གནས་ཚུལ་མཁོ་གཏོང་བ། གཡག་ཕྱུག་ཕུན་ཚོགས་ཆོས་འཕེལ།(ལྡི་ལི་མཐོ་སློབ།)
འདི་ལོའི་སྤྱི་ཟླ་༡༢་པའི་ཚེས་༢༦ཉིན་ལྡི་ལི་བསམ་ཡས་གླིང་གཞིས་སྒར་གྱི་ཉིན་མོའི་སློབ་གྲྭའི་མདུན་ཐང་དུ་བོད་རིགས་མཐོ་རིམ་སློབ་མའི་ཚོགས་ཆེན་ཐེངས་བདུན་པ་དེ་གཟབ་རྒྱས་ངང་ཚོགས་ཡོད་པ་དང་། ཚོགས་ཆེན་དབུ་འབྱེད་མཛད་སྒོའི་ཐོག་སྐུ་མགྲོན་གཙོ་བོ་དཔལ་ལྡན་དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་མཁས་དབང་བློ་བཟང་སེང་གེ་མཆོག་ཆིབས་བསྒྱུར་བསྐྱངས་ཡོད་ཅིང་། གཞན་ལྡི་ལི་བསམ་ཡས་གླིང་གཞིས་སྒར་གྱི་ས་གནས་འགོ་འཛིན་དང་། བརྒྱ་དཔོན། གཞུང་དང་གཞུང་འབྲེལ་མ་ཡིན་པའི་ཚོགས་པ་ཁག་གི་ཚོགས་གཙོ་རྣམ་པ་ཡང་མཛད་སྒོའི་ཐོག་མཉམ་ཞུགས་གནང་ཡོད་པ་རེད། འདི་གར་མཐོ་རིམ་སློབ་མའི་ཚོགས་ཆེན་གཙོ་སྐྱོང་བ་བསོད་ནམས་དར་རྒྱས་ལགས་ལ་ཚོགས་ཆེན་འདི་འདྲ་བ་གོ་སྒྲིག་ཞུ་དགོས་པའི་རྒྱུ་མཚན་དང་། མཐོ་རིམ་སློབ་མ་ཇི་ཙམ་ཞིག་ཚོགས་ཆེན་ཐོག་འཛུལ་ཞུགས་གནང་ཐུབ་པ་བྱུང་ཡོད་མེད་སྐོར་བཅར་འདྲི་ཞུས་དུས་ཁོང་གིས་“ད་ལན་ཚོགས་ཆེན་འདིའི་ཐོག་མཐོ་སློབ་འདྲ་མིན་༣༡་དང་ས་གནས་ཁག་༡༢། ད་དུང་མངའ་སྡེ་ཁག་དགུ་ཙམ་ནས་སློབ་མ་གྲངས་༨༡་ཙམ་འཛུལ་ཞུགས་ཐུབ་པ་བྱུང་ཡོད་པ་དང་། ཚོགས་ཆེན་འདི་འདྲ་བ་གོ་སྒྲིག་བྱེད་དགོས་པའི་རྒྱུ་མཚན་ནི་རྒྱ་གར་མཐོ་སློབ་འདྲ་མིན་ནང་སློབ་སྦྱོང་བྱེད་བཞིན་པའི་མཐོ་རིམ་སློབ་མ་རྣམས་ལོ་གཅིག་ལ་ཐེངས་མ་གཅིག་ཙམ་ཕན་ཚུན་མཉམ་འཛོམས་བྱེད་ནས་བོད་མི་རིགས་ཀྱི་ཆབ་སྲིད་དང་། སྤྱི་ཚོགས། དཔལ་འབྱོར་སོགས་བརྗོད་གཞི་འདྲ་མིན་གྱི་ཐོག་ལ་གྲོས་བསྡུར་དང་ཕན་ཚུན་བསམ་ཚུལ་བརྗེ་རེས་ཀྱི་སྡིངས་ཆ་གསར་བ་ཞིག་བསྐྲུན་ཐུབ་པའི་ཆེད་དུ་ཡིན་”ཞེས་བརྗོད་སོང་། ཡང་ཁོང་གིས་“ཚོགས་ཆེན་འདིའི་བརྒྱུད་མཐོ་རིམ་སློབ་མ་རྣམས་འཇིག་རྟེན་འདི་ནང་ཆེས་ཡི་གར་འོང་བའི་ཡར་རྒྱས་ཀྱི་རྩ་བ་ལྟ་བུ་མན་ངག་གསུམ་སྟེ། རང་མགོ་རང་ཐོན་དང་། རང་ངོ་རང་ཤེས། རང་འགན་རང་འཁུར་གྱི་ལྟ་གྲུབ་གསུམ་རྒྱུན་འཁྱོངས་བྱེད་ཐུབ་ཐབས་དང་། མཐོ་སློབ་འདྲ་མིན་ནང་སློབ་སྦྱོང་བྱེད་བཞིན་པའི་སློབ་མ་རྣམས་ལ་བོད་མིའི་སྤྱི་ཚོགས་ཁྲོད་ཆེད་ལས་མཁས་པ་དང་རིགས་གཅིག་རྐང་འཛིན་པའི་མི་སྣ་གསོ་སྐྱོང་བྱེད་ཐུབ་པར་རང་ཉིད་ནས་འགོ་བརྩམས་དགོས་པ་དང་། བོད་མིའི་སྤྱི་ཚོགས་ནང་རང་ནུས་གང་ཡོད་ཀྱིས་ཞབས་འདེགས་བསྒྲུབ་ཐུབ་པར་བྱ་རྒྱུ་དེ་གལ་གནད་ཆེན་པོ་ཡིན་པ་ཧ་གོ་བའི་ཆེད་དུ་ཡིན་”ཞེས་བརྗོད་སོང་།
ཐེངས་འདིའི་མཛད་སྒོའི་ཐོག་མཐོ་རིམ་སློབ་མ་ཡོངས་ཀྱི་ཚབ་ཞུས་ནས་བོད་མི་རིགས་ཀྱི་བདེན་པའི་འཐབ་རྩོད་ཆེད་དུ་རང་ལུས་མཆོད་མེ་རུ་ཕུལ་མཁན་དཔའ་བོ་དཔའ་མོ་རྣམས་ཀྱི་ཚེ་སྲོག་བློས་གཏོང་གི་རླབས་ཆེན་མཛད་འཕྲིན་འདིར་གུས་བརྩི་དང་གདུང་སེམས་མཉམ་བསྐྱེད་མཚོན་ཆེད་ཆེ་བསྟོད་གཟེངས་རྟགས་འབུལ་བཞེས་མཛད་ཡོད་པ་དང་། གཞན་བོད་དབྱིན་གཉིས་ཀྱི་རྩོམ་ཡིག་འགྲན་བསྡུར་ནང་ཨང་རིམ་སོན་པའི་རྩོམ་པ་པོ་རྣམས་ལ་ཡང་བྱ་དགའ་དང་ལག་འཁྱེར་ཕུལ་ཡོད་པ་རེད། དེ་རིང་གི་ཚོགས་ཆེན་འདིའི་ཐོག་བོད་དོན་ལས་འགུལ་ལ་ལོ་ངོ་བཞི་བཅུ་ལྷག་ཙམ་ཞིག་ཕྱག་ལས་གནང་མྱོང་མཁན་བོད་དོན་རྒྱབ་སྐྱོར་བ་དང་པར་ལེན་གསར་འགོད་པ་“ལྦི་ཇེཡི་ཀ་རན་དི་”(Vijay Kranti)མཆོག་ལ་ཐུགས་རྗེའི་ལེགས་ཕུལ་གྱི་ཕྱག་རྟགས་ཕུལ་ཡོད་ཅིང་ཚོགས་ཆེན་འདི་མུ་མཐུད་ཕྱི་ཟླ་༡༢་པའི་ཚེས་༢༦་ནས་༢༩་བར་ཁྱོན་བསྡོམས་ཉིན་བཞི་ཡི་རིང་འཚོགས་རྒྱུ་གཏན་འཁེལ་ཡོད་པ་རེད།
ཚོགས་ཆེན་མང་པོ་ཞིག་ཚོགས་ཀི་ཡོད་པ་མཐོང་ཡ་འདུག། བཟང་གི་ཁ་རྒྱན། ཚོགས་ཆུང་དེ་འདྲ་ཡང་འཚོགས་ཐུབ་ན་ཡག་པོ་མེད་འགྲོ། དུས་ཆེན་ལྟ་བུ་མི་བྱེད་པར། གོ་སྐབས་ལྟ་བུ་ལ་འགྲོ་བའི་རེ་སྨོན་ཡོད།
བོད་རིགས་མཐོ་སློབ་སློབ་མའི་ཚོགས་ཆེན་ཐེངས་བདུན་པ་བདེ་བླག་ངང་འཚོགས་ཐུབ་པར་ཁོ་བོས་རྟེན་འབྲེལ་དང་དགའ་བསུ་ལྷན་དུ་ཞུ། ན་ནིང་ཐེངས་དྲུག་པ་བྷང་ལོར་ནས་འཚོགས་པ་དེའི་སྟེང་དུ་ཁོ་བོ་སོང་ཡིན། སློབ་མ་ཚོ་དང་ལྷན་དུ་བགྲོ་གླེང་གང་མང་བྱེད་རྒྱུའི་གོ་སྐབས་ལྡན་པས་སྐྱིད་སོང་། ད་ལོ་མགྲོན་བརྡ་མཐོང་ཡང་རྐྱེན་དུ་མའི་དབང་གིས་འགྲོ་ཐུབ་མ་སོང་བར་འགྱོད་ནས་ཡོད། མུ་མཐུད་ནས་བགྲོ་གླེང་ལེགས་པོ་ཡོང་བ་དང་མཐར་རྒྱལ་ཁའི་ངང་གྲོལ་རྒྱུའི་སྨོན་འདུན་ཞུ།
མཐོ་སློབ་ཀྱི་ཚོགས་ཆེན་དེར་མི་རིགས་ཀྱི་སྲོག་རྩར་གྱུར་པ་བོད་སྐད་དང་བོད་ཡིག་ལ་དོ་སྣང་དང་ཡར་རྒྱས་གཏོང་དགོས་པའི་གྲོས་ཆོད་དེ་འདྲ་བཞག་ཡོད་དམ། ལྡི་ལི་བོད་ཀྱི་མཐོ་སློབ་ཁང་དུ་བོད་རིགས་ཕན་ཚུན་བོད་སྐད་གཙང་མ་རྒྱབ་རྒྱུའི་གྲོས་ཆོད་བྱུང་ཡོད་དམ། དེང་སང་བོད་ལ་བཙན་གནོན་གྱི་འོག་ཏུ་གཞོན་ནུ་ཚོས་ངོ་མ་གྲོས་ཆོད་དང་ཚོགས་ཆེན་སོགས་གང་ཡང་མེད་པར་རང་འགུལ་གྱིས་རང་མི་རིགས་ཀྱི་སྐད་ཡིག་ལ་དོ་སྣང་དང་ཡར་རྒྱས་གཏོང་བའི་ལས་འགུལ་དེ་ཚོར་ངོ་མ་ཡིད་སྨོན་འཆོར་གྱི་འདུག
ཁ་རྡའི་དྲ་རྒྱའི་ནང་དུ་ཕེབས་མཁན་གྱི་གྲོགས་པོ་རྣམ་པར་ཞུ་རྒྱུ། ཧི་མ་ལ་ཡའི་ཕྲུལ་སྨྱུག་གིས་བྲིས་པའི་༼ཚ་བ་མདའ་སྨྱུག་དང་འབྲེལ་བའི་གཏམ་དྲང་བདེན་གྱི་སྙིང་སྟོབས།༽ ཞེས་པ་གཟིགས་འདོད་མཆིས་ཚེ། ཤེས་རབ་ཟིན་བྲིས་ནང་དུ་གཟིགས་པར་ཞུ།
གོངས་ས་མཆོག་གིས་དང་པོ་་སོ་སོ་དགེ་ལུགས་ནང྄་ཁུལ་རྙོག་དྲ་དེ་གཙང་མ་བྱ྄ེད་རོགས་བྱེད་ན་ཡག་པོ་རེད་
དེ་མ་ཚད་ས་སྐྱ་དང་ཇོ་ནང་་་ཀརྨ་པ་གཉིས་་སྐྱབས་རྗེ་བདུད་འཇོམས་རིན་པོ་ཆེ་གཉིས་དེ་ཚང་མ་གཙང་མ་བྱེད་རོགས་གནང་
ཡོང་ཁུངས་དེ་རིན་པོ་ཆེ་རང་གིས་ས་ནས་ཡོང་བ་རེད་་བོད་ནང་ཁུལ་ལ་སྙོག་དྲ་མེད་པ་ཡིན་ན་དགའ་བ་འདུག་ལུང་པ་གཞན་གྱིས་ ཆོས་ལུགས་རྟོག་ཙམ་ཞིག་བཞག་ན་དགའ་ས་འདུག