བྱ་བྲལ་སངས་རྒྱས་རྡོ་རྗེའི་འཁྲུངས་སྐར་ལ་ཕུལ་བ།

Comments (13) on “བྱ་བྲལ་སངས་རྒྱས་རྡོ་རྗེའི་འཁྲུངས་སྐར་ལ་ཕུལ་བ།”

1. སྐུ་ཚེ་ཡུན་དུ་བརྟན་ཅིང་ཐུགས་བཞེད་མཐའ་དག་འབད་མེད་ལྷུན་འགྲུབ་ཡོང་བར་སྨོན།

2. ༸སྐྱབས་རྗེ་སྔགས་འཆང་བྱ་བྲལ་སངས་རྒྱས་རྡོ་རྗེ་མཆོག་ལ་གུས་ཕྱག་འཚལ་ལོ།།
   ་
   བྱ་བྲལ་སངས་རྒྱས་རྡོ་རྗེ།
   བྱ་བའི་སྔོན་འགྲོར་མཆོད་བྱ།
   བྱ་གཞག་ཕལ་ཚད་དང་བྲལ།
   བྲལ་ཡང་གཞན་མུན་མ་སངས།
   སངས་ཕྱིར་བྱ་བ་དག་རྒྱས།
   རྒྱས་ཤིང་རྡོར་གླུ་ས་རྡོར།
   རྡོར་འཆང་ལྟ་བུའི་གཙོ་རྗེ།
   རྗེ་བཙུན་བྱ་བྲལ་ལ་འདུད།
   ་
   བྱ་བྱ་བྲལ་བྲལ་ཆེ་བསྟོད།
   སངས་སངས་རྒྱས་རྒྱས་གུས་བསྟོད།
   རྡོ་རྡོ་རྗེ་རྗེའི་སྙན་དངགས།
   ཕུལ་བས་སྐུ་ཚེ་ཡུལ་བརྟན།
   ་
   ༸སྐྱབས་རྗེ་བྱ་བྲལ་སངས་རྒྱས་རྡོ་རྗེ་མཆོག་གི་དགུང་གྲངས་བརྒྱ་དང་བཞི་འཁོར་བའི་སྐུའི་འཁྲུངས་སྐར་ལ་མཚམས་འདྲི་ཞུའོ།།

3. ཨེ་མ་ཧོས་དུས་ཚོད་ནོར་ཡོད་ས་རེད། མཁས་དབང་ཞིག་གིས་འདི་འདྲ་བཤད་འདུག
   དྲི་མེད་ལྷག་བསམ།་ལགས་ཀྱིས་མཆན་བཏབ་པ།:
   June 26th, 2015 at 7:10 AM
   ༧བྱ་བྲལ་རིན་པོ་ཆེ་དགུང་ལོ་༡༠༤་པེབས་པའི་འཁྲུངས་སྐར་ལ་བཀྲ་ཤིས་བདེ་ལེགས་ཞུ། །འཁྲུངས་སྐར་ཐད། ལོ་༢༥་སྔོན་རྡོར་གླིང་དུ་སྨྱུང་གནས་གནང་སྐབས་ཀྱི་ཆོས་བརྡ་ཞིག་འབྲས་ལྗོངས་པ་ཞིག་གི་དེབ་ནང་ནས་མཇལ་བར་་ས་ག་ཟླ་བའི་ཚེས་བཅུ་བྱས་འདུག ཕྱིས་སུ་བཀྲ་ལེགས་མཁན་པོའི་མཛད་པའི་རྣམ་ཐར་དུ་སྣྲོན་ཟླའི་ཚེས་བཅུ་བྱས་འདུག །དོགས་པ་ཞིག་ཟོས་ནས་ཞལ་སློབ་འགའ་ཞིག་བརྒྱུད་དྲིས་པར་ཞལ་ནས་ས་ཟླའི་ཚེས་བཅུར་གསུངས་འདུག ས་ཟླ་ཧོར་ཟླ་བཞི་པ་དང་། སྣྲོན་ཟླ་བཞི་བའི་བཅུ་དྲུག་ནས་ལྔ་བའི་བཅོ་ལྔའི་བར་རེད། ད་ལྟ་འཁོར་བཅས་ཀྱིས་སྣྲོན་ཟླ་གཞིར་བཞག་གནང་གི་འདུག་པས། རྒྱུས་ཡོད་མཁན་ཡོད་ཚེ་གསལ་བཤད་གནང་བར་ཞུ།

4. བྱ་བྲལ་སངས་རྒྱས་ཚང་གི་འཁྲུངས་སྐར་ལ་སྒོ་གསུམ་གུས་པ་ཆེན་པོས་འཚམས་འདྲི་ཞུ་བཞིན་ཡོད། འོན་ཀྱང་དགུང་ལོ་༡༠༤/ ༡༠༨ སོགས་སྐུ་དངོས་བཞུགས་ཡོད་བཞིན་དུ་ད་ལྟ་ནས་བསྟོད་ནས་ལྷ་ལ་བཀུར་བ་དང་ཟློག་ཕྱོགས་སྨད་ནས་འདྲེ་རུ་བཀུར་བའི་བལྟ་གོན་བྱེད་བཞིན་པ་འདིས་རང་རེའི་ལོ་རྒྱུས་ཡོངས་རྫོགས་ལྷ་སྒྲུང་འདྲེ་སྒྲུང་རྐྱང་པ་ལ་སྦྱར་ནས་ཡོང་བའི་བག་ཆག་ངན་པ་དེ་ད་དུང་སད་མེད་པའི་རྟགས་མཚན་རེད། དོན་ངོ་མའི་རགས་བརྩིས་ཞིབ་བརྩིས་བཤད་མི་དགོས་པར་འཁྲུངས་ལོ་ངོས་བཟུང་ནས་བོད་རང་གི་བརྩི་སྟངས་བྱེད་ན་དེས་མི་འགྲིགས་པ་ཅི་ཡོད།

5. བྱ་བྲལ་རིན་པོ་ཆེ་དགུང་ལོ་ ༡༠༤ ཕེབས་པའི་འཁྲུངས་སྐར་ལ་བཀྲ་ཤིས་བདེ་ལེགས་ཞུ་ཞུ། ཁ་ཤས་ཀྱིས་བཤད་ན་བྱ་བྲལ་རིན་པོ་ཆེ་སྐུ་གཤེགས་ཟིན་ཀྱང་ད་དུང་གསང་བ་བྱས་ནས་བསྡད་ཡོད་པ་རེད་ཅེས་ཐོས། དེ་ལྟར་མིན་པ་འདྲ། བཀྲ་ཤིས་བདེ་ལེགས་ཞུ་ཞུ། །

6. འགའ་རེས་དད་པ་ཡོད་འདོགས། འགའ་རེ་རིག་སད་ཡོད་འདོགས་ཀྱིས་བླ་མགོ་བཅད། དགོན་རྐུབ་ཕུད་པ་རེད། དོལ་ཚོགས་ཀྱི་ལག་ཏུ་མ་ཤོར་ནས་སྐུ་ཚེ་བརྟན་ཡོད་པརདགའ་ཡོད།
   ངོ་མ་ཞིག་འདི་ན་བཤད་འདུག
   http://www.tibetcy.com/showart.asp?art_id=1315

7. ༧སྐྱབས་རྗེ་དམ་པ་བྱ་བྲལ་སངས་རྒྱས་རྡོ་རྗེ་དགུང་ལོ་༡༠༤་ཕེབས་པར་བཀྲ་ཤིས་བདེ་ལེགས་ཞུ། །བལ་ཡུལ་ཡང་ལེ་ཤོད་ཀྱི་ཁྱིམ་མཚེས་རྣམས་ཀྱིས་རྒྱུན་དུ་བྱ་བྲལ་ཕར་ཕེབས་ཚུར་ཕེབས་ཞལ་མཇལ་བཞིན་ཡོད་པ་དང་། བདུད་འཇོམས་སྤྲུལ་སྐུ་སོགས་གནད་ཡོད་མི་སྣར་མཇལ་བ་མ་ཟད། ཁ་སང་སྐུའི་འཁྲུངས་སྐར་སྐབས་བྱ་རུང་ཁ་ཤོར་གྱི་འགྲམ་གྱི་མགྲོན་ཁང་ཞིག་ཏུ་ཕེབས་པར་སློབ་མ་སྦྱིན་བདག་གནད་ཡོད་རྣམས་མཇལ་ཡོད་པར་མ་ཟད། བཀའ་སློབ་ཀྱང་བསྩལ་འདུག སྙན་ཅུང་ཟད་སྲ་བ་མ་གཏོགས་དགུང་ལོ་༧༠་སྐབས་ནང་བཞིན་སྐུ་ཁམས་ཀྱང་གསལ་དྭངས་ཡིན་པའི་གནས་ཚུལ་ཁུངས་ལྡན་སྐུ་མདུན་དུ་གཅར་མཁན་མི་ཁ་ཤས་ཀྱི་ངག་ནས་ཐོས་པས། དྲྭ་གྲོགས་རྟེན་འབྲེལ་ཞུ་མཁན་ཐམས་ཅད་ཐུགས་བདེ་བར་བཞུགས་ཤིག

8. དགུང་ལོ་འདི་འདྲ་མཐོན་པོར་བཞུགས་པར་བཀྲ་ཤིས་བདེ་ལེགས་ཞུ། ཁྱེད་བཞིན་འཛམ་གླིང་ཞི་བདེར་སྨན་པའི་༧གོང་ས་མཆོག་ཀྱང་སྐུ་ཚེ་བརྟན་པར་ཤོག

9. དགུང་ལོ་མཐོན་པོར་བཞུགས་པ་ཙམ་གྱིས་ཧ་མི་ལས་ན་ཡང་བླ་རྒན་གྱིས་ཆོས་པ་ཞིག་གི་ཁྱད་ཆོས་ཡོད་པ་བྱས་ནས་སྐུ་ཚེ་རིང་པོ་འཁྱོལ་བ་དེ་ཧ་ཅང་ཡག་པོ་རེད། ཆོས་པ་བླ་རྒན་འདི་འདྲ་ཁ་ཤས་ཤིག་ལ་ངོ་མ་གུས་བཀུར་ཡོད། གསར་རྙིང་བན་བོན་སུའི་ནང་ན་ཡོད་རུང་ཧ་ཅང་བཟང་གི། ཁོང་གི་སློབ་མ་ཚོས་ཁོང་ལ་ཆོས་འཇིག་རྟེན་གང་ཐད་ནས་བཀའ་འདྲི་དགོངས་བསྐོར་ག་ཚོད་ཐུབ་ཐུབ་མཛད་དགོས།

10. ‘འཁྲུངས་སྐར་སྐོར་ལ་འབྲེལ་ཡོད་མང་པོར་དྲི་བ་བྱས་པར་དགུང་ལོ་༨༠་ནས་སྣྲོན་ཟླ་ལ་འཁྲུངས་སྐར་བྱས་པ་རེད་ཟེར་བ་ཞིག་ལས་ལན་གསལ་བོ་ཞིག་བྱུང་མ་སོང་། དངོས་སློབ་དང་སྐུ་ཚ་སྨན་རྩིས་ལ་མཁས་པ་ཞིག་གིས་རིན་པོ་ཆེར་ནན་ཏན་དུ་དྲིས་པའི་ལན། ལུགས་གཉིས་བྱུང་དོན་སྐར་རྩིས་མི་འདྲ་བའི་ཁྱད་རེད་ཟེར། སྐབས་དེར་དཔལ་སྤྲུང་ལོ་ཐོ་དང་། སྡེ་གཞུང་ལུགས་གཉིས་ཡོད་པས་ཁྱད་པར་བྱུང་བ་རེད་ཟེར། སྡེ་གཞུང་ལུགས་དེ་ཉག་རོང་དང་། ཁྲོམ་ཐལ་ཕྱོགས་ལ་ཁྱབ་ཆེ་བས་དེ་གཞིར་བཟུང་ན་སྣྲོན་ཟླ་བ་དང་། དཔལ་སྤུང་ལུགས་ལ་ས་ག་ཟླ་བ་ཡིན་ཚོད་རེད་ཟེར། ད་ལུགས་གཉིས་ཀྱི་རྩིས་མགོ་སྐོར་སྟངས་ལ་དཔྱད་པ་ཞིག་མ་བྱས་ན་ཐག་ཆོད་དཀའ་མོར་གྱུར་པ་རེད། གསལ་བོ་ཞིག་ནི། གུ་རུ་རྡོ་རྗེ་ཁྲོ་ལོད་ཀྱི་སྐུར་བཞེངས་པའི་དུས་ཆེན་ཚེས་བཅུར་འཁྲུངས་པས། སྐུ་ཞང་ཨ་བསྭེ་སྤྲུལ་སྐུ་ཉི་མ་རྒྱལ་མཚན་གྱིས་ཁྲོ་རྒྱལ་རྡོ་རྗེ་ཞེས་མཚན་བཏགས་པ་རེད་ཟེར།

11. ངོ་མ་བདེན་པ་རེད། མཁས་དབང་ཁྱེད་ལ་ཡི་རང་ཡོད། གོང་དུ་ངས་བྲིས་པ་དེ་བསུབས་ཚར་བཞག གང་ལྟར་ཚེས་བཅུ་ལ་འཁྲུངས་པ་རྩོད་མེད་རེད། དིལ་མཁྱེན་ཡང་སྲིད་ཀྱང་ཁ་ཚང་འཁྲུངས་སྐར་ཡིན་པར་བཤད་འདུག སྨིན་གླིང་དང་ཞེ་རྫོགས་ཕལ་མོ་ཆེས་གུ་རུ་རིན་པོ་ཆེ་འཁྲུངས་སྐར་སྣྲོན་ཟླའི་ཚེས་བཅུ་དང་། དཔལ་ཡུལ་དང་ཀཿཐོག་སོགས་ཀྱིས་ཟླ་རྗེས་མ་འདོད་པ་སོགས་མི་འདྲ་བ་ཡོད་པར་འདྲ། ལོ་བརྒྱ་དང་བརྒྱད་སོན་པ་ཡང་ཚེས་ཞག་གི་དབང་དུ་བྱས་ན་ཏག་ཏག་ཡིན་ས་རེད། གོང་ས་མཆོག་ཀྱང་ཚེས་ཞག་གི་དབང་དུ་ན་གྱ་གསུམ་ཡིན་པར་བཤད་འདུག ཉིན་ཞག་དང་ཚེས་ཞག་ཙམ་མི་ཤེས་པར་གཞན་དགག་པར་གད་མོས་གནས་ལས་གཞན་མ་མཐོང་ངོ་།།

12. བླ་མ་ཞིག་གིས་ཇི་སྐད་དུ།
    བྱ་བྲལ་སངས་རྒྱས་རྡོ་རྗེ་རིན་པོ་ཆེ།
    ཨེ་མ་ཧོ། །
    པཎ་ཆེན་ངག་དབང་སྙན་བརྒྱུད་གདམས་པའི་མཛོད། །
    འཛིན་སྐྱོང་སྤེལ་བའི་མཁས་གྲུབ་རྒྱལ་བའི་སྲས། །
    སྔ་འགྱུར་བསྟན་པའི་རྒྱལ་མཚན་བསྒྲེང་བའི་མགོན། །
    བྱ་བྲལ་སངས་རྒྱས་རྡོ་རྗེ་རྒྱལ་གྱུར་ཅིག །
    ཨོཾ་བུདྡྷ་བཛྲ་སིདྡྷི་ཧྰུྃ། །

13. ༧སྐྱབས་རྗེ་དམ་པ་བྱ་བྲལ་སངས་རྒྱས་རྡོ་རྗེ་དགུང་ལོ་༡༠༤་ཕེབས་པ་དེ་ས་གནས་གང་ན་བཞུགས་སྙམ་པ་ཞིག་སེམས་ལ་ཡོད་པ་ན། དྲི་མེད་ལྷག་བསམ་མཆོག་གིས། “ཁ་སང་སྐུའི་འཁྲུངས་སྐར་སྐབས་བྱ་རུང་ཁ་ཤོར་གྱི་འགྲམ་གྱི་མགྲོན་ཁང་ཞིག་ཏུ་ཕེབས་པར་སློབ་མ་སྦྱིན་བདག་གནད་ཡོད་རྣམས་མཇལ་ཡོད་པར་མ་ཟད།” ཅེས་པས་བཞུགས་གནས་བལ་ཡུལ་ཡིན་པར་ངེས། ༧སྐྱབས་རྗེ་དམ་པ་བྱ་བྲལ་སངས་རྒྱས་རྡོ་རྗེ་ཞབས་པད་བརྟན་ཅིང་བསྟན་འགྲོར་སྨན་པའི་མཛད་པ་རྒྱས་ཤིང་། སྐལ་བ་དང་ལྡན་པ་དག་ལ་ཆོས་ཀྱི་བཀའ་སློབ་ཀྱང་སྩོལ་ཅིག
    སྩོལ། སྩལ། སྩལ། སྩོལ། ཅེས་ད་ལྟའདས་མ་འོངས་སྐུལ་ཚིག་བཅས་ལ་དའི་འཇུག་ཡོད་པ་ཅེས་སོགས་ཚིག་ཕྲད་ཀྱིས་ཤེས་པ་ད་བཤུལ་ལ་དྲག་ཅེས་བརྡ་སྤྲོད་དུ་ཡོད་ཀྱང་། དྲག་ཡོད་ཀྱི་དོན་གོ་དཀའ་བ་ཞིག་ཏུ་མཐོང་། སྩོལ་གྱི་འདས་པར་བསྩལ། ཅེས་བོད་རྒྱ་ཚིག་མཛོད་སོགས་སུ་ནོར་འཁྲུལ་བཀོད་པ་ལ་བལྟས་ཏེ་མཁས་པ་མང་པོ་ཡང་ནོར་འཁྲུལ་གྱི་ལམ་དུ་འགྲོ་བར་མཐོང་། དེ་ཡིས་བོད་ཀྱི་རིག་གཞུང་ལ་གནོད། བསྩལ། ཅེས་པ་སེལ་བའི་འདས་པ་ཡིན་པར་སྡེར་དགེ་བཀའ་འགྱུར་དང་། བརྡ་གསར་རྙིང་གི་ཁྱད་པར་སྟོན་པ་ལི་ཤི་གུར་ཁང་སོགས་ན་གསལ་ལོ། །