གཙང་མེ་ལྕེ།
(༡)
ང་རང་ཕ་ཡུལ་དུ་སྐྱེས
དེ་ནས་ལེགས་ཉེས་ཤེས
བགྲེས་སོང་ཚོས་ཇི་ལྟར་བཤད་ཀྱང
དེ་ནི་”བྱ་སྤུ་གནོན་གྱི་སྒྲིག་འཛུགས”་ཤིག་རེད
སྐབས་དེར་” བྱ་སྤུ་གནོན་གྱི་སྒྲིག་འཛུགས”་ཟེར་ན
པཱ་ལགས་ཀྱིས་གང་གསུངས་པ
ཨ་མ་ལགས་ཀྱིས་གསན་དགོས
དེ་ལ་རྒྱུ་མཚན་མེད་ཀྱང་ཆོག
ཨ་མ་ལགས་ཀྱིས་གང་གསུངས་པ
ཇོ་ལགས་ཀྱིས་ཉན་དགོས
དེ་ལའང་རྒྱུ་མཚན་གཏན་ནས་མེད་ཀྱང་འགྲིག
སྐབས་དེ་དག་ལ་”བྱ་སྤུ་གནོན”་ཟེར་བ་ཡང
བཟང་སྤྱོད་ཀྱིས་ཉར་བའི་གོ་རིམ་ཞིག་ཡིན་ཚོད་རེད
(༢)
ང་རང་ས་མཐར་འཁྱམས
སློབ་གྲྭར་ཞུགས་ཏེ་མང་གཙོ་ཤེས
འགོ་ཁྲིད་ཚོས་ཇི་ལྟར་བཤད་ཀྱང
དེ་ནི་འགྲོ་མིའི་རང་དབང་དང་མང་གཙོ་རེད
སྐབས་འདིར་འགྲོ་མིའི་རང་དབང་དང་མང་གཙོ་ཟེར་བ
སྲིད་གཞུང་གིས་གང་ཞིག་བྱས་པ་དང་ཅི་ཞིག་བཤད་པ་ཡང
དམངས་ཀྱི་དོན དམངས་ཀྱི་ཆེད དམངས་ཀྱིས་སོ
འདི་ལ་རྒྱུ་མཚན་མེད་པར་རང་གར་རྒྱ་ཡན་གཏོང་མི་ཆོག
སྐབས་འདི་དག་ལ་”བྱ་སྤུ་གནོན”་ཟེར་བ་ཡང
བཟང་སྤྱོད་ཀྱིས་སྟོང་པའི་ཐ་ཚིག་ཅིག་ཡིན་ཚོད་རེད
ཕྱི་ལོ་༢༠༡༧ལོའི་ཟླ་བ་༡༢པའི་ཚེས་༢༡ཉིན་གྱི་དགོང་མོ་ལའོ།།
༄༅། ཡ་ད་་་བྱ་སྤུ་གནོན་བྱ་མི་དགོས་ཤིང། བྱ་མགོ་འཇུག་མེད་པ་བྱ་འདོད་ན་བྱེད།
ཕ་ཡི་ཇི་གསུང་ལ་མ་ཉན། མ་ཡི་ཇི་བཟོས་མ་ཟ། སྤུན་གྱི་ཇི་བཤད་མ་ཉན།
བཟོང་སྤྱོད་མེད་པ་མགོ་འཇུག་མེད་པ། མགོ་ཡི་ཞ་མོ་རྐང་ལ་བཀོན། རྐང་གི་ལྷམ་
མགོ་སྐྱེ་ལ་བཏགས་ནས་ཕྱིན་ན་ག་འདྲ་ཡོང་ས་རེད།
པྰ་ལགས་མ་བྲིས། ཕ་ལགས་ཞེས་འབྲི་དགོས། དཔེར་ན། ཨ་མ་ལགས་དང་། ཨ་ཕ་ལགས་བཞིན་ནོ།།
བྱ་སྤུ་གནོན་དགོས་ས་སྒྲིག་འཛུགས་ནང་ལ་རེད། དེ་དམངས་གཙོ་མི་དགོས་དམངས་གཙོའི་རྒྱལ་པོའི་ནང་ལའང་དགོས།
ད་ནི་(བྱ་སྤུ་ནོན་)ཤིན་ཏུ་རྒས་ཟིན།
རྒས་ཟིན་པས་རྐྱེན་གྱིས་བྱིས་པའི་རྩེད་ཆས་སུ་གྱུར།
ཁ་སེང་གི་བྱ་སྤུ་ནོན་དང་དེ་རིང་གི་བྱ་སྤུ་ནོན་མི་འདྲ་སྟེ།
དེ་རིང་གི་བྱ་སྤུ་ནོན་ནི་གཏན་ཚིགས་ཀྱིས་གྲུབ་ཡོད།
འོན་ཀྱང་ཉམས་མྱོང་གི་ལོ་ཟླའི་འོག་ནས་རྒས་སོང་བའི་བྱ་སྤུ་ནོན་འདི།
གཏན་ཚིགས་མི་ཤེས་པའི་བྱིས་པའི་ལག་ཏུ་ཤོར་སོང་བས།
ད་ནི་ཁོ་བྱིས་པའི་རྩེད་ཆས་ཙམ་ནས་ཅི་ཡང་མིན་ཏེ།
གནམ་ལ་གཡུག་ཀྱང་ཆོག་ལ་ས་ལ་བརྡབ་ཀྱང་རུང་།
སྔ་མོ་བོད་ཀྱི་གཏམ་དཔེ་ལ།
བྱ་སྤུན་གནོན་ལྟར་བྱེད་དགོས་རེད། རྟ་སྤུ་ལོངས་ལྟར་མ་བྱེད་རོགས། ཟེར་སྲོལ་འདུག