ཀརྨ་བསྟན་འཛིན་བརྒྱུད་སྤྱི་འཐུས་རྨོག་རུ་བསྟན་པས།
ཕྱི་ལོ་༢༠༡༢།༩།༢ བོད་ཀྱི་མང་གཙོའི་དུས་ཆེན་ཉིན་ཨུ་རུ་སུའི་མངའ་ཁུལ་བྷོ་རེ་ཡ་ཐུར་བོད་མི་མང་སྤྱི་འཐུས་ལྷན་ཚོགས་ཀྱིས་སྣེ་ཁྲིད་པའི་བདེན་པའི་མེ་ལྕེ་བསྐོར་བསྐྱོད་དང་མི་མང་ནས་མཚན་རྟགས་བསྡུ་རུབ་བྱས་ཡོད་འདུག
ཕྱི་ཚེས་༡ ཉིན་མོ་སུ་ཁོའི་བོད་དོན་རྒྱབ་སྐྱོར་བ་བོད་ཀྱི་ཁང་པའི་ཚོགས་གཙོ་ལྕམ་ན་རྒྱ་ལགས་ཀྱིས་བདེན་པའི་མེ་ལྕེ་ཡི་དཔལ་འབར་འཁྱེར་དེ་བྷོ་རེ་ཡ་ཐུར་འབྱོར་ཡོད་པ་དང་། གནམ་ཐང་དུ་འབྱོར་སྐབས་ས་གནས་བོད་རིགས་སྤྱི་མཐུན་ཚོགས་པའི་ཚོགས་གཙོ་དང་། ཚོགས་གཞོན། དྲུང་ཆེ་གཙོ་བོས་མི་མང་གིས་སྣེ་ལེན་མཇལ་དར་སྒྲོན་ཡོད་པ་རེད།
ཕྱི་ཚེས་༢ ཉིན་བྷོ་རེ་ཡ་ཐུའི་ཨོ་ལན་བོ་དེ་གྲོང་ཁྱེར་གྱི་མཐོ་རིམ་སློབ་གྲྭའི་ཚོགས་ཁང་ནས་བདེན་པའི་མེ་ལྕེ་བསྐོར་བསྐྱོད་གདན་འདྲེན་ཞུས་ཡོད་པ་དང་། བསྐོར་བསྐྱོད་ཀྱི་ལས་འགུལ་འདིར་མཁན་པོ་ཆོས་རྡོ་རྗེ་ལགས་དང་། དགེ་བཤེས་བྱམས་པ་འཕྲིན་ལས་སོགས་ཀྱི་གཙོ་བོས་མི་མང་ལྔ་བརྒྱ་ལྷག་ཅིག་མཉམ་འཛོམས་བྱུང་ཡོད་པ་རེད།
བོད་རིགས་སྤྱི་མཐུན་ཚོགས་པའི་ཚོགས་གཙོ་ངག་དབང་བསྟན་འཛིན་ལགས་ཀྱིས་བདེན་པའི་མེ་ལྕེ་ངོ་སྤྲོད་དང་འབྲེལ་བའི་གསུང་བཤད་གནང་བ་དང་། སྐུ་མགྲོན་གཙོ་བོ་མཁན་པོ་ཆོས་རྡོ་རྗེ་ལགས་དང་། དགེ་བཤེས་བྱམས་པ་འཕྲིན་ལས་སོགས་ཀྱིས་ཀྱང་གསུང་བཤད་གནང་ཡོད་འདུག དེ་རྗེས་བོད་ཀྱི་རྒྱལ་གཅེས་དཔའ་བོ་རྣམས་ཀྱི་སྐུ་པར་མི་མང་ཁྲོད་འགྲེམས་སྟོན་བྱས་པར་མི་མང་གིས་ཚོར་ཤུགས་དྲག་པོས་རྣམ་འགྱུར་བསྟན་ཡོད་པ་རེད།
བདེན་པའི་མེ་ལྕེ་བསྐོར་བསྐྱོད་ཀྱི་མཛད་སྒོ་གྲུབ་རྗེས་མི་མང་ནང་མཚན་རྟགས་བསྡུ་རུབ་བྱས་ཡོད་འདུག ཐེངས་འདིའི་མཛད་སྒོ་འདིར་བདེན་པའི་མེ་ལྕེ་བསྐོར་བསྐྱོད་དང་། བོད་ཀྱི་མང་གཙོ་དུས་ཆེན་ཐེངས་༥༢་པ་སྲུང་བརྩི་བྱས་པ། བོད་ཀྱི་སྲིད་སྐྱོང་བཀའ་བློན་ཁྲི་བ་མཆོག་གིས་སྲིད་སྐྱོང་བའི་མཛད་འགན་བཞེས་ནས་ལོ་གཅིག་འཁོར་བའི་དུས་དྲན་སྲུང་བརྩི་སོགས་དུས་ཆེན་གསུམ་འཛོམས་ཀྱི་མཛད་སྒོ་གཞི་རྒྱ་ཆེ་བ་ཞིག་ཆགས་ཡོད་པ་དང་། ས་གནས་བོད་རིགས་ཚོགས་པ་གསར་འཛུགས་རྗེས་ཀྱི་གཞི་རྒྱ་ཆེ་བའི་ལས་འགུལ་དང་པོ་དེ་ཡང་ཆགས་ཡོད་པ་རེད།
རྩོམ་བསྡུའི་གསལ་བརྡ།
༄༅།།མཁྱེན་དཔྱོད་མཆོག་ཏུ་ཡངས་པའི་ཕྱི་ནང་གི་རྩོམ་པ་པོ་ཡོངས་ལ་
གུས་ཞུ།
འདི་གའི་<>་ལོ་དེབ་རྩོམ་སྒྲིག་ཁང་གིས་<>་འདོན་ཐེངས་གཉིས་པ་མི་རིང་བར་འདོན་འཆར་ཡོད་པས་ལོ་དེབ་འདིའི་ཁ་བྱང་དང་འབྲེལ་བའི་བཅར་འདྲི་དང་དེ་མིན་སྒྲུང་རྩོམ།འབོལ་རྩོམ།རང་མོས་སྙན་ངགཚིག་ལྷུག་དང་བསྒྱུར་རྩོམ།ནང་ཆོས་རྩེད་རིགས།གྲགས་ཅན་མི་སྣ་ངོ་སྤྲོད་སོགས་མདོར་ན་ཁྱེད་ཅག་གིས་རྩོམ་ལུས་ཁྱད་མེད་ཀྱི་ཐོག་ནས་ངེད་རྩོམ་སྒྲིག་ཁང་དུ་བསྐུར་རོགས་ཞུ།རྩོམ་ཡིག་ལ་ཚད་བཀག་མེད་མོད།རྩོམ་ཡིག་རྣམས་འདི་གར་འབྱོར་ཟིན་རྗེས་སུ་ལོ་དེབ་ཏུ་འགོད་མིན་ངེད་རྩོམ་སྒྲིག་པར་དབང་བས་རྙོག་གླེང་མི་བྱ་བ་ཞུ།དམིགས་བསལ་ཞུ་རྒྱུ་ཞིག་ལ་བྱེས་འབྱོར་བའི་རྩོམ་པ་པོ་ཚོས་དྲྭ་བ་ཁག་ཏུ་བཀོད་ཟིན་པའི་རྩོམ་ཡིག་རྙིང་པ་རྣམས་འདི་ནས་ལོ་དེབ་ཏུ་གཏན་ནས་འགོད་ཀྱི་མིན་པས་དེ་ལུགས་ཀྱི་རྩོམ་ཡིག་གསར་བ་རེ་བསྐུར་གནང་ཡོང་བར་མཁྱེན།འདི་གར་བསྐུར་ཟིན་པའི་རྩོམ་ཡིག་དག་ལོ་དེབ་འདོན་མ་ཚར་བར་དྲྭ་བ་སོགས་གཞན་དུ་མི་འགོད་པ་ཞུ།རྩོམ་བསྡུའི་དུས་ཚིགས་ནི།སྤྱི་ཟླ༩ཚེས༣ནས༡༠པའི་ཚེས༣ནང་ཚུད་དུ་འདི་གར་རྩོམ་སྒྲིག་ཁང་དུ་ངེས་འབྱོར་ཐུབ་དགོས།རྩོམ་སྣོད། chidelchomdelkhang@yahoo.com ལག་ཐོག་ཁ་པར།༨༨༩༢༩༨༥༣༣༡
ཁ་བརྡ་ལ་རེ་བ་ཞུ་རྒྱུར། གསལ་བརྡ་འདི་དྲྭ་བའི་མདུན་ངོས་སུ་འགོད་རོགས་ཞུ།
ཆིག་སྒྲིལ་ལོ་དེབ་རེད། <>
སྐུ་ངོ་སྤྱི་འཐུས་རྨོག་རུ་བསྟན་པ་ལགས་ནས་ཚོགས་པ་གསར་འཛུགས་ཀྱིས་འདི་བཞིན་བོད་དོན་བདེན་པའི་མེ་ལྕེ་བསྐོར་བསྐྱོད་ཀྱི་ལས་འགུལ་སྤེལ་བར་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་ཡིན།
མུ་མཐུད་དུ་ཚོགས་པ་ཡར་རྒྱས་ཡོང་བའི་རེ་བ་དང་ཡིད་ཆེས་ཡོད་མུ་མཐུད་དུ་བོད་དོན་དྲིལ་བསྒྲགས་སོགས་ལ་འབད་བརྩོན་གནང་རོགས་ཞུ་རྒྱུ་ཡིན།