འདྲེ་གླེན་པས།
ཉིས་སྟོང་ཉི་ཤུ་ལོའི་་སྲིད་སྤྱི་འོས་བསྡུ་ཆེན་མོར་མཉམ་ཞུགས་བྱས་པའི་བར་སྐབས་ཀྱི་ཚིགས་སུ་བཅད་པ་བྱེའུ་ཆུང་དགུན་མགུར་མ་བཞུགས་སོ།།
༡༽
སྟོན་གྱི་ལོ་མ་འཐོར་ཡང་།།
བྱེའུ་ཆུང་ཚང་ལ་མ་འཕུར།།
ང་ནི་སྡོང་བོའི་འགྲམ་དུ།།
ད་དུང་སྐྱོ་རྒྱུ་མ་བྱུང་།།
ཁ་བ་ཐེངས་གཅིག་འབབ་ཆོག།
རླུང་འཚུབ་ཐེངས་གཅིག་གཡུག་ཆོག།
དཔྱིད་ཀྱི་དཔལ་ཡོན་དྲན་པས།།
གཤོག་པ་རྒྱང་ལ་བསྐྱང་ཆོག།
༢༽
རི་ནི་བྲག་རི་ཡིན་ཆོག།
ལམ་ཡང་རྫ་ལམ་ཡིན་ཆོག།
ཤྭ་བ་ཆུ་འཐུང་ཞིག་ལ།།
སྐྱོ་བའི་གཞས་ཤིག་འཐེན་པས།།
རི་སྤྱང་དར་མ་ཞིག་གིས།།
མཛའ་བའི་ལག་གཡུག་བྱས་ཀྱང་།།
ང་རང་རྩྭ་གཟན་ཡིན་པ།།
སེམས་ནས་བརྗེད་རྒྱུ་མ་བྱུང་།།
7/11/20 མཚན་མོར་ལྷོ་ཤར་ཨེ་ཤ་ཡའི་སྤྱི་འཐུས་འོས་མི་ཤེལ་དགེ་འདུན་ཚེ་རིང་ངམ་འདྲེ་གླེན་པས།