མ་འོངས་པ་ལ་གོ་རིམ་མེད།

Comments (3) on “མ་འོངས་པ་ལ་གོ་རིམ་མེད།”

1. བོད་ཀྱི་མི་འབོར་ལ་འདི་འདྲའ་ཚོད་རྩིས་ཡོད། ང་ཚོས་ཡོངས་གྲགས་ལ་བརྗོད་པའི་བོད་མི་ས་ཡ་དྲུག་དེ། རྒྱ་དང་། ཕྱི་རྒྱལ་གྱི་རྩིས་ཞིབ་ལྟར་ན། ཁྱོན་བསྡོམས་ས་ཡ་ལྔ་ཙམ་ལས་ཟིན་གྱི་མེད་པ་འདྲ། དཔེར་ན་མཉམ་སྦྲེལ་རྒྱལ་ཁབ་ཀྱི་མི་འབོར་རྩིས་གཞི་དེའི་ནང་གཟིགས་ན་མཁྱེན་ཐུབ།

   དེ་ནས་བོད་མིའི་ཕྲུ་གུ་སྐྱེས་ཚད་དེ་ལྡབ་གཉིས་ཆག་འདུག་ཟེར། དཔེར་ན། སྔོན་མ་ཕྲུ་གུ་ལྔ་སྐྱེས་མཁན་གྱི་ཁྱིམ་ཚང་ཞིག་ལ་ད་ཆ་ཕྲུ་གུ་གཉིས་ཙམ་ལས་མི་སྐྱེས་ཟེར། ལྷ་ས་ལྟ་བུར་མཚོན་ན། སྤྱི་སྙོམས་ཀྱི་ཕྲུ་གུའི་སྐྱེས་ཚད་དེ་1.2ཡིན། 

   དེ་ལྟར་ལོ་བཅུ་དང་ཉི་ཤུ་ཕྱིན་པ་ཡིན་ན། བོད་པའི་མི་འབོར་དེ་ཧ་ལམ་ས་ཡ་གཉིས་ཙམ་ཆགས་རྒྱུ་ཡིན། དེའི་སྟེང་བོད་ཡུལ་ལ་རྒྱ་རིགས་གནས་སྤོ་བ་དེ་ལོ་ལྟར་ཕར་འགྲོ་གི་ཡོད།
   དེར་བརྟེན་བོད་མི་འདི་འཇིག་བརྟེན་འདི་ནས་རྩ་སྟོང་ལ་འགྲོ་བའི་མགྱོགས་ཚད་དེ་འཛམ་གླིང་ནང་ཆེས་མཐོ་ཤོས་ཡིན་ཚོད། དེ་ལ་ནོར་ཝེལ་གྱི་བྱ་དགའ་ཞིག་འོས་ཐོབ།

2. བོད་ཀྱི་མི་འབོར་འཕེལ་ཚད་ཧ་ཅང་དམའ་བོ་ད་ཡིན་རྒྱུ་མ་རེད། གཞུང་ངོས་ནས་གྲངས་ཉུང་མི་རིགས་ཀྱི་བཟའ་ཚང་རེར་ཕྲུ་གུ་གསུམ་རེ་སྐྱེ་ཆོག་པ་ཁྲིམས་ཐོག་ནས་ལག་བསྟར་བྱེད་ཀྱིན་ཡོད། མི་རིགས་རང་སྐྱོང་གི་བཅའ་ཁྲིམས་ལ་དེ་ལྟར་འཁོད་ལ་ལག་བསྟར་གཙང་མ་བྱེད་ཀྱིན་ཡོད། གྲྭ་བ་དང་ལྷག་པར་ཡང་དེང་དུས་སུ་བཙུན་མ་ཇེ་མང་ལ་འགྲོ་བ་དེས་མི་འབོར་འཕེལ་ཚད་ཏོག་ཙམ་ཉུང་དུ་འགྲོ་བར་ཐེ་ཚོམ་མེད། འོན་ཀྱང་འདས་པའི་དུས་དང་བསྡུར་ན་གྲྭ་བ་ཉུང་དུ་འགྲོ་བཞིན་ཡོད་པར་ཐག་ཆོད། སེ་འབྲས་དགའ་གསུམ་གྱི་བླ་རྒན་ཚོས་གྲྭ་རྒྱུན་གསར་ཞུངས་ཇེ་ཉུང་དུ་འགྲོ་བཞིན་འདུག་ཟེར་ནས་སེམས་ཁྲལ་བྱེད་ཀྱིན་འདུག དེ་ལ་ལྟོས་ན་རྒྱ་མིའི་མི་འབོར་ཧ་ཅང་ཆག་གི་ཡོད་ངེས་རེད། བཟའ་ཚང་རེར་ཕྲུ་གུ་གཅིག་རེ་ལས་སྐྱེ་ཆོག་གི་མེད། ཧོང་ཁོང་དུ་ཕྲུ་གུ་སྐྱེ་བར་ཚད་བཀག་མེད་ཀྱང་གོམ་གཤིས་ལ་བཟའ་ཚང་རེར་ཕྲུ་གུ་གཅིག་གམ་གཉིས་ལས་མང་བ་སྐྱེད་མཁན་སྲིད་མཐའ་མ་བཀག་ཙམ་རེད་ཟེར།

3. ཉེ་སྔོན་ལྷ་སའི་ཟིང་ཆའི་སྐབས་གཏོར་སྐྱོན་ཐེབས་པའི་ཚོང་ཁང་སོགས་ལ་རོགས་དངུལ་ཧ་ཅང་འབོར་ཆེན་ཞིག་སྤྲད་རྒྱུ་ཡིན་ཚུལ་གསལ་བསྒྲགས་བྱས་འདུག དེ་ལ་མི་འབོར་གནས་སྤོས་ཆབ་སྲིད་ཀྱི་གནད་དོན་ཧ་ཅང་ཆེན་པོ་འདུག ངས་བ༸ཐྲྤཀླགས་པའི་ཡིག་ཆ་དེ་ལྟར་ན་རྒྱ་མིའི་དངུལ་དུང་ཕྱུར་ཕྱེད་ལྷག་ཅིག་རོགས་དངུལ་སྤྲོད་རྒྱུ་ཚུལ་བཀོད་འདུག ཚོང་ཁང་དེ་ཕལ་མོ་ཆེ་རྒྱ་རིགས་དང་ཧེའེ་རིགས་ཚོའི་ཡིན་སྟབས་རྒྱ་ནག་གཞུང་ལ་རྒྱབ་སྐྱོར་བྱེད་མཁན་གྱི་དཔུང་སྡེ་བརྟན་པོ་འཛུགས་རྒྱུའི་འཐབ་ཇུས་ཞིག་ཡིན་ས་རེད། གནད་དོན་དེའི་ས་གནས་བོད་རིགས་ཚོའི་སེམས་ལ་བསམ་བཞིན་ཕོག་ཐོག་གཏོང་གི་ཡོད་སྟབས་མཇུག་མཐའི་གྲུབ་འབྲས་གང་ཐོན་རྒྱུ་ཡིན་སུས་ཤེས།