བྱ་རྒོད་རྒྱལ་པོ།
མ་མཐར་མཛད་སྒོའི་གསར་འགྱུར་བཀོད་སྐབས་ཉིན་རེ་རྩེད་མོའི་རེའུ་མིག་ཞིག་ཀྱང་ངེས་པར་དུ་བཀོད་དགོས་པ་རེད། དེ་ཚོ་ང་ཚོས་མ་བཀོད་ན་སུས་བཀོད་ཀྱི་རེད། དེ་ལྟར་གནས་ཚུལ་བཀོད་ཕྱོགས་སོགས་ཀྱིས་ཐད་བསམ་བློ་གཏོང་སྐབས། གསར་འབྱོར་དང་གཞིས་ཆགས་ཀྱི་བར་སྟོང་མངོན་ཡོང་གི་འདུག
ངས་དྲང་པོར་བཤད་ན། ང་ཚོ་བཙན་བྱོལ་བའི་སྤྱི་ཚོགས་འདི་ནང་བོད་ཡིག་དུས་དེབ་དང་ཚགས་པར། དྲ་ཚིགས་སོགས་མང་ཆེ་བ་ནང་ལས་ཀ་བྱེད་མཁན་རྣམས་ཕལ་ཆེར་གསར་འབྱོར་བ་ཡིན་དུས། བསམ་བློ་ཡག་པོ་གཏོང་དགོས་འདུག གང་ལགས་ཤེ་ན། ང་ཚོ་བོད་མི་ཚང་མ་རྡོག་རྩ་ཆིག་བསྒྲིལ་དགོས་པ་དང་མཐུན་པོ་དགོས་པ། ཕན་ཚུན་རོགས་རམ་བྱས་དགོས་ལབ་ཀྱི་ཡོད་ཀྱང་། ད་བར་དུས་དེབ་དང་ཚགས་པར་མང་ཆེ་བའི་ནང་མི་སྣ་ཞིག་ལ་བཅར་དྲི་བྱས་ན་མི་སྣ་དེ་གསར་འབྱོར་བ་ཞིག་ཡིན་ངེས་ཤིང་། ཕལ་ཆེར་དེའི་ནང་ནས་ཨ་མདོ་བ་ཞིག་ཡིན་ངེས་རེད་ཤག གནས་ཚུལ་ཞིག་བཀོད་ན་རྡ་རམ་ས་ལ་ལ་གསར་འབྱོར་བ་ཞིག་ལ་༌༌༌༌། ཡང་༌༌༌བོད་ནས་ཡོང་བའི་༌༌༌༌༌༌༌། དེ་འདྲ་ཀྱང་་ཀྱང་རེད། དེ་འདྲ་སོང་གཙང་སོ་སོ་ལ་གནོད་སོང་བསམས་ནས་ངའི་སྐད་ཆ་རྣ་བའི་རྒྱབ་ཏུ་མ་གཡུག་པར་བསམ་བློ་གཏོང་དང་། ང་ཚོས་གཅིག་ནས་བོད་ཡིག་ཡར་རྒྱས་གཏོང་གི་ལབ་ཀྱི་ཡོད། གལ་ཏེ་དེ་ལྟར་གཏོང་གི་ཡིན་ན། བོད་་ནང་གཏོང་གི་ཡིན། རྒྱ་གར་ནང་གཏོང་ཡིན། བོད་ནང་རྡ་སའི་གསར་ཤོག་དང་དུས་དེབ་ཁ་ཤས་ཀྱི་གཏོང་ས་ཡོད་མ་རེད། རྒྱ་གར་ནང་གཏོང་གི་ཡིན་ན། རྒྱ་གར་ནང་གསར་འབྱོར་བ་མང་ཆེ་བ་ནི་གྲྭ་པ་རེད། ཁོང་ཚོར་བོད་ཡིག་ཕར་སློབ་དགོས་མ་རེད། དེས་ན་ངོ་མ་ལུང་པ་དང་གསར་གཞིས་ཀྱི་ཕྱོགས་ལྷུང་མེད་པར་བོད་རིགས་ཚང་མར་སྤུན་ཟླ་རྩིས་མཁན་ཞིག་ཡིན་ན། དང་པོར་བཙན་བྱོལ་ནང་ཡོད་པའི་གཞིས་ཆགས་པ་ཚོར་བོད་ཡིག་ཡར་རྒྱས་གཏོང་ཐབས་བྱ་དགོས་ཤིང་། དེའི་ཆེད་ཁོང་ཚོ་དང་འབྲེལ་བའི་གནས་དོན་མང་པོ་དུས་དེབ་དང་ཚགས་ཤོག་ཐོག་གླེང་དགོས་ཤིང་། ལྷག་པར་བཅར་དྲི་བྱ་རྒྱུ་ཡོད་ན་ཁོང་ཚོར་བྱེད་དགོས་འདུག དེ་འདྲ་མིན་པར་སྐྲ་རིང་པོ་ཞིག་གིས་གདོང་ཕྱེད་ཀ་འཀབ་སྡོད་པའི་མི་ཞིག་ལ། ཁྱོད་ག་པར་སྐྱེས་རེད། ག་རེ་བྱེད་ཀྱི་ཡོད། བུ་མོ་སུ་ལ་དགའ་སོགས་དྲིས་ནས་ཆོ་ཡོད་པ་མཐོང་གི་མི་འདུག དེས་ན་རྒྱལ་ཡུམ་ཆེ་མོའི་རྐང་སྤོལ་འགྲན་བསྡུར་ལྟ་བུར་མཚོན་ན་བཙན་བྱོལ་ནང་ཡོད་པའི་གཞོན་སྐྱེས་མང་ཆེ་བས་དོ་སྣང་བྱ་ས་ཞིག་ཡིན་དུས་དྲ་ཚིགས་དང་ཚགས་པར་སོགས་སུ་གནས་ཚུལ་གསལ་པོ་དང་ཚ་པོ་ཚ་པོ་བཀོད་ན། བཙན་བྱོལ་ཁྲོད་བོད་ཡིག་ཡར་རྒྱས་ཡོང་རྒྱུར་ཕན་རྒྱུ་མ་ཟད། ཚགས་པར་ཉོ་མཁན་གྲྭ་པ་མ་གཏོགས་ཡོད་མ་རེད་ཟེར་རྒྱུ་དེ་རིམ་པས་ཡལ་ཐུབ་པ་ཡོང་གི་རེད།
དགོན་པའི་ནང་བོད་ཡིག་ཡར་རྒྱས་ཆེད་ཚགས་པར་ཀློག་མི་དགོས་པར་དཔེ་ཆ་ཁེངས་བསྡད་ཤག ཁོང་ཁྲོ་མ་བྱོས་ཨ་གྲོགས་པོ་ཚོ།
གྲོགས་པོ། ཁོང་ཁྲོ་མ་བྱེད། རང་གི་ལུས་པོར་ནད་སླེབས་ཀྱི་རེད།
བོད་ཡིག་མཐོང་ན་མགོ་བོ་ནད་བཞིན་པའི་མི་དེ་དག་གིས་གནས་ཚུལ་གང་ཞིག་བོད་ཡིག་ཐོག་ཡོང་གི་ཡོད་མེད་དེ་ནི་ཕལ་ཆེར་ཀློག་མཁན་ཉུང་བས་སྐྱོན་དེ་དག་འདི་ལྟར་བྱུང་བར་འདོད་ཀྱི་ཡོད་དམ་ལགས།
དྲ་གྲོགས་བྱ་རྒོད་ཀྱིས་བཤད་པ་དེ་དགོས་ངེས་ཤིག་རེད་། ཡིན་ཡང་དེ་ནི་གསར་འགོད་པའི་ལས་དཀའ་མིན་པར་ཡིག་བསྒྱུར་པའི་ལས་འགན་བླང་ན་འགྲིག་རྒྱུ་མཚན་རྒྱ་གར་ནང་མཚར་ལོང་བྱུང་པའི་གཞོན་སྐྱེས་ཞིག་གི་བསམ་ཚུལ་ལེན་དགོས་ན་དབྱིན་ཡིག་དང་ཧིན་རྡི་ད་དུང་ནེ་པལ་བཅས་ནས་བོད་བསྒྱུར་བྱེད་དགོས།
གལ་ཏེ་དེ་ལྟ་བུ་ཞིག་བསྒྱུར་ཡང་ཚགས་ཤོག་འགྲེམས་ས་གསར་འབྱོར་ཁོ་ནའི་ཁྲོད་དུ་ངེས། གང་ཞིག་ཡིད་མི་ཆེས་ན་རྒྱ་གར་ནང་མཚར་པའི་བོད་རིགས་གཞོན་སྐྱེས་ཞིག་ལ་བོད་ཡིག་གསར་ཤོག་གཅིག་བསྟན་ནས་ཅི་ཟེར་ལྟོས་དང་་་༼གང་ཤེས་ཡིད་བཞིན་ནོར་བུ་ཁྲེགས་པོ་ཞེ་བོ་འདུག་ཨམ་སྐད་ཡིན་ས་རེད་ཉོབ་སོང་རྗེས་མ་ནས་མིག་ཁོ་རང་ལྟ་གི་མིན་ཡིད་བཞིན་ནོར་བུ ༽ དེ་ལྟར་མ་བཤད་ན་ངའི་ཅི་བཤད་རྫུན་དུ་རྩི་ཆོག།
གསར་ཤོག་གི་ལས་ཀ་ནི་སློབ་སྦྱོང་གི་གནས་ཚད་ལ་གཞིགས་ནས་སྤྲོད་དགོས་པ་ལས་གསར་གཞིས་དང་ཆོལ་ཁ་ཆོས་ལུགས་སོགས་ཀྱི་གྲངས་ཚད་བཟུང་ནས་སྤྲོད་ན་གསར་ཤོག་གི་སྤུས་ཚད་ཉམ་གྱི་རེད། གསར་ཤོག་ཅིག་གནས་དང་མི་གནས་ཀྱང་མི་དམངས་ཀྱིས་གསར་ཤོག་དེའི་སྤུས་ཚད་ལ་བལྟས་ནས་ཐག་གཅོད་ཀྱི་རེད་སྙམ།
གསར་འབྱོར་བ་ཚོས་གསར་ཁང་བཙུགས་ནས་གསར་འགྱུར་སྤེལ་བའང་སྔར་ཡོད་གཞིས་ཆགས་ཀྱི་གསར་ཁང་དག་གཏོར་བཅོམ་གྱིས་དེའི་ཤུབས་སུ་བཙུགས་པ་དེ་འདྲ་མིན་པ། དོན་གཉེར་ཆེན་པོས་སྔར་མེད་པའི་གསར་ཁང་མང་པོ་ཞིག་བཙུགས་ནས་བཙན་བྱོལ་སྤྱི་ཚོགས་སུ་བོད་ཡིག་གི་ལམ་ནས་གསར་སྤེལ་བྱེད་བཞིན་པ་འདི་རེད། ཁྱེད་རང་གིས་འདི་རུ་བཀོད་པའི་གསར་འགྱུར་དེའི་ཐད་ངས་ཁྱེད་ལ་བང་ཆེན་གྱི་སྟེང་དུ་ལན་འདེབས་བྱས་ཡོད་། བསྐྱར་དུ་འདིར་འགོད་ཀྱི་ཡིན།
བོད་ཡིག་ཚགས་ཤོག་ཏུ་རྐང་སྤོལ་སོགས་ང་ཚོའི་བོད་མིའི་དང་འདོད་ཡོད་པའི་རྩེད་རིགས་ཁག་སྤེལ་ན་ཡག་པོ་འདུག ཡིན་ནའང་འདི་འདྲ་ཞིག་བྱ་ཐུབ་པའི་རྐྱེན་དེ་རྩེད་མོ་བ་ཚོས་སྦྱོང་བརྡ་བྱེད་པའི་དུས་ནས་རྩེད་མོའི་དགེ་སློབ་ཚང་མས་རྩེད་མོའི་སྒྲིག་འཛུགས་དང་ཐ་སྙད་་རྣམས་བོད་སྐད་དུ་སྤྱོད་དགོས་ཀྱི་འདུག
དཔེར་ན་ཉུང་མཐའ་ལ་གཤམ་གྱི་མིང་ཚིག་རྣམས་བོད་སྐད་དུ་དགོས།
Air ball, referee, attack Staller, chest reception, counterattack, defenders, attacking ,offense, penalty, rebound, injury time, pass , midfielder, goal kick, corner flags, banana kick, Corner kick, blind Side, chest, pass, goalkeeper, receive, send off, killer ball, yellow card, indirect attack.
གལ་སྲིད་རྩེད་འགྲན་དུ་གོང་གི་མིང་ཚིག་རྣམས་བོད་སྐད་དུ་བཤད་ནས་ཉུང་མཐའ་ལ་རྩེད་མ་བ་ཚོས་མགོ་འཚོས་ན་བོད་ཤོག་གི་གསར་འགོད་པ་ཚོ་ལ་ད་དུང་མི་འགོད་པའི་རྒྱུ་མཚན་གཅིག་ཡོད། དེ་ནི་མི་དམངས་ཀྱིས་རྩེད་མོའི་སྒྲིག་གཞི་བོད་སྐད་དུ་མི་ཤེས་པས་ཚགས་པ་ཀློག་མཁན་དཀོན། མ་གཞི་ནས་བོད་ཡིག་ཏུ་སྒྲུང་དེབ་དང་ཚགས་ཤོག་བཀླག་མིན་དེ་གསར་གཞིས་གཉིས་ཀྱི་ཁྱད་པར་བཞག་ནའང་མི་འགྲིགས་པ་མིན་འདུག་སྙམ།
དེ་སྔོན་གསར་འབྱོར་བ་ཚོས་གསར་ཁང་མ་འཛུགས་གོང་ནས་བཙན་བྱོལ་པའི་ཁྲོད་དུ་རྐང་རྩེད་སྤོལ་དར་སྲོལ་ཆེ་བས་དེ་དུས་ནས་གོང་གི་རྩེད་མོའི་ཐ་སྙད་རྣམས་བོད་ཡིག་ཏུ་བསྒྱུར་ནས་མ་བཀོལ་བ་ག་རེ་རེད་དམ།
མ་གཞི་ནས་དཀའ་ངལ་འདི་དག་གསར་ཁང་གང་ཞིག་གིས་བཟོས་པ་མིན་ལ། གསར་གཞིས་གཉིས་ཀྱི་དགོས་མཁོ་མ་འདྲ་བར་བརྟེན་ནས་བྱུང་བ་ཞིག་ཀྱང་མ་རེད། བོད་ཡིག་དང་བོད་སྐད་ལ་དང་འདོད་ཆུང་ངུ་སོང་ནས་བཀོལ་སྤྱོད་ཉུང་དུ་འགྲོ་བའི་རྒྱུ་རྐྱེན་ནི་འཁོར་ཡུག་གི་གནས་བབས་དང་དགོས་མཁོ། བོད་མིས་བོད་ཡིག་ལ་ཕྱོགས་པའི་བློ་ཁ་དང་སྤོབས་པ། སྤྱི་ཚོགས་ཀྱི་སྒྲིག་གཞི་སོགས་ཀྱིས་མཚོན་པའི་རྐྱེན་སྣ་ཚོགས་ནས་འབྱུང་གི་ཡོད་།
མེ་སྒྱོགས་རྒྱ་མཚོ་བདེན་ཤས་ཆེ་གི
བསམ་ཚུལ་ཡག་པོ་འདུག དུས་དེབ་དང་ཚགས་ཤོག་མང་དྲགས་ཏེ་དོན་དངོས་ལ་མ་ཕན་པའི་ཛ་ཛོར་་མང་པོ་ཞིག་བཀོད་བསྡད་ན་མང་ཡང་ཕན་ཐོགས་ཀྱི་མ་རེད་ལ། ཐོག་མ་ནས་ཀུན་སློང་བཟང་པོ་ཞིག་དང་དུས་དེབ་ཀྱི་ནང་དོན་ཁག་སྤྱི་ཚོགས་ཀྱི་དགོས་མཁོ་དང་མཚམས་ཏེ་བཏོན་ཐུབ་ན་མང་ཡང་དེར་དཔག་་པའི་ཉོ་མཁན་དང་ལྟ་མཁན་ཡོང་སྲིད། འོན་ཏེ་རང་དབང་ལུང་པར་གང་བཤད་ཀྱང་ཆོག་པ་དང་གང་བྲིས་ཀྱང་འབྲི་ཆོག་པ། འགུལ་ཙམ་་བྱས་ཚེ་ལག་པ་ཟེད་དེ་རོགས་རམ་ལེན་ཆེད་ཁ་གཡོག་ཆེད་ཙམ་དུ་འཕུར་ས་ཞིག་མ་རག་བར་དུས་དེབ་འདྲ་བཏོན་རྗེས་ཁུངས་མ་འཁྱོལ་བར་གཞན་ལ་བརྗེ་བསྒྱུར་བྱེད་པའམ་རྦད་དེ་བརླགས་འགྲོ་བའི་དོན་དངོས་ཀྱི་གནས་ཚུལ་དེ་འདས་པའི་ལས་ཀ་བྱ་མཁན་ཚོའི་ལག་རྗེས་སུ་ལུས་ཡོད་པས་བག་ཆགས་ངན་པ་དེས་བཙན་བྱོལ་སྤྱི་ཚོགས་ནང་གནས་ཚད་ལྡན་པའི་དུས་་དེབ་རྩོམ་སྒྲིག་པ་མེད་པར། ་ཁ་གདངས་ཤེས་ཏེ་སྐད་བརྒྱབ་ཐུབ་པ་དང་། བོད་ཡིག་འབྲི་ཀློག་རང་སྐྱ་འཕེར་ཏེ་ཀམ་སྤུའུ་ཀྲར་རྒྱབ་ཤེས་པ་ཙམ་གྱིས་ལམ་སེང་དུས་དེབ་བཏོན་རྐྱང་བྱས་ཏེ་སྤུས་ཚད་ལ་ལྟ་གི་མེད་སྟབས་དེབ་ཀློག་མཁན་རྣམས་ལ་ཉོབ་སྣང་སླེབས་པ་དང་། བོད་ཡིག་མི་ཤེས་མཁན་ཚོས་ཀྱང་བོད་ཡིག་ཤེས་མཁན་ཁག་ཅིག་གིས་བཏོན་ཚར་བ་དེ་དག་ལ་སྤུས་ཚད་མེད་པའི་སྐྱོན་འཛུགས་ཤུགས་ཆེ་དྲག་རྐྱེན་མི་ཚང་མ་དོ་སྣང་བྱ་འདོད་མེད་པའི་ངོས་འཛིན་བྱ་གི་ཡོད་ཅིང་། ལྟ་ཚུལ་དེ་དག་དུས་དེབ་བཏོན་རྒྱུར་དོ་སྣང་བྱ་མཁན་ཚོས་ངེས་པར་དུ་སེམས་ལ་འཇོག་དགོས་པ་དང་། ཚགས་ཤོག་དང་དུས་དེབ་ཀྱི་གྲངས་འབོར་འཕར་བཞིན་ཡོད་ཀྱང་། སྤུས་ཚད་ལ་བསམ་བློ་མ་བཏང་སྟབས་ཁ་ཟས་སྣ་མིན་ཁྲི་ཕྲག་མང་པོས་མཐའ་བསྐོར་ཡང་ཟ་ལོག་པའི་ཁ་ཟས་སྣེ་གཅིག་མེད་ཚེ་གད་སྙིགས་དང་བྱོལ་སོང་གི་ཟས་སུ་འགྲོ་རྒྱུ་ལས་མི་ཟས་སུ་མི་ཕན་པས་ནང་དོན་གྱི་སྤུས་ཚད་ལ་འགན་འཁུར་བྱས་ཏེ་མ་ཤེས་ཤེས་མདོག་བྱེད་པའི་ཁེངས་སྐྱུངས་དོར་དགོས་པ་དེའང་གལ་ཆེན་པོ་རེད་མི་འདུག་གམ།།