བློ་སེང་དང་སྤེན་ཚེའི་གདོང་ཐུག་གི་རྒྱབ་ལྗོངས།

Comments (16) on “བློ་སེང་དང་སྤེན་ཚེའི་གདོང་ཐུག་གི་རྒྱབ་ལྗོངས།”

1. དཔྱད་རྩོམ་འདྲ་ཞིག་བྲིས་བྱ།།
   ཟིན་ཐོ་འདྲ་ཞིག་བྲིས་བྱ།།
   བྱིས་སྒྲུང་འདྲ་ཞིག་བྲིས་བྱ།།
   ཉིན་ཐོ་འདྲ་ཞིག་བྲིས་བྱ།།

   གསར་རྩོམ་སྣ་ཁ་དགུ་འཛོམས།།
   རྩོམ་རིགས་གང་གི་ཁོངས་མིན།།
   བཀླགས་ཟིན་རང་གི་མྱོང་བྱང་།།
   མ་གསང་དྲང་མོར་ཞུས་ཡོད།།

2. གདོང་ཐུག་གི་རྒྱབ་ལྗོངས། ཞེས་པའི་རིན་ཐང་ཡོད་པའི་དཔྱད་རྩོམ་འདི་འདྲ་ཞིག་འགོད་སྤེལ་གནང་བར་སྙིང་དབུས་ནས་བཀའ་དྲིན་ཆེ་ཞུ་འདོད་བྱུང་དེ་ནི་གཅིག་ལ་ཕྱོགས་པ་དང་། གཅིག་ཤོས་དེར་སྡང་བ་དེ་འདྲ་རྩ་བ་ནས་ཞུ་ཡི་མེད་གནས་ཚུལ་ཇི་ཡིན་གསལ་ཁ་དགོས་རྒྱུ་དེ་གལ་ཆེན་ནང་གི་དོན་ཆེན་དུ་མཐོང་གི་ཡོད་པས་སོ། ང་ཚོས་ངེས་པར་དུ་གནད་དོན་དབྱེ་ཞིབ་བྱེད་རྒྱུ་དེར་དུས་ཚོད་འདང་ངེས་ཞིག་དགོས་པ་ཡིན།

3. ་་་་་་་་ སྤེན་པ་ཚེ་རིང་གིས་ཤར་གླིང་ཟླ་སྒྲོན་ལ་བཤད་པའི་སྙིང་གཏམ་དེ་ཟླ་སྒྲོན་གྱིས་རང་ཉིད་ཀྱི་རྐུབ་སྟེགས་ཆེད་དུ་བེད་སྤྱོད་བཏང་བ་དེ་བློ་སེང་གིས་ཕར་རང་འཇགས་བེད་སྤྱོད་བཏང་ནས་སྤེན་པ་ཚེ་རིང་དང་ཟླ་སྒྲོན་གཉིས་ཀ་རྩོད་རྙོག་ཡོད་མཁན་ཞིག་ཏུ་བཟོས་པ་རེད། ་་་་་་་་་་
   ་་་་་་་་་་་་སྙན་སེང་ཞུས་ཏེ་ཁོང་གཉིས་ནས་ཕར་ཞུ་ཚུར་ཞུ་བྱས་ནས་དུས་ཡུན་གང་ཙམ་ཕྱིན། ༸གོང་ས་མཆོག་རིམ་པས་རྩོད་རྙོག་རིང་པོ་དེར་ཐུགས་བསུན་ཙམ་བྱུང་ཡོད་ཚོད། སྐབས་ཤིག་སྤེན་པ་ཚེ་རིང་ལ་ད་ང་ཁྱེད་རང་གཉིས་ཀྱི་ཐག་ཆོད་རྒྱུ་མེད་པའི་རྙོག་དྲ་དེ་ཉན་འདོད་མི་འདུག་ཅེས་གསུངས་པར་སྤེན་ཚེའི་ངོས་ནས་དེ་ནས་བཟུང་སྙན་སེང་གང་ཡང་མ་ཞུས། ་་་་་་་་་་
   ་་་་་་་་་ བཀའ་ཤག་གསུང་ཤུགས་ཆུང་དུ་ཕྱིན། སྤེན་ཚེའི་རྒྱབ་ཀྱི་གནད་ཡོད་ཅན་འགའ་ཤས་ནས་མཉམ་རུམ་ཐོག་ཨ་སྐོར་ས་ཡ་གཅིག་དང་ཕྱེད་ཀའི་རུལ་སུངས་ཟེར་ནས་ཤུགས་ཆེར་བཏང་བས་བཀའ་ཤག་ཚ་གི་ཚི་གི་ཆགས། ་་་་་་་་
   སྙན་པོ་འདུག སྙན་ཤོས་དེ་དག་ངས་ཟུར་བཀོལ་བྱས་ཡོད། གང་ཡན་ཟེར་ན། མི་ཚང་མ་ལ་ཀློག་ཁོམས་དུས་ཚོད་ང་ལ་ཡོད་པ་ནང་བཞིན་ཡོད་བགྱིད་མ་རེད།། །།

4. ༼ངའི་མཆན་འདི་གཞན་ཞིག་ལ་སྤེལ་ཟིན་མོད། འདིའི་འགོ་བརྗོད་དང་འབྲེལ་འདུག་པས་སླར་ཡང་འདིར་བཀོད་པ་ཡིན། ༽
   དྲང་མོ་མི་དགོས་གཡོ་སྒྱུ་དགོས་པའི་སྤྱི་ཚོགས།

   བློ་བཟང་སེང་གེའི་གཡོ་ཇུས།
   བློ་སེང་ནི་གཡོ་ཇུས་ལ་བྱང་ཆ་ལྡན་པ་ཞིག་ཡིན་པ་ནི་འདས་པའི་བྱ་སྤྱོད་དང་ད་ལྟའི་ལས་སྟངས་ནས་གསལ་བོ་ཤེས་ཐུབ། འོན་ཀྱང་། ཆོལ་ཞེན་པ་དང་ཆུ་སྣ་གར་ཁྲིད་ཀྱི་བླུན་པོ་དག་ལ་གསལ་འདོན་མ་བྱས་ན། ཆོལ་ཞེན་པ་རྣམས་འཁྲུས་ནད་ཅན་ལ་དུང་དཀར་སེར་སྣང་གི་དཔེ་ལྟར་གྱུར་ཡོད་ལ། བླུན་པོ་རྣམས་བླངས་དོར་འབྱེད་པའི་ནུས་པ་མེད་པར་གཡོ་སྒྱུ་དང་ཁ་ཤུགས་གང་ཆེ་བ་དེའི་རྗེས་སུ་འབྲེང་ནས་འགྲོ་བཞིན་ཡོད། དེས་ན་བློ་སེང་གིས་གཡོ་སྒྱུ་ཇི་ལྟར་འཁྲབ་ཡོད་ཅེ་ན། གཞིས་བྱེས་གཉིས་ཀྱི་བོད་མི་མང་ཆེ་པའི་མངོན་འདོད་གཙོ་བོ་ཞིག་༧ གོང་ས་ ༧ སྐྱབས་མགོན་ཆེན་པོ་མཆོག་བོད་ལ་གདན་འདྲེན་ཞུ་རྒྱུ་དེ་ཡིན་པ་གསལ་བོ་རེད། བློ་སེང་གིས་དེ་བེད་སྤྱོད་བཏང་ཚེ་རང་ལ་རྒྱལ་ཁ་ཐོབ་རྒྱུར་རེ་བ་ཆེན་པོ་རྒྱབ་ནས་དེ་ལྟར་འུར་བརྒྱབ་ཅིང་། དེ་ལྟར་འུར་རྒྱབ་པས་གཞིས་ཆགས་ཀྱི་སྤོ་ལགས་སྨོ་ལགས་རྣམས་དང་བླང་དོར་འབྱེད་མི་ཤེས་པའི་བླུན་པོ་རྣམས་མགོ་རྨོངས་པ་དང་། ཆོལ་ཞེན་པ་རྣམས་ཀྱི་ཞེན་ཁོག་ལ་བརྟེན་ནས་ཁོ་ལ་རྒྱལ་ཁ་ཐོབ་པ་རེད། འོ་ན། ༧ གོང་ས་མཆོག་བོད་ལ་གདན་འདྲེན་ཞུ་རྒྱུ་དེ་མི་མང་གི་མངོན་འདོད་ཡིན་ན། དེ་ལྟར་ལབ་པ་དེས་མི་མང་ལ་མགོ་སྐོར་བཏང་བར་ཇི་ལྟར་འགྱུར་ཞེ་ན། དེ་ནི་ལས་སླ་པོས་ཤེས་ཐུབ་པ་ཞིག་རེད། བློ་སེང་ལ་རྐུབ་སྟེགས་ཐོབ་པའི་རྗེས་སུ་ཁོང་གིས་དེའི་ཐད་དུ་འབད་རྩོལ་བྱས་མེད་པ་མ་ཟད། དམིགས་བསལ་སྐུ་ཚབ་ལ་དགོངས་པ་སྤྲད་རྗེས་སྐུ་ཚབ་གསར་བ་བསྐོ་བཞག་ཀྱང་བྱས་མེད། སྲིད་སྐྱོང་གི་མིང་སུ་ཡོད་ཀྱང་དེ་ལ་རྒྱ་ནག་གིས་འབྲེལ་བ་མི་བྱེད་པ་སུས་བལྟས་ཀྱང་ཤེས་ངེས་རེད། དེས་ན་དམིགས་བསལ་སྐུ་ཚབ་བསྐོ་བཞག་མ་བྱས་ན། རྒྱ་ནག་གིས་འབྲེལ་བ་བྱེད་འདོད་ཀྱང་འབྲེལ་བ་བྱེད་ས་མེད་པས་ན། ཁ་ནས་བོད་རྒྱ་འབྲེལ་མོལ་ཇི་ལྟར་བཤད་ཀྱང་འཁྲབ་སྟོན་རང་རེད། དེས་ན་ཁོའི་འུར་བཤད་དེ་མགོ་སྐོར་ཡིན་པ་ཤེས་ཐབ་ངེས་ཤིག་རེད། ད་དུང་དོགས་པ་ཆེན་པོ་ཞིག་ལ། བོད་རྒྱ་འབྲེལ་མོལ་ལ་འབད་རྩོལ་མི་བྱེད་པར་བལྟས་ན། ཁོས་ཁ་ནས་དབུ་མའི་ལམ་ཟེར་བཞིན་དོན་ངོ་མ་ལ་རང་བཙན་གྱི་ལྟ་བ་འཁུར་ནས་ལས་ཀ བྱེད་ཀྱི་ཡོད་པའི་ཚོར་སྣང་འདུག
   དེ་ནས་སྐབས་གཉིས་པའི་འོས་བསྡུའི་སྐབས་སུའང་ཧམ་པ་དང་སྐྱག་རྫུན་ཚོད་མེད་བཤད་པར་བརྟེན་ ༧ གོང་ས་མཆོག་ནས་ཀྱང་ཕོ་བྲང་ནང་ནས་ཁོའི་ཐོད་པར་ཕྱག་འཛུབ་བཙུགས་ནས་ཁྱོད་ཧམ་པ་ཚ་བོ་འདུག་ལ། ཧམ་བ་བཤད་ཀྱིན་བཤད་ཀྱིན་སྐྱག་རྫུན་ཡང་བཤད་ཀྱིན་འདུག་ཅེས་བཀའ་བཀྱོན་གནང་དགོས་བྱུང་བ་རེད།
   གཟི་བརྗིད་ཁོག་སྟོང་གི་ཆོ་ལོ་ཡང་དེའི་སྔ་གཞུག་ཏུ་ཐོབ་པ་རེད།
   དེས་ན་ད་རེས་ཀྱི་དོན་གཅོད་འཕོ་འགྱུར་དེ་ཇི་ལྟར་བྱུང་ངམ་ཞེ་ན། དེ་ལ་གནད་དོན་དུ་མ་ཞིག་ཡོད་པ་ལས་ཁ་ཤས་འདིར་འགོད་ན། ༡༽ འོས་བསྡུ་སྐབས་ཀྱི་འཁོན་སེམས་དེ་རེད། འོས་བསྡུའི་སྐབས་སུ་ཁོང་གི་སྐྱོན་ཆ་མང་པོ་ཞིག་ལྷང་ལ་བུད་པར་བརྟེན། ཁོང་གི་ཆེས་མཐོང་ལ་གནོད་པ་ཆེན་པོ་ཐེབས་ཡོད། དེའི་དབང་གིས་ཁོ་རང་སྤེན་པ་ཚེ་རིང་ལ་འཁོན་སེམས་ཡོོད་པ་བཤད་མ་དགོས་པ་ཤིག་རེད། ༢༽ སྐབས་རྗེས་མའི་སྲིད་སྐྱོང་རེད། སྐབས་རྗེས་མའི་སྲིད་སྐྱོང་འོས་མིར་སྤེན་པ་ཚེ་རིང་འགྲོ་རྒྱུར་ད་ལྟ་ནས་འགོ་གནོན་ཐབས་བྱེད་ཀྱིན་་ཡོད། དེ་ནི་བོད་སྤྱི་ལ་མི་བསམ་པར་ཆོལ་ཁ་ལ་ཞེན་ཁོག་ཆེ་བའི་ཁམས་པའི་མི་རབས་རྒན་པ་འགས་སློབ་སྟོན་བྱས་པ་དེ་ཉིད་ལག་བསྟར་བྱེད་འགོ་ཚུགས་པ་རེད།
   ༣༽ ཆོས་དོན་བཀའ་བློན་གྱི་ཁ་ནས་ཐོན་པའི་བྱ་སྤུ་ནོན་ཟེར་བ་དེ་རེད། དེ་ནི་གཙོ་བོ་བློ་སེང་ལ་ངོ་དགའ་སྤྲེལ་ལེད་མ་འཁྲབ་པ་དེར་ཐུག་ཡོད། བློ་སེང་ངོ་དགའ་སྤྲེལ་ལེད་ལ་ཧ་ཅང་དགའ་བོ་ཡོད་པ་དང་། རྐུབ་སྟེགས་རྩོད་མཁན་ཞིག་ཡིན་པ་སྲིད་སྐྱོང་སྔ་མའི་སྐབས་ནས་ཚང་མས་ཤེས་གསལ་རེད།
   ༤༽ ས་ཡ་གཅིག་དང་ཕྱེད་ཀ་དེ་རེད། ཁྲིམས་འགལ་ཐོག་ནས་དོན་གཅོད་ཁང་པ་ཉོས་པ་རེད། དེ་ནི་ཕུགས་རྒྱང་རིང་པོའི་ལས་ཀ་ཅིག་གཏན་ནས་མ་རེད། སྤྱིར་བློ་སེང་འདི་སྐད་ཆ་བཤད་ནའང་གནས་སྐབས་དེར་མི་ལ་མགོ་སྐོར་ཇི་ལྟར་གཏོང་ཐུབ་ན་དེ་ལྟར་གཏོང་རྒྱུ་མ་གཏོགས། ལྕིད་ཁོག་ཡོད་པ་དང་ཕུགས་རྒྱང་རིང་པོར་ཕན་པའི་སྐད་ཆ་བཤད་མི་ཤེས། ལས་ཀ་ཡིན་ནའང་འཕྲལ་སེལ་ཙམ་མ་གཏོགས་ཕུགས་རྒྱང་རིང་པོར་བསམ་བློ་བཏང་ནས་བྱེད་མཁན་ཞིག་མ་རེད། དེའི་རྐྱེན་གྱིས་ས་ཡ་གཅིག་དང་ཕྱེད་ཀ་དེ་ཡང་འཕྲལ་སེལ་ཙམ་ལ་བསམ་བློ་བཏང་ནས་བྱས་ཡོད། འདིས་མ་འོངས་པར་སྐྱབས་བཅོལ་གཞུང་ལ་ཉེན་ཁ་བཟོས་པ་རེད།
   དེ་ལྟ་བུ་མང་བས་ཚང་མ་བྲིས་ན་རྫོགས་རྒྱུ་མེད་པས་ད་རེས་དེ་ཙམ་གྱིས་ཆོག་པར་བྱ།

   ཤར་གླིང་ཟླ་སྒྲོན་གྱི་འདོད་རྔམ།
   ཤར་གླིང་ཟླ་སྒྲོན་ནི་འདོད་རྔམ་ཧ་ཅང་ཆེན་པོ་ཅན་ཞིག་རེད། མོ་རང་ལ་སྤྱི་འཐུས་འོས་ཤོག་མཐོ་ཤས་ཐོབ་པ་རེད། སྤྱི་འཐུས་ནས་ལས་ཀ་བྱས་ཚེ་ཚོགས་གཙོ་གཞོན་གང་རུང་གི་གོ་གནས་གང་མགྱོག་ཐོབ་པའི་རེ་བ་ཡོད་པ་རེད། དེ་ནས་རིམ་གྱིས་བཀའ་བློན་དང་སྲིད་སྐྱོང་ལ་འགྲོ་བའི་ལམ་ཁ་དང་རེ་བ་ཡང་ཡོད་པ་རེད། འོན་ཀྱང་། གོ་གནས་ལ་རྔམ་གྲགས་ནས་བློ་སེང་ལ་སྲིད་སྐྱོང་རྒྱལ་ཁ་ཐོབ་ས་རེད་སྙམ་པའི་སྐབས་ནས་བཟུང་སྟེ། སྔོན་ཆད་བློ་སེང་ལ་སྐྱོན་བརྗོད་བྱས་པ་ཡང་རྦད་དེ་གཡུག་ནས་བློ་སེང་ཕྱོགས་ལ་མིག་བཙུམ་ནས་རྒྱུགས་སོང་བ་རེད། དེ་ནས་བློ་སེང་གིས་ཚབ་ཚུབ་ངང་མོ་རང་བཀའ་བློན་འོས་མི་ལ་འདེམས་ཀྱང་། གྲོས་ཚོགས་ནས་དགག་བྱ་བྱས་ཏེ་མ་ཐོབ་པ་རེད། མི་མང་གིས་དེ་ནི་མོ་རང་ལ་བཀའ་བློན་ཐོབ་ཆེད་མོའི་རང་ལོ་གསང་བ་བྱས་པར་ངོས་འཛིན་བྱས་ཏེ། མོ་ལ་ཡིད་ཆེས་བྱེད་མཁན་ཉུང་དུ་སོང་། འདི་ནི་བློ་སེང་དང་ཟླ་སྒྲོན་གཉིས་ཀྱི་བྲེལ་ཚུབ་ངང་ནས་འཁྲབ་པའི་འཁྲབ་སྟོན་ལམ་ལྷོང་མ་བྱུང་བ་དང་། ཟླ་སྒྲོན་གྱི་འདོད་རྔམ་གཅིག་ཕྱིར་ཐོན་པ་རེད།
   དེ་ནས་ཟླ་སྒྲོན་གྱིས་སྐབས་རྗེས་མའི་སྲིད་སྐྱོང་ལ་དམིགས་ཏེ་ཆབ་སྲིད་ནག་པོ་ཞིག་འཁྲབ་ཁུལ་བྱས་པ་རེད། དེ་ནི་སྤེན་ཚེ་ནག་པོ་བཟོས་ནས་མ་འོངས་པའི་འོས་བསྡུའི་འགྲན་རྩོད་ནང་སྤེན་ཚེའི་རྒྱབ་སྐྱོར་བ་ཉུང་དུ་གཏོང་འདོད་པ་དེ་རེད། དེའི་ཆེད་དུ་བློ་སྤེན་གཉིས་ཀྱི་བར་ལ་དབྱེན་སྦྱོར་བྱས་པ་དེ་རེད། ཆབ་སྲིད་ནག་པོ་དེས་སྤེན་ཚེ་དང་བློ་སེང་གཉིས་མ་ཟད། མོ་རང་ཡང་གླེང་སྙོགས་ཅན་བཟོས་པ་རེད། འདི་ནི་ཟླ་སྒྲོན་གྱི་འདོད་རྔམ་གཉིས་པ་དེ་ཕྱིར་བུད་པ་རེད། ད་དུང་འདོད་རྔམ་གསུམ་པ་དང་བཞི་པ་རིམ་པར་འཐོན་ཉེན་ཡོད།

   སྤེན་པ་ཚེ་རིང་གི་ཆབ་སྲིད།
   སྐབས་འདིའི་སྲིད་སྐྱོང་འོས་བསྡུ་སྐབས་སྤེན་ཚེ་ལ་རྒྱབ་སྐྱོར་བ་མང་པོ་ཡོད་པར་བརྟེན་ནས་བློ་སེང་འཚུབ་ཆ་ལངས་ཏེ་གཡོ་སྒྱུ་དང་ཧམ་རྫུན་ཚད་ལས་བརྒལ་བ་བྱས་ཀྱང་། སྤེན་ཚེས་རང་གིས་ལག་ལེན་ལ་འཁེལ་ཐུབ་པའི་རིགས་ལ་ཐབས་ཇུས་དང་བསམ་ཚུལ་བཤད་པ་ཙམ་ལས། རང་མི་ཐུབ་པ་ཞིག་ལ་ངའི་བྱེད་ཐུབ་མདོག་མདོག་དང་། རང་གི་བྱས་རྗེས་མིན་པ་ལ་ངའི་བྱས་རྗེས་ཡིན་མདོག་མདོག་གི་གཡོ་སྒྱུ་མ་འཁྲབ་པར་བརྟེན། འོས་བསྡུའི་ཁྲོད་ཕམ་པ་རེད། འདི་ནི་སྤེན་ཚེའི་ཆབ་སྲིད་རེད། ད་ཐེངས་ཨ་རིའི་དོན་གཅོད་སྐབས་ཀྱང་ཕུགས་རྒྱང་རིང་པོ་ལ་བསམ་བློ་བཏང་ནས་རྩིས་དང་གང་ཐད་ནས་གཙང་མ་དགོས་པར་ཤེས་པའི་ཐོག་ནས་ས་ཡ་གཅིག་དང་ཕྱེད་ཀ་རྩད་གཅོད་བྱས་པས། བློ་སེང་གི་བློ་སྣ་ཐུང་བའི་(ཆོས་ཕྱོགས་ནས་བཤད་ན་ལོག་འཚོ་) ཁྲིམས་འགལ་གྱི་བྱ་བ་དེ་ཕྱིར་ཐོན་ཡོང་བས། བློ་སེང་ལ་དངངས་སྐྲག་ལངས་ནས་དོན་གཅོད་འཕོ་འགྱུར་བཏང་ནས་སྤེན་ཚེའི་ལས་གནས་ཤོར་བ་རེད། འདི་ཡང་སྤེན་ཚེའི་ཆབ་སྲིད་རེད། མདོར་ན། དྲང་བདེན་ཆབ་སྲིད་ཕམ་སོང་བ་དང་། གཡོ་སྒྱུ་ཅན་གྱི་ཆབ་སྲིད་རྒྱལ་སོང་བ་རེད།
   སྤེན་ཚེ་ལགས། དེང་སེང་གཡོ་སྒྱུ་འདྲེས་པའི་ཆབ་སྲིད་རླུང་རྟ་དར་འདུག་པས། ཁྱེད་ཀྱིས་ཀྱང་དེ་ལ་ཅུང་ཙམ་སློབ་དགོས་པ་མིན་ནམ།

5. ་་་་་་་་་་ ད་དུང་དོགས་པ་ཆེན་པོ་ཞིག་ལ། བོད་རྒྱ་འབྲེལ་མོལ་ལ་འབད་རྩོལ་མི་བྱེད་པར་བལྟས་ན། ཁོས་ཁ་ནས་དབུ་མའི་ལམ་ཟེར་བཞིན་དོན་ངོ་མ་ལ་རང་བཙན་གྱི་ལྟ་བ་འཁུར་ནས་ལས་ཀ བྱེད་ཀྱི་ཡོད་པའི་ཚོར་སྣང་འདུག ་་་་་་་་ ཟེར།

6. ཡག་པོ་བྲིས་འདུག ཡིན་ན་ཡང་ད་དུང་ཁ་སྣོན་ཁ་ཤས་དགོས་འདུག

7. བོད་སྒྱུར་ཞུ་མཁན། ཕུར་རྡོར།

   བརྩེ་བའི་བོད་རིགས་སྤུན་ཟླ་རྣམ་པ།

   ངས་འཕྲིན་ཡིག་འདི་ཉིད་ཉེ་ཆར་ཁྲོམ་གཞུང་ཁག་ཏུ་སོ་སོའི་བཀའ་ཤག་དང་སྲིད་སྐྱོང་ལ་ངོ་རྒོལ་བྱེད་མཁན་རྣམས་ལ་འབྲི་བཞིན་ཡོད། དེའང་ཁ་གསང་པོ་བགྱིས་ཏེ་ཞུས་ན། ངས་ནི་སོ་སོའི་སྲིད་སྐྱོང་དང་བཀའ་ཤག་ལ་ངོ་རྒོལ་བྱས་པ་དེ་རྦད་དེ་ཞབས་འདྲེན་ཞིག་རེད་འདུག་སྙམ།

   དབུས་བོད་མིའི་སྒྲིག་འཛུགས་ནས་སོ་སོའི་ཁྱབ་ཁོངས་སུ་ཡོད་པའི་ལས་མི་གཅིག་གི་ལས་གནས་ལ་འཕོ་འགྱུར་གྱི་ཐག་གཅོད་གནང་པའི་རྒྱུ་མཚན་གྱིས། ཁྱེད་ཀྱིས་སོ་སོས་ཚད་ལྡན་ངང་ནས་འོས་འདེམས་བྱས་ཏེ་བདམས་པའི་སོ་སོའི་གཞུང་གི་དབུ་ཁྲིད་ལ་རྔམ་སྟོན་ཁྲོམ་སྐོར་གྱིས་ངོ་རྒོལ་བྱེད་གི་ཡིན་ནམ། དངོས་གནས་དེ་ལྟར་བྱེད་གི་ཡིན་ནམ། ཁྱོད་ཚོ་ཅི་མ་ཉན་པ་རེད།

   གལ་ཏེ། ཁྱེད་ཚོས་རྔམ་སྟོན་ཁྲོམ་སྐོར་བྱ་འདོད་ན། ཁྱོད་ཚོ་གཞུང་ཚབ་ཁང་གི་མདུན་ཐང་དུ་འགྲོ་དགོས་ངེས་རེད་ལ། གནས་དེ་རུ་ཁྱོད་ཚོས་སོ་སོའི་རྒྱལ་ཁབ་གཞན་ལག་ཏུ་ཤོར་བའི་དྲིས་ལན་དེ་ཐད་ཀར་རག་ངེས་རེད།

   ངས་བོད་ཡིག་ཀློག་རྒྱུ་དང་བོད་སྐད་མི་ཤེས་ཀྱང་། ངོ་དེབ་སྒང་དུ་བཏང་ཡོད་པའི་པར་རིས་དང་ཡི་གེ་རྣམས་མཐོང་གི་འདུག་ལ། སྐད་འཕྲིན་ཚོགས་པ་བརྒྱ་ཕྲག་ཁ་ཤས་ཀྱི་ནང་དུ་གང་གཏོང་བཞིན་པ་དང་འགྲོ་བཞིན་པ་རྣམས་བོད་པའི་གྲོགས་པོ་རྣམས་བརྒྱུད་ནས་ཤེས་རྟོགས་བྱུང་བ་ལྟར་ན། ང་ནི་ཞེན་པ་ལོག་གི་འདུག བོད་པ་རྣམས་ལ་ཡིད་ཆེས་བརླག་མགོ་ཚུགས་ཀྱི་འདུག

   འདི་ང་རང་སྒེར་དང་འབྲེལ་བ་མེད་ལ། ཐ་ན་ཁྱོད་གཅིག་པུ་ལའང་འབྲེལ་བ་མེད་མོད། ཡིན་ནའང་འདི་ནི་རླབས་ཆེན་གྱི་བོད་པའི་འབྱུང་འགྱུར་གྱི་ཆེད་དུ་ཡིན།

   ཁྱོད་ཚོས་མང་གཙོའི་སྐོར་ལ་ཤེས་ཀྱི་ཡོད་དམ། ༧སྤྱི་ནོར་གོང་ས་སྐྱབས་མགོན་རིན་པོ་ཆེ་མཆོག་གིས་གསུངས་གནང་པའི་དགོངས་དོན་རྣམས་རྟོགས་ཀྱི་ཡོད་དམ། ཁྱོད་ཚོས་ཐ་ན་བཙན་བྱོལ་བ་ཞིག་བྱས་ཏེ་རྒྱལ་སྤྱིའི་ཆབ་སྲིད་ཁྲོད་དུ་གཞན་གྱིས་བཀའ་ཤག་ལ་ལངས་ཕྱོགས་འཛིན་སྟངས་ཀྱི་ཐད་ནས་དཀའ་ངལ་ཇི་ལྟར་འཕྲད་བཞིན་ཡོད་པ་ཤེས་ཀྱི་ཡོད་དམ། ཁྱོད་ཚོས་དེ་ལྟར་བྱས་པ་དེས་བོད་པའི་སྤྱི་ཚོགས་དང་། དགོས་སུ་གཞིས་བཞུགས་བོད་མི་རྣམས་ལ་རྨ་ཁ་ཇི་ལྟར་བཟོ་གི་ཡོད་པ་ཤེས་ཀྱི་ཡོད་དམ།

   སྟོབས་ཤུགས་ཅི་ཞིག་གིས་ཁྱོད་ཚོས་འདི་ལྟར་བྱ་ཐུབ་པར་གྱུར་བའི་ཐད་ལ་ང་ནི་ཡ་མཚན་སྐྱེས་བྱུང་། ངའི་རེ་བ་ལ་འདི་ནི་གནས་སྐབས་ཀྱི་ཚོར་བ་ཁོ་ན་ཙམ་ཡིན་པར་ཤོག དེ་ཡིན་ན་དྲག་སྐྱེད་ཡོད་པའི་ནད་གཞི་ཞིག་རེད། གང་ལགས་ཤེ་ན། ཁྱོད་ཚོའི་ལས་སྟངས་དེས་རྒྱབ་ཏུ་ཁུ་སིམ་མེར་བསྡད་ཡོད་པའི་མི་རེ་ཟུང་ཞིག་གི་འདོད་འདུན་སྒྲུབ་བྱེད་དུ་འགྱུར་བཞིན་ཡོད་ལ། ཁུ་སིམ་མེར་བསྡད་ཡོད་པའི་མི་རེ་ཟུང་གིས་ཁྱོད་རང་མིག་སྔུན་དུ་འདོན་འཇུག་གི་ཡོད། དེ་ཤེས་པར་གྱིས།

   ཁྱོད་ཚོས་གང་བྱས་པ་དེ་ནོར་འཁྲུལ་རེད་ཅེས་བཤད་པར། ང་རང་བོད་པ་ཡིན་མི་དགོས་ལ། ང་རང་སངས་རྒྱས་ཆོས་ལུགས་པ་ཞིག་ཀྱང་ཡིན་མི་དགོས། དངོས་ཡོད་དེ་སྤྱིར་བཏང་བའི་མི་ཞིག་ཡིན་ན་ཤེས་ཀྱི་རེད། དེ་ལ་སློབ་གྲྭ་ཆེན་མོ་ཞིག་ལ་ཕྱིན་ནས་སྤྱང་བ་བྱེད་མི་དགོས། གནད་དོན་དེ་ཁྱབ་ཆེ་ས་ནས་མཁྱེན་པར་མཛོད།

   ཁྱོད་ཚོའི་བྱ་སྤྱོད་དེས་བོད་པའི་སྤྱི་ཚོགས་ལ་ཞབས་འདེགས་ཞུ་མི་ཐུབ་ལ། གཞིས་བཞུགས་སྤུན་ཟླ་རྣམས་ལའང་ཞབས་འདེགས་ཞུ་མི་ནུས། ཁྱོད་ཚོས་ཁོང་ཁྲོ་དང་ཁ་བྲལ་སྐྲུན་གི་ཡོད། ཚང་མས་ནུས་པ་མཉམ་སྤུང་དང་རྡོག་རྩ་ཆིག་སྒྲིལ་བྱ་འོས་པའི་དུས་སྐབས་འདིར། ནང་ཁུལ་ནས་ཁ་བྲལ་གཏོང་རེས་བྱས་པ་དེ་ནི་རྫབ་ཆེན་གྱི་ནོར་འཁྲུལ་ཅན་ཞིག་རེད། དེ་ལྟ་བས་ན། ཁྱོད་ཚོས་སུ་ཞིག་གི་ཆེད་དུ་ཞབས་འདེགས་ཞུ་ཡི་ཡོད།

   ངའི་རེ་བ་ལ། གླེན་གོག་གི་ལས་འགུལ་དུ་དངོན་སུ་འཇུག་མཁན་དང་། དངོས་སུ་མ་ཞུགས་ཀྱང་འབྲེལ་བ་ཡོད་པའི་མི་ཡོད་དོ་ཅོག་གིས་ངའི་རྩོམ་ཐུང་འདི་བཀླག་པའི་རེ་བ་ཡོད།

   སྐུ་མཁྱེན། ལས་འགུལ་དེ་མཚམས་འཇོག་གནང་རོགས། བྱམས་སྙིང་རྗེ་དང་ཞི་བདེའི་ངང་ནས་མཐུན་སྒྲིལ་དང་རྡོག་རྩ་ཆིག་སྒྲིལ་གྱི་ལས་ལ་རྩོན་པར་གནོངས། མི་གཅིག་ནང་བཞིན། འཛམ་གླིང་འདིར་ཡོད་པའི་བོད་མི་ཚང་མས་མི་རིགས་རྩ་བརླག་གི་སྡུག་སྦྱོང་མྱོང་གིན་ཡོད། ཚང་མས་གཅིག་ནང་བཞིན་བྱེད་རོགས།

   ངའི་སེམས་པ་འདི་དུས་ནམ་ཡང་བོད་ཕྱི་ནང་གཉིས་སུ་ཡོད་པའི་བོད་མི་རྣམས་ཀྱི་ཕྱོགས་སུ་ཡོད། དུས་རྒྱུན་དབང་སྒྱུར་པའི་འོག་ནས་ཞེད་སྣང་དང་སྡུག་སྦྱོང་ཚད་མེད་མྱོང་བཞིན་པའི་བོད་མི་རྣམས་དང་ལྷན་དུ་ཡོད།

   དངོས་གནས་ཡིན། ཁྱེད་ཚོས་སོ་སོའི་བྱས་ཉེས་དེ་ངོ་ཚ་ཡིན་པ་ཧ་གོ་དགོས་ལ། ངའི་རེ་བ་ལ་ཁྱོད་ཚོས་ཐུགས་བསམ་ལེགས་པོ་བཞེས་ནས། རང་ཉིད་རང་ལ་གནོང་མི་དགོས་པའི་བདེན་པའི་ལམ་བུ་ཞིག་རྙེད་ནས་རང་སེམས་དངོས་ཀྱི་རྗེས་སུ་འབྲང་བར་བྱ་བ་དང་། སོ་སོ་སུ་ཡིན་པ་དང་། སུ་ལ་ཞབས་འདེགས་ཞུ་འོས་མིན་དེ་ཤེས་པར་མཛོད། །

   ཞི་བདེ་དང་བྱམས་བརྩེས་སྐྱོང་པར་མཛོད། བོད་རང་བཙན།

   ༼མཆན། ཡོངས་གྲགས་ཀྱི་འཕྲིན་ཡིག་འདི་འབྲི་མཁན་ནི་དགུང་ལོ་54 སོན་པའི་འཇར་མེ་ནན་Germanyནས་ཡིན་པའི་བུད་མེད་ཨཱ་བེ་ལན་ ཕེ་ཋ་སེ་ཁི་Evelin Ptassekལགས་ཀྱིས་བྲིས་པ་ཞིག་རེད་འདུག

8. མང་གཙོའི་སྤྱི་ཚོགས་ནང་དུ་རུལ་སུངས་ཀྱི་དབུ་ཁྲིད་ལ་ངོ་རྒོལ་བྱེད་རྒྱུ་དེ་ནི་མང་ཚོགས་ཀྱི་ཁྲིམས་མཐུན་ཁེ་དབང་བླ་ན་མེད་པ་དེ་ཡིན་མོད། གལ་ཏེ་དེ་ལྟ་མིན་པར་འདི་ནི་སྐྱུག་བྲོ་བའི་ཁྲིམས་འགལ་གྱི་བྱ་སྤྱོད་ཅིག་ཡིན་ན། ག་འདྲ་ཞིག་ལ་མང་གཙོའི་ཁེ་དབང་ཟེར་བ་རེད་འགྲེལ་བཤད་ཅིག་སྐྱོན་རོགས།

9. ད་ནི་བོད་དུ་མང་གཙོ་དར་བའི་བྱུང་རབས་ནང་བྱུང་མ་མྱོང་བའི་དུས་འགྱུར་ཆེན་པོ་ཞིག་ཡོང་རྒྱུ་རེད། འདི་ནི་བློ་བཟང་སེང་གེ་དང་། ཤར་གླིང་ཟླ་སྒྲོན། དབུ་དཀར་ཚང་སྐལ་རྡོར། གཡུ་ཐོག་ཀརྨ་དགེ་ལེགས་སོགས་དངུལ་དང་དབང་མཐོང་ན་ཡོད་ཚད་བརྗེད་འགྲོ་མཁན་ཚོས་སྣ་དྲངས་ཡོང་བའི་སྡུག་འབྲས་རེད། བོད་འབངས་ཉེས་མེད་ཉམས་ཆུང་ཚོ་སྙིང་རེ་བརྗེ།

10. སྤེན་ཚེའི་བྱས་ཉེས་ ༩ པ་ཁྱེད་རང་སྲིད་སྐྱོང་མཉམ་དུ་ལས་ཀ་བྱས་ན་ཁྱེད་རང་གི་མདུན་ལམ་ལ་དོ་ཕོག་འགྲོ་ངེས་ཞེས་པ་དེ་བདེན་པ་ཡིན་ན། ཚོགས་ཟུར་སྤེན་ཚེས་མོ་ལ་མ་འོངས་ལུང་བསྟན་ཧ་ལས་པ་ཞིག་གནང་འདུག སྲིད་སྐྱོང་དང་ཚོགས་ཟུར་གཉིས་ཀྱི་དབྱེན་མོ་ཆགས་པ་དེས་ཐ་ན་རང་གི་ཆོལ་ཁས་ཀྱང་ཡིད་ཆེས་མི་ཐུབ་པ་ཆགས་པ་རེད། སྙིང་རྗེ།

11. Garmeny ཡིན་པའི་བུད་མེད་དེས་བོད་ལ་སེམས་ཁུར་བྱས་པར་རྗེས་སུ་ཡིད་རང་ཡོད། འོན་ཀྱང་ད་ཐེངས་ཀྱི་རྙོགས་གླེང་དེའི་བྱུང་རིམ་མ་ཤེས་ནས་བྲིས་ན་བཤད་ཡ་མེད། ཤེས་ནས་བྲིས་ན་དེ་ཙམ་ཞིག་རེད་སྙམ། བོད་མི་སྐྱབས་བཅོལ་བའི་མང་གཙོ་དེ། ཞྭ་མོ་རླུང་གིས་འཁུར་ནའང་འཛུམ་དམུལ་དམུལ། ལྷམ་འགོ་ཆུ་ཡིས་འཁུར་ནའང་འཛུམ་དམུལ་དམུལ་ཟེར་པ་ལྟ་བུ་ཞིག་ཡིན་དགོས་མདོག་མདོག་ཡིན་རྒྱུ་མ་རེད།
    དངོས་ནས་བྱས་ན། བོད་དོན་དུ་ཕྱག་ལས་གནང་བཞིན་པའི་ཨ་རི་བས་བློ་སེང་གི་བྱེད་སྟངས་དེ་ནོར་འཁྲུལ་ཅན་དུ་ངོས་འཛིན་བྱས་ཡོད་པ་དེ་རེད།

12. ངས་ལྟས་ན། བློ་བཟང་སེངྒེ་བཀའ་ཤག་ལ་སྐུ་ངོས་སྤེན་ཚེའི་ཆ་གཞི་ལྡན་པའི་ཕྱི་ནང་གསང་གསུམ་གྱི་འཇབ་རྒོར་བྱས་ནས་མཐར་ལག་པ་འཆང་ས་ཨ་རིས་བོད་ཀྱི་ཐེམ་རྩ་ཁང་དང་འབྲེལ་བའི་རོགས་དངུལ་ས་ཡ་གཅིག་དང་ཕྱེད་ཀའི་བློ་སང་གི་ལྐོག་ཟ་བྱས་འདུག་བསམ་ནས་སྲིད་གཞུང་མགོ་རྟིང་སློག་པའི་ལས་འགུལ་ཞིག་ལམ་འགྲོ་མ་རྒྱུག་པ་ཙམ་རེད།

13. རྩོད་རྙོག་འདིའི་རྒྱབ་ལྗོངས་འདི་འདྲ་ཞིག་ཡིན་པ་གཞི་ནས་ཤེས་སོང་། མདོར་བསྡུས་ན་རྩོད་རྙོག་འདིའི་རྒྱབ་ན་མི་མངོན་པའི་མི་མང་པོ་ཞིག་ཡོད་པ་དང་། མི་དེ་དག་ལ་དམིགས་ཡུལ་དང་འཆར་གཞི་ཡང་མང་པོ་ཡོད་པ་རྟོགས་ཐུབ།

14. རིན་ཐང་ལྡན་པ་ཞིག་བྲིས་གནང་འདུག་ཐུགས་རྗེ་ཆེ།

15. སྤྱི་ཟླ་ ༡༢ པའི་ཚེས་ ༨ ལ་སྲིད་སྐྱོང་གི་ཕེབས་བསུ་སྟངས།
    https://www.facebook.com/lob.ga.3/videos/1108527679284300/?hc_ref=ARSj7KiSqd2BlOVL44p_6r48LnuB93xId0D9iv-gdiYOozhzJlTpvNRYO1KJgrm4tMA

16. སྤྱི་ཟླ་ ༡༢ པའི་ཚེས་ ༨ ལ་སྲིད་སྐྱོང་གི་ཕེབས་བསུ་སྟངས། བརྙན་པར་གཞན་ཞིག་ནི།
    https://www.facebook.com/119306658803462/videos/168194847247976/?hc_ref=ARTSHUV7zw-Y6qL4qWqNFHMLUq_NGV9KMWlGYQ_ihI6irrO0WL5bMu_292cPF-jcaRk