དེ་རིང་དུས་ཚིགས་ཁྱད་པར་ཅན་གྱི་ཉིན། མ་ཡུམ་དྲ་ཚིགས་(http://www.mayum.net)ཤར་གཏོང་བྱས། དྲ་ཚིགས་འདི་ནི་ཨོ་སི་ཊོ་ལི་ཡར་གནས་སྡོད་བོད་མིས་བཏོན་པའི་བོད་ཡིག་དྲ་ཚིགས་ཐོག་མ་དེ་རེད། དྲ་ཚིགས་འདིའི་དམིགས་ས་གཙོ་བོ་ནི། བོད་ཀྱི་སྐད་ཡིག་རིག་གཞུང་དང་རྩོམ་རིག་སྒྱུ་རྩལ་སྐོར་ཡིན་ཞིང་། དེ་ཡང་བོད་གཞིས་བྱེས་གཉིས་ཀའི་བོད་མིས་མཉམ་ཞུགས་ཐུབ་པའི་རེ་བ་བཅངས་ཡོད། དྲ་ཚིགས་འདིའི་ཐོག་རྩོམ་ཡིག་སྤེལ་འདོད་ཡོད་ཚེ། རྩོམ་སྒྲིག་པར་ཁ་བྱང་འདི་(editor@mayum.net) བརྒྱུད་འབྲེལ་བ་གནང་ན་འགྲིག་ཅིང་། མ་འོངས་པར་རྩོམ་པ་པོ་སོ་སོའི་ཟིན་བྲིས་སྤེལ་སའི་སྡེ་ཚན་ཡང་བཟོ་འཆར་ཡོད། མ་ཡུམ་དྲ་ཚིགས་འདིར་བོད་མི་གང་མང་མཉམ་ཞུགས་གནང་སྟེ། དོན་འབྲས་ལྡན་པའི་གླེང་སྟེགས་ཤིག་ཏུ་འགྱུར་བའི་སྨོན་འདུན་ཡོད།
༸གོང་ས་ མཆོག་གི་ གྱ་གསུམ་ འཁྲུངས་སྐར་དང་། མ་ཡུམ་ དྲ་ཚིགས་ཀྱི་ འཁྲུངས་སྐར་ལ་ བཀྲ་ཤིས་ བདེ་ལེགས་ ཞུའོ།། །།
མ་དང་ཡུམ་གཉིས་དོན་གཅིག་མིང་གི་རྣམ་གྲངས་མིན་པ་ཡིན་ནམ་
བོད་མིའི་སྐད་ཡིག་དང་བོད་མིའི་རིག་གཞུང་སྲུངས་སྐྱོབས་ཐུབ་པའི་
ཐབས་ལམ་བཟང་བཤོས་དེ་མི་རིགས་ཞིག་གིས་སྐད་ཡིག་དང་རིག་
གཞུང་སྲུངས་སྐྱོབས་བྱ་རྒྱུའི་སྔོན་དུ་མི་རིགས་སྲུངས་སྐྱོབས་བྱ་རྒྱུ་དེ་གལ་
ཆེའི་ནང་གི་གལ་ཆེན་ཞིག་ཡིན་པའི་ངོས་འཛིན་ཞུ་གི་ཡོད་ལ་བོད་མི་
རིགས་འདི་འཛམ་གླིང་གི་ལུང་པ་མང་པོའི་ནང་བྱ་སྤུ་རི་ལ་འཐོར་བ་
བཞིན་བོད་མི་ཁྱིམ་ཚང་རེ་ཙམ་གཉིས་ཙམ་བྱས་ནས་རང་གི་འཚོ་བ་ལ་
འགན་སྲུངས་བྱེད་བཞིན་པའི་ད་ལྟའི་གནས་སྟངས་འདིའི་འོག་ནས་བོད་མིའི་སྐད་ཡིག་དང་རིག་གཞུང་སྲུངས་སྐྱོབས་ཟེར་བའི་གཏམ་གླེང་སྤེལ་མཁན་ཚོའི་ཆབ་སྲིད་ཀྱི་རྒྱབ་ལྗོངས་གསལ་པོ་ངས་རྟོགས་ཐུབ་མ་སོང་།
མཐུ་མོང་མ་ཡིན་པའི་མི་རིགས་ཞིག་གིས་སྐད་ཡིག་དང་རིག་གཞུང་
ཟུར་དུ་འཚོ་དགོས་ན་དང་པོ་མི་རིགས་དེ་ཟུར་དུ་འཚོ་ཐུབ་པའི་ལས་
འཆར་སྤེལ་དགོས་པ་ལས་མི་རིགས་དེ་འཛམ་གླིང་གི་ལུང་པ་མང་པོའི་ནང་ཁ་འཐོར་ནས་ཁྱིམ་ཚང་རེ་ཙམ་གཉིས་ཙམ་བྱས་ནས་མི་རིགས་གཞན་གྱི་ནང་འཐིམ་ནས་སྒེར་གྱི་འཚོ་བ་ལ་འགན་སྲུང་འོག་ནས་མི་རིགས་རང་ཉིད་ཀྱིས་སྐད་ཡིག་དང་རིག་གཞུང་སྲུང་སྐྱོབས་ཟེར་བའི་ཁ་གཡང་ཆེན་པོའི་གཏམ་དེ་དོན་ལ་གནས་མིན་འཐེ་ཚོམ་ནང་ལྷག་པ་དང་
དུས་རབས་ཉེར་གཅིག་འདིའི་ནང་བོད་མི་རིགས་དང་བོད་མིའི་སྐད་ཡིག་རིག་གཞུང་དང་བཅས་པ་འཚོ་གནས་ཐུབ་མིན་ད་ལྟའི་ང་ཚོའི་མི་ཐོག་འདི་ལ་རག་ལས་པ་ནི་འཛམ་གླིང་འདི་འཕྲུལ་རིག་དང་ཚན་རིག་བཟོ་ལས་འཛུགས་བསྐྲུན་གྱི་བཤུ་ཞོག་རྒྱལ་མཚམས་ལས་འགལ་ནས་དེ་སྔའི་མི་རིག་འཚོ་གནས་ཐུབ་པའི་སྐད་ཡིག་དང་རིག་གཞུང་དེ་དག་ང་ཚོའི་མིག་མདུན་དུ་ཉིན་རེ་བཞིན་ཡལ་འགྲོ་བ་འདིའི་འཛམ་གླིང་གི་དེ་སྔའི་སྤྱི་ཚོགས་འཚོ་གནས་ཐུབ་པའི་སྐད་ཡིག་དང་རིག་གཞུང་དེ་དག་འགྲེམས་སྟོན་ཁང་དུ་བཅུག་ནས་མི་རབས་རྗེས་མ་ཚོར་ངོ་སྤྲོད་བྱ་ཡུལ་ཙམ་དུ་ལྷག་སྲིད་པ་མ་རེད་དམ་།
བོད་མི་རིགས་འཚོ་གནས་ཐུབ་་པའི་ཕ་མེས་ནས་རྒྱུད་པའི་སྐད་
ཡིག་རིག་གཞུང་ལ་ང་ཚོའི་འགན་འཁུར་ནས་ཉིན་རེའི་འཚོ་བའི་
ནང་བེད་སྤྱོད་བཏང་ནས་བོད་མིའི་ངོ་བོ་འཛམ་གླིང་ནང་གསལ་
སྟིན་དགོས་པ་ལས་འགྲེམས་སྟོན་ཁང་དང་ཟབ་སྦྱོངས་རྒྱུད་ནས་
བོད་ཀྱིས་སྐད་ཡིག་ནམ་ཡང་སྲུངས་སྐྱོབས་མི་ཐུབ་ལ་བོད་ཀྱིས་
སྐད་ཡིག་དང་རིག་གཞུང་འགྲེམས་སྟོན་རྒྱུད་ནས་ངོ་སྤྲོད་གནང་
རྒྱུ་དེ་དག་དཔལ་འབྱོར་འདུ་འགོད་ཙམ་ལས་སྐད་ཡིག་དང་རིག་
གཞུང་སྲུངས་སྐྱོབས་ལ་ནམ་ཡང་ཞོག་འདེགས་མི་ཐུབ་བོ་།