བྱང་ཨ་རིའི་གཟའ་མཇུག་སློབ་གྲྭའི་བོད་ཡིག་སློབ་དེབ་དང་འབྲེལ་བའི་གསལ་བཤད།

Comments (21) on “བྱང་ཨ་རིའི་གཟའ་མཇུག་སློབ་གྲྭའི་བོད་ཡིག་སློབ་དེབ་དང་འབྲེལ་བའི་གསལ་བཤད།”

1. མཐའ་མ་དེ་ལ་དགོངས་དག་ཅིག་ཞུ་ཐུབ་མི་ཐུབ་ཙམ་ཞིག་གིས་དགོངས་དག་ཅིག་བྱས་འདུག་་་་གང་ལྟར་ནོར་འཁྲུལ་ནི་བྱུང་ཚར་རེད། རྗེས་ཕྱོགས་འདི་འདྲའི་རིགས་མི་ཡོང་བའི་འབོད་སྐུལ་སྙིང་ནས་ཞུ་བཞིན་ཡོད།

2. ཤེས་ལྷན་གྱིས་ད་དུང་ངེས་ལེན་ཡག་པོ་ཞིག་བྱེད་ཀྱི་མི་འདུག ཚང་མས་རྒྱུ་མ་ཕུད་འདེབས་ཤིག་ད་དུང་བྱ་དགོས་པར་མཐོང་།

3. ང་ལ་མཚོན་ན་ཐེངས་འདིར་བྱང་ཨའི་སློབ་དེབ་སྐོར་གྱི་གླེང་སློང་ཐད་སྐད་མགོ་མཐོ་ཤོས་ལྟ་བུ་ཆགས་ཡོད་སྲིད། གང་ལྟར་བསམ་པ་རྣམ་དག་ཡིན། ཤེས་རིག་ལ་བྱས་རྗེས་མེད་པ་དང་དཀའ་ལས་མ་བརྒྱབ་པ་སོགས་རྨི་ལམ་དུ་ཡང་བསམ་མ་མྱོང་། འོན་ཀྱང་དངོས་ཡོད་ཀྱི་ནོར་འཁྲུལ་འགའ་ཚབས་ཆེན་རང་དུ་མཐོང་ནས་སྐད་ཤུགས་ཆེ་ཙམ་བྱས་པ་ཡིན། གྲུབ་འབྲས་ཡང་ཐོན་འདུག འོན་ཀྱང་ང་གཅིག་པུའི་གྲུབ་འབྲས་ཡིན་ཟེར་གྱི་མེད་ལ་བསམ་གི་ཡང་མེད། གལ་ཏེ་ང་ལྟ་བུ་ཞིག་གིས་ཤེས་རིག་ལས་ཁང་གི་སྒོ་བརྡུངས་ནས་སྙན་ཞུ་ཞིག་ཕུལ་ཡོད་ན་དེ་རིང་བརྡ་ལན་འདི་འདྲ་ཞིག་ཕལ་ཆེར་ཁག་པོ་ཡིན་རྒྱུ་རེད། སྐད་ཅོར་བརྒྱབ་པ་དང་མི་མང་གིས་གླེང་སློང་བྱས་པ་དེས་གཡོ་འགུལ་བྱས་པ་རེད། བཟང་ཕྱོགས་ཀྱི་བརྡ་ལན་གནང་བ་ནི་རང་གཞན་གཉིས་ཀྱི་དོན་རེད། ཞལ་བཞེས་དོན་ལ་གནས་པར་ཤོག རྫ་ཚེ་རིང་བཀྲ྄་ཤིས་པས།

4. Taiwanese President Tsai Ing-wen has officially apologised to the island’s indigenous population for centuries of mistreatment, the first time a leader has done so.
   http://www.bbc.com/news/world-asia-36940243
   གནས་ཚུལ་འདི་ཚོ་མཐོང་དུས། ཕྱི་ལུགས་ནང་སྤེལ་བྱེད་མཁན་གྱི་དབང་འཛིན་པ་ཁྱེད་རྣམ་པས་བསམ་བློ་ག་འདྲ་ཞིག་བཏང་ནས་བཞུགས་ཡོད་དམ། ཡང་ན་ཧ་ལས་རྒྱུ་ག་རེ་ཡོད་བསམ་ནས་བརྩིས་མེད་རྡོག་རོལ་དུ་གཏོང་ཀྱང་ཡིན། རྒྱ་མི་ཚོས་ཀྱང་འདི་འདྲ་བྱས་ཡོང་དུས། ད་དངོས་གནས་ཞེ་བོ་ཞིག་ཡིན་ཟེར་མཁན་ཚོས་བསམ་བློ་ཡག་པོ་བཏང་ནས་ངོ་ཚ་ཤེས་དགོས་ས་རེད་ད། །

5. གསལ་བཤད་དེ་ཡག ཚོད་ལྟའི་རང་བཞིན་ཡིན་ན་བཅོས་ཆོག

6. གསལ་བཤད་ཡག་པོ་གནང་འདུག་ཐུགས་
   རྗེ་ཆེ་ཁ་བརྡའི་ནང་དངོས་མིང་བཀོད་མཁན་དང་མིང་རྫུན་བཀོད་མཁན་སོགས་ནས་
   བགྲོ་གླེང་ཤུགས་ཆེན་ལ་བརྟེན་ནས་ཤེས་
   རིག་ལྷན་ཁང་ནས་གསལ་བཤད་གནང་བ་བཀྲིན་
   ཆེ་དྲ་རྒྱའི་ནང་བགྲོ་གླེང་མ་བྱས་པར་ཐད་
   ཀར་ཤེས་རིག་ལྷན་ཁང་དགེ་རྐྱོན་གྱི་ཡིག་གེ་ཕུལ་ཚེ་བཀའ་ལན་རག་དང་མ་
   རག་དེ་འཐེ་འཚོམ་ནང་དུ་ལྷག་སྲིད་།

7. ་་་་་་་་གཏན་འབེབས་བྱས་པའི་སློབ་དེབ་ཀྱི་ཤེས་རིག་ལས་ཁུངས་ཀྱི་ཆེད་བརྗོད་ནང་། “སློབ་དེབ་རྣམས་སྤུས་ཚད་དང་ལག་ལེན་དངོས་ནང་ཚད་ལྡན་ཡོང་ཆེད་ལོ་གཅིག་རིང་ཚོད་ལྟའི་ཐོག་ནས་བེད་སྤྱོད་བྱ་རྒྱུ་དང་། སློབ་དེབ་ཀྱི་བརྗོད་བྱ་དང་། རྗོད་བྱེད། སྒྲིག་སྟངས། ཐབས་ཚུལ། ཆད་ལྷག་ཅི་ཡོད་ཐོག་རྒྱ་ཆེའི་བོད་དགེ་རྣམས་དང་། ཕ་མ། ཚོགས་སྒེར་ཅི་རིགས་ནས་དགོངས་འཆར་གནང་སྐྱོང་ཡོང་བའི་རེ་བ་དང་འབོད་སྐུལ་ཅི་ཆེར་ཞུ་བཞིན་ཡོད།” ཅེས་གལ་ཆེ་དོན་ཆེན་དུ་བརྩིས་ནས་བཀོད་ཡོད་་་་་་་

8. ཤེས་རིག་ཁུངས་ནང་དུ་འདི་ལྟ་བུའི་ངོ་ཚ་མེད་མཁན་དང་ཁྲམ་པ་ཏག་ཏག་ཡོད་པ་ག་རེ་ཡིན་ན་ན།
   འདི་ཚང་གི་རིག་གཞུང་གི་ལས་ཀ་བྱེད་སྟངས་འདིའི་བོད་ཕྱི་ནང་གཉིས་ཀྱི་ཚབ་མཚོན་ཐུབ་ཀྱིན་མི་འདུག

9. ། བཙན་བྱོལ་བ་ལས་བྱེད་ཚང་བོད་ཡིག་་ལ་མི་འདོད །

   ། ཨ་རིའི་བོད་ཡིག་སྦྱོང་མཁན་དེ་ལས་ཀྱང་མི་འདོད །

   ། ཤེས་རིག་ལས་ཁུངས་དེའི་ཟ་འདོད་ལ་ལས་མི་འདོད །

   ། བོད་མིའི་རང་དབང་རང་བཙན་ཡང་གསུང་མི་འདོད །།

10. ༼དྲག་ཁྲོས་སོ་ལྔ་ལ་བསྔགས་པ།༽

    སྡིག་མཛུབ་དང་བཅས་དྲག་ཏུ་ཁྲོ་བའི་འཇིགས་རུང་ངར་སྒྲས་ས་ཆེན་གཡོ།།
    སྤྲུལ་བ་སོ་ལྔའི་གནག་ལྕག་ཐོག་གིས་སྤྲིན་ནག་དྲ་བ་ཐོལ་གྱིས་གཏོར།།
    གཡང་ལ་ཁྲིད་པའི་དབྱངས་གསལ་སོ་བཞིའི་བདག་པོ་ལ་ནི་ང་ཡིན་ཞེས།།
    ཇག་ནག་ཁྲམ་པའི་འཐོང་ཀར་འཇུས་ཏེ་གསིག་ཅིང་ཐ་ཚིག་སྒྲོག་འདི་མཚར།།

11. གཟའ་མཇུག་སློབ་དེབ་ཟེར་ན་གོ་དོན་མི་རག་པ་དང་ཚིག་སྐྱོན་དོན་སྐྱོན་གཉིས་ཀ་འདུག

    སློབ་དེབ་གསར་པ་དེ་མ་གཏོགས་གཞན་བོད་སློབ་འཛིམ་རིམ་ཁག་གི་སློབ་དེབ་དེ་ཚོ་སྒྲིག་བསྡད་ཡོད་མདོག་བཤད་འདུག་ཀྱང་། དེ་དག་ལ་སྐྱར་ཞིབ་ངེས་པར་དུ་དགོས་པའི་ཆ་ཡོད། ཚད་ལོན་པ་ཞིག་རྩ་ནས་མཐོང་མ་མྱོང་།

12. བོད་ཀྱི་སྐད་ཡིག་ལ་དུང་བ་ཡོད་པ་ཡོངས་ཀྱིས་ཐེངས་འདིའི་གོ་སྐབས་བཟུང་ནས་ཤེས་རིགས་ལས་ཁུང་ལ་སྐད་ཡིག་མ་དག་པ་ཞིག་སྤྱི་ཚོགས་ལ་མི་བཀྲམ་པའི་སྙན་ཞུ་ངེས་པར་འབུལ་རོགས་གནང། དེ་བཞིན་ནུབ་གླིང་ཁག་ན་ཡོད་པའི་ཕ་མ་ཚོས་ཀྱང་བདམ་ཀ་ཞིག་ལམ་ལོག་ལ་མི་འགྲོ་བའི་རེ་བ་ཧ་ཅང་ཆེ། ང་རང་ཉིད་ལ་མཚོན་ན་བྱིས་བ་གཉིས་ལ་བོད་ཀྱི་བརྡ་སྤྲོད་དང་རྦད་དེ་རྒྱབ་འགལ་ལ་སོང་ཡོད་པའི་ལུང་སྐད་ཐེབས་ཆག་ཅིག་རྩ་བ་ཉིད་ནས་སློབ་ཏུ་མི་འཇུག་སེམས་ཐག་ཡིན།

13. གཟའ་མཇུག་གི་སློབ་དེབ་ལས་འཕྲོས་པའི་གཏམ་ལ་ངའི་འདོད་ཚུལ་འདི་ཡིན།

    གཅིག ལས་ཞོར་ལ་དུས་ཚོད་བཏང་ནས་ལོ་མང་དཀའ་ངལ་རྒྱག་མཁན་གྱི་ཨ་རིའི་བོད་དགེ་ཚོར་བཀའ་དྲིན་ཆེ་ཞུ་རྒྱུ།

    གཉིས། དེ་བཞིན་བློ་གཟུ་བོར་གནས་ཤིང་། རྣམ་དཔྱོད་ཡངས་པ། རིགས་བཞེན་ཆེ་བ། མ་འོངས་པའི་བུ་ཕྲུག་ཚོར་མགོན་སྐྱབས་གནང་མཁན་གྱི་བླ་མ། མཁས་པ། དགེ་རྒན། དེ་བཞིན་རྩོམ་པ་པོ་རྣམས་ལ་ཐུགས་རྗེ་ཆེ། སྐུ་ཚེ་རིང་ཞུ་རྒྱུ།

    རྒྱུན་པར་ཁ་བརྡ་དང་རྒྱུད་ལམ་སྣ་ཚོགས་ནང་ལ་དཀྲོག་གཏམ་དང་ཚིག་རྩུབ། འཐེན་འཁྱེར། ཆོལ་ཁའི་ནང་དམེ་སློང་མཁན་གྱི་དྲ་འབུ་དག་གི་རྐུབ་ལ་རྡོ་རྗེ་ཤུགས་ལྡན་གྱི་འཕྲིན་བཅོལ་ཡང་གསང་”དྲ་འབུའི་ཀླད་འགེམས་ཀྱི་སྦྱོར་བ་དྲག་པོ།”བཏང་ནས་ས་མ་ཡ་ཟེར་རྒྱུ་ཡིན།

    མཐའ་མ། རྙོག་ཁྲ་འདི་སློང་མཁན་གསར་འགྱུར་འགོད་མཁན་རྩ་མ་ཐང་བ་དེ་ཚོར་གུར་དྲག་འཕྲིན་བཅོལ་དང་བཛ་གུ་རུ་ཁྲི་གཅིག་བཏང་ནས་ཨོ་ཨ་ཧུ་ཟེར་ཡག་ཡིན།

14. བསམ་ཤེས་འདི་དོལ་རྒྱལ་ཁོག་ལ་ཞུགས་པ་ཡིན་པ་གསལ་འདུག་ག འདིས་མ་དག་དག་ཁུལ་གྱི་གཟའ་མཇུག་སློབ་དེ་ལ་རྒྱབ་སྐྱོར་ཁུལ་བྱེད་པ་ནི། བོད་མི་རིགས་འདི་རྩད་ནས་སྲོག་ཆད་འཇུག་འདོད་པ་དེ་རེད།

15. བོད་ཀྱི་སྐད་ཡིག་དེ་བཞིན་སྐད་ཡིག་གཉིས་པའི་ཚུལ་དུ་སློབ་འཁྲིད་བྱེད་ཀྱང་བརྡ་སྤྲོད་རིག་པའི་གཞུང་སླབ་མི་དགོས་པའི་རྒྱུ་མཚན་མི་མཐོང་། བརྡ་སྤྲོད་རིག་པའི་གཞུང་ནི་བོད་ཀྱི་སྐད་ཡིག་གི་ལྡེ་མིག་ལྟ་བུ་ཡིན་པས་ལྡེ་མིག་མེད་པར་སྒོ་འབྱེད་མི་ཐུབ། ཐབས་སྡུག་གི་ལས་རེད། སྐད་ཡིག་གོང་འཕེལ་མེད་པར་བསྟན་པ་མགོ་ནས་བཤིགས་ཟེར་བ་དེ་རེད།

16. ཡར་མར་མང་པོ་ཞིག་བཤད་ཞོར། ནོར་བ་ཆེན་པོ་མེད་ཟེར་བཞིན་ཡོད་པ་འདྲ། ཤེས་རིག་ལས་མི་ཚོས། མ་ཤེས་བའི་ལས་དེ་འདྲ་བྱེད་པ་འམ། བྱེད་དུ་བགྱི་བ། བྱེད་ལ་རྗེས་སུ་ཡིད་རངས་བྱེད་པ་མཐའ་དག་ལ་བསམ་ན། ཁོང་ཚོ་ནི་ངོ་ཚ་དང་མདོ་རྩ་མེད་པའི་ཕོགས་གཟན་རྐྱང་ལས་ཅི་ཡང་ཡོད་ཚོད་མི་འདུག།

    ཤེས་རིག་ལས་ཁུངས་དང་འབྲེལ་བ་མེད་པའི་སྐད་ར་མ་ལུག་གི་སློབ་དཔོན་ཚོས། སློབ་མ་ར་མ་ལུག་འདྲ་ཞིག་སྐྱོང་རྒྱུ་ཟེར་ན། ཡིད་ཕངས་བ་ཙམ་ལས་དགག་པ་མེད་དོ།

17. འགྱུར་བ་སོང་ཟིན་པའི་བོད་རིགས་སྤྱི་སྐད་མི་ཤེས་མཁན་དང་། རང་གི་ཡུལ་སྐད་ཙམ་དང་། སུམ་རྟགས་ཙམ་ཤེས་མཁན་ཚོས། འདིར་བཀག་རྡོ་ཙམ་ལས་ཕན་ཐོགས་ཆེར་བསྐྲུན་མི་ཐུབ་བོ།།

18. བོད་ཀྱི་སྤྱི་སྐད་ཡོད་ཡོད་པ་རེད་བ། ལྷ་སའི་སྐད་ཡག་པོ་ཞིག་སྨྲ་ཐུབ་ན་སྤྱི་སྐད་དེ་ལས་ལྷག་པ་ཞིག་གཞན་མི་དགོས། གོ་སོང་བ།

19. ཡུལ་ལུང་ག་གེ་མོའི་ཞེ་སའི་ཚིག་གིས་དབང་སྒྱུར་མ་ཡིན་པས་་བརྡ་དག་དང་མཐུན་པའི་བོད་སྐད་གང་ཡིན་པ་དེ་བོད་ཀྱི་སྤྱི་སྐད་རེད། ལྷ་སའི་སྐད་དེ་བོད་ཀྱི་སྤྱི་སྐད་ཡིན་དགོས་པའི་ངེས་པར་ཡོད་ནི་མ་རེད། དེའི་ནང་དུ་བོད་ཀྱི་བརྡ་དག་དང་མི་མཐུན་པའི་བརྗོད་པ་མང་ནི་རེད།

20. ངས་ མདང་ ཕྱིན་པ་ཡིན།
    ངས་ དེ་རིང་ འགྲོ་བགྱིད་ ཡོད།
    ངས་ སང་ཉིན་ འགྲོ་བགྱི་ ཡིན།
    ་
    ཞེས་ཡིག་ཐོག་དགོས་འདུག་ཀྱང་།
    ་
    ང་ མདང་ ཕྱིན་པ་ཡིན།
    ང་ དེ་རིང་ འགྲོ་བགྱིད་ ཡོད།
    ང་ སང་ཉིན་ འགྲོ་བགྱི་ ཡིན།
    ་
    ངག་ཐོག་ཏུ་བབ་ས་འདི་རང་རེད་དོ།།

21. ཤེས་རིག་གི་སླར་ཡང་ཞབས་འདྲེན་ཞུ་གྲབས་འདུག