བོད་རྩོམ་འདེམས་ཀློག་གི་འཛིན་གྲྭ།
འདེམས་ཀློག་གནང་མཁན།-ཧོར་གཙང་འཇིགས་མེད།
འདེམས་ཀློག་གནང་དུས།-སྤྱི་ཟླ ༨ པའི་ཚེས་ ༡༥ ཡི་སྔ་དྲོ་དུས་ཚོད་ ༡༡ནས་ཉིན་རྒྱབ་དུས་ཚོད་ ༡༢:༣༠ བར།
འདེམས་ཀློག་གནང་ས།-ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་།
ཟླ་རེར་ཐེངས་གཅིག་ཚོགས་བཞིན་པའི་འཛིན་གྲྭ་འདིས་དུས་སྐབས་མི་འདྲ་བ་སྟེ། ཏུན་ཧོང་གཏེར་ཡིག་གམ་བོད་བཙན་པོའི་དུས་ཀྱི་རྩོམ་ཡིག་ནས་དེང་རབས་རྩོམ་ཡིག་སྣ་ཚོགས་ནས་དྲག་འདེམས་ཀྱིས་ཀློག་པ་དང་ངོ་སྤྲོད་བྱེད་པའི་འཛིན་གྲྭ་ཞིག་ཡིན། དེ་ནི་རྩོམ་ཡིག་གང་ཞིག་ཀློག་པ་ཁོ་ན་མ་ཡིན་པར། དེའི་ལོ་རྒྱུས་ཀྱི་རྒྱབ་ལྗོངས། རྩོམ་སྟངས་དང་རྩོམ་ལུས། རྩོམ་དེའི་རྩོམ་པ་པོ་དང་དེས་ཇི་ལྟར་བརྩམས་ལུགས་སོགས་ཀྱི་འབྲེལ་ཡོད་གནས་ཚུལ་གླེང་མོལ་བྱེད།
ཐེངས་རྗེས་མའི་བོད་རྩོམ་འདེམས་ཀློག་གི་འཛིན་གྲྭར་ཧོར་གཙང་འཇིགས་མེད་ལགས་གདན་འདྲེན་ཞུས་ནས་ཁོང་གིས་ངག་གི་དབང་པོ་དོན་གྲུབ་རྒྱལ་ལགས་ནས་རྒྱ་ཡིག་ནས་བསྒྱུར་བའི་བྱ་ལན་མའི་ཟློས་གར་ནས་ཡིག་ཚན་འགའ་ཞིག་འདེམས་ཀློག་གནང་རྒྱུ་རེད། སྐུ་ཞབས་ཧོར་གཙང་འཇིགས་མེད་ལགས་ནི་སྙན་ངག་པ་དང་ལོ་རྒྱུས་སྨྲ་བ་ཡིན་ལ། ཁོང་གིས་ཉེ་ཆར་ཨ་མདོའི་ལོ་རྒྱུས་ཆེན་མོ་ཞེས་པ་པོད་དྲུག་བརྩམས་གྲུབ་པ་དེ་བོད་ཀྱི་དཔེ་མཛོད་ཁང་ནས་དཔེ་སྐྲུན་གནང་ཡོད།
འཛིན་གྲྭ་དེར་བཀླག་རྒྱུའི་ཡིག་ཚན་གྱི་ PDF ངོ་བཤུས་དགོས་མཁན་ཡོད་ན་info@latse.org འདིའི་ཐོག་ལ་འབྲེལ་བ་གནང་རོགས།
འདས་པའི་ལོ་འགའི་རིང་ལ་རྩེ་ཚང་གིས་ལོ་འཁོར་དུས་དེབ་དེ་ཡང་འདོན་ཐུབ་ཀི་མི་འདུག་པའི་རྒྱུ་མཚན་རེ་ཤེས་ན་གསུང་རོགས། ང་རང་ལ་རྩེའི་དེབ་ཕྲེང་དེ་དག་ལ་དགའ་མོས་ཆེན་པོ་ཡོད་མཁན་ཞིག་ཡིན། ལ་རྩེའི་ཕྱི་ནང་གཉིས་ན་ཤེས་ཡོན་ཅན་རེ་ཡོད་ཀི་མོད།