བོད་ཡིག་བེད་སྤྱོད་ཐད་བཀའ་ཤག་གིས་འབོད་སྐུལ་གནང་འདུག

Comments (13) on “བོད་ཡིག་བེད་སྤྱོད་ཐད་བཀའ་ཤག་གིས་འབོད་སྐུལ་གནང་འདུག”

1. འབོད་ཅིང་བསྐུལ་བར་གྱུར་ན་ཡང། །
   ལྟོ་བ་འབྲང་པའི་ལས་མེད་ཕྱིར། །
   བོད་ཡིག་ད་དུང་ཉམ་ཆུང་ངང་། །
   ལུས་པར་གྱུར་ལ་ཐེ་མི་ཚོམ། །

2. ད་ལན་བཀའ་ཤག་གི་གསལ་བསྒྲགས་འདི་གཉིད་སད་ཁར་ཉལ་གཅིན་ཤོར་ཞེས་པ་དང་ཅི་འདྲའི་འདྲ་བ་ལ་ཨང་། བཀའ་ཤག་འཁྱུར་ཁར་གཞི་ནས་གནས་ལུགས་འདི་ཧ་གོ་བ་འདྲ། དེ་སྔོན་ལོ་བཅུའི་རིང་འདི་མི་དྲན་པ་གང་ཡིན། ད་དབང་ཆ་རྩིས་སྤྲོད་ཁར་བསམ་ཚུལ་ལེགས་པོ་ཞིག་འཁོར་འདུག་ཀྱང་ནུས་པ་ཐོན་དཀའ། ད་རྩིས་སྤྲོད་ཡག་པོ་ཞིག་ཡོང་བ་ལ་ཧུར་བསྐྱེད་གནང་རོགས། བཀའ་ཤག་ལགས།

3. དྲ་གྲོགས་དོན་ལྡན་BBCལགས།

   བསམ་ཚུལ་ཅུང་ཙམ་ཞུ་རྒྱུ་ཡིན། བཀའ་ཤག་འདིས་ལོ་བཅུའི་རིང་ཤེས་ཡོན་སྲིད་བྱུས་ཀྱིས་མཚོན་འཛིན་སྐྱོང་ཁོངས་གཏོགས་དང་བཅས་པར། གནས་འབྲེལ་གནང་ཕྱོགས་བོད་ཡིག་དགོས་པའི་བཀོད་ཁྱབ་མང་པོ་བཏང་འདུག་ལ། དེ་བཞིན་གཏན་འཇགས་ཀྱིས་འགྲོ་བཞིན་པ་ཞིག་རེད། ད་རེས་དམིགས་བསལ་གཞུང་འབྲེལ་མ་ཡིན་པ་དང་བཅས་པར་གྲོས་འཆམ་དགོངས་དོན་ལྟར་གསལ་བསྒྲགས་གནང་བ་ཞིག་ཡིན་པར་ཁོ་བས་བསམས། ལྷག་ཏུ་བཀའ་ཤག་སྐབས་སྔོན་མ་དང་དག་དང་བསྡུར་ན་བོད་སྐད་ཡིག་གི་མེ་རོ་གསོས་ཚུལ་ཞུ་མ་དགོས་པ་ཞིག་གདའ་བསམ་བཞིན་ཡོད་ལགས།

4. ཁ་བརྡ་ཚང་ལ་རེ་བ་ཞུ་རྒྱུ་ཞིག་ལ་བོད་མིའི་བླ་སྲོག་ཞེས་པའི་གཞས་འདི་ལན་ཚན་འདིའི་ནང་དུ་བཞག་རོགས་ཞེས་རེ་བ་ཞུ།

   http://www.youtube.com/watch?v=4UkiyX4ZYJ0&feature=related

5. ད་རེས་ཀྱི་གསལ་སྒྲགས་འདི་སྐབས་རྗེས་མའི་བཀའ་ཤག་གིས་མུ་འཐུད་ནས་བོད་ཀྱི་སྲོག་རྩ་བོད་ཡིག་འདིའི་སྟེང་ཤུགས་རྒྱག་དགོས་པའི་རེ་བསྐུལ་དང་དྲན་གསོ་ཡིན་རྒྱུ་རེད།

6. དྲ་གྲོགས་ཤར་ཕྱོགས་ཁུག་རྟ་དགེ་འདུན་ཆོས་འཕེལ་གྱི་ཡང་སྲིད་ཡིན་ཚུལ་བརྗོད་མཁན་ལགས། ཉིད་ཀྱིས་bbc ལ་བརྗོད་པ་བདེན་ཀྱང། ཉིད་རང་དྲན་དབང་དགེ་འདུན་ཆོས་འཕེལ་གྱི་ཡང་སྲིད་ཡིན་པར་ཁས་ལེན་བྱེད་ཀྱི་ཡོད་དམ། ཡོད་ན་ཁོང་གིས་གནང་རྒྱུར་ལུས་པའི་ལས་དོན་གང་ཞིག་གནང་བཞིན་ཡོད། ལན་འདེབས་ཡོང་བར་འཚལ།

7. བོད་གཞུང་བཀའ་ཤག་གི་འབོད་སྐུལ་འདི་ཡག་པོ་རེད།
   ང་ཚོའི་གཞུང་འབྲེལ་ཡིན་མིན་ཚོགས་པ་ཚང་མས་འབོད་སྐུལ་དེ
   ལག་ལེན་དོན་ཐོག་གནད་ལ་འཁེལ་ཐུབ་པ་ཞིག་བྱེད་རྒྱུ་ནི་གལ་ཆེའི་
   ནང་གི་དོན་ཆེན་རེད། ང་ཡང་མི་དཀྲུས་མ་ཞིག་གི་ངོས་ནས་སོར་བཅུ་
   སྙིང་ཁར་སྦྱར་ཏེ་བོད་ཡིག་གི་ལས་དོན་འདིའི་ཐོག་ལ་འབོད་སྐུལ་
   སྙིང་ནས་ཞུ་གི་ཡོད། བོད་ཀྱི་སྲོག་རྩ་སྐད་དང་ཡི་གེ་འདི་དུས་ནམ
   ཡང་ནུབ་པ་མེད་པར་སྨོན།།

8. འདིར་འབྲེལ་ཆགས་བཀའ་ཡིག་ཅིག་གཅེས་ཉར་བྱས་ཡོད་པས་འདིར་བཀོད་ཡོད།

   ༄༅༎ ཀུན་གཟིགས་ཐམས་ཅད་མཁྱེན་པའི་སྙན་དྲུང་དུ།
   གུས་ཞུ།
   ཐམས་ ཅད་མཁྱེན་པ་ཉིད་ནས་རང་རེ་བོད་གངས་ཅན་གྱི་མི་རིགས་སྤྱི་དང་། ཁྱད་པར་དུ་མཚོ་སྔོན་དང་། ཀན་སུའུ། ཟི་ཁྲོན་གསུམ་གྱི་ཞིང་ཆེན་ན་འཁོད་པའི་ཨ་མདོ་བོད་རིགས་རྣམས་སྔོན་ཐོན་མི་ རིགས་རྣམས་དང་འདྲ་བར་རིག་གནས་ཡོན་ཚད་མཐོ་རུ་བཏེགས་ནས་ཚན་རིག་ལག་བསྟར་བྱེད་ ཐུབ་པ་བྱ་དགོས་ན། བོད་རང་རྐྱང་གི་སློབ་གྲྭ་ཆེན་མོ་ཞིག་ངེས་པར་འཛུགས་དགོས། དེ་མིན་ནུབ་བྱང་མི་རིགས་སློབ་གྲྭ་དང་། མཚོ་སྔོན་མི་རིགས་སློབ་གྲྭ་ལྟ་བུ་ཡིན་ན། རྒྱ་རིགས་རྣམས་ཀྱིས་དབང་བཟུང་བའི་འོག་ཏུ་བོད་ཡིག་སློབ་ཚུལ་རྣམས་ནི་གཟུགས་ བརྙན་ཁོ་ན་ལས་བོད་རང་གི་སྐད་ཡིག་གོང་འཕེལ་དུ་འགྲོ་ཐབས་མེད། དཔེར་ན་དགེ་རྒན་རྒྱ་མི་བོད་ཡིག་ཅུང་ཟད་ཤེས་ལ་བོད་སྐད་གདངས་མི་ཐོན་པ་དག་གིས་ འབྲོག་ཕྲུག་ཚོར་ཀ་ཁ་དང་སུམ་རྟགས་སློབ་པ་ལྟ་བུ་སྟེ། དེ་ནི་ཚུལ་དང་མཐུན་པ་ཞིག་ག་ལ་ཡིན། འདི་འདྲའི་སྣང་ཚུལ་ཞིབ་པར་ཞུས་ན་ཚིག་ཉུང་ངུ་ཞིག་གིས་ཞུས་པས་མི་ཚར། དེ་དོན་ཐུག་ལ་ངེས་པར་བསྣམ་རྒྱུ། ཞེས་རང་རེ་བོད་གངས་ཅན་གྱི་རིག་གཞུང་ལ་ཤ་ཞེན་ཆེ་བའི་དགེ་སྦྱོང་རྒན་པོ་གུས་པ་ ཚེ་ཏན་ཞབས་དྲུང་ནས་སྙིང་ལ་བརྣགས་པའི་ཞུ་ཚིག་སྤྱི་ལོ་བརྒྱད་ཅུ་ཐམ་པ་ལོའི་ཟླ་ བ་བཅུ་གཅིག་པའི་ཚེས་ཉེར་གཅིག་ལ་ཕུལ༎

   ༼གུས་པས་ཚེ་ཏན་ཞབས་དྲུང་ཚང་གི་གསུམ་འབུམ་ཀློག་སྐབས།
   གསུང་འབུམ་གླེགས་བམ་དང་པོའི་ཤོག་ངོས་ ༣༠༨ ཐོག་འདི་འདྲ་ཞིག་གསལ་འདུག་པ།
   འདིར་ བཀོད་པ་ཡིན། བོད་ཀྱི་ཤེས་ཡོན་ནམ་སློབ་གསོའི་གནད་དོན་འདི་ཡང་ང་ཚོའི་ཁ་བརྡའི་ཁྲོད་དུ་ཡང་ ཡང་དགོས་གལ་ཆེ་བར་མངོན་ནོ༎དགེ་འདུན་རབ་གསལ་གྱིས།

9. འདི་སྔོན་མ་གཞུང་ལུགས་སྨྲ་བ་རབ་གསལ་ཚང་གིས་ཟུར་བཏོན་བྱས་འདུག་པ་གཅེས་ཉར་བྱས་ཡོད་པ་དང་། གྲོགས་ཨ་རིག་དགེ་མཐོང་ཚང་གིས་མཚོ་སྔོན་པོའི་ཟིན་བྲིས་སུའང་སྤེལ་འདུག་པ་མ་ཟད། བོད་ནང་གི་སྒྱུ་རྩལ་པ་འཇམ་དབྱངས་བློ་གྲོས་སོགས་རྐང་འཛིན་ཟིན་བྲིས་པ་མང་པོས་ཡི་རངས་ཞུས་འདུག འདི་ཡི་དགེ་བའི་རྩ་བ་གང་ཡོད་པ་དེ་རབ་གསལ་ཚང་གི་ཡིན། ང་ལ་ཨ་ལགས་ཚང་གི་གསུང་འབུམ་མེད།

10. ་་་་་་ལེགས་བྱང་་་་ཞེས་པའི་ཚིག་གསར་འདི་ལ་འགྲེལ་བརྗོད་ཇི་ལྟར་བྱེད་དགོས་སམ། ཚིག་གསར་འདི་ལ་གཞི་བཅོལ་ས་་་་རྒྱ་གར་གྱི་ཚིག་གཅིག་་་ཡོད་དམ།

11. བཀུར་འོས་རྡོ་རྗེ་དབང་ཕྱུག་གིས་བཀོད་ཁྱབ་འདི་བཞིན་དྲ་ངོར་བཞག་པ་ནི་ཤིན་ཏུ་ནས་བཀའ་དྲིན་ཆེན་པོ་རེད། རང་རེའི་གཞུང་གི་ལས་དོན་གནང་ཕྱོགས་ལ་སྒྲིག་འཛུགས་ཀྱི་ནང་དུ་ཡོད་མེད་ལ་མ་ལྟོས་པར། འདི་ལྟར་དོ་སྣང་གནང་། དགོངས་ཚུལ་གསུངས་པ་ཡིན་ན་ཏན་ཏན་གཞུང་མང་མཉམ་རུབ་ཀྱི་ནུས་པ་དེ་སྔར་ལས་གོང་འཕེལ་དུ་འགྲོ་རྒྱུ་རེད། སྒྲིག་འཛུགས་ཤིག་གི་ཕྱི་ནས་ལྟོས་པ་དང་ནང་དུ་ཞུགས་ནས་ཉམས་མྱོང་བསགས་པ་གཉིས་ལ་བར་ཁྱད་ཆེན་པོ་ཡོད་པ་ལྟར། གཞུང་གིས་གང་གནང་དགོས་པ། གང་གནང་གི་ཡོད་པ་མཐའ་དག་གསལ་བོར་ཤེས་ཐུབ་པ། རང་ལ་བསམས་རྒྱུ་ཡོད་པ། མི་ལ་ཤོད་རྒྱུ་ཡོད་པ་ཞིག་བྱེད་ཐུབ་ན། རྒྱ་གར་ལ་བྲོས་ནས་ཡོང་བ་ཡིན་ཟེར་མཁན་ང་རང་ལྟ་བུ་མང་པོ་ཞིག་གིས་དོན་དམ་པས་ཁུར་བླངས་བ་རེད་བསམ་གྱི་ཡོད། ཡིན་ནའང། ཁུར་ལེན་སྟངས་འདི་ལས་གཞན་མེད་ཟེར་གྱི་མེད། སྐད་ཡིག་ལ་ཁོར་ཡུག་བསྐྲུན་སྟངས་འདི་ལྟར་བྱེད་དགོས་ཀྱི་འདུག འདི་ལྟར་བྱས་མི་འདུག འདི་བྱས་ནས་འདི་ལ་གྲུབ་འབྲས་མ་ཐོན་པ་རེད་ཅེས་རྣམ་རིག་འདོན་ས་ཡོད་པས། ཕར་བཤད་ཚུར་ཉན། དེ་ནས་རིམ་པས་ཅིག་ཤེས་རྒྱུའི་བློ་རིག་རྒྱས་ཡོང་བ་དང་མཉམ་ཏུ་དགེ་སྐྱོན་ཡང་རེ་མོས་ཀྱིས་མཐོང་ཡོང་བའི་ཚོར་བ་སླེབས་མཚམས། ང་ཚོ་འཐབ་རྩོད་པའམ། སེམས་ཁུར་ཅན་ཞིག་ཆགས་རྒྱུ་རེད། རང་གིས་བསམ་ཚུལ་གང་བཏོན་པ་རྣམས་ལམ་སེང་བདག་སྤྲོད་བྱེད་དགོས་པའང་ཡོད་པ་མ་རེད། དེ་དོ་སྣང་གནང་མཁན་ཞིག་གིས་ག་དུས་ཡིན་ནའང་མཁྱེན་གི་ཡོད་པ་རེད། དེ་བས་ཤེས་ཡོན་པའི་སྡེ་དང་མི་མང་གིས་བསམ་ཚུལ་སྤུངས་རྒྱུ་ཤིན་ཏུ་གལ་ཆེན་རེད་ལ། རྡོར་དབང་གིས་འདི་ལྟའི་ལམ་ཁ་ཞིག་ལ་དམིགས་གཟས་ལྟ་བུ་བྱས་པ་འདུག་པ་ནི་རླབས་ཆེན་རེད།

12. རིན་པོ་ཆེ་མཆོག་གིས་མཁས་དབང་ཚེ་ཏན་ཞབས་དྲུང་ཚང་གི་ཕྱག་འཕྲིན་དེ་འདིར་བཀོད་པ་ཐུགས་རྗེ་ཆེ། ༼ སྙན་ངག་སྤྱི་དོན་༽ལ་ཚ་ཚ་འུར་འུར་གྱིས་དཔེ་བརྗོད་བཞག་པའི་ཕ་ཡུལ་གྱི་བན་ཕྲུག་དེ་ཚོའང་དྲན་ནི་ཞིག་རེད། ང་ཚོས་དཔེ་བརྗོད་དེ་ཚོ་ཀློག་སྐབས། ཨ་ལགས་ཚང་གི་གསུང་སྐད་ལྟར་ཀློག་གི་ཡོད། ཨ་ལགས་ཚང་ལ་མཇལ་མ་མྱོང་ཀྱང་། ཁོང་ཚང་གི་གསུང་ཁྲིད་སྒྲ་བཤུས་མ་དེ་ཚང་མའི་ཡ་མཚན་ཞིག་ཏུ་བཟུང་ནས་ཡང་ཡང་ཉན་གི་ཡོད། དེ་དུས་དཔེ་ཁྲིད་སྒྲ་བཤུས་ཀྱིས་ཉན་མཁན་ཞེ་དྲག་མི་འདུག བསམ་བློ་ཞིག་བཏང་ན་དེ་དུས་རྨ་ལྷོ་དགེ་ཐོན་སློབ་གྲྭ་དང་། སློབ་འབྲིང་གི་སློབ་མ་བཅས་སྐྱ་བོ་དེ་ཚོ་ཚུར་དགོན་པར་བཅར་ནས་དཔེ་ཁྲིད་ཞུ་གི་འདུག དེ་ནི་དངོས་གནས་སྐད་ཡིག་གི་ཁོར་ཡུག་ཅིག་མིན་འགྲོ་བསམ་གི

13. ངོ་མ་དགའ་འོས་པ་ཞིག་རེད་། སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་ཡིན་