སྨན་པ་གཡང་འབུམ་རྒྱལ་གྱིས་བསྒྱུར།
༡། ཅི་ཞིག་ལ་ཀན་སར་ཟེར།
ཀན་སར་(འདི་ལ་བོད་སྨན་དུ་འབྲས་ནད་ཟེར)ནི་ནད་རིགས་མང་པོར་འབྲེལ་བ་ཡོད་པ་ཞིག་ཡིན། ཀན་སར་ཚང་མ་དང་པོ་ལུས་པོའི་དབང་རྟེན་དང་ཕྲུང་གྲུབ་ཆགས་བྱེད་ཀྱི་ཕྲ་ཕུང་ངམ་སལ་cellནས་མགོ་རྩོམ་གྱི་ཡོད། དབང་རྟེན་དང་ཕུང་གྲུབ་སྲ་བརྟན་ཅན་གྱི་ནང་ལོགས་ནས་སྐྱེས་པའི་ཀན་སར་ལ་སྐྲན་སྲ་མཁྲེགས་ཅན་ཟེར་ཞིང་། ཁྲག་གཤེར་གྱི་ཕྲ་ཕུང་ནས་གྲུབ་པའི་ཀན་སར་ལ་ལིའུ་ཀེ་མི་ཨ་ leukemia ཁྲག་འབྲས་དང་སྣེ་མང་སྨེ་ལོ་སྨ myeloma ཞེས་རུས་རྐང་འབྲས་ནད་ཡང་ན་ལིམ་ཧྤོ་སྨ་lymphoma ཞེས་རྨེན་བུའི་འབྲས་ནད་ཟེར་གྱི་ཡོད།
སྤྱིར། ཕྲ་ཕུང་རྣམས་གཟུགས་པོའི་དགོས་མཁོ་ལྟར་ཆེར་སྐྱེད་ནས་མང་དུ་འཕེལ་གྱི་ཡོད། ཕྲ་ཕུང་རྣམས་རིམ་བཞིན་རྙིང་པ་ཆགས་ཏེ་ཤི་འགྲོ་བ་དང་དེ་བཞིན་ཕྲ་ཕུང་གསར་པས་ཤི་ཚར་པའི་ཚབ་བྱེད་པ་ཡིན། གཟུགས་པོ་ལ་དགོས་མཁོ་མེད་ཀྱང་ཕྲ་ཕུང་གསར་པ་རང་བཞིན་གྱིས་འཚར་སྐྱེ་བྱེད་པ་དང་ཕྲ་ཕུང་རྙིང་པ་ཤི་དགོས་ཀྱང་མ་ཤི་བར་སྡོད་ཀྱི་ཡོད།
ཕྲ་ཕུང་རྙིང་པའམ་འཐོལ་བ་དེ་དག་གིས་ཕུང་གྲུབ་རྡོག་པོ་སྐྱེ་བར་བྱེད་པས་དེར་འབུར་རྡོག་གམ་སྐྲན་ཞེས་ཟེར། སྐྲན་རྣམས་ཀན་སར་ཡིན་པ་དང་མིན་པ་གཉིས་ཀ་ཡོད། ཀན་སར་མིན་པའི་སྐྲན་ནི་གཟུགས་པོའི་གནས་གཞན་པ་ལ་ཁྱབ་མི་འགྲོ་བར་གནས་གཅིག་ཏུ་སྡོད་ཅིང་སྲོག་ལ་ཉེན་ཁ་དེ་ཙམ་མེད། ཀན་སར་ཡིན་པའི་སྐྲན་ནི་གཟུགས་པོའི་གནས་གཞན་ལ་ཁྱབ་འགྲོ་བ་དང་སྲོག་ལ་ཉེན་ཁ་ཡོད་སྲིད།
༢། ཅི་ཞིག་ལ་ཐོག་མའི་ཀན་སར་ primary cancerཟེར།
ཀན་སར་ནི་གཟུགས་པོའི་ཆ་ཤས་དང་དབང་རྟེན་གང་རུང་ཞིག་ཏུ་སྐྱེ་ཐུབ། ཐོག་མའི་སྐྲན་རྡོག་དེ་ལ་ཐོག་མའི་ཀན་སར་རམ་ཐོག་མའི་སྐྲན་ཟེར། གཟུགས་པོའི་གནས་གང་དུ་ཡོད་པ་དང་ཕྲ་ཕུང་རིགས་གང་ཞིག་ནས་སྐྱེས་པ་ཡིན་མིན་ལ་བརྟེན་ནས་མིང་འདོགས་བྱེད་ཀྱི་ཡོད།
༣། ཅི་ཞིག་ལ་བྱེར་འགྲམས་ཀན་སར་ཟེར་རམ། དེ་ཇི་ལྟར་འབྱུང་ངམ།
བྱེར་འགྲམས་ཀན་སར་ཟེར་དོན་ནི་ཀན་སར་ལུས་ཀྱི་གནས་གཞན་ལ་བཀྲམ་པ་ལ་གོ་དགོས། ཀན་སར་ཕྲ་ཕུང་རྣམས་ཐོག་མའི་སྐྲན་རྡོག་ནས་ཁ་གྱེས་ཏེ་ཁྲག་དང་རྨེན་བུའི་ཁྱབ་ཁོངས་ནང་དུ་འགྲོ་འཛུལ་བྱེད་ཀྱི་ཡོད(ཕྲ་ཕུང་བཟོ་འདོན་དང་ཉར་སྲུང་། སྐྱེལ་འདྲེན་བྱས་ཏེ་གཉན་ཚད་མི་ཆགས་པར་འགོག་སྲུང་བྱེད་པའི་མ་ལག་ཅིག་ཡིན)། དེ་ལྟར་ཀན་སར་ཕྲ་ཕུང་རྣམས་ལུས་པོའི་གནས་གཞན་ལ་མཆེད་པའམ་བྱེར་འགྲོ་ཡི་ཡོད།
ཀན་སར་ཕྲ་ཕུང་དབང་རྟེན་གཞན་ཞིག་ཏུ་ཁྱབ་སྟེ་དེར་སྐྲན་གསར་པ་ཞིག་ཆགས་སྐབས། སྐྲན་གསར་པ་དེ་ནི་བྱེར་འགྲམས་ཀན་སར་ཡིན། བྱེར་འགྲམས་ཀན་སར་ནང་གི་ཕྲ་ཕུང་རྣམས་ཐོག་མའི་སྐྲན་རྡོག་ནས་བྱུང་བ་ཡིན་པས། དཔེར་ན། ནུ་མའི་ཀན་སར་གློ་བའི་ནང་དུ་ཁྱབ་ཚེ། གློ་བའི་ནང་གི་བྱེར་འགྲམས་ཀན་སར་ནི་གློ་བའི་ཕྲ་ཕུང་ནས་བྱུང་བ་མ་ཡིན་པར་ཀན་སར་ཅན་གྱི་ནུ་མའི་ཕྲ་ཕུང་ནས་བྱུང་བ་ཡིན། འདི་ལྟར་གློ་བའི་ནད་འདི་གློ་བའི་ཀན་སར་མིན་པར་བྱེར་འགྲམས་ཅན་གྱི་ནུ་མའི་ཀན་སར་ཡིན། ཆེ་མཐོང་ཕྲ་ཤེལ་འོག་ནས། བྱེར་འགྲམས་ཅན་གྱི་ནུ་མའི་ཀན་སར་གྱི་ཕྲ་ཕུང་དེ་དག་ནུ་མ་རང་དུ་ཡོད་པའི་ཀན་སར་གྱི་ཕྲ་ཕུང་རྣམས་དང་འདྲ་བོ་ཡོད།
༤། ཀན་སར་ལུས་གནས་གང་དང་གང་ལ་བྱེར་འགྲོ་ཡི་ཡོད་དམ།
ཀན་སར་ཕྲ་ཕུང་རྣམས་ལུས་ཀྱི་གནས་གང་སར་ཁྱབ་སྟེ་འགྲོ་ཐུབ། ཀན་སར་ཕྲ་ཕུང་རྣམས་ཡང་ནས་ཡང་དུ་ཐོག་མའི་སྐྲན་གྱི་ཉེ་འཁོར་དུ་ཡོད་པའི་རྨེན་བུ་ཁག་ལ་(རྡོག་པོ་རིལ་རིལ་ཡིན་པའི་ཤ་ཤ་རྨེན་བུ) ཁྱབ་འགྲོ་བ་ཡིན། འདི་ལ་རྨེན་བུ་དང་འབྲེལ་བའི་ནད་དམ་ཉེ་གནས་ཀྱི་ནད་ཟེར། ཀན་སར་དེ་ཐོག་མའི་ཀན་སར་གྱི་རང་གནས་ལས་ཐག་རིང་བའི་དབང་རྟེན་དང་རྨེན་བུ་ཁག་ལ་ཁྱབ་ཡོད་ཚེ་བྱེར་འགྲམས་ཀན་སར་ཞེས་འབོད། འདི་ལ་སྨན་པ་ཚོས་མཚམས་རེར་རིང་གནས་སམ་ཐག་རིང་ཀན་སར་ཞེས་ཟེར།
མཁྲེགས་གཟུགས་ཅན་གྱི་རྒྱུན་མཐོང་བྱེར་འགྲམས་ཀན་སར་འབྱུང་ཡུལ་ནི་གློ་བ་དང་རུས་པ། མཆིན་པ། ཀླད་པ་བཅས་ཡིན། ཀན་སར་ཁ་ཤས་ལུས་གནས་ག་ས་གང་སུ་མ་ཡིན་པར་གནས་བྱེ་བྲག་ལ་མ་གཏོགས་ཁྱབ་ཀྱི་མེད། དཔེར་ན། གློ་བའི་ཀན་སར་དེ་ཀླད་པ་དང་རུས་པ་ཁོ་ནར་ཁྱབ་པ། ལོང་གའི་ཀན་སར་ནམ་རྒྱུན་མཆིན་པ་གཅིག་པུར་ཁྱབ་པ། སྐྱེས་པ་ཕོའི་བསམ་སེའུ་ཀན་སར་དེ་རུས་པ་ལ་ཁྱབ་པ། ནུ་མའི་ཀན་སར་སྤྱིར་བཏང་རུས་པ་དང་གློ་བ། མཆིན་པ། ཀླད་པར་ཁྱབ་པ་ལྟ་བུ་ཡིན། ཡིན་ནའང་ཀན་སར་འདི་དག་ལུས་ཀྱི་གནས་གཞན་ལ་ཡང་ཁྱབ་ཐུབ་པ་ཡིན།
ཁྲག་གི་ཕྲ་ཕུང་རྣམས་ལུས་ཡོངས་ལ་འཁོར་རྒྱུགས་བྱེད་ཀྱི་ཡོད་པས། ལིའུ་ཀེ་མི་ཨ་དང་སྣེ་མང་སྨེ་ལོ་སྨ། ཡང་ན་ལིམ་ཧྤོ་སྨ་ཀན་སར་གྱི་ཕྲ་ཕུང་རྣམས་ཀན་སར་ཡོད་པར་བརྟག་དཔྱད་ངོས་འཛིན་བྱེད་སྐབས་ལུས་གནས་གཅིག་ཏུ་འདུས་སྡོད་བྱེད་ཀྱི་མེད། སྐྲན་རྡོག་གི་ཕྲ་ཕུང་རྣམས་ཁྲག་དང་རྨེན་བུ་རེ་ཟུང་། མཆིན་པའམ་རུས་པ་ལྟ་བུའི་ལུས་གནས་གཞན་ནས་རྙེད་ཐུབ། བྱེར་འགྲམས་འགྲོ་སྟངས་འདི་རིགས་ལ་བྱེར་འགྲམས་ཀན་སར་ཞེས་མི་འབོད།
༥། བྱེར་འགྲམས་ཀན་སར་ལ་ནད་རྟགས་ཡོད་དམ།
བྱེར་འགྲམས་ཀན་སར་ཡོད་པའི་མི་སྐོར་ཞིག་ལ་ནད་རྟགས་ཅི་ཡང་མེད་མོད། གློག་པར་དང་བརྟག་དཔྱད་གཞན་པ་བྱེད་སྐབས་བྱེར་འགྲམས་ཀན་སར་ནད་ཡོད་པ་ཤེས་ཀྱི་ཡོད།
བྱེར་འགྲམས་ཀན་སར་གྱི་ནད་རྟགས་ཐོན་སྐབས། ནད་རྟགས་དང་དེ་མངོན་ཚུལ་གྱི་ཐེངས་གྲངས་གཉིས་བྱེར་འགྲམས་ཀན་སར་གནས་གང་དུ་བཀྲམས་ཡོད་མེད་དང་དེའི་ཆེ་ཆུང་ལ་རག་ལས་ཡོད། དཔེར་ན། རུས་པར་ཀན་སར་བཀྲམས་ཡོད་ཚེ་ན་ཟུག་སློང་ཞིང་རུས་ཁོག་ཆག་གས་ཐེབས་པ་བྱེད་ཐུབ། ཀླད་པར་བྱེར་བའི་ཀན་སར་གྱིས་མགོ་ནད་དང་གཟའ་གྲིབ། ལུས་སེམས་བརྟན་པོ་མེད་པའི་ནད་རྟགས་འདྲ་མིན་སྟོན་གྱི་ཡོད། དབུགས་བརྩེགས་པའི་ནད་རྟགས་ཡོད་ཚེ་ཀན་སར་གློ་བར་སླེབས་པ་མཚོན་གྱི་ཡོད། གྲོད་ཁོག་སྦོས་པའམ་མཁྲིས་པ་ཤ་སེར་མིག་སེར་ནད་རྟགས་ཡོད་ཚེ་ཀན་སར་མཆིན་པར་ཁྱབ་ཡོད་པ་མཚོན་གྱི་ཡོད།
མཚམས་རེར་མི་ཞིག་གི་ཐོག་མའི་ཀན་སར་དེ་བྱེར་འགྲམས་ཀན་སར་གྱི་ནད་རྟགས་སླེབ་ཚར་བའི་རྗེས་ནས་བརྟག་དཔྱད་ངོས་འཛིན་བྱེད་པ་ཡང་ཡོང་གི་ཡོད། དཔེར་ན། སྐྱེས་པ་ཞིག་ལ་བསམ་སེའུ་ཀན་སར་དེ་དཔྱི་རུས་ལ་བཀྲམས་ཚར་ཡོད་ཚེ་བསམ་སེའི་ནང་དུ་ཡོད་པའི་ཐོག་མའི་ཀན་སར་གྱིས་ནད་རྟགས་ཅི་ཡང་མ་ཐོན་གོང་རྐེད་པར་ན་ཟུག་གཏོང་བ་ཡིན།
༦། སྨན་པས་ཐོག་མའི་ཀན་སར་དང་བྱེར་འགྲམས་ཀན་སར་གཉིས་ཇི་ལྟར་ངོས་འཛིན་བྱེད་ཀྱི་ཡོད་དམ།
ཐོག་མའི་ཀན་སར་དང་བྱེར་འགྲམས་ཀན་སར་ཡིན་མིན་ངོས་འཛིན་ཐག་གཅོད་བྱེད་པར། ནད་ཁམས་ཆེད་མཁས་སྨན་པ་ཞིག་གིས་ཕྲ་མཐོང་ཆེ་ཤེལ་འོག་ནས་སྐྲན་གྱི་དཔེ་མཚོན་ཆ་ཤས་ལ་བརྟག་དཔྱད་བྱེད་ཀྱི་ཡོད། སྤྱིར་དབང་རྟེན་གང་ཞིག་ཏུ་ཀན་སར་སྐྱེས་ཡོད་པའི་ཕྲ་ཕུང་དེ་གནས་དེར་ཡོད་པའི་ཕྲ་ཕུང་ངོ་བོ་ལས་འགྱུར་ཏེ་ཡོད། དམིགས་བསལ་བརྟག་དཔྱད་ཡོ་ཆས་བེད་སྤྱོད་ཀྱིས་ནད་ལུགས་ཆེད་མཁས་སྨན་པས་ཀན་སར་ཕྲ་ཕུང་དེ་གང་ནས་ཡོང་བ་བཤད་ཐུབ་ཀྱི་ཡོད། ཀན་སར་གྱི་ཕྱི་ནང་གཉིས་ནས་རྙེད་པའི་དན་རྟགས་དང་ཨན་ཊི་ཇིན་antigenདེས་ཐོག་མའི་ཀན་སར་དེ་གནས་གང་ཡོད་པ་སྟོན་ཐུབ།
བྱེར་འགྲམས་ཀན་སར་དེ་ཐོག་མའི་ཀན་སར་གྱི་སྔོན་དང་དང་ཡང་ན་དུས་མཉམ་དུ་རྙེད་ཐུབ་ལ། ཡང་ན་ཟླ་ངོ་ཁ་ཤས་དང་ལོ་ངོ་ཁ་ཤས་ཀྱི་རྗེས་ནས་མ་གཏོགས་མི་ཤེས། ཀན་སར་གྱི་སྨན་བཅོས་བྱས་ཚར་བའི་ནད་པ་ཞིག་ལ་སྐྲན་གསར་པ་ཡོད་པ་རྙེད་ཚེ་མང་ཆེ་བ་བྱེར་འགྲམས་ཀན་སར་ཡིན་པ་ལས་ཐོག་མའི་ཀན་སར་མིན།
༧། ཐོག་མའི་ཀན་སར་མེད་པར་བྱེར་འགྲམས་ཀན་སར་འབྱུང་སྲིད་དམ།
འབྱུང་མི་སྲིད། བྱེར་འགྲམས་ཀན་སར་དེ་རྒྱུན་དུ་ལུས་གནས་གཞན་ཞིག་གི་ཀན་སར་ཕྲ་ཕུང་ནས་སྐྱེ་འཕེལ་འགྲོ་གི་ཡོད། ཀན་སར་ནད་གཞི་མང་ཆེ་བར། བྱེར་འགྲམས་ཀན་སར་ཡོད་པ་ཤེས་ཚོར་བྱུང་བ་དང་ཐོག་མའི་ཀན་སར་དེ་ཡང་རྙེད་ཀྱི་ཡོད། ཐོག་མའི་ཀན་སར་དེ་ཚོད་ལྟ་ཁང་གི་བརྟག་དཔྱད་དང་གློག་པར། ཐབས་ལམ་གཞན་དག་བརྒྱུད་ནས་ཐོག་མའི་ཀན་སར་འཚོལ་ཐབས་ངོས་འཛིན་བྱེད་དགོས། ཡིན་ནའང་ནད་པ་ཉུང་ཤས་ཤིག་ལ། བྱེར་འགྲམས་ཀན་སར་ཡོད་པ་ངེས་རྙེད་བྱུང་རུང་བརྟག་དཔྱད་ཇི་འདྲ་བྱས་རུང་ཐོག་མའི་ཀན་སར་མི་རྙེད་པ་ཡང་ཡོང་གི་ཡོད། ནད་ལུགས་ཆེད་མཁས་སྨན་པས་སྐྲན་རྡོག་དེ་བྱེར་འགྲམས་ཀན་སར་ཡིན་པ་ཤེས་ཀྱི་ཡོད། གང་ཡིན་ཟེར་ན་སྐྲན་རྡོག་ཡོད་པའི་དབང་རྟེན་ནང་གི་ཕྲ་ཕུང་དེ་ཕྲ་ཕུང་གཞན་དང་མི་འདྲ་བ་ཡོད། སྨན་པ་ཚོས་ཐོག་མའི་ཀན་སར་སྐོར་ཤེས་རྟོགས་མེད་པའམ་ཡང་ན་གབ་པ་ཡིན་པ་དང་། ནད་པར་ཐོག་མའི་འབྱུང་ཁུངས་མི་ཤེས་པའི་ཀན་སར་ཞེས་འགྲེལ་བརྗོད་བྱེད་ཀྱི་ཡོད། བརྟག་དཔྱད་བྱེད་ཐབས་ནི་ཉིན་རེ་བཞིན་ཡར་རྒྱས་འགྲོ་བཞིན་ཡོད་པར་བརྟེན་ཐོག་མའི་འབྱུང་ཁུངས་མི་ཤེས་པའི་ཀན་སར་ནད་པའི་གྲངས་འབོར་ཉུང་ནས་ཉུང་དུ་འགྲོ་བཞིན་ཡོད།
༨། བྱེར་འགྲམས་ཀན་སར་ནད་ལ་བཅོས་ཐབས་ཅི་ཞིག་ཡོད་དམ།
ཀན་སར་དེ་གནས་གཞན་ལ་བཀྲམས་ཡོད་སྐབས། རྫས་སྦྱོར་བཅོས་ཐབས་དང་འོད་འགྱེད་བཅོས་ཐབས། ཟུངས་སྐྱེད་བཅོས་ཐབས་biological therapy ཧར་མོན་བཅོས་ཐབས། གཤག་བཅོས། ཆུ་འཁྱག་བཅོས་ཐབས་cryosurgeryདང་དེ་དག་མཉམ་སྡེབ་བྱེད་པའི་བཅོས་ཐབས་སྤེལ་གྱི་ཡོད། བཅོས་ཐབས་ཀྱི་འདེམ་ཁ་དེ་ཐོག་མའི་ཀན་སར་དེ་རིགས་ཅི་ཞིག་ཡིན་མིན་དང་། བྱེར་འགྲམས་ཀན་སར་གྱི་ཆེ་ཆུང་དང་གནས་ཡུལ། ནད་པ་རང་གི་ལོ་ཚོད་དང་རྒྱུན་ལྡན་ལུས་ཁམས་བདེ་ཐང་། དེ་སྔ་སྨན་བཅོས་ཅི་ཞིག་བྱས་ཡོད་མེད་བཅས་ལ་རག་ལས་ཡོད། ཐོག་མའི་འབྱུང་ཁུངས་མི་ཤེས་པའི་ཀན་སར་ཅན་གྱི་ནད་པ་ལ་ཐོག་མའི་ཀན་སར་དེ་འཚོལ་རྙེད་མ་བྱུང་རུང་ནད་གཞི་ལ་སྨན་བཅོས་བྱེད་སྲིད་པ་ཞིག་ཡིན། སྨན་བཅོས་བྱེད་པའི་དམིགས་ཡུལ་དེ་ཀན་སར་སྟངས་འཛིན་བྱ་རྒྱུ་དང་ཡང་ན་ནད་རྟགས་དང་སྨན་བཅོས་ལས་བྱུང་བའི་ཟུར་ཕོག་ཉུང་དུ་གཏོང་རྒྱུ་དེ་ཡིན།
༩། བྱེར་འགྲམས་ཀན་སར་ནད་ལ་བཅོས་ཐབས་གསར་པ་ཅི་ཞིག་ཡོད་དམ།
བཅོས་ཐབས་གསར་པ་ཡོད། ཀན་སར་གྱི་བཅོས་ཐབས་གསར་པ་མང་པོ་ཞིག་ལ་ཉམས་ཞིབ་བྱེད་བཞིན་ཡོད། བཅོས་ཐབས་གསར་གཏོད་བྱེད་པར་རྒྱལ་ཡོངས་ཀན་སར་ལྟེ་གནས་ཀྱིས་སྨན་ཁང་དང་སློབ་གྲྭ་ཆེན་མོ། གསོ་རིག་སློབ་གྲྭ། ཀན་སར་ཞིབ་འཇུག་ཁང་མང་པོའི་ནང་དུ་ནད་ཐོག་ཉམས་ཞིབ་ལས་གཞི་ལ་རོགས་རམ་བྱེད་ཀྱི་ཡོད། ནད་ཐོག་ཉམས་ཞིབ་ནི་སྨན་བཅོས་སྤུས་ཀ་ཡར་རྒྱས་གཏོང་བར་གནད་འགག་ཆེན་པོ་ཞིག་ཡིན། བཅོས་ཐབས་གསར་པ་ངོ་སྤྲོད་མ་བྱས་གོང་སྨན་པ་ཚོས་བཅོས་ཐབས་དེ་ནད་པར་ཉེན་སྐྱོན་ཡོད་མེད་དང་ཕན་ངོ་ཡོད་མེད་ཤེས་རྟོགས་བྱེད་དགོས། ཉམས་ཞིབ་འདི་འདྲས་ཀན་སར་ལ་སྨན་བཅོས་བྱེད་ཐབས་ཡར་རྒྱས་གོང་འཕེལ་གཏོང་ཐུབ་པ་མ་ཟད་ཀན་སར་བཙལ་འཚོལ་དང་བརྟག་དཔྱད། སྔོན་འགོག་བྱེད་ཐབས་གོང་སྤེལ་དུ་གཏོང་གི་ཡོད། ནད་པ་གང་ཞིག་ནད་ཐོག་ཉམས་ཞིབ་ལས་གཞིའི་ཁོངས་སུ་མཉམ་ཞུགས་བྱེད་འདོད་ཡོད་ཚེ་སོ་སོའི་སྨན་པ་ལ་དེ་སྐོར་གླེང་མོལ་བྱེད་དགོས།
ཀན་སར་སྐོར་གྱི་དབྱིན་ཡིག་མ་རྩོམ་དྲ་གནས་ http://www.cancer.gov/publications ལ་གཟིགས་རོགས།
ཉེ་དུས་དྲ་ཚིགས་དང་སྤྱི་ཚོགས་དྲ་གནས་མང་པོ་ཞིག་ནང་དུ་ cancer ཞེས་པའི་ནད་གཞི་འདི་ནི་གཙོ་བོ་ Vitamin ཞིག་མི་ཚང་བའི་དབང་གྱི་ཡོང་ཡོད་པར་བཤད་པ་དང་། Cancer ལ་སྨན་བཅོས་དམིགས་བསལ་མི་དགོས་ཀྱང་དེང་གི་ཆར་སྨན་ཁང་སྨན་པ་ཚོས་ཚོང་ཟོག་དང་དངུལ་བཟོ་བའི་ཆེད་དུ་མི་མང་ལ་གསལ་སྟོན་བྱེད་ཀྱི་མེད་པ་རེད་ཟེར་བ་སོགས་དངོས་བདེན་ཡིན་མིན་གྱི་གནས་ཚུལ་མང་པོ་ཞིག་ཡོང་གི་འདུག །དོགས་གཞི་བྱེད་དགོས་མིན་མི་ཤེས།
ནང་ཆོས་རིག་པར་ཉམས་ལེན་བྱེེེད་མཁན་ཞིག་ཡིན་ན་ཇི་འདྲ་བ་ཡིའི་ལས་བསགས་པ་དེ་འདྲ་བ་ཡིའི་འབྲས་བུ་སྦྱིན་ཟེར་བ་ནས་ནད་ཐམས་བཅས་སོ་སོའི་བྱེད་ལས་ལ་རག་པའི་འབྲས་བུ་དུས་ལ་སྨིན་པ་མ་རེད་དམ་།
ྱ
འབྲས་ནད་ཅེས་པའི་ནད་གཞི་འདི་བོད་ཀྱི་གསོ་རིག་གི་ཕྱི་མོ་དཔལ་ལྡན་རྒྱུད་བཞི་དང་དེ་མིན་པའི་སྨན་དཔྱད་གཞུང་དུ་མིང་སྨོས་བྱས་ནས་ལོ་རྒྱུས་ཡུན་རིང་སོང་ཡོད་པ་དང་། དེ་བཞིན་དུ་ཀན་སར་ཞེས་པ་ཡང་ཕྱི་ལུགས་གསོ་རིག་གི་གཞུང་དུ་བསྟན་ནས་ལོ་ངོ་བརྒྱ་ཕྲག་མང་པོ་ཕྱིན་ཡོད། འབྲས་ནད་ཀྱི་འབྱུང་རྐྱེན་ཡང་བོད་ཀྱི་གསོ་རིག་གཞུང་དུ་རྒྱུ་ནི་འགྲམས་འཁྲུགས་ཁ་ཟས་མ་སྨིན་པས། ངན་ཁྲག་རྒྱས་ཏེ་རླུང་གིས་བསྒྲིལ་ནས་འབྱུང་ཞེས་གསུངས་པ་དང་། ཕྱི་ལུགས་པས་གཙོ་བོ་ཕྱི་ཁོར་ཡུག་གི་རྒྱུ་རྐྱེན་ལ་བརྟེན་ནས་ནང་ལུས་ཀྱི་གཞི་རྩའི་རྫས་ཆའི་རྣམ་པ་འགྱུར་བ་genetic mutation ནས་འབྱུང་གི་ཡོད་ཅེས་བཤད་ཀྱི་ཡོད། ཝེ་སྟོབས་སྨན་vitamin ཞིག་མ་ཚང་བར་བརྟེན་ནས་འབྱུང་གི་ཡོད་པ་དང་། སྨན་པ་དང་སྨན་ཚོང་ཁང་ཚོས་དངུལ་དངོས་ཁེ་ཕན་ཆེད་མི་དམངས་ལ་དེ་དོན་གསལ་སྟོན་བྱེད་ཀྱི་མེད་ཅེས་པའི་ཟེར་སྲོལ་དེ་མི་སོ་སོས་ཡིད་ཆེས་བྱེད་མིན་ལ་རག་ལས་ཡོད།
སྨན་པ་གཡང་འབུམ་ལགས། སྣེ་མང་སྨེ་ལོ་སྨ་ཟེར་བའི་དོན་གང་ཡིན་ནམ། གསལ་སྟོན་ཡོང་བ་ཞུ།
སྨན་པ་ཚོའི་མདུན་དུ་ལྷག་པའི་དཀའ་ཚེགས་ཆེ་བའི་འབྲས་ནད་སྐོར་གྱི་རྕོམ་བསྒྱུར་གནང་བར་བཀྲིན་སྙ྄ིང་ནས་ཆེ་ཞུ།
སྣེ་མང་སྨེ་ལོ་སྨ་ཟེར་བ་ multiple myeloma ལ་གོ་དགོས། འདི་ནི་སྣ་མང་རང་བཞིན་གྱི་རུས་རྐང་འབྲས་ནད་བརྗོད་ཀྱང་འགྲིག མན་ངག་རྒྱུད་ཀྱི་འབྲས་ནད་ལེའུར། ཕྱི་ལ་ཤ་རུས་རྩ་ཡི་འབྲས་དང་གསུམ། ཞེས་བརྗོད་པ་ལྟར་རིགས་འགྲེ་ཆོག
cancer = སྐྲན་ནད།