐོགས་ཆེན་པོ་ཤིག་ཡོང་སྲིད་པས་།དོན་མེད་ཀྱི་སྙན་ངག་དང་།ཆོས་ལུགས་འཐེན་འཁྱེར་སོགས་སྤངས་ནས་རྒྱ་ནག་གི་མི་རིའི་ལྕགས་རི་ཇི་ལྟར་གཏོར་ཚུལ་གྱི་སྐོར་ལ་ཉམས་ཞིབ་དང་།རྩོམ་འབྲི་བྱེད་པ་ལ་འབད་པར་ཞུའོ།རྩོམ་རྗེས་མའི་ནང་མེ་རིའི་ལྕགས་རི་ཇི་ལྟར་གཏོར་ཚུལ་གྱི་སྐོར་ཡིན་།
དྲ་རྒྱ་ནི་སྙིགས་དོར་བཅུད་ལེན་ཤེས་ན་ཤེས་བྱའི་དགའ་ཚལ་ཞིག བེད་སྤྱོད་མ་ཤེས་ན་སེམས་པ་སུན་པོ་བཟོ་མཁན་ཞིག་རེད། ཁྱད་པར་དུ་་་་་་་་་་་་་
གཡུ་ཞུན་ལགས་ཀྱིས་རྩོམ་ཡིག་ཧ་ཅང་ཡག་པོ་ཞིག་བྲིས་འདུག རྩོམ་འདི་འདྲ་བྲིས་ན་ྐློག་མཁན་ཚོར་ལེན་རྒྱུ་མང་པོ་ཡོད་གི།
བཀའ་དྲིན་ཆེ།
དྲ་རྩོམ་སྐོར་ལ་མཐོང་བའི་དཔྱད་བརྗོད་དང་པོ་ཡིན། ཡག་པོ་འདུག
དྲ་ཐོག་ལ་སླེབས་དུས་ནུབ་ཕྱོགས་ཀྱི་གྲོང་ལ་སླེབས་པ་ལྟར་དུས་ཚོད་ཐུང་ཐུང་ཞིག་ནང་བརྗོད་གཞི་མི་འདྲ་བ་དུ་མ་ཞིག་ལ་བསམ་བློ་འཁྱུག་ཙམ་རེ་ལས་གཏོང་ཁོམ་མེད་པར་ཤར་མར་བྲིས་འགྲོ་དགོས་པས་རྩོམ་གྱི་ངོ་བོ་དེ་རྣམ་པ་གསར་བ་ཞིག་ཏུ་འགྱུར་བཞིན་འདུག་སྙམ། མ་ཟད་རྩོམ་པ་པོའི་སེམས་ཁམས་ལ་ཡང་ཁྱད་པར་ཞིག་ལོས་ཡོད་སྙམ།
སྲོལ་རྒྱུན་གྱི་རྩོམ་ནི་ཐང་བདེ་སར་སྒྲ་མེད་ཡུད་ཀྱིས་འགྲོ་བའི་ཆུ་བོ་ལྟ་བུ་དང་དྲ་རྩོམ་ནི་བྲག་འགག་དོག་སའི་བཞུར་རྒྱུན་མགྱོགས་ཤིང་རྦ་རླབས་རྒོད་པའི་ཆུ་བོ་ལྟ་བུ་ཞིག་ཏུ་མཐོང་།
མེ་ཡི་ལྕགས་རི་མེ་ཡིན་པས་
ལྕགས་སྒམ་ནང་ལ་བཅུག་
སྲོག་རླུང་དབུགས་སོགས་བཀག
རྒྱ་མཚོའི་གཏིང་རྡོར་གྱིས།