ཚེ་དབང་བསོད་ནམས
ཕྱི་ལོ་༡༩༥༡ ལོར་བོད་རྒྱ་གཉིས་བར་བཞག་པའི་གྲོས་མཐུན་དོན་ཚན་བཅུ་བདུན་ནང་བོད་ས་གནས་སྲིད་གཞུང་ཟེར་བའི་ཐ་སྙད་དེ་འཁོད་པ་ནས་རྒྱ་ནག་གི་བོད་དེ་ས་གནས་ཀྱི་སྲིད་གཞུང་ ( REGIONAL GOVERNMENT )་ལ་ངོས་འཛིན་གནང་ཡོད་པ་དང་ང་ཚོའི་ངོས་ནས་གནད་འགག་ཡོོད་པའི་ཆབ་སྲིད་ཀྱི་ཐ་སྙད་དེ་ཟིན་མ་ཐུབ་ནས་དབུ་མའི་ལམ་གྱི་དགོས་འདུན་ནང་ ༼ བོད་ས་གནས་སྲིད་གཞུང་ ༽ ཟེར་བའི་ཐ་སྙད་དེ་འཇུག་མ་ཐུབ་པ་ནས་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོམ་གཞིའི་འོག་མི་རིགས་ས་གནས་རང་སྐྱོང་གི་བཅའ་ཁྲིམས་ནང་གསལ་བའི་རང་སྐྱོང་གི་གནས་བབས་ཚད་ལྡན་ཞིག་དགོས་ཟེར་བའི་དགོས་འདུན་སྟོན་པ་ནི་བོད་རྒྱ་གཉིས་བར་བཞག་པའི་གྲོས་མཐུན་དོན་ཚན་བཅུ་བདུན་ནང་འཁོད་པའི་བོད་ས་གནས་སྲིད་གཞུང་ཟེར་བའི་ཐ་སྙད་ལ་ང་ཚོའི་འགན་ཁུར་མ་ཐུབ་ནས་རྒྱ་ནག་གི་རྩ་ཁྲིམས་ལ་ང་ཚོའི་འགན་ཁུར་བ་ནི་སྐེ་ཁྱེར་ནས་ཞག་པ་ཉོས་པ་ཟེར་བའི་དཔེ་ལྟར་ལས་མ་འདས་པ་དང་ད་ཆ་ང་ཚོ་རྒྱ་ནག་གི་རྩ་ཁྲིམས་ཀྱི་སྒྲོམ་གཞིའི་འོག་མི་རིགས་ས་གནས་རང་སྐྱོང་གི་བཅའ་ཁྲིམས་ནང་གསལ་བའི་རང་སྐྱོང་གི་གནས་བབས་ཚད་ལྡན་དེ་ང་ཚོར་ཐོབ་དགོས་ན་རྒྱ་ནག་གི་འབྲེལ་ཡོད་དཔོན་རིགས་དང་ང་ཚོ་མི་དང་མི་ཐུག་ནས་ཕར་བཤད་ཚུར་ཉན་དང་ཚུར་བཤད་ཕར་ཉན་རྒྱུད་ནས་བོད་རྒྱའི་དཀའ་སྙོགས་སེལ་ཐུབ་པའི་འགན་དེ་བོད་རྒྱ་གཉིས་ཀྱི་འགོ་འཁྲིད་ནས་བཞེས་དགོས་པ་ལས་བོད་རྒྱ་གཉིས་ནས་རྒྱལ་སྤྱིའི་ནང་མ་ཉེས་ཁ་གཡོག་གི་སྐྱོན་འཛུགས་ཁྱབ་སྤེལ་ཐུབ་པ་ཙམ་གྱི་བོད་རྒྱ་གཉིས་ལ་འཕྲད་པའི་དཀའ་སྙོགས་ནམ་ཡང་སེལ་མི་ཐུབ་པ་དང་རྒྱ་མིའི་ངོས་ནས་གོང་ས་མཆོག་ལ་མཚན་སྨད་ཞུ་རྒྱུའི་རིགས་མཚམས་འཇོག་དགོས་པ་དང་བོད་མིའི་ངོས་ནས་དབུ་མའི་ལམ་ལ་འགན་ཁུར་ནས་རྒྱ་ནག་ལ་ངོ་རྒོལ་རིགས་མཚམས་འཇོག་རྒྱུད་ནས་བོད་རྒྱའི་འགོ་འཁྲིད་བར་ལྷག་བསམ་དང་འགན་ཁུར་ཕྱི་གསལ་ནང་གསལ་ཆེ་མཐོང་དང་ཡིད་ཆེས་རྒྱུད་ནས་བོད་རྒྱའི་དཀས་སྙོགས་འདི་གོང་ས་མཆོག་གི་སྐུ་དུས་འདིར་སེལ་མ་ཐུབ་ཚེ་དེའི་འགན་དེ་ད་ལྟའི་བོད་རྒྱ་གཉིས་ཀྱི་འགོ་འཁྲིད་ཚོའི་སྟེང་དུ་ལྷག་རྒྱུ་ཡིན་པ་ལས་སུ་གཅིག་ལ་ངན་ཁག་གཡོག་ས་མེད་པ་བཅས་མདོ་དོན་གྲོས་མཐུན་ཚན་བཅུ་བདུན་ལས་མར་བབ་ནས་བོད་ས་གནས་སྲིད་གཞུང་ཟེར་བའི་ཐ་སྙད་དེ་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོམ་གཞིའི་འོག་མི་རིགས་ས་གནས་རང་སྐྱོང་ལ་ཁ་ཕྱོགས་པ་ནི་ང་ཚོར་ཚོང་དེ་མཁེ་གྱོང་ཇི་ཆགས་ཆབ་སྲིད་རིག་པས་དཔྱད་ན་གསལ་པོ་ཤེས་ཐུབ་པ་བཅས་ལྔ་དང་ལྔ་བཅུའི་འཆར་སྣང་ལས་ལྔ་ལ་འགན་འཁུར་ནས་བོད་རྒྱའི་དཀའ་སྙོགས་འདི་ཆབ་སྲིད་མི་སྣའི་དགོས་མཁོའི་ཆེད་ཆང་ནང་བཞིན་སྙལ་ནས་མ་བཞག་པར་བོད་རྒྱ་མི་རིགས་གཉིས་ལ་འཕྲད་པའི་དཀའ་སྡུག་ལ་འགན་འཁུར་ནས་བོད་རྒྱའི་དཀའ་སྙོགས་དུས་ཐོག་སེལ་དགོས་པ་དེ་ཆེས་ཛ་དྲག་ཅན་གྱི་གནས་སྟངས་ཞིག་ཏུ་སླེབས་མེད་པ་ཡིན་ནམ།
ཀོ་ལི་གྷལ་གཞིས་ཆགས་གཞུང་པ་ཚེ་དབང་བསོད་ནམས་ཕྱི་ལོ་༢༠༡༩ ཕྱི་ཟླ་ ༡ པོའི་ཚེས་ ༤ ཉིན་བལ་ཚོང་ས་གནས་ནས་ཟིན་བྲིས་སུ་བཏབ།