རིག་སྒྲོན།
འདས་པའི་མི་ལོ་སྟོང་ཕྲག་ཙམ་གྱི་གོང་།
སྤྱན་རས་གཟིགས་ཀྱི་གདུལ་ཞིང་བོད་ཡུལ་དུ།
དམ་ཆོས་མེ་ལྕེ་ཐོག་མར་འབར་ནས་བཟུང་།
བསྟན་པའི་འོད་ཟེར་སླར་ཡང་བོད་ནས་ཁྱབ།
འོན་ཀྱང་འདས་པའི་མི་ལོ་དྲུག་ཅུའི་ནང་།
ཀླ་ཀློའི་བཙན་དབང་ཁ་བའི་ལྗོངས་སུ་གནོན།
དམྱལ་བའི་སྡུག་བསྔལ་མི་ཡུལ་གནས་སུ་སྤོས།
དམ་ཆོས་ཉི་འོད་རེ་ཞིག་མུན་པས་བསྒྲིབས།
དམར་པོའི་དུག་རྩུབ་ཇི་ལྟར་སྤེལ་ན་ཡང་།
བོད་མིའི་རྒྱུད་ཀྱི་བྱང་སེམས་འདོར་ཐུབ་མེད།
ལྷག་པར་ཉིས་སྟོང་དགུ་ཡི་ལོ་ནས་བཟུང་།
བྱང་སེམས་མེ་ལྕེ་གདོང་དམར་ལུས་ཀྱིས་བཞེས།
བྱང་སེམས་མེ་ལྕེས་བྱང་ཆུབ་སེམས་དཔའ་དག
སེར་སྐྱ་ཕོ་མོ་རྒན་གཞོན་དབྱེར་མེད་པ།
འགྲོ་བའི་དོན་དུ་རང་ལུས་རིན་པོ་ཆེ།
དོར་ཡང་འགྱོད་མེད་རྣམ་སྤྲུལ་ཇི་བཞིན་བསྟན།
བྱང་སེམས་མེ་ལྕེས་ཀླ་ཀློའི་སྲོག་ཤིང་བསྲེགས།
བྱང་སེམས་མེ་ལྕེས་དམྱལ་བའི་སྒོ་བྱང་གཏོར།
བྱང་སེམས་མེ་ལྕེས་མུན་པར་འོད་སྣང་སྤར།
བྱང་སེམས་མེ་ལྕེས་རང་དབང་བདེན་མཐའ་རྩོད།
བྱང་སེམས་མེ་ལྕེས།
བྱང་སེམས་མེ་ལྕེས་མ་འོའི་རོ་འཁོགས་བསྲེགས། །
བྱང་སེམས་མེ་ལྕེས་རྒྱ་གཞུང་ངན་ཤིང་བསྲེགས། །
བྱང་སེམས་མེ་ལྕེས་མུན་འཁྱམས་སྣང་བ་གསལ། །
བྱང་སེམས་མེ་ལྕེས་བོད་དོན་དྲན་བསྐུལ་འབར། །