ལན་ཞིག་གི་ཡང་ལན་དུ།
བསྟན་འཛིན་ཤེས་རབ།
མཐའ་མཚམས་རྫ་རིས་སྐོར་བ་དང་།།
ཀ་ཡིག་དུར་རྡོར་ཕབ་ལེ་དེ།།
ལོ་ངོ་བརྒྱ་རང་མི་དགོས་དེ།།
ད་ནས་མངོན་དུ་འགྱུར་བཞིན་འདའ།།
རོང་ཁུལ་གོས་སྔོན་ཅན་གྱིས་འཁེངས།།
འབྲོག་པའི་འཚོ་བརྟེན་ས་རུ་འཐིམ།།
དགོན་ཤུལ་འཇག་རྩ་སྐྱ་བོ་འཕྱུར།།
ད་ལྟ་ཕྱེད་ཙམ་ལོང་ནས་འདུག།
བསོད་ནམས་ཟད་པའི་མཐའ་མ་ལ།།
དམ་པའི་ཆོས་ལ་གདུལ་བྱ་མེད།།
ཁ་བཏོན་དགེ་སྦྱོར་དུས་ཀྱི་གྲོན།།
རིག་གཞུང་ཟེར་བ་རྙིང་ཞེན་ཙམ།།
ཡབ་མེའི་ཕོ་བྲང་དམར་བོ་དེ།།
གནའ་རྫས་གྲས་སུ་གནའ་ནས་བརྫངས།
ལོ་རྒྱུས་ཙན་དན་དམར་བོའི་ཕྲེང་།།
རྙོག་བསླད་རྙང་བུས་སྦགས་ཟིན་ཏོ།།
རང་བཙན་ཟེར་ན་དགྲ་རུ་ལྟ།།
མི་རིགས་ཞེས་ན་རྣམ་རྟོགས་ཟ།།
ཀླད་མེད་མི་ཡིས་བོད་ཁམས་ཁྱབ།།
བོད་པར་ལོ་བརྒྱ་མི་དགོས་འདའ།།
མཛུབ་མོས་གནམ་མཁའ་མི་ཐེག་ལ།།
བྱེ་མ་བཙིར་རུང་སྣུམ་མེད་པས།།
ལོ་བརྒྱར་ཐུབ་པའི་རྨི་ལམ་ཞིག།
ཁྱོད་ལ་གསུང་རྒྱུ་ཡོད་དམ་ཅི།།
མཛུབ་མོས་རང་ཉིད་རང་ལ་བཙུགས། །
བྱེ་མ་མ་བཙིར་རང་ཉིད་བཙིར། །
ལོ་བརྒྱར་མ་སྒྲུགས་འདི་རིང་རྩོམས། །
ང་ལ་ཤོད་རྒྱུ་དེ་ཙམ་ཡིན། །
སྤྲུལ་སྐུ་བསྟན་འཛིན་ཤེས་རབ་ལགས་སུ།
གཤམ་གྱི་ངའི་སྐད་ཆ་ཁྱེད་ལ་ཐད་མིན་མི་ཤེས། འོན་ཀྱང་། ཐར་པ་དོན་གཉེར་དྲང་བདེན་ཅན་ཞིག་ཡིན་ཁུལ་གྱིས་བསམ་བློ་ནན་ཏན་ཞིག་གཏོང་ནས་ང་ཚོ་བོད་མི་རིགས་ཀྱི་ལས་དབང་ལ་བསམས་ན་གནད་དོན་ཅི་འདྲ་ཞིག་རེད་དམ།
ང་ཚོས་སྔ་དེང་གི་དྲང་བདེན་གྱི་ལོ་རྒྱུས་དཔང་པོར་བཞག་ནས་བོད་ཀྱི་མདུན་ལམ་དང་། ཆགས་འཇིག་གི་གནས་སྟངས་ལ་དངོས་ཡོད་དང་མཐུན་པའི་གོམས་པ་སྤོ་རྒྱུ་ནི་ཁ་ཡོད་ལག་ཡོད་ཅིག་ཡིན།
དེ་བས་ན། ང་ཚོས་རྒྱ་ནག་གཞུང་གིས་བཤད་བཞིན་པ་དང་། བདག་ལ་དངོས་ཡོད་ལོ་རྒྱུས་ཀྱི་བདག་དབང་ཡོད་པའི་བོད་རང་སྐྱོང་ལྗོངས་ཟེར་བའི་བོད་པ་ཚང་འདི་རང་བཙན་གཙང་མའི་རྒྱལ་ཁབ་ཅིག་ཏུ་རྩོད་ལེན་གྱི་འཐབ་རྩོད་བྱེད་དགོས་རྒྱུ་འདི་གནད་དོན་རྩ་ཆེ་ཤོས་ཡིན།
བོད་པ་ཚང་གིས།