བདེན་རྒྱབ་བདེན་གནོན།
ཉེ་ཆར་ངོ་དེབ་དང་སྐད་འཕྲིན་སོགས་སུ་བྱང་ཨ་རིའི་དོན་གཅོད་དངོས་གྲུབ་ཚེ་རིང་དང་། སྤྲུལ་སྐུ་དབང་ཆེན་ནམ་ཉག་རོང་དོན་གྲུབ་མིང་ཅན་གཉིས་མཉམ་དུ་དཔུང་སྦྲེལ་གྱིས་བརྒྱབ་པའི་པར་ཞིག་ཁྱབ་པའི་ཐད་གླེང་སློང་མང་པོ་ཞིག་བྱེད་བཞིན་འདུག མང་པོ་ཞིག་གིས་ཁོ་པ་དངོས་གྲུབ་ཚེ་རིང་མི་རྐྱང་ཞིག་ཡིན་ན་སུ་དང་མཉམ་དུ་ལག་པ་གཏོང་བ་དང་པར་རྒྱག་པ་སོགས་བྱས་ཀྱང་བཤད་རྒྱུ་གང་ཡང་མེད། ཡིན་ནའང་ཁོ་པ་བྱང་ཨ་རིའི་སྐུ་ཚབ་དོན་གཅོད་ཡིན་པ་དང་དོན་གཅོད་ཞབས་སྟེགས་འདི་བཞིན་ད་ལྟའང་༸གོང་ས་སྐྱབས་མགོན་ཆེན་པོ་མཆོག་གི་མཚན་གནས་ཐོག་ཡོད་པས་ཉག་རོང་དོན་གྲུབ་འདྲ་བའི་མི་འདི་རིགས་དང་མཉམ་དུ་ལག་གདང་སྦྲེལ་བ་ནི་༸གོང་ས་༸སྐྱབས་མགོན་ཆེན་པོའི་མཚན་གནས་ལ་གུས་ཞབས་དང་ཆེ་མཐོང་མ་བྱས་པ་རེད་ཅེས་ཤོད་ཀྱི་འདུག
དངོས་གནས་འདིའི་ཐད་བསམ་གཞིག་བྱེད་སྐབས་ཁ་མ་གྲགས་པར་སྡོད་ཐབས་མེད་པ་ཞིག་རེད། གང་ཡིན་ཞེ་ན་ཉག་རོང་དོན་གྲུབ་ཟེར་བས་དེ་སྔོན་ཕྱི་ལོ་ ༢༠༡༡ ནས་ ༢༠༡༥ བར་གྱི་དུས་ཡུན་ནང་སྤྲུལ་སྐུ་དབང་ཆེན་ཉི་མ་ཟེར་བའི་མིང་ཐོག་ནས་སྤྱི་ཚོགས་དྲ་ལམ་ཁག་ཏུ་བོད་རང་བཙན་ཁ་ལ་འཁྱེར་ཏེ་དོན་དུ་༸གོང་ས་༸སྐྱབས་མགོན་ཆེན་པོ་མཆོག་ལ་མཚན་སྨད་ཧ་ཅང་ཚབས་ཆེན་བལྟ་མི་བཟོད་པ་དེ་འདྲ་མང་དག་གཅིག་ཞུས་ཡོད་པ་མིག་མཐོང་ལག་ཟིན་ཡིན་ཅིང་། བོད་ཀྱི་རྩ་དོན་འཐབ་རྩོད་ཀྱི་སྲིད་བྱུས་ལམ་དབུ་མར་མཐོང་ཆུང་ཁྱད་གསོད་བྱས་པར་མ་ཟད། དོལ་རྒྱལ་དང་འབྲེལ་བའི་༸གོང་ས་ཆེན་པོའི་དགོངས་ཕྱོགས་མང་པོར་འཁྱོག་བཤད་དང་འགལ་ཟླར་ལངས་ཏེ་བཤད་ཡམ་མང་དག་གཅིག་སྤེལ་ཡོད་པ་རེད།
ཁོ་པས་འདི་ཚོ་རྒྱབ་ལྗོངས་ཀྱི་གནས་ཚུལ་གང་ཡང་མེད་པར་བོད་དོན་སེམས་བཅངས་ཀྱིས་བཤད་ཡོད་ན་ང་ཚོས་བཤད་རྒྱུ་མེད་ཀྱང་། ཕྱོགས་གཅིག་ནས་ལོ་ངོ་དེ་ཚོའི་ནང་ཁོ་པའི་ངོ་དེབ་སྟེང་༸གོང་ས་ཆེན་པོ་དང་ས་སྐྱ་གོང་མ་རིན་པོ་ཆེ་སོགས་བོད་ཀྱི་བླ་ཆེན་མང་པོར་མཚན་སྨད་ཚབས་ཆེན་ཞུས་པ་དང་། ཕྱོགས་གཞན་ནས་དོལ་རྒྱལ་ཁ་འཁྱེར་བས་གཉེར་བའི་དམངས་ཁྲོད་ཁ་བརྡ་ཞེས་པའི་ནང་གི་༸གོང་ས་མཆོག་ལ་མཚན་སྨད་ཞུ་མཁན་འཐབ་ཕྱོགས་གཅིག་གྱུར་པ་དེ་རིགས་དང་ངན་འབྲེལ་བྱས་པ་སོགས་བྱ་ངན་སྤྱོད་ངན་ཚད་འགལ་བྱས་ཡོད།
སྤྲུལ་སྐུ་དབང་ཆེན་གྱིས་ད་བར་གོང་ས་༸སྐྱབས་མགོན་ཆེན་པོ་མཆོག་ལ་བྱ་སྤྱོད་འདྲ་མིན་གྱི་སྒོ་ནས་ངན་སེམས་བཅངས་ཏེ་མཚན་སྨད་ཇི་འདྲ་ཞུས་པའི་ཐད་བྱང་ཨ་རིའི་དོན་གཅོད་ལས་ཐོག་དངོས་གྲུབ་ཚེ་རིང་བཀའ་བློན་གྱི་ལས་འགན་ཁུར་བཞིན་པའི་སྐབས་བཀའ་ཤག་ལྷན་རྒྱས་ཀྱི་གསོལ་ཅོག་ཐོག་ཡིག་ངག་གཉིས་ཐོག་ནས་གནས་ཚུལ་མང་པོ་འབྱོར་པ་ཤེས་ཀྱི་ཡོད་པར་མ་ཟད། བདེ་སྲུང་ལས་ཁུངས་ནས་ཀྱང་སྤྲུལ་སྐུ་དབང་ཆེན་དང་འབྲེལ་བའི་རྒྱབ་ལྗོངས་ལ་དཔྱད་ཞིབ་བྱས་པའི་གནས་ཚུལ་མང་པོ་ཞིག་བཀའ་ཤག་ལྷན་རྒྱས་ལ་སྙན་སེང་བྱུང་ཡོད་པ་རྣམས་དངོས་གྲུབ་ཚེ་རིང་ཀྱིས་མ་ཤེས་པ་མེད། མཐར་སྤྲུལ་སྐུ་དབང་ཆེན་ཞེས་པ་ཉག་རོང་དོན་ཡིན་པའང་དོན་གཅོད་དངོས་གྲུབ་ཚེ་རིང་གིས་གསལ་པོ་ཤེས་ཀྱི་ཡོད།
སྤྲུལ་སྐུ་དབང་ཆེན་གྱིས་༸གོང་ས་སྐྱབས་མགོན་ཆེན་པོར་མཚན་སྨད་ཇི་ཞུས་ཀྱི་རྩོམ་ཡིག་མང་པོ་ཞིག་བདེ་སྲུང་ལས་ཁུངས་བརྒྱུད་བཀའ་ཤག་ལྷན་རྒྱས་ཀྱི་གསོལ་ཅོག་སྟེང་ཕུལ་ཡོད་པ་དངོས་གྲུབ་ཚེ་རིང་གིས་མཐོང་ཡོད་པ་ཐག་ཆོད་པས་སྤྲུལ་སྐུ་དབང་ཆེན་གྱིས་༸གོང་ས་མཆོག་ལ་མཚན་སྨད་བསྐུར་འདེབས་ཞུས་པའི་ཚིག་བརྗོད་མང་པོ་བལྟ་མི་བཟོད་པ་ཞིག་ཡོད་པའང་དངོས་གྲུབ་ཚེ་རིང་གིས་གསལ་པོ་ཤེས་ཀྱི་ཡོད། མདོར་ན་སྤྲུལ་སྐུ་དབང་ཆེན་ཉི་མ་དང་ཉག་རོང་དོན་གྲུབ་མི་གཅིག་ཡིན་པ་དང་། སྤྲུལ་སྐུ་དབང་ཆེན་ཉི་མས་༸གོང་ས་སྐྱབས་མགོན་ཆེན་པོ་མཆོག་ལ་ཐབས་བརྒྱ་བྱུས་གཏོང་གི་སྒོ་ནས་གོ་སྐབས་ནམ་བྱུང་ལ་མཚན་སྨད་བསྐུར་འདེབས་ག་ཚོད་ཞུས་ཡོད་མེད་ཚང་མ་ཨ་རིའི་དོན་གཅོད་དངོས་གྲུབ་ཚེ་རིང་གི་སེམས་ལ་གསལ་ཐག་གཅོད་ཡིན།
བྱང་ཨ་རིའི་དོན་གཅོད་དངོས་གྲུབ་ཚེ་རིང་གི་སེམས་ནང་གོང་གསལ་གྱི་གནས་ཚུལ་རྣམས་གསལ་ཐིང་ངེར་ཡོད་པའི་ཐོག་ནས་ཉེ་ཆར་བཀའ་ཟུར་རྒྱ་རི་བློ་གྲོས་རྒྱལ་མཚན་འདས་པའི་ཞེ་དགུའི་མཆོད་འབུལ་སྐབས་དོན་གཅོད་དངོས་གྲུབ་ཚེ་རིང་དང་ཉག་རོང་དོན་གྲུབ་གཉིས་ལག་གདང་སྦྲེལ་ཏེ་པར་བརྒྱབ་པ་ཙམ་དུ་མ་ཟད། སྤྱི་ཚོགས་དྲ་ལམ་དུ་བཀྲམ་ཡོང་དུས་ང་ཚོའི་ངོས་ནས་དོ་སྣང་མི་བྱེད་ཐབས་མེད་རེད། བྱང་ཨ་རིའི་དོན་གཅོད་དངོས་གྲུབ་ཚེ་རིང་ལ་མཚོན་ན་ཁོ་པ་དེ་སྔོན་བཀའ་བློ་ལས་དུས་གཉིས་པ་བྱེད་སྐབས་ཁོ་པ་༸གོང་ས་༸སྐྱབས་མགོན་ཆེན་པོ་མཆོག་ནས་བཀའ་བློན་ཡང་བསྐྱར་བྱས་ན་ཡག་པོ་འདུག་ཅེས་བཀའ་གནང་སོང་བས་བཀའ་གསུང་དང་ལེན་ཞུས་པ་ཡིན་ཚུལ་གྱི་སྐད་ཆ་ཤེས་རིག་ལས་ཁུངས་བརྒྱུད་སྤྱི་ཚོགས་ནང་སྤེལ་བ་དང་། མཐར་ཨ་རིའི་དོན་གཅོད་ལ་འགྲོ་ཡག་དེ་ཡང་༸གོང་ས་མཆོག་གི་བཀའ་དགོངས་ཡིན་མདོག་བསྟན་ཡོད་པ་རེད། མདོར་ན་ཉེ་དུས་ཁོ་པའི་དཔོན་གནས་ཀྱི་རྐུབ་སྟེགས་ཚང་མར་༸གོང་ས་༸སྐྱབས་མགོན་ཆེན་པོའི་མཚན་བེད་སྤྱོད་གཏང་རྒྱུར་འཛེམ་དོགས་མེད་མཁན་ཞིག་རེད།
ད་ལྟ་ཡང་ཁོ་པ་༸གོང་ས་༸སྐྱབས་མགོན་ཆེན་པོའི་མཚན་གནས་དང་འབྲེལ་བའི་ཨ་རིའི་དོན་གཅོད་གི་ཞབས་སྟེགས་ཐོག་མཚན་གནས་རྒྱབ་འཁུར་བྱེད་མུས་ཡིན་པས། ལས་གནས་དེའི་ཐོག་ནས་ཁོ་པས་སྤྲུལ་སྐུ་དབང་ཆེན་དང་ལག་གདང་མཉམ་སྦྲེལ་བྱས་པ་ནི་༸གོང་ས་༸སྐྱབས་མགོན་ཆེན་པོ་མཆོག་གི་མཚན་གནས་ལ་མཐོང་ཆུང་གུས་ཞབས་མ་བྱས་པ་གསལ་པོ་རེད། མ་ཟད་ཁོ་པའི་སེམས་ནང་༸གོང་ས་མཆོག་ལ་ཆེ་བཀུར་གུས་ཞབས་ག་ཚད་ཡོད་མེད་ཀྱང་གསལ་སྟོན་བྱས་པ་རེད། གང་ཡིན་ཟེར་ན་ཁོ་པས་སྤྲུལ་སྐུ་དབང་ཆེན་དང་འབྲེལ་བའི་ཕྱི་ནང་གི་གནས་ཚུལ་ཚང་མ་ཤེས་ཀྱི་ཡོད། དེས་ན་འདས་པའི་ལོ་ཡུན་འགའ་ཤས་ནང་༸གོང་ས་༸སྐྱབས་མགོན་ཆེན་པོ་མཆོག་ལ་མཚན་སྨད་ཞུ་མཁན་ཤུགས་ཆེ་ཤོས་དང་རྫབ་ཆེ་ཤོས་ཡིན་པ་གཞུང་འབྲེལ་ཡིག་ཆའི་ནང་འཁོད་པའི་མི་ཞིག་གི་དཔུང་པའི་སྒང་ལ་༸གོང་ས་༸སྐྱབས་མགོན་ཆེན་པོའི་མཚན་གནས་རྗེས་འབྲེལ་གྱི་ཞབས་སྟེགས་ཐོག་ཡོད་པའི་བྱང་ཨ་རིའི་དོན་གཅོད་དངོས་གྲུར་ཚེ་རིང་གི་ལག་པ་བཞག་ནས་སྡིང་ཆ་གཅིག་གི་སྟེང་ལ་པར་བརྒྱབ་སྟེ་ད་ག་རེ་བྱེད་རྒྱུ་ཡོད་མདོག་གིས་རྫིག་རལ་སུ་ལ་ངོམ་གྱི་ཡོད་དམ།
བྱ་སྤྱོད་འདིའི་ཐད་འབྲེལ་ཡོད་ཕྱི་དྲིལ་ལས་ཁུངས་དང་བཀའ་ཤག་ལྷན་རྒྱས་ནས་གནང་ཕྱོགས་ག་རེ་ཡོད་དམ། ལྟོ་གོས་གཏམ་གསུམ་གང་དུ་ཡང་༸གོང་ས་༸སྐྱབས་མགོན་ཆེན་པོའི་མཚན་གནས་བེད་སྤྱོད་གཏོང་དགོས་མཁན་མི་ཞིག་གིས་འདི་ལྟར་༸གོང་ས་མཆོག་ལ་མཚན་སྨད་བསྐུར་འདེབས་ཤུགས་ཆེ་ཤོས་ཞུ་མཁན་ལ་ལག་གདང་སྦྲེལ་བ་དེར་དགའ་ལྡན་ཕོ་བྲང་གི་དྲུང་ཆེ་རྣམ་པས་གཟིགས་ཕྱོགས་གང་ཡོད་དམ། འབྲེལ་ཡོད་རྣམས་ནས་དྲི་རྟགས་ཀྱི་དོན་གནད་འདི་ཚོར་ངེས་པར་ལན་རྒྱག་དགོས་པའི་དུས་ལ་བབས་འདུག་སྙམ། གང་ཡིན་ཟེར་ན་འབྱུང་གྱུར་ལོ་གཅིག་གཉིས་ནང་ཕྱི་རྒྱལ་སྐུ་ཚབ་དོན་གཅོད་ཁག་དང་འབྲེལ་བའི་གླེང་རྙོག་མང་པོ་ཞིག་ཡོང་རྒྱུ་ཡིན་པ་ཟུར་བལྟས་ལེབ་མཐོང་ཡིན་པས་ད་ལྟ་ནས་དགོངས་བཞེས་གནང་དགོས་གལ་ཆེར་མཐོང་།།།།
བཟང་སྤྱོད་གི་ཐོག་ནས་སྐུ་ཚབ་ཀྱི་ལས་གནས་ལས་དགོངས་ཞུ་བྱ་དགོས། མང་ཚོགས་ཚོས་ས་ཡིག་བསྡུས་ནས་དགོངས་ཞུ་དགོས་པའི་ལས་འགུལ་སྤེལ་ན་ད་གཟོད་དགོངས་ས་མཆོག་གི་དགོངས་པ་དྭངས་ཐུབ་པས། ཚང་མས་དགོངས་ས་མཆོག་ཐུགས་ལ་དགོངས་ནས་ལས་འགུལ་སྤེལ་རོགས་ཞུ། ཨ་རིའི་ནང་ཨ་རིའི་སྲིད་འཛིན་གྱི་སྐུ་སྲོག་ལ་འཇིགས་སྐུལ་བྱེད་མཁན་གྱི་མི་སྣ་ཞིག་མཉམ་དུ་ཨ་རིའི་གཞུང་ཚབ་ཅིག་གི་མཉམ་དུ་པར་ལེན་ནས་ཁྱབ་བསྒྲགས་བྱས་ན། ངེས་པར་དུ་དགོངས་པ་ཞུ་དགོས།
རེད། རེད། ད་དངོས་གནས་དགོངས་པ་ཞུ་དགོས།
ད་ལྟའི་འགྲོ་བཞིན་པའི་བཀའ་ཤགས་འགོ་བློ་སང་ནས་གཙོས་གཅིག་ལའང་ལྟ་ཡག་མི་འདུག་བོད་མི་ཡོངས་རྫོགས་ནས་དངོས་ཡོད་གནད་ཚུལ་ལ་ལྟ་ནས་མི་ངན་དེ་ཚོ་མུ་མཐུས་རྒྱ་ཡན་དུ་གཏང་ན་གྱོང་གུས་ང་ཚོ་ཙམ་མ་ཟད་མི་རབ་རྗེས་མ་ཚོ་ལའང་ཡོང་རྒྱུ་ཡིན་པ་ཕྱོགས་གང་ནས་ལྟས་ཀྱང་དངོས་ཡོད་ཡིན་པས་མདོ་སྟོད་པ་རེ་ཟུང་གིས་ལུང་པ་ཆུང་ཆུང་ཞིག་གི་ལྐུག་པའི་ཞེན་ཁོག་ཏུ་མ་སོང་བར་བོད་མི་ཡོང་རྫོགས་རྡོག་རྩ་གཅིག་སྒྲིལ་གྱིས་ནང་འདྲ་དེ་ཚོ་གཙང་མ་མ་བཟོས་ན་ཕྱི་འདྲར་ཁབ་ཐེག་བཅར་བའི་ནུས་པར་རྐྱོན་ཡོང་གི་ཡོད་པར་དགོང་པ་བཞེས་དགོས་པ་ཤིན་ཏུ་ནས་གལ་ཆེ། བློ་སང་ནས་གཙོས་མི་ངན་དེ་ཚོས་༧གོང་ས་མཆོག་གི་སྐུ་པར་ཚོན་ཅད་བེད་སྤྱད་ནས་བོད་ཕྱི་ནང་གི་མི་དམངས་དང་ཕྱི་རྒྱལ་བོད་དོན་རྒྱབ་བསྐྱོར་བ་ཚང་མར་མགོ་བསྐོར་གཏོང་གང་འཐུབ་བྱས་ནས་དོན་དངོས་ཐོག་སོ་སོའི་རང་དོན་བསྒྲུབ་ན་༧ གོང་ས་མཆོག་ལ་ཕྱི་འདྲ་རྒྱ་ལས་ཉེན་ཁ་ཆེ་བའི་་མི་ངན་་ནང་འདྲ་དེ་ཚོ་དང་གཉམ་རུབ་བྱས་ནས་༧གོང་ས་མཆོག་གི་སྐུ་ཚེ་ལ་བར་ཆད་དང་ང་ཚོ་བོད་མི་ཡོངས་ལ་མཐོང་ཆུང་དང་གཉད་སྤྱོད་རྟག་ཏུ་བྱེད་ཀྱི་ཡོད་པ་ཧ་གོ་བ་བྱས་ནས་མི་དམངས་ཚང་མ་ཡར་ལང་ནས་བློ་སང་ནས་གཙོས་ཁོ་པའི་གཤམ་འོག་གི་ལས་ཀ་བྱེད་མཁན་ཕྱོར་པང་དེ་ཚོ་དང་ཨ་རིའི་དོན་སྤྱོད་ཨའོ་གླིང་དོན་སྤྱོད་གང་མགྱོགས་ཕྱིར་འབུད་གཏོང་དགོས་པ་ཤིན་ཏུ་ནས་གལ་ཆེ།
༄༅། དངོས་བདེན་གང་ཡིན་ཤེས་ཀྱི་མི་འདུག་
མ་གཞི་ནས་བྱང་ཨ་རིའི་ནང་གནས་ཚུལ་སྡུག་པ་དང་རྙོག་ཁྲ་ཅན་ཤ་སྟག་མ་གཏོགས་
བོད་རྩ་དོན་ལ་ཕན་པའི་གནས་ཚུལ་ཡག་གྲས་ཐོན་རྒྱུ་དཀའ་མོ་རེད་འདུག་
བདེན་པ་རེད་དོན། གཅོད་ནས་དགོངས་པ་ཞུས་ན་ཡག་ཤོས་རེད།
དེ་ནས་ཉག་དོན་ཟེར་བ་འདི་དང་ཁོ་གཉིས་ག་བར་འགྲོ་ན་སུ་གང་གིས་ཨ་ཟེར་མཁན་ཡོད་མ་རེད་དྲན་གི
ཉག་རོང་དོན་གྲུབ་ཟེར་བས་དེ་སྔོན་ཕྱི་ལོ་ ༢༠༡༡ ཙམ་ནས་བཟུང་སྤྲུལ་སྐུ་དབང་ཆེན་ཉི་མ་ཟེར་བའི་མིང་ཐོག་ནས་སྤྱི་ཚོགས་དྲ་ལམ་ཁག་ཏུ་༸གོང་ས་༸སྐྱབས་མགོན་ཆེན་པོ་མཆོག་ལ་མཚན་སྨད་ཧ་ཅང་ཚབས་ཆེན་བལྟ་མི་བཟོད་པ་དེ་འདྲ་མང་དག་གཅིག་ཞུས་ཡོད་པ་མིག་མཐོང་ལག་ཟིན་ཡིན་པས། མི་འདི་འདྲ་མཉམ་དུ་སྐུ་ཚབ་དོན་གཅོད་པར་བརྒྱབ་པ་ནི་སྐྱིད་རོང་པའི་རང་གཤིས་ངོ་མ་དང་། སྤྲང་ཁྱི་ལས་སྡུག་པའི་རང་མདོག་ངོ་མ་དེ་བསྟན་འདུག ཁོ་བས་ད་དུང་ངོ་དེབ་Facebook ནང་ཁུངས་མ་འཁྱོལ་བའི་དག་འབུད་བྱེད་ཐབས་བརྩམས་ཡོད་ཀྱང་དེ་ནི་གད་མོ་ཤོར་བའི་རྒྱུ་ལས་མ་འདས།
ཨ་ཁ་ཁ
ཨ་ཁ་ཁ་་་་མི་འདི་ཚོའི་སེམས་ལ་འདྲེ་ཞུགས་པ་འདྲ། དབང་ཆེན་ཉི་མ་ཟེར་བ་ཞིག་དྲྭ་ལམ་ནས་གོ་མྱོང་། ཉག་རོང་དོན་གྲུབ་ཡིན་པ་གོ་བ་ཐེངས་དང་བོ་ཡིན། མི་འདི་ཚོར་ཡག་རྟགས་མེད། འཛམ་གླིང་གང་སར་ཡོད་པའི་བོད་མི་ཚང་མས་གཟབ་དགོས་ཀྱི་འདུག
བདེན་རྒྱབ་བདེན་གནོན་གྱིས་ཨོ་གླིང་ན་དོན་གཅོད་ལྷག་པ་མཚོ་སྒོས་༧གོང་ས་མཆོག་ལ་མཚན་སྨད་བྱེད་མཁན་མི་ཉག་བརྩོན་འགྲུས་དང་ངན་པ་ལག་འབྲེལ་བྱས་སྐོར་གསལ་ཁ་བཏོན་རོགས།
ཉག་ཉག་ཉག་་་་་་་་ད་དེང་སང་ཉག་མང་པོ་ཡོང་གི་འདུག་ཉག་འདི་ཚོར་ག་རེ་མ་འགྲིགས་པ་རེད། བོད་པའི་སྐུ་ཚབ་དོན་གཅོད་འདི་ཚོ་ཉག་ལ་དགའ་བོ་ཞེ་དྲགས་ཡོད་པ་འདྲ།
ད་དཀོན་མཆོག་གསུམ། ༧གོང་ས་མཆོག་ལ་ཕ་གསོད་མཁན་གྱི་དགྲ་རུ་འཛིན་མཁན་མི་གཅིག་པུ་དེ་ངོ་མ་ཤེས་མདོག ཧ་མ་གོ་མདོག་གིས་མཉམ་དུ་བཟའ་མ་བཟས། གཏམ་གླེང་སྣ་ཚོགས་བྱས། ད་དུང་པར་མཉམ་དུ་བརྒྱབ།
རྗེས་མ་མ་ཤེས་ཁུལ་བྱེད་པ་ནི་ངོ་མ་རྒྱལ་བ་རིན་པོ་ཆེར་འགྲོ་ནའང་། ང་ཚོར་མི་འགྲོ།
མི་མང་ཚོས་སྲིད་སྐྱོང་ལ་འབྲེལ་བ་བྱས་ནས། གནས་ཚུལ་དེ་གསལ་པོ་བཟོ་དགོས།
ཉག་དོན་ཁོ་རང་ཁ་གསལ་གཏིང་གསལ་རེད། རྙིང་བླ་མ་གཏོགས་ས་དགེ་བཀའ་གསུམ་གྱི་བླ་མ་ཚང་མར་ངན་སྨྲས་བྱས་ཡོད། དེ་ལས་ཉེན་ཁ་ཆེ་བ་བློ་སེང་རྗེས་འཇུག་པ་རེད། ༧ རྒྱལ་བ་རིན་པོ་ལ་དད་པ་ཡོད་མདོག་བྱེད་ནས་དོན་ལ་དམིགས་ཡུལ་གཞན་ཞིག་ཡོད།
༧གོང་ས་མཆོག་ནས་དུས་དང་རྣམ་པ་ཀུན་ཏུ་་་་དགྲ་ལ་ཡང་གྲོགས་སུ་འགུག་ནས་གྲོས་མོལ་བྱུང་དགོས་རེད། དེ་ལྟར་བྱུང་ན་་་ཐམས་ཅད་ཽན་ཚུན་གཅིག་ལ་ཕན་ཐོག་རེད་གསུངས་པ་རེད། བོད་པ་རེ་བཟུང་མ་གཏོགས་མེད་ནའང་ཕན་ཚུན་གྲོས་མོལ་དང་། ལམ་སྟོན་ཞི་བའི་ཐབས་ལམ་ལ་འབད་ན་་་་བཟང་པོ། དུས་ཀུན་བོད་མི་གཅིག་གིས་ལ་དགྲ་བོ་ལྟ་བུར་བརྩི་ནས་་་དམའ་འབེབས། མཐོང་ཆུང་། བརྙས་བཅོས་གང་ཅི་ཐུབ་བྱས་ན་རང་གཞན་གཉིས་ཕུང་རེད་བ། ་གལ་རྒྱ་གར་ཡུལ་མི་ལྟ་བུ་དྷ་ས་ནས་བོད་མི་ལ་བརྙས་བཅོས་སོགས་བྱས་ན་དེ་ལ་སུས་གཅིག་གིས་ཁ་ལབ་ཙམ་བརྗོད་མ་ཕོད་ངང་བསྡད་ཀྱིས་འདུག་གབ། སྤྱིར་བཏང་བོད་པ་དེའི་ནང་ནས་བཙན་བྱོལ་ཚོས་་་ལས་ངན་ལུས་ངན་ཞིག་རེད་པབ་ཆོག་འདུག་་
ཨ་ཤོ་ཀ་ ལགས་༧་་་་རྒྱ་བ་དོན་གྱི་བདག་པོས་ལས་ངན་དེ་ཚོ་དགེ་བའི་ཕྱོགས་ལ་འདུལ་བར་སྐུ་ངན་ཆེན་པོ་དེ་ཙམ་འདུག་་་་འོ་ན་དོན་གཅོད་དངོས་ཚེ་ལགས་ལ་༧་་་་གོང་ས་མཆོག་ལས་ལྷགས་པའི་ལས་ངན་དེ་ཚོ་འདུལ་་བའི་ཞི་བའི་ཐབ་ལམ་ཡོད་ན་འདིར་གསལ་བཤད་ཁ་དེ་བས་གསལ་ཙམ་གསུང་ཆོག་གམ་?
རྒྱ་མ་ཚང་། ཁྱེད་རང་རྩ་མ་ཚང་བ་ཞིག་ཡིན་ནམ། ཧཧཧ་རྩེད་མོ་ཞུས། དེས་ན་ཁྱོད་རང་ཡིན་ད་།
ཨ་ཤོ་ཀ་ལགས་ཁྱེད་ནས་ངའི་དྲི་བའི་ངོ་གདོང་་ལ་ལན་འདེབས་གནང་མེད་ཀྱང་ལན་འདེབས་གནང་བར་ཐུགས་ཇེ་ཆེ་
བཙན་བྱོལ་གཞུང་གི་ལས་བྱེད་ཚོས་རྒྱ་མི་དམར་པོ་དང་ལག་གདངས་སྦྲེལ་ནས་སྐད་ཆ་བཤད་ཆོག་ན། ཁོང་གཉིས་ཐུག་ནས་པར་རྒྱབ་མི་ཆོག་པ་ཅི་ཡོད། སྐྱབས་མགོན་རིན་པོ་ཆེ་ལ་མཚན་སྨད་ཞུ་མཁན་རྒྱ་མི་དམར་པོ་ལས་ཆེ་བ་སུ་ཡོད།