བྱང་ཨ་རིའི་བོད་ཡིག་སློབ་དེབ་དང་འབྲེལ་བའི་གདུང་འབོད་དྲག་ཁྲོས་སོ་བཞི་བ།

Comments (37) on “བྱང་ཨ་རིའི་བོད་ཡིག་སློབ་དེབ་དང་འབྲེལ་བའི་གདུང་འབོད་དྲག་ཁྲོས་སོ་བཞི་བ།”

1. བོད་བརྒྱུད་ནང་ཆོས་མཐུན་སྒྲིལ་མེད།
   གསེར་རྟ་གཏོར་ན་དགའ་མཁན་མང་།
   ཐ་ན་རྙིང་མ་ཡིན་མདོག་གིས།
   གུང་ཁྲན་ཏང་ལ་གཞོགས་འདེགས་བྱེད།

2. སྐྱོན་གང་ཡོད་གསལ་ཁ་སྟོན་ན་ལེགས། རྒྱུག་པ་ལེབ་བརྡུང་མ་བྱས་ན་ལེགས།

3. མཁན་པོ་ཚེ་བཀྲ་ལགས། ཤེས་རིག་གིས་ག་རེ་བཟོས་འདུག། སྐྱོན་ཆ་དེ་ཚོ་གསལ་ཙམ་གསུངས་དང་། ངས་སློབ་དེབ་དེ་མཐོང་མ་སོང་། གལ་ཏེ་ཁོ་ཚོས་ལག་རྩེད་རྩེས་འདུག་ན། དེ་ནས་མཆན་ཟོར་རྩོམ་ཟོར་ཚང་མ་ཡོད་ད་།

4. བོད་ཡིག་ཤེས་མཁན་དངུལ་རྗེས་སྙེགས།།
   མི་ཤེས་བླུན་པོས་ཀློག་དེབ་བསྒྲིགས།།
   བར་མ་བར་གྱི་བྱིས་པ་ཚོའི།།
   ཕ་སྐད་དགུན་གྱི་ཁུ་བྱུག་རེད།།

   སེམས་ཤུགས་ཅན་ཚོས་འཇོན་མདོག་བྱས།།
   སྐུ་ངོ་ཚོས་ཀྱང་རོགས་འདེགས་མཛད།།
   ཤེས་ཡོན་མེད་པའི་ཨུ་ཚུགས་ཀྱིས།།
   བྱས་འབྲས་ར་མ་ལུག་གི་མགོ།།

   མ་བྱས་བ་ལས་བྱས་བ་དགའ།།
   བྱས་བ་ཚགས་ཚུད་མིན་པ་ཡིས།།
   འགྲོ་སོང་འཐོལ་བ་མིན་ནམ་སྙམ།།
   དུས་ཚོད་འཕྲོ་བརླག་ཡིན་འགྲོ་ཨང་།།

   བོད་ཀྱི་བརྡ་སྤྲོད་མི་མཁྱེན་པའི།།
   སྐད་བརྡ་རིག་པ་མ་སྦྱངས་བའི།།
   ཤེས་རིག་ཚང་གི་སྐུ་ངོ་ཚོས།།
   ཆོག་མཆན་གནང་ལུགས་ཨ་རེ་མཚར།།

   གཟའ་མཇུག་སློབ་གཟའ་ཡིས་ཟིན།།
   ཉི་ཟླའི་འཁོར་སྐྱོད་འགག་སོང་ལོ།།
   མུན་པ་ཟ་བའི་མི་རིགས་འདིར།།
   འོད་ཀྱི་ཟས་སྐལ་ཆད་སོང་ལོ།།

5. ཤེས་རིག་ལས་ཁུངས་ཀྱིས་བསྒྲིགས་པའི་དེབ་དེ་ངེས་པར་དུ་བསྐྱར་བཅོས་གནང་གི་ཡག་གི་རེད། གནའ་ནས་ད་ལྟ་བར་གྱི་རང་རིགས་མཁས་དབང་མང་པོས་མགྲིན་གཅིག་ཏུ། སྔོན་མ་ཡི་གེ་ཡིས་སྐད་ལ་ཞབས་ཞུ་བསྒྲུབ་པ་རེད། ད་ལྟ་སྐད་ཀྱིས་ཡི་གེར་ཞབས་ཞུ་བསྒྲུབ་དགོས་ཞེས་ཡང་ཡང་གསུང་བ་དེ་ཚོ་ཆུ་ནང་ལ་རྡོ་གཡུགས་ནང་བཞིན་བྱས་ན་ཡག་པོ་ཡོད་པ་མ་རེད། མདོར་ན་རྒན་གཞོན་དབྱེ་བ་མེད་པ། ཆོལ་ཁ་དང་ཆོས་བརྒྱུད་དབྱེ་བ་མེད་པ་ཚང་མས་ཡི་གེ་དང་བསྟུན་གང་ཐུབ་གནང་རྒྱུ་ནི། བོད་མི་རིགས་འདི་ཤི་དང་གསོན་གྱི་སྲོག་རྩ་ལ་ཐུག་ཡོད་པ་ཤེས་དགོས།།

6. མཁན་པོ་ཚེ་བཀྲའི་རྩོམ་ཡིག་བཀླགས་རྗེས། ཀུན་གླེང་ནང་གི་དྲི་བ་དྲི་ལན་དེ་ལ་དོ་སྣང་བྱས་པ་ཡིན། དཔེ་མཚོན་ཡིག་འབྲུ་ཁ་ཤས་འཆར་ངོས་སུ་གསལ་བ་དང་། ངས་མཁན་པོ་ཚེ་བཀྲ་ལགས་ཀྱིས་མི་བཤད་བཀའ་མེད་དུ་གྱུར་ཡོད་པ་ད་གཟོད་རྟོགས། ས་དགོས་ས་ལ་མ་བརྒྱབས། མི་དགོས་ས་ལ་བརྒྱབས་པ་སོགས་ཀྱིས་མཚོན། གང་ལྟར་བོད་ཀྱི་སྐད་བརྡ་རིག་པ་རྩ་མེད་བཟོ་འགོ་བརྩམས་འདུག། མ་ཟད་སློབ་དེབ་བསྒྲིགས་ཟིན་མདོག་གིས་ཚོན་རིས་དང་ཡིག་འབྲུ་མཛེས་ཉམས་ཅན་འདྲ་བཟོས་ནས་ཤེས་རིག་ལས་ཁུངས་ཀྱི་དངུལ་ཆུད་ཟོས་སུ་བཏང་ནས་གཟི་བརྗིད་ཁོག་སྟོང་གི་ངོ་རིས་དེ་མངོན་འདུག། གང་ལྟར་བསམ་པ་མ་དག་པ་མིན་པའི་ཡིད་ཆེས་ཡོད་ཀྱང་། ལག་ལེན་ལ་བླུན་པོས་ལས་ཀ་རང་ལས་འདུག། བུ་གླེན་པས་ཕ་ཡིས་ཀླད་པ་བཅོམ་ཟེར་བ་ལྟར་ཆགས་འདུག་པས། ཕ་སྐད་ལ་དུངས་བ་ཡོད་པ་ཚོས་གཟིགས་དང་ལྟད་མོ་འདུག། ད་དུང་ཤེས་རིག་མགྲིན་ཚབ་པ་དེས་བོད་སྐད་གཙང་མའི་ཆེད་དུ་དེ་ལྟར་བཟོས་ཟེར། ཧཧཧ
   (འདས་པ་)ངས་སློབ་གྲྭར་ཕྱིན་པ་ཡིན།( མ་འོངས་པ) ང་སྒྲུང་དེབ་བཀླག་གི་ཡིན་་་་འདི་འདྲ་ཡང་བྲིས་འདུག།

7. གཟའ་མཇུག་སློབ་དེབ་དེ་གཟའ་རོ་དག་དག་གི་ལག་ལ་ཤོར་ཡིན་ས་རེད། ད་རུང་སློབ་ཕྲུག་ཚོ་གཟའ་རོ་བཟོ་འདོད་ཡིན་ས་རེད། དེ་འདྲ་ད་དཔེ་མ་རེད་པས། མི་ལོ་ལྔ་བཅུ་ལྷག་རིང་བླ་མ་དང་མི་མང་ལ
   ་དབུ་སྐོར་ཞུས་ནས་ཡོང་པ་རེད། ད་དུང་འདི་འདྲ་རེད། ད་གང་དྲག

8. གཟའ་མཇུག་སློབ་དེབ་དེ་གཟའ་རོ་དག་དག་གི་ལག་ལ་ཤོར་ཡིན་ས་རེད། ད་རུང་སློབ་ཕྲུག་ཚོ་གཟའ་རོ་བཟོ་འདོད་ཡིན་ས་རེད། དེ་འདྲ་ད་དཔེ་མ་རེད་པས། མི་ལོ་ལྔ་བཅུ་ལྷག་རིང་བླ་མ་དང་མི་མང་ལ
   ་དབུ་སྐོར་ཞུས་ནས་ཡོང་པ་རེད། ད་དུང་འདི་འདྲ་རེད།

9. རྩོམ་སྒྲིག་པ་སྣང་གསལ་བསྟན་འཛིན་ནོར་བུ་ཟེར་བ་ཁོང་གིས་བོད་ཡིག་དེ་ཙམ་ཡག་པོ་ཤེས་ཀྱི་མེད་པ་འདྲ། དེ་ནས་གཏན་འབེབས་བྱེད་མཁན་དེ་ཚོའང་ཁྱད་མཚར་རེད། སློབ་དེབ་འདི་འདྲ་ཞིག་བྱང་ཨ་རིའི་ནང་ལ་བཀྲམས་པ་ལས་མ་བཀྲམས་པ་དགའ་གི་རེད། སློབ་དེབ་ཟེར་དུས་ནོར་འཁྲུལ་མེད་པ་ཞིག་དགོས་པ་རེད། རྩོམ་སྒྲིག་པ་དང་ཤེས་རིག་ལས་ཁུངས་ཕྱོགས་གཉིས་ཀས་བྱང་ཨ་རིའི་མི་མང་ལ་ཁྱད་གསོད་དང་མཐོང་ཆུང་རེད་བསམ་པ་བྱུང་།

10. མཆན་གནང་མཁན་ཚོར་བཀའ་དྲིན་ཆེ་ཞུ།

11. སྔོན་མའི་རྣམ་དབྱེ་ཟེར་བ་འདི་ཚོ་མང་ཆེ་བ་སམ་ཀྲི་ཏའི་སྐད་དང་གཙོ་བོར་བསྟུན་ནས་བཟོས་བཞག་པ་ཡིན་ས་རེད། འདི་སམ་ཀྲི་ཏའི་སྐད་དང་རིག་གཞུང་ཡར་རྒྱས་གཏོང་བྱེད་རེད་མ་གཏོགས། བོད་སྐད་དྭངས་གཙང་ཡར་རྒྱས་གཏོང་བྱེད་ལ་ཕན་ཐོག་ཆེན་པོ་ཞིག་འདུག་གམ། དྲང་པོར་བཤད་ན་དེས་བོད་རང་གི་གཙང་མའི་མེས་སྐད་འཕེལ་རྒྱས་དང་ཡུན་གནས་ལ་ཕན་ཐོག་ཏིལ་འབྲུ་ཙམ་ཡང་མེད། མེད་པ་དངོས་སུ་མཐོང་ན་ཡང་ད་དུང་ཨུ་ཚུགས་བརྒྱབ་ནས་ཤི་འཐམ་རོ་འཐམ་བྱས་ན་དགོས་པ་ཆེན་པོ་ཞིག་ཡོད་དམ། བོད་ཕྲུག་ཤེས་འཇོན་ཅན་ཚོས་བོད་རང་གི་་ཡུལ་སྐད་ཁག་དང་གཙོ་བོར་བསྟུན་པའི་བོད་ཀྱི་ཡི་གེའི་འབྲི་སྲོལ་གསར་པ་ཞིག་གཏན་འབེབ་བྱ་དགོས་པའི་དུས་ལ་སླེབས་པ་རེད། །

12. ང་མིག་མཐོང་བྱུང་ཟེར་ན་གང་ཟེར་བ་ཡིན་ནམ། དེ འདྲའི་བོད་སྐད་ད་ལྟ་བར་དུ་ཐོས་མ་མྱོང་ལ་མཐོང་ཡང་མྱོང་། ཤེས་རིག་ལས་ཁུངས་ནང་ལ་བོད་སྐད་དེ་འདྲ་སྐྱོན་གནང་གི་ཡོད་པ་འདྲ།

13. དང་པོ་རང་ནས་རྟགས་དང་རྟེན་འབྲེལ་ཕྱུགས་འདུག་གཟའ་འཇུག་སློབ་གྲ་ཟེར་བ་ནས་ལས་འདི་འདྲ་ཞིག་མ་རྟོགས་གང་ཡོང་།དབྱིན་སྐད་ནང་(week end school)
    ཟེར་བ་དེ་བོད་སྐད་ལ་ཐད་བསྒྱུར་བྱས་པ་ཡིན་སྲིད་( week)ཟེར་བ་དེ་གཟའ་ལ་ངོས་
    ངོས་འཛིན་གནང་གི་ཡོད་ན་ལས་དེ་མིན་
    གཟའ་འཇུག་སློབ་གྲ་ཟེར་བ་ནས་སློབ་
    དེབ་ཡང་དེ་འདྲ་བོ་ཞིག་བཟོས་པ་ཡིན་ས་རེད་འདུག་།

14. ༅༅།བྱང་ཨ་རིའི་བོད་ཀྱི་སྐད་ཡིག་མ་བརླགས་པའི་ཆེད་གོ་བདེའི་ཀློག་དེབ་ཕྱོགས་བསྒྲིགས་གནང་བ་ལ་
    མི་འདོད་པའི་ངན་སྐད་མང་པོ་ཞིག་བྱས་འདུག་ཀྱང་་་་དཀའ་ངལ་སེལ་ཐབས་ཀྱི་ཕན་གྲོགས་འདི་དང་འདི་
    ཞེས་གང་ཡང་མི་འདུག་པས་་་་་མུག་རྦ་ལྡུར་རང་རེད་འདུག་་་་་་

15. ངས་སྔོན་མ་ནས་སྔོན་གྱི་མཁས་པས་བྲིས་པའི་ཡི་གེ་འབྲི་ལུགས་དང་བསྟུན་དགོས་ཞེས་བྲིས་ཤིང་། ད་ལྟར་སྐྱོན་བརྗོད་བྱེད་མཁན་ཀུན་རང་རང་སོ་སོ་ཡང་བོད་ཀྱི་སྔོན་བྱོན་མཁས་པ་རྣམས་ཀྱིས་བྲིས་པའི་ཡིག་དཔེ་དག་གི་རྗེས་སུ་འབྲང་བར་རེ་བ་བྱེད་དོ།

16. ོབོད་ནང་རྒྱ་མིའི་བོད་ཀྱི་སྐད་ཡིག་ལ་བཙན་གནོན་བཏང་བཙན་
    བྱོལ་ནང་སློབ་དེབ་བརྡ་ཆད་བཟོ་སྟངས་ལ་བལྟས་ན་བོད་མི་མང་གི་
    ལས་དབང་འདི་འདྲ་ཨ་ཡིན་ནམ་།

17. ཤེས་རིག་ལས་ཁུངས་ཀྱི་མིང་ཐོག་ནས་བཏོན་པའི་བྱང་ཨ་རིའི་བོད་ཡིག་སློབ་དེབ་ཟེར་བ་དེའི་ནང་གི་འདས་པ་དང་། མ་འོངས་པ། ད་ལྟ་བ་སོགས་ཀྱི་དཔེར་བརྗོད། དེ་བཞིན་ཤེས་རིག་ལས་ཁུངས་དང་། ཨ་རིའི་དོན་ལས་ཁུངས་ཀྱི་ལས་ཤོག་ཐོག་སྤེལ་བའི་སྔོན་གླེང་བཅས་འདྲ་དཔར་ཐོག་ཨ་རི་ནས་བཏང་འབྱོར་བྱུང་བ་ལ་བལྟས་པ་ཡིན། བསམ་བློ་ཇི་ཙམ་བཏང་ན་དེ་ཙམ་གྱིས་སྙིང་ན་བ་ཞིག་བྱུང་།

    དངོས་འབྲེལ་བོད་ཀྱི་རིག་གཞུང་དང་། བོད་མི་མང་ཁ་བྲལ་གཏོང་བའི་ལས་དོན་ཤེས་རིག་ལས་ཁུངས་ནས་བྱེད་བཞིན་པ་ཚོར་བ་ཟབ་མོ་བྱུང་།

    འགའ་ཞིག་གིས་མ་ཤེས་ནས་དེ་ལྟར་བཟོས་པ་ཡིན་པའི་བསམ་ཚུལ་ལམ་ཚོད་དཔག་བྱེད་བཞིན་འདུག་མོད། དོན་དངོས་ལ་གཏན་འབེབ་ཚོགས་མི་སུ་དང་སུ་རེད་འདུག་གཟིགས་དང་། མ་ཤེས་ནས་དེ་ལྟར་བཟོས་པ་མ་ཡིན་པར་ཤེས་བཞིན་ཆེད་དུ་དེ་ལྟར་བཟོས་པ་དེ་ཧ་ཅང་གསལ་པོ་རེད།

    བསམ་ཚུལ་ཞིབ་ཙམ་ཞིག་གང་མགྱོགས་སྤེལ་འཆར་ཡོད་ལ།

    རེ་བར་བོད་ཀྱི་སྐད་དང་ཡི་གེ་ལ་དུང་བ་ཡོད་ན་སློབ་དེབ་དེའི་ཡི་གེ་ཀློག་ཙམ་མ་ཡིན་པར་ཞིབ་གཟིགས་ཀྱིས་ཐུགས་ཁུར་ངེས་པར་གནང་རོགས་ཞུ་བ་ཡིན།

18. བོད་ཀྱི་རིག་གཞུང་ལ་དུང་པ་ཅན་ཚོས་གཟིགས་དང་། བྱང་ཨ་རིའི་བོད་ཡིག་སློབ་དེབ་གསར་པ་འདིར་འདུག་
    http://bodyiglobjong.com//doe-books/text-books/na-Textbooks/class02.pdf
    http://bodyiglobjong.com//doe-books/text-books/na-Textbooks/class01.pdf
    འདི་བོད་ཡིག་སློབ་དེབ་ཞིག་རེད་མི་འདུག ད་དུང་བོད་ཀྱི་ཁ་སྐད་སློབ་དེབ་ཞིག་ཀྱང་རེད་མི་འདུག
    འདི་འདྲའི་ཁ་སྐད་ཞིག་བོད་ལ་མེད། བྱང་ཨ་རི་ན་ཡོད་ན་ལས་བོད་ལ་མེད་ཐག་ཆོད་རེད། གང་ཟག་གསུམ་པར་སྦྱར་བའི་མིང་ཚབ་གང་ཟག་གཉིས་པར་སྦྱར་འདུག་པས་དེ་འདྲའི་སྐད་ཞིག་གང་ན་ཡོད་མ་ཤེས།
    སློབ་དེབ་དེའི་མིང་ནོར་བ་འདྲ། བོད་ཡིག་སློབ་དེབ་འདི་འདྲ་ཞིག་ཡོད་མི་སྲིད།
    བོད་ཀྱི་ཁ་སྐད་སློབ་དེབ་ཞེས་བྲིས་ན་འོ་ཙམ་རེད་མོད། འདི་ནི་བོད་ཀྱི་ཡུལ་ལུང་སུ་ཡི་ཁ་སྐད་རེད་མི་འདུག
    བོད་ཀྱི་ཕ་སྐད་དང་ཡི་གེར་དུང་བ་ཡོད་མཁན་རྣམས་ཀྱིས་ཞིབ་གཟིགས་གནང་ནས་བསམ་ཚུལ་བརྗོད་རྒྱུ་ཧ་ཅང་གལ་ཆེ། རིག་གནས་གསར་བརྗེ་སྐབས་བོད་ཡིག་བཅོས་བསྒྱུར་བྱས་པ་བོད་ཀྱི་མཁས་པ་དཔའ་བོ་བསམ་ཡོད་ཚོས་གང་གནང་ཡོད་པ་ཡིད་ལ་སེམས་བཞིན་འདིའི་རྒྱབ་ལྗོངས་ལ་དཔྱད་ཞིབ་ཟབས་མོ་བྱེད་པའི་དུས་ལ་སླེབས་འདུག

19. ་་་་་་་་་བོད་ཕྲུག་ཤེས་འཇོན་ཅན་ཚོས་བོད་རང་གི་་ཡུལ་སྐད་ཁག་དང་གཙོ་བོར་བསྟུན་པའི་བོད་ཀྱི་ཡི་གེའི་འབྲི་སྲོལ་གསར་པ་ཞིག་གཏན་འབེབ་བྱ་དགོས་པའི་དུས་ལ་སླེབས་པ་རེད། །་་་་་་ ཟེར།

20. བཙན་བྱོལ་སྤྱི་ཚོགས་ནང་གནས་ཡུལ་རྒྱལ་ཁབ་ཀྱིི་
    སྐད་ཡིག་ལ་དཔེ་བླང་ནས་མཁས་པ་ཚོའི་བོད་ཡིག་གསར་
    བཟོ་དང་བོད་ནང་རྒྱ་ནག་གི་བཙན་གནོན་འོག་བོད་ཡིག་གསར་བཟོ་བརྒྱུད་བོད་ཀྱི་ཆོས་རྒྱལ་གོང་མ་དང་ཐུན་
    མིའི་སྐུ་ངལ་འབད་བརྩོན་གནང་བའི་བོད་མི་རིགས་ཀྱིས་
    བླ་སྲོག་བོད་ཀྱི་སྐད་ཡིག་དེ་དག་ནུས་མེད་དུ་ནམ་ཡང་གཏོང་མི་ཉན་པའི་འབོད་བསྐུལ་ཞུ་འདོད་བྱུང་།

21. སློབ་མའི་ཆེད་དུ་སློབ་དེབ་བཟོ་བ་ནི་གསལ་བསྒྲགས་འབྲི་བ་དང་གཏན་ནས་མི་མཚུངས། ནག་ནོག་གིས་མ་གོས་པའི་བྱིས་པའི་སེམས་ཁམས་ལ་ཐོག་མ་ཉིད་ནས་ནོར་འཁྲུལ་གྱི་ནག་ནོག་བགོས་ཚར་ན། དེ་ནི་བསུབ་ཏུ་མེད་པ་ལྟ་བུ་ཞིག་ཡིན། ང་སློབ་ཆུང་དུ་ཡོད་པའི་སྐབས་སུ། དགེ་རྒན་གྱིས་གཟབ་ནན་གནང་བ་ནི། གང་བསླབས་པ་དེ་ནོར་འཁྲུལ་མེད་པ་ཞིག་གནང་རྒྱུ་དེ་རེད།
    བཙན་བྱོལ་འདིར་རྟ་ལམ་བོང་བུས་བཀག་སྟེ་ནོར་འཁྲུལ་རྐྱང་བསླབས་པ་དང་། ད་དུང་ཡང་མུ་མཐུད་ནས་འདི་ལྟར་གནང་དོན་ཅི་ཡིན་ནམ། ཚང་མ་ལྐུགས་པ་རྐྱང་བཟོ་འདོད་ཡོད་དམ། ཡང་ན། བྱིས་པ་དང་བོད་ཀྱི་ཤེས་རིག་གཉིས་ལ་མཐོང་ཆུང་བྱས་པ་ཡིན་ནམ། གང་ལྟར། སྙིང་ཁམས་ཅན་ཤ་སྟག་རེད་སྙམ། མི་ཤེས་ན་མི་ཤེས་ཞེས་ཤོད་དང་། ཤེས་མཁན་མང་། རྒྱ་གར་ན་ཡོད་ལ། ཕྱི་རྒྱལ་དུའང་ཡོད། ད་ཐེངས་ནོར་འཁྲུལ་འདི་ལྟ་བུ་རང་དགར་མི་གཏོང་ཐག་ཆོད་ཡིན། གང་མགྱོགས་ཡོ་བསྲང་མ་གནང་ཚེ། རེ་རེ་བཞིན་ཐེར་འདོན་བྱས་ཏེ་དེ་མིན་འདི་མིན་ཞིག་མ་བྱས་ན་ང་བུ་མིན།

22. རྩོམ་ཡིག་འདི་བྲིས་པར་རྫ་ཚེ་ལ་བསྟོད་བསྔགས་ལན་སྟོང་འབུལ།།།།།

23. གོང་དུ་རྩོམ་ཡིག་སྤེལ་ཚོར་ཡི་རང་ཡོད་མོད། སློབ་དེབ་ལ་བཤད་ས་ན་རང་གིས་གད་སྙིགས་མང་པོ་གཏོར་བཞག དེ་ཚོ་གཙང་དག་བྱས་ན་བཟང་། ལར་བོད་སྐད་མི་ཤེས་པའི་བྱིས་པ་འགའི་ཆེད་དུ་བོད་ཀྱི་ཁ་སྐད་སྦྱོང་དེབ་ཅིག་བཟོས་པར་རྙོག་ཟིང་དེ་འདྲ་དགོས་དོན་ཡོད་ན།

24. རྒྱུ་མཚན་མ་ཤེས་གོང་མེ་མདའ་འཕེན་གྱི་དམག་མི་དེ་ནི་ཐ་དམག་མི་ཚད་མཐོ་དམན་ག་འདྲ་ཞིག་ཡིན་མིན་སོམས་ཤིག

25. ད་རེས་ཤེས་རིག་ལྷན་ཁང་ནས་བསྐྱར་བཅོས་མ་བྱས་བར་དུ་ངོ་རྒོལ་ཡོད།

26. སྔ་མ་སྔོན་གྱི་དུས་ཤིག་ལ། །
    འབྲུག་པའི་རྫོང་ཁ་དཔེར་བླངས་ནས། །
    ལ་དྭགས་ཡུལ་སྐད་ཡི་གེར་བྲིས། །
    དེ་ལ་མང་པོས་དགག་པ་བྱས། །

    ལ་དྭགས་པས་འབྲུག་པ་ནས་དཔེ་བླངས་ནས། ཁ་སྐད་དུ་བྲིས་པ་ཞིག་གཏན་ནས་མ་ཡིན། སློབ་སྦྱོང་དཔེ་ཆར་ལྟ་མ་མྱོང་བ་ཞིག་གིས་ཁ་ནས་གང་འཐོན་པ་དེ་ཡི་གེར་འབྲི་ན། གོ་སླ། འོན་ཀྱང་སློབ་སྦྱོང་ཡོད་པའི་རྟགས་སུ་ས་པཎ་སོགས་ཀྱིས་བྲིས་པའི་ཡི་དཔེའི་རྗེས་སུ་འབྲང་དགོས། ཐེངས། དགོང་དྲོ། འདང། ངོ་མ། ཞེ་སའི་ལགས་ལ་སོགས་པ་མ་དག་རྒྱུནའབྱམས་སུ་སོང་བ་དག་ཡིག་སྐད་དུ་ཡི་གེ་དག་པར་ཁས་ལེན་ནམ།

    ཆོལ་གསུམ་སྐད་ཀྱི་གཅིག་གྱུར་མེད། །ཅེས་པ་ཆོལ་ཁ་གསུམ་ཞེས་པ་དེ་ཡི་གེ་དག་འདུག་གམ། སོག་པོས་བོད་ལ་དབང་སྒྱུར་བའི་སྐབས་སུ་སོག་པོ་ཞིག་གིས། ཕྱོགས་ཁག ཅེས་པ་ལེགས་པར་འབྲི་མ་ཐུབ་པར་ཆོལ་ཁ་ཆགས། ལ་དྭགས་པ་ཞིག་གིས་ཁ་འཆལ་ཆོལ་ཞིག་ལ་ཆོལ་ཁ་ཟེར་རོ་སྙམ།

27. བོད་ཡིགབོད་མཁས་པས་བྲིས་པ་ལྟར་་དག་པར་འདོད་མཁན་དག་གིས་གནས་ཚུལ་འདི་མཁྱེན་དགོས་ཏེ། ཕལ་ཆེར་ལོ་ངོ་ཙམ་སྔོན་དུ། ལ་དྭགས་མི་མངས་ལ་ཞབས་ཏོག་ཞུ་བ་པོ་སེཀ་མོལ་དབང་ཕྱུག་གིས་ལ་དྭགས་གླེའི་རྒྱ་སྐོར་གྱི་ཕལ་སྐད་དུ་བྲིས་པའི། ལ་དྭགས་མེ་ལོང་། ཞེས་པའི་དུས་དེབ་ཅིག་༧གོང་ས་སྐྱབས་མགོན་མཆོག་ལ་ཕུལ་པ་ན། ༧གོང་ས་སྐྱབས་མགོན་མཆོག་གིས་འདི་ལ་གོ་རྒྱུ་ཞིག་གང་ཡང་མི་འདུག ཅེས་གསུངས་པའི་ལན་དུ། དབང་ཕྱུག་གིས། ང་ཚོ་ལ་རེད་མ་རེད། ཟེར་བ་ལ་ཡང་གོ་རྒྱུ་མི་འདུག ཅེས་པ་ཐོས་པ་ཙམ་ཡིན། བདེན་མིན་མི་ཤེས་སོ།

28. མཁས་པའི་མཁས་རྩལ་འདོན་ས་སློབ་དེབ་མིན་།
    མཁས་པའི་ཉམས་མྱོང་བསོག་ས་སློབ་དེབ་མིན་།
    མཁས་པའི་ལྟོ་གོས་འཚོལ་ས་སློབ་དེབ་མིན་།
    མཁས་པའི་མིང་གྲགས་བཟོ་ས་སློབ་དེབ་མིན་།

29. ་་་་་་་་སོག་པོ་ཞིག་གིས། ཕྱོགས་ཁག ཅེས་པ་ལེགས་པར་འབྲི་མ་ཐུབ་པར་ཆོལ་ཁ་ཆགས། ་་་་་་་་ འདི་བདེན་འདྲ་འདུག ངས་སོག་པོ་ངོ་ཤེས་ཚོར་ཆོལ་ཁ་ཞེས་པ་སོག་སྐད་དུ་ཡོད་དམ། ཞེས་དྲིས་དུས་དེ་ལྟར་མེད་ཅེས་ལན་འདེབས།

30. དེ་ལྟར་ན། སོག་སྐད་ཡོད་པ་ཨ་ཅོར་དང་། ཨམ་ཆི་གཉིས་ལས། ཆོལ་ཁ་ཞེས་པ་འདི་ཕྱོགས་ཁག་གི་མ་དག་རྒྱན་འབྱམས་སུ་སོང་བའི་བོད་སྐད་ཅིག་ཡིན་པ་རེད། འདིས། བོད་སྤྱི་སྐད་ཁ་སྐད་ཀློག་དེབ་ཅིག་ངེས་པར་དགོས་ཀྱང་། དེའི་དག་ཆ་འབྲི་སྟངས་ལ་བསམ་བློ་མང་པོ་བཏང་ནས་གཏན་འབེབས་བྱེད་དགོས་སོ་སྙམ་ལགས།། །།

31. སིག་པོའི་སྐད་ཕྲེ་ཝན་ཕྲེ་ཀྱག་།
    སོག་ཞ་།
    སོག་བཅིང་།
    གཡང་གྲི་།
    ཆོལ་ཁ་-དུམ་བུར་བགོས་པའི་དོན་།
    ཧཧཧ བོད་མི་རིགས་ཀྱི་ལས་དབང་མགོ་འདྲེན་རིང་
    ལུགས་མཁས་པའི་ཚོགས་།
    ཞི་བའི་མི་མང་ཡ་རེ་ང་།

32. སོག་པོའི་འཐོམ་ཞ་བོད་མིའི་གྱོན་།
    ཆོལ་ཁའི་གོ་དོན་དུམ་བུར་བཏང་།
    བོད་འབངས་ཆིག་བསྒྲིལ་ཉམས་དུ་བཅུག་།
    ཆོལ་ཁའི་ཐ་སྙད་དོར་མི་ཐུབ་།
    སོག་ངན་གྱི་ཆབ་སྲིད་གཏིང་བརྣག་རེད་།
    བོང་འབངས་འཐོམ་ནས་འཐོམ་ཞ་གྱོན་།
    སོག་པོའི་ཆབ་སྲིད་ཀྱི་འཐོམ་ཞ་།
    རྒྱ་ཡིའི་བཙན་གནོན་གྱི་གནོན་ཞ་།
    བོད་མིའི་མགོ་ལ་ལྐོན་འདུག་།

33. ༅༅། ང་ནི་ད་ལྟ་མི་ཡུལ་ས་མཐའི་གྲོང་ན་ཡོད། གཉེན་སྤུན་སུ་ཡང་མེད་པའི་གྲོང་སྡེ་ཞིག་ན་ཡོད།
    བྱམས་ལྡན་ཕ་མ་ཅི་འདྲའི་དྲན་པ་ལ། ཕ་ཡུལ་གངས་ཅན་དེ་འདྲའི་དྲན་པ་ལ།
    རྩ་བའི་བླ་མ་ཅི་འདྲའི་དྲན་པ་ལ། ཆོལ་གསུམ་སྤུན་ཟླ་དེ་འདྲའི་དྲན་པ་ལ།
    སྔོན་བསགས་ལས་དབང་བཙན་པོའི་དྲན་དུ་བཅུག་

34. སློབ་བཟང་སངས་རྒྱས་སྲིད་སྐྱོང་ལ་ཐོག་མར་བསྡད་པའི་སྐབས་སུ་སྲིད་སྐྱོང་བྱ་དགའ་སྤྲོད་ཁོངས་ནས་བོད་ཡིག་རྒྱང་ཕུད་བཏང་སོང་།

    ད་རེས་ཡང་བསྐྱར་མི་དབང་སྲིད་སྐྱོང་ཁོང་དང་། ཤེས་རིག་དྲུང་ཆེ་ངག་དབང་རབ་རྒྱས། བཙན་བྱོལ་བོད་མིའི་ཤེས་ཡོན་ལྷན་ཚོགས་ཀྱི་འགན་འཛིན་ཚེ་རིང་བསམ་འགྲུབ་གསུམ་གྱིས་ཕྱི་དྲིལ་ལྷག་པ་ཚེ་རིང་ཚོགས་ཁང་དུ་དངོས་སུ་དབུ་འབྱེད་གསལ་བསྒྲགས་གནང་བའི་སློབ་དེབ་དེ་བོད་ཕྱི་ནང་ཀུན་གྱི་བོད་ཡིག་ལ་སེམས་གཏིང་ནས་དུང་བ་ཡོད་མཁན་ཚོར་བློ་ཕམ་ཚད་མེད་སྐྱེ་བྱེད་ཅིག་ཆགས་སོང་།

    གོང་རིམ་དུ་བཞུགས་མཁན་ཚོར་ད་དུང་གྲགས་འགུལ་ཅི་ཡང་མེད་ཚོད་ལ་བལྟས་ན། བོད་ཀྱི་ཆོས་དང་རིག་གཞུང་སྐད་ཡིག་བཅས་ཀྱི་རིན་ཐང་དང་དར་རྒུད་ལ་ཚོར་བ་གཏན་ནས་མེད་པ་འདྲ་ཨང་།

35. ཀ་ཞབས་ཀ་རྡོ་མེད་པའི་ཀ་ཁའི་སློབ་དེབ།།ཁ་ལ་གང་གོམས་བཤད་པའི་ཁ་སྐད་སློབ་དེབ།།ག་ལེར་བསམ་ན་ཀ་ཞབས་ཆུ་བཙུགས་འདྲ།།ང་དང་ཁྱོད་ཀྱི་བུ་ལ་ཕན་ལས་གནོད་སྲིད།།

36. དེ་སྔ་ས་སྐྱ་ལེགས་བཤད་དབྱིན་འགྱུར་མ་ཞིག་བཀླགས་པ་ཡིན། སྔོན་འགྲོའི་གཏམ་ཡག་པོ་ཞིག་བྲིས་འདུག དེ་འབྲི་མཁན་རྒན་ལ་དྭགས་པ་བློ་བཟང་འཇམ་དཔལ་ལགས་རེད། དེ་ནས་ལེགས་བཤད་ཀྱི་འགྱུར་དང་མ་ཡིག་གཉིས་བཀླགས་རྗེས་དབྱིན་འགྱུར་གྱི་སྐྱོན་མི་ཉུང་བ་ཞིག་རྙེད་བྱུང་། རྒན་ཁོང་ནི་མཁས་བ་ཆེན་པོ་རེད། འོན་ཀྱང་བསྒྱུར་མཁན་གྱིས་གཞུང་གི་གོ་དོན་ཡག་པོ་ཞིག་རྟོགས་མི་འདུག རྗེས་ཕྱོགས་ཁོམ་པ་ཡོད་དུས་རེ་རེ་བཞིན་དྲ་ངོས་སུ་སྤེལ་རྩིས་ཡོད།

37. ངས་ མདང་ ཕྱིན་པ་ཡིན།
    ངས་ དེ་རིང་ འགྲོ་བགྱིད་ ཡོད།
    ངས་ སང་ཉིན་ འགྲོ་བགྱི་ ཡིན།
    ་
    ཞེས་ཡིག་ཐོག་དགོས་འདུག་ཀྱང་།
    ་
    ང་ མདང་ ཕྱིན་པ་ཡིན།
    ང་ དེ་རིང་ འགྲོ་བགྱིད་ ཡོད།
    ང་ སང་ཉིན་ འགྲོ་བགྱི་ ཡིན།
    ་
    ངག་ཐོག་ཏུ་བབ་ས་འདི་རང་རེད་དོ།།