བྲོས་མི་ཆོག ནོར་འཁྲུལ་གཙང་མ་བཟོས། (ཞར་བཀོད་གཅིག)

Comments (5) on “བྲོས་མི་ཆོག ནོར་འཁྲུལ་གཙང་མ་བཟོས། (ཞར་བཀོད་གཅིག)”

1. ༼བོད་ཀྱི་མང་གཙོ་འགྱེལ་ལ་ཉེ་བའི་སྐབས་སུ། སློབ་དཔོན་ཟམ་གདོང་རིན་པོ་ཆེ་མཆོག་གིས་གང་ལའང་འཛེམ་པ་མེད་པར། མང་ཚོགས་ཀྱི་རྨོངས་གཉིད་དཀྲོལ་བའི་ཅོང་ཆེན་ཞིག་ལྡིར་སེ་བཏིང་བར་སེམས་ཁོང་རུས་པའི་གཏིང་ནས་བཀའ་དྲིན་ཆེ་ཞུ། དྲིན་ལ་དྲིན་དུ་མི་ཚོར་བའི་ཐ་ཤལ་བའི་མི་རབས་ཀྱིས་བརྗེད་ཀྱང་ལོ་རྒྱུས་ཀྱིས་ག་ལ་བརྗེད། བཀའ་དྲིན་ཆེ།༽ ཞེས་པར་རྒྱབ་སྐྱོར་དང་ང་ཚོའི་མི་རིགས་འདི་གཞན་དང་མི་འདྲ་བའི་རྣམ་པ་ཡིན། བཅོལ་ཆུང་རྣམས་ལ་སྨོས་ནས་ཅི་ཕན། འོན་ཀྱང་ལས་ཀྱིས་འཕྱུགས་མ་ཡོང་ངོ་བོད་མི་ཐ་ཤལ་བ་དག འཆི་རྒྱུ་ཡིན་པ་ཤེས་ནས་ནོངས་བཤགས་བྱོས།

   སྤྱི་འཐུས་ཐ་ཤལ་༣༡ པོའི་ནང་སངས་རྒྱས་ཀྱི་ན་བཟའ་མཆོད་མཁན་ཡང་ཧ་ཅང་མང་བས། དེ་དག་གདོན་གྱིས་བརླམས་སམ་མི་དགེའི་ཉོན་མོངས་ཀྱིས་ཟིན་ནས་བསམ་ཤེས་རྩ་དབྱུང་བཏང་ཟིན་འདུག་པས། དེ་དག་རྣམས་ཤི་ནས་འདྲེ་རིགས་བཙན་དུ་སྐྱེ་རྒྱུ་ཡིན་པ་སྨོས་མ་དགོས་སོ།།

2. སང་ཉིན་སྲིད་སྤྱི་གཉིས་ཀྱི་འོས་བསྡུ་རེད། དེ་དུས་རང་གི་བསམ་པ་ལས་བོད་སྤྱི་པའི་གནས་དོན་འདི་གལ་ཆེ་ཡིན་སྟབས་རང་འདོད་བཞག་ནས་སྤྱི་དོན་དུ་བློ་རྩེ་མ་བསྒྲིལ་ན་གྱོང་ཁ་ཆེན་པོ་ཕོག་རྒྱུའི་གནས་ཡིན་པས་དམ་དོན་གནང་རོགས།
   སྲིད་སྤྱི་གཉིས་ནས་སྲིད་སྐྱོང་ཆེད་ཕྲན་ཙམ་ཞུས་ན། འོས་མི་གཉིས་ནས་སྤེན་པ་ཚེ་རིང་ལགས་སུ་རྙོག་འཁྲ་མང་དག་ཅིག་འདུག ཁོ་བ་ག་དུས་མི་མང་འཛོམས་ས་དང་གསར་འགོད་པས་དྲི་བ་དྲི་ལན་སྐབས་ལས་འཆར་དེ་ཙམ་མེད་ཐོག་ཁོ་རང་གི་རྩོད་རྙོགས་དག་སེལ་མ་ཐུབ་པས་ལས་ཀྱི་འདུག་པའི་སྐོར་ང་ལ་གཞན་གྱི་བཤོད་ཀྱི་འདུག ང་རང་ཁོ་བ་མི་ཚད་ལྡན་ནམ་ཡིད་ཆེས་ཕོད་པའི་མི་ཞིག་མིན་པ་ཤེས་པས་གསར་ཤོག་སོགས་སུ་ཉན་ལྟ་ཞུ་དགོས་མེད། གཟབ་གཟབ་མ་བྱས་ན་སྤེན་ཚེ་ལ་འོས་ཐོབ་རྒྱུའི་རེ་བ་མེད་པ་ཞིག་ཡིན་མིན་འདུག དབུ་དཀར་ཚང་ལགས་སུ་ལབ་གླེང་མེད་པ་ཞིག་མིན་ཀྱང་སྤེན་ཚེ་ལས་ཆེ་ཆེར་དམ་གཙང་བ་ཞིག་ཡིན་འདུག་

   དེ་བས་ན་སྤེན་པ་ཚེ་རིང་ལ་སྔོན་འགྲོའི་འོས་བསྡུ་སྐབས་འོས་མ་བླུགས་མཁན་ཚོ་ནས་ད་ཆ་སྤྱི་དོན་དུ་སོམས་ནས་ཚང་མ་ཆིག་སྒྲིལ་གྱིས་དབུ་དཀར་ཚང་སྐལ་རྡོར་ལགས་སུ་འོས་མ་གནང་ནས་སྤེན་ཚེ་ཐོབ་རེའི་གནས་དེ་ལྟར་མེད་པ་བཟོ་རྒྱུའི་བློ་རྩེ་གཅིག་ཏུ་མཐུན་བས་འོས་གནང་དུ་ཕེབས་ཤོག དེ་བཞིན་སྔོན་འགྲོར་སྤེན་ཚེ་འོས་གནང་མཁན་ཚོས་ཀྱང་ཁོང་གི་སྐྱོན་ཆེན་མང་དག་ཡོད་པར་དགོངས་བཞེས་ཀྱིས་རང་སེམས་འགྱུར་བཅོས་མ་གནང་ན་ཚེ་གང་བསྒྲུབས་པ་རྒྱབ་པ་ཞོག་ཅིག་གཡང་ལ་སྐྱུར་པའི་དཔེ་ལྟར་ཆགས་ཡོང་། དེ་ལས་སྐལ་རྡོར་ལགས་སུ་འོས་གནང་ན་ལེགས་པས་བསམ་ཞིབ་གནང་ཕེབས་ཤོག
   ཁྲིམས་ཞིབ་གསུམ་དགོངས་འཕྲོལ་གནང་མཁན་སྤྱི་འཐུས་ ༣༡ དེ་དག་སླར་དམངས་གཙོའི་ཀ་བ་་གསུམ་ཚད་སྙམས་མེད་པར་བཟོ་ཉེན་གྱི་དྲི་ངད་དེ་དག་རྩ་མེད་དུ་གཏོང་ཐབས་སུ་ད་ལན་འོས་བསྡུའི་སྐབས་འོས་གནང་ལམ་མེད་བ་ཞུ། དགོངས་ཞུ་གནང་མཁན་ཚོས་ཀྱང་བྱུས་ངན་དུ་སྐྱབས་བཅོལ་མི་སྲིད་པ་མིན་པས་ད་ཆ་སླར་སྐྱོན་ངོས་ལེན་དུ་དམིགས་བསལ་དགོངས་བཞེས་མ་གནང་རོགས།
   སང་ཉིན་དབུ་དཀར་ཚང་སྐལ་བཟང་རྡོ་རྗེ་ལགས་ལས་སྲིད་སྐྱོང་འོས་མི་བཟང་བའམ་འོས་པ་ལེགས་པ་གཞན་ད་ཆ་མེད་སྟབས་ཁོ་བར་ཚང་མས་རང་རང་སོ་སོའི་འོས་གནང་ཕེབས་ཤོག

3. བཀྲིས་བདེ་ལེགས

4. བཙན་བྱོལ་བའི་སྒྲིག་འཛུག་འདི་ལ་ཞེ་གནག་པའི་བསམ་ངན་གྱི་སྐྱེ་བོ་འགའ་ཞིག་གིས།
   ཟམ་གདོང་རིན་པོ་ཆེ་ན་རེ། “སུ་རུང་”ཟེར་བ་དེས་ཆ་ཚང་མིན་པར་གོ་ཟེར། འོ་ན་རྒྱ་གར་གྱི་ཉེས་ཁྲིམས་དོན་ཚན་ ༣༠༢ སོགས་ཀྱི་ནང་དུ་སྐྱེ་བོ་སུ་རུང་གིས་མི་བསད་པ་ཡིན་ན་སྲོག་ཆད་དམ། ཚེ་བཙོན་ནམ་ལོ་བཅུ་ཡན་གྱི་ཆད་པ་འབྱུང་སྲིད་ཅེས་འཁོད་ཡོད། གལ་ཏེ་ལག་དམར་བ་ལྔ་ཡོད་ཚེ་སུ་རུང་གཅིག་གིས་མ་གཏོགས་ཚང་མས་ཉེས་པ་ཁུར་མི་དགོས་པར་ཐལ། ཁྲིམས་ཡིག་ཏུ་སྐྱེ་བོ་སུ་རུང་ཞེས་དངོས་སུ་བྲིས་ཡོད་པའི་ཕྱིར། རྟགས་ཚད་མ། ཁྱབ་པ་ཁས། ཧཧཧ། •རྒྱ་གར་རྩ་ཁྲིམས་ཀྱི་ལུང་འདི་གཞན་ལས་བཏུས།
   ཞེས་ཟེར། ཁྲིམས་ཞིབ་གསུམ་ལས་སུ་རུང་ཟེར་དུས། ཁྲིམས་ཞིབ་པ་ཆབ་ཚང་ལ་གོ་བར་ཐལ། འཁོར་གསུམ། བོད་ཀྱི་ཐ་སྙད་འཇུག་ཚུལ་ཙམ་ཡང་མ་ཤེས་པར་ཐལ། ཁྲིམས་ཞིབ་པ་གསུམ་ལས་སུ་རུང་ཟེར་དུས་གསུམ་ཀ་ལ་གོ་བའི་ཕྱིར། འཁོར་གསུམ། ཉེས་པ་གསུམ་ཀས་བྱས་པའི་ཕྱིར་ཟེར་ན། ཉེས་པ་ཡོད་མེད་དཔྱད་པ་ལས་ཁྲིམས་ཀྱི་འགྲོ་སྟངས་མ་ཤེས་བར་དུ་ཐག་གཅོད་སྔ་མི་ཉན། གཞན་ཡང། ཉན་ཞིབ་ཚོགས་ཚུང་མ་བཙུགས་པ་ཡང་ཁྲིམས་དང་འགལ་བ་མ་ཡིན་པར་ཐལ། འདོད་ན་འཁོར་གསུམ།
   ཁྲིམས་དང་འགལ་བ་ཡིན་པར་ཐལ། བཅའ་ཁྲིམས་དོན་ཚན་ང་བཞི་པར། གྲོས་བསྡུར་བཀག་སྡོམ།
   ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་དང༌། ཁྲིམས་ཞིབ་པ་གཞན་གཉིས་གང་རུང་འཕོ་འགྱུར་བྱ་རྒྱུའི་སྐོར་དང༌། སྤྱི་འཐུས་ལྷན་ཚོགས་ནས་ཚོགས་ཆུང་ཟུར་འཛུགས་ཀྱིས་རྟོག་ཞིབ་ཐོག་སྤྱི་འཐུས་ལྷན་ཚོགས་སུ་སྙན་ཐོ་འབྱོར་བའི་སྐབས་སུ་མ་གཏོགས་དེ་མིན་ཁྲིམས་ཞིབ་པའི་ལས་དོན་བྱེད་ཕྱོགས་སྐོར་སྤྱི་འཐུས་ལྷན་ཚོགས་སུ་གླེང་སློང་དང༌། གྲོས་བསྡུར་བྱེད་མི་ཆོག ཅེས་པའི་དགོངས་དོན་དང་དངོས་འགལ་བའི་ཕྱིར། བོད་ཀྱི་བརྡ་དག་ལ་གོམས་པ་འགྲོ་སྟངས་མེད་པ་ཁྱོད་ལ་ངོ་ཞིག་སྤྲད་ན།
   མི་གསོད་ལག་དམར་ལྔ་ཡོད་པའི་དབང་དུ་བཏང་ན་ཉེས་ཁྲིམས་དོན་ཚན་ ༣༠༢ ནང་གི་སྐྱེ་བོ་སུ་རུང་ཞེས་པའི་བརྩི་གཞི་སྐྱེ་བོ་ཡིན་གྱི་མི་གསོད་ལག་དམར་ལྔ་པོ་དེ་མ་ཡིན། ཁྲིམས་ཞིབ་གསུམ་དང་འབྲེལ་ནས་བཤད་ན་སུ་རུང་ཞེས་པའི་བརྩི་གཞི་ཁྲིམས་ཞིབ་གསུམ་ཡིན་པས་དེ་གཉིས་ཀྱི་ཁྱད་པར་འབྱེད་དགོས་པའི་ཕྱིར།
   གཞན་ཡང་གོ་བ་གསལ་རུ་བཏང་ན། ཁྲིམས་ཞིབ་གསུམ་པོ་གང་རུང་ཞེས་པའི་བརྩི་གཞི་ཁྲིམས་ཞིབ་པ་གསུམ་པོ་དེ་ཡིན་པས་དེའི་ནང་གི་བྱེ་བྲག་པ་ཞིག་ལ་གོ
   སྐྱེ་བོ་སུ་རུང་ཞེས་པའི་བརྩི་གཞི་སྐྱེ་བོ་ཡིན་པས་མི་གསོད་ལག་དམར་བ་ལྔ་པོ་ཡང་སྐྱེ་བོའི་བྱེ་བྲག་ཡིན་པས་སྐྱེ་བོ་སུ་རུང་སྦྱོར་བ་ཤིན་ཏུ་ནས་འཐད་པའི་ཕྱིར་རོ། །

   ཁ་ཅིག་ན་རེ། ཡང་ཁོང་ན་རེ། ཁྲིམས་ཞིབ་པ་གསུམ་ཀ་དུས་གཅིག་ལ་མར་ཕུད་ནས་ཁྲིམས་ཞིབ་པ་གསར་པ་ཡར་བསྐོས་ན་ཁྲིམས་ཞིབ་ཁང་མེད་པ་ཆགས་འགྲོ་བ་དང་། རྩ་ཁྲིམས་སྦོ་ལུགས་པ་རེད་ཟེར། འོ་ན་འཛིན་སྐྱོང་བརྗེ་ལེན་བྱེད་ཐེངས་རེ་ལ་རྩ་ཁྲིམས་སྦོ་ལུགས་ཐེངས་རེ་ཡིན་པར་ཐལ། རྙིང་པ་ཚང་མ་དུས་གཅིག་ལ་བརྗེ་འགྲོ་བའི་ཕྱིར། ཁྱབ་པ་ཁས། རྟགས་ཚད་མ། ཧཧཧ།
   ཞེས་ཟེར། རྙིང་པ་ཚང་མ་དུས་གཅིག་ལ་བརྗེ་བ་མ་ཡིན་པར་ཐལ། མཐོང་བ་ཙམ་གྱིས་སུན་སྣང་སྐྱེ་ཡོང་བ་ཕལ་ཆེ་བ་རང་འཇག་བསྡད་ཡོད་པའི་ཕྱིར། གལ་སྲིད་བརྗེ་བའི་དབང་དུ་བཏང་ཀྱང། རྙིང་པ་ཚང་མ་དུས་གཅིག་ལ་བརྗེ་ན་། འཛིན་སྐྱོང་བརྗེ་ལེན་བྱེད་ཐེངས་རེ་ལ་རྩ་ཁྲིམས་སྦོ་ལུགས་ཐེངས་རེ་ཡིན་པས་མ་ཁྱབ། གཞན་ཡང། ཁྱོད་ཀྱིས་འདོད་པ་ལྟར་ན་འོ་ན། འཛིན་སྐྱོང་ཐེངས་རེ་བརྗེ་དུས་འཛིན་སྐྱོང་གནས་དབྱུངས་བཏང་བ་ཡིན་པར་ཐལ། འདོད་ན། ཞེན་གོག་གིས་ཕྱོགས་རེས་ཁོ་ནས་གཅིག་རྒྱབ་གཅིག་ལངས་བྱས་ནས་གནས་དབྱུངས་བཏང་བ་ཡིན་པར་ཐལ། འདོད་ན། དབུས་བོད་མིས་སྒྲིགས་འཛུགས་དེ་ཞེན་གོག་གཡོ་འཕྲུལ་ཁོ་ནས་གང་བ་ཞིག་ཡིན་པར་ཐལ། ལོང་བས་རྒྱལ་ཁམས་ཀྱི་དཔེ་ནང་བཞིན་ཤོག་འཐེན་གཡོ་འཕྲུལ་ཁོ་ནས་དུས་འདའ་བ་མཐོང་སྣང་དུ་གྲུབ་པའི་ཕྱིར། དུས་རྟག་ཏུ་བྱ་སྤུ་ནོན་དམར་ཤོག་གཅིག་སྡུད་ཞེས་སྡུག་སྐད་རྒྱགས་སའི་ལམ་སྲོལ་དང་གཅིག་པ་ཡིན་པར་ཐལ། འདོད་ན། སྦུ་ལུགས་པ་ཡིན་པར་ཐལ། གོང་གི་འདོད་པ་དེའི་ཕྱིར།

   ཡང་ཁོ་ན་རེ། གལ་ཏེ། བར་དེར་གནས་སྐབས་ཆེས་མཐོ་ཁྲིམས་ཞིབ་ཁང་དངོས་སུ་ཆ་ཚང་བ་ཞིག་མེད་པས་ཀ་བ་གསུམ་མི་ཚང་བས་རྩ་ཁྲིམས་སྦོ་ལུགས་བཞིན་ཡོད་ན། སྤྱི་མཐུན་ལྷན་ཚོགས་མི་འཚོགས་པའི་ཟླ་བ་མང་པོར། མང་གཙོ་དང་རྩ་ཁྲིམས་སྦོ་ལུགས་པར་ཐལ། ཀ་བ་དབུས་མ་ཁྲིམས་བཟོ་ལྷན་ཚོགས་མེད་པའི་ཕྱིར། རྟགས་ཁྱེད་ཀྱིས་སྤྱི་མཐུས་ལྷན་ཚོགས་ཟེར་བ་དེ་གྲོས་ཚོགས་འཚོགས་པ་ནས་གྲོལ་བའི་བར་ཡིན་པ་ཞལ་གྱིས་བཞེས་པས་གྲུབ། ཁྱབ་པ་ཁས། ཧཧཧ།
   ཞེས་ཟེར། རྟགས་དང་པོ་མ་གྲུབ་པ་ཤེས་མི་འདུག སྙིང་རྗེ། རྟགས་གཉིས་པའམ་ཕྱི་མ་དེ། རྟགས་ཁྱེད་ཀྱིས་སྤྱི་མཐུས་ལྷན་ཚོགས་ཟེར་བ་དེ་གྲོས་ཚོགས་འཚོགས་པ་ནས་གྲོལ་བའི་བར་ཡིན་པ་ཞལ་གྱིས་བཞེས་པའི་ཕྱིར་ན། དུས་སྦྱར་མ་ལ་ཁྱབ་པ་མེད་པ་མ་ཤེས་པའི་ཁ་ཐབས་ལ་བལྟས་ན་བཙན་བྱོལ་བོད་མིའི་མགོན་སྐྱབས། འཛམ་གླིང་གི་ཤེས་ལྡན་ཡོངས་ཀྱིས་མགྲིན་གཅིག་ཏུ་བསྔགས་པའི་གནས་སུ་གྱུར་པ་མཁས་དབང་ཟམ་གདོང་རིན་པོ་ཆེ་ལ་རྟགས་གསལ་གཏོང་བ་འདི་ཆགས་སྡང་གི་གདོན་གྱིས་སྨྱོས་པའི་རོ་ལངས་ངོ་མ་དེ་རེད།

   སྤྱི་མཐུས་ལྷན་ཚོགས་ཟེར་བ་དེ་གྲོས་ཚོགས་འཚོགས་པ་ནས་གྲོལ་བའི་བར་ཡིན་པ་མ་གོ་བཞིན་བསྙོན་འདིང་པའི་སྨྱོན་པ་ངོ་མ་དེ་ཡིན་པར་ཐལ། ཁྲིམས་ནང་ལ་སྔར་ནས་བཀོད་ཟིན་ལས་ཟམ་གདོང་རིན་པོ་ཆེས་གསར་བཟོ་མ་ཡིན་བཅའ་ཁྲིམས་ནང་ལྟོས་དང་གསལ་བའི་ཕྱིར། དེར་ཐལ། བཅའ་ཁྲིམས་དོན་ཚན་སོ་བདུན་པ།     བོད་མི་མང་སྤྱི་འཐུས་ལྷན་ཚོགས་ཀྱི་གྲུབ་ཆ། ཞེས་པ་ནས་མར་ཀློག་དང་གསལ་གསལ་ཐིང་ཐིང་ཡིན་པའི་ཕྱིར། སྙིང་རྗེ་ལས་ངན། འཁོར་གསུམ་རང་རེད།

   ཁ་ཅིག་ན་རེ། གཞན་ཡང་། གནས་སྐབས་འདིར་ཁྲིམས་ཞིབ་ཁང་མེད་ཟེར་བ་མི་འཐད་དེ། ས་གནས་ཁྲིམས་ཞིབ་ཁང་ཡོད་པའི་ཕྱིར། ཁྱབ་ཏེ། བྱེ་བྲག་གྲུབ་ན་སྤྱི་གྲུབ་དགོས་པའི་ཕྱིར། རྟགས་ཁྱབ་གཉིས་ཀ་ཁྱེད་ལ་ལུང་རིགས་ཚད་མས་གྲུབ། ཧཧཧ།
   ཞེས་ཟེར། དབུས་བོད་མིའི་ཁྲིམས་ཞིབ་ཁང་གིས་ཁྲིམས་ཞིབ་པ་མེད་དུས་གནས་སྐབས་འདིར་ཁྲིམས་ཞིབ་ཁང་མེད་པ་མ་ཡིན་པར་ཐལ། འདོད་ན། འཁོར་གསུམ། ས་གནས་ཁྲིམས་ཞིབ་ཁང་གི་དབུས་ཁྲིམས་ཞིབ་ཁང་གི་གོ་ཆོད་པར་ཐལ། འདོད་ན། དབུས་ཁྲིམས་ཞིབ་ཁང་མེད་ན་འགྲིགས་པར་ཐལ། བཙན་བྱོལ་སྒྲིགས་འཛུག་དེ་རིང་ཁར་སང་ཀ་བ་གསུམ་ལྡན་ཡིན་པའི་ཕྱིར། རྟགས་ཁས། འདོད་ན། ཀ་བ་གསུམ་ལྡན་མ་ཡིན་པར་ཐལ། ཀ་བ་གཅིག་ཞེན་གོག་དང་དཔུང་བསྒྲིགས་ཀྱིས་བཅགས་ཟིན་ནས་ཀ་བ་གཞན་གཏོར་བ་ལ་ཐག་ཉེ་བོ་བཟོས་ཟིན་པའི་ཕྱིར། མ་མཐོང་ན་ཟེར་ན་མངོན་སུམ་ལ་བསྙོན་མཁན་གྱི་རྒོལ་བ་རང་རེད། བཙན་བྱོལ་གཞུང་གི་གནས་སྟངས་ལ་ཉིན་གཅིག་ལ་བསམ་གཞིག་མེད་པར་བོད་པའི་སྤྱི་ཚོགས་ནང་ལ་གཏོར་བཤིགས་དང་དཀྲུགས་ཤིང་བཟོ་མཁན་རང་རེད། མིང་ལྟོ་དོན་གཉེར་ཅན་ཚོས་ཁྲིམས་དང་སྒྲིགས་གཞི་སྣ་གཅིག་མི་ཤེས་པར་ཤེས་འཆལ་གྲྭ་ས་ནས་རིགས་ལམ་ཁུངས་མ་ཆོད། ཚིག་སྐམ་གཏོང་མཁན་འདིའི་རིགས་ཐེར་འདོན་བྱེད་དགོས།

   གཞན་ཡང་། སྤྱི་འཐུས་རྒྱུན་ལས་སྤྱི་མཐུས་ལྷན་ཚོགས་མ་ཡིན་ཏེ། སྤྱི་མཐུས་ལྷན་ཚོགས་ཡིན་མིན་ཁྲིམས་བཟོ་མཁན་གྱི་ལྷན་ཚོགས་ཡིན་མིན་ལ་ལྟ་བ་གང་ཞིག །ཁྱོད་ཚོས་ཁྲིམས་བཟོ་མི་ཆོག་པའི་ཕྱིར་ཟེར། དེ་ལྟར་ན། ཁྲིམས་ཞིབ་པ་གསུམ་ཆོས་ཅན། སྤྱི་མཐུས་ལྷན་ཚོགས་ཡིན་པར་ཐལ། ཁྱོད་ཚོ་ཁྲིམས་བཟོ་ཆོག་མཁན་གྱི་ལྷན་ཚོགས་ཡིན་པའི་ཕྱིར། རྟགས་ཁས། ཁྱབ་པ་ཡང་དོན་གྱིས་ཁས། ཧཧཧ། འཁོར་གསུམ་ལ་ལན་མེད་དོ།།

   ཞེས་ཟེར། སྤྱི་མཐུས་ལྷན་ཚོགས་ཡིན་མིན་ཁྲིམས་བཟོ་མཁན་གྱི་ལྷན་ཚོགས་ཡིན་མིན་ལ་ལྟ་མི་དགོས་པར་ཐལ། འདོད་ན། འཁོར་གསུམ། གལ་ཏེ་མི་དགོས་ཟེར་ན། འོན་ན། ཁྲིམས་ལ་འགྲེལ་བཤད་གནང་བ་དང་ཁྲིམས་བཟོ་བ་གཉིས་དོན་གཅིག་ཡིན་པར་ཐལ། འདོད་པའི་ཕྱིར། འཁོར་གསུམ་རང་རང་རེད། མནོ་བསམ་ཞིབ་ཏུ་བཏང་ན་ཁྲིམས་ཞིབ་པ་བསྐོ་སྐབས་ཁྲིམས་ལུགས་ལ་སློབ་མཐར་ཕྱིན་པའི་ལག་འཁྱེར་མི་དགོས་པར་ཐལ། ཁྲིམས་ལ་འགྲེལ་བཤད་རྒྱགས་ས་མེད་པའི་ཕྱིར། དེར་ཐལ། གང་འགྲེལ་བཤད་བརྒྱབས་པ་དེ་ཁྲིམས་བཟོས་པ་ཡིན་པའི་ཕྱིར། རྟགས་ཁྱབ་ཁས། འཁོར་གསུམ་རང་རེད། རོ་ལང་གིས་གཅིག་གཏོར་ཐུབ་པའི་བཟོ་འདྲ་མཐོང་དུས་འདྲ་ཆགས་ཆགས་བཤད་ནས་རིགས་ལམ་མཐའ་མ་ཆོད་བ་ཅིག་གཏོང་ཁུལ་གྱིས་སྐྱེ་བོ་ཕལ་པ་མགོ་སྐོར་བསམ་ཡང་ཡི་མུག་པ་ཞིག་རེད་འདུག སྙིང་རྗེ། ཨ་རོ་དེ་ཚོ་མགོ་འཁོར་མདོག་ཁ་བོ་རེད། དེ་སྔ་དེ་ག་རང་ལ་སོང་བ་རེད། ཁྱོད་སྐབས་ཚོལ་བ་མགོ་བདེ་བོ་ཞིག་རེད། མའོ་ཙེ་ཏུང་ནས།

5. Motsetungརིགས་ལམ་གྱི་འགྲོས་ཙམ་ཡང་མི་ཤེས་པར་རྟགས་གསལ་ཟེར་བ་དེ་གཏོང་ན་རང་མདོག་སྟོན་བྱེད་ཙམ་རེད། ཁྲིམས་ཞིབ་པ་ལ་ཁྲིམས་བཟོ་ཆོག་པའི་དབང་ཚད་ཁྲིམས་ཀྱིས་སྤྲད་པ་རེད། རྒྱུན་ལས་ལ་མ་སྤྲད་པ་རེད། མང་པོ་བཤད་ན་གོ་ཚོད་ཀྱང་མི་འདུག་ལ་བཤད་ཚོད་ཀྱང་མི་འདུག །