མིང།-བཀྲ་ཤིས་རྡོ་རྗེ། དཔེ་སྟོན་སློབ་གྲྭ། འཛིན་གྲྭ།-༨ རང་ལོ།-༡༤
དེ་རིང་གི་གནམ་གཤིས་ནི་མཐོང་ན་ཁོང་ཁྲོ་ཟ་ཞིང་བསམ་ན་འཚིག་པ་ཟ་བའི་སྤྲིན་ནག་གིས་ཐིབ་ཡོད་པ་དང་ཆར་པ་མཚམས་མེ་འཇོག་པར་ཆར་ཐག་འབབ་བཞིན་འདུག། ད་དུང་ལས་ངན་ལ་དུས་ངན་ཟེར་བ་སྟར་བོད་དགེ་ཟླ་བ་ཚེ་རིང་མཆོག་ཀྱང། དེ་རིང་གི་གནམ་གཤིས་ལྟར་རང་གི་གདོང་ནག་རེ་འཁྱེར་ཏེ་ཁོང་ཁྲོ་དང་བཅས་ངའི་མིག་མདུན་དུ་བསླེབས་མ་ཐག་བསམ་དབང་དྲན་དབང་མེད་པར་ཁ་ནས་ཁ་སང་གི་རྩོམ་ཡིག་སྟེ་(མ་ཡུམ་དཔེ་སྟོན་སློབ་གྲྭ།)ཐོག་རྩོམ་ཡིག་དོན་སྙིང་ལྡན་པ་ཞིག་བྲིས་གསུངས་སོང་བས། ངའི་བྲང་གཞུང་ནས་ཉོབ་སྣང་གི་ཚོར་བ་ཞིག་གི་ང་རང་སུན་སྣང་གིས་ཁེངས་ནས་ཡོང་བའི་ཁར་རྩོམ་དེབ་ཀྱི་ཁ་བརྒྱབ་སྟེ་འཛིན་ཁང་གི་ངཕྱི་ལོག་ཏུ་ཐཽན་འགྲི་བསམ་མོད། འོན་ཀྱང་བུ་ཆུང་ང་ལ་མཚོན་ན་འདི་ལྟ་བུའི་སྤོབས་པ་ཤིག་ག་ལ་ཡོད། ད་དུང་ལྷག་པར་དུ་རང་ཉིད་སློབ་ཕྲུག་ཅིག་ཡིན་པའི་ཆ་ནས་དེ་ལྟར་སྒྲུབ་ག་ལ་རུང། ཡིན་ནའང་བུ་ང་ལ་མཚོན་ན་རྩོམ་འབྲི་བ་ནི་འཇིག་རྟེན་དེའི་ཐོག་གི་བྱ་བ་དཀའ་ལས་ཁག་ཤོས་དང་མཚུངས། རྒྱུན་གཏངན་དགེ་ལས་ཡོངས་ཀྱིས་ང་ལ་ཕུལ་བྱུང་སློབ་མ་ང་ཞིག་ཏུ་ངོས་འཛིན་བྱེད་ཀྱི་ཡོད་པ་དང་ཕུལ་བྱུང་སློབ་མ་ཟེར་བའི་མིང་བྱང་རེ་ཐེག་དཀའ་བར་མ་ཟད་རྩོམ་འབྲི་བ་ནི་ཕྲུ་གུ་ང་ཆུང་ཆུང་གིས་ཀ་ཁ་ག་ང་འབྲི་པ་དང་གཞས་བཏང་པ་ནང་བཞིན་གང་དྲན་དྲན་འབྲི་ཆོག་པ་དང་གང་དྲན་དྲན་བཤད་ཆོག་པ་ཞིག་ག་ལ་ཡིན། རེ་བས་ངས་རང་སེམས་ལྡོམ་པོ་འདི་བཙན་གྱིས་གཅུན་ཏེ་མི་འདོད་བཞིན་དུ་སྨྱུག་གུ་ཆུང་ཆུང་འདི་ཨུ་ཚུགས་ཀྱིས་མི་བཙིར་ཐབས་མེད་བྱུང་སྟེ་རྩོམ་ཞིག་འབྲི་འགོ་འབད་བརྩོན་བྱེད།
འཇིག་རྟེན་འདིའི་ཐོག་ཡོད་པའི་དཀའ་ངལ་གྱིས་ངའི་མུན་ནག་གི་མི་ཚེར་ལས་སྒྲོན་མེ་རབ་རིབ་ཀྱི་འོད་འཕྲོ་འགོ་བཙུགས་མཁན་ནི་བརྩེ་བའི་མ་ཡུམ་དཔེ་སྟོན་སློབ་གྲྭའི་དེ་ནང་འཚར་ལོངས་བྱུང་བའི་ངེད་གཉིས་ཀྱི་འབྲེལ་བ་ནི་འོ་ཆུ་འདྲེས་པ་བཞིན་ཡོད། མཚམས་རེ་ངས་རང་ཉིད་ཀྱི་ངོ་གདོང་མེ་ལོངས་ནང་བསྟས་པ་ན་ང་འདྲ་བའི་བུ་ཞིག་སྙན་གྲྭགས་ཅན་གྱི་སློབ་གྲྭ་འདིའི་ནང་སླེབས་ཐུབ་པ་དེ་ང་རང་བསོད་དེ་ཡོད་པའི་རྟགས་རེད་བསམ་གྱི་ཡོད། ང་དང་འདྲ་བའི་སློབ་ཕྲུག་མང་པོ་ཞིག་གི་ལོ་རྒྱུས་ཏེ་དཔེ་སྟོན་གྱི་ཁང་མིག་ཆུང་ངུ་གསེབ་ན་བཀོད་ཡོད། སློབ་གྲྭ་འདིའི་ཁོར་ཡུག་ཆུང་ཆུང་ཞིག་ལས་མེད་ཀྱང་ཤེས་ཡོན་ནི་རྒྱ་མཚཽ་ལས་གཏིང་ཟབ་ཞིང་ནམ་མཁའ་ལས་མཐོ་བ་ཡོད། སློབ་གྲྭ་འདིའི་ནང་ཁོར་ཡུག་ཆུང་ཆུང་ཞིག་ལས་མེད་པའི་རྐྱེན་སློབ་ཕྲུག་ཕན་ཚུན་ཧ་ཅང་འཆམ་པོ་ཡོད། ངའི་སློབ་གྲྭ་ནང་བོད་ཀྱི་སྐད་ཡིག་ཐོག་ལ་ལ་རྒྱ་རང་ཞེན་ཁོག་ཆེ་ཞིང་སྤྱི་ཚོགས་ནང་བོད་ཀྱི་སྐད་ཡིག་འཛིན་སྐྱོང་བྱས་པ་དང་སྐད་ཡིག་གི་གཤོག་རྩལ་ངོགས་ཏེ་མགོ་བོ་གྱེན་ལ་བཏེགས་ཏེ་བསྐྱོད་ཐུབ་ཀྱི་ཡོད་ཅེས་སྨྲ་བར་སྤོབས། དེར་བརྟེན་ང་ཚོའི་སློབ་གྲྭ་ནི་སྐད་ཡིག་ཐོག་སློབ་གྲྭ་གཞན་ཚང་མ་ལ་དཔེ་སྟོན་མཁན་གྱི་སློབ་གྲྭ་ཞིག་ཆགས་ཡོད། ང་ཚོའི་སློབ་གྲྭའི་རྩེད་ཐང་དེ་ཆུང་མོ་ལས་མེད་ཀྱང་སློབ་ཕྲུག་ཡོངས་རྩེད་ཐང་དེའི་ཐོག་ཕན་ཚུན་མཆམ་མཐུན་གྱི་དགོད་སྒྲའི་ངང་རྩེད་མོ་རྩེས་ཀྱི་ཡོད། མ་ཡུམ་ཁྱོད་ནི་ང་ཚོའི་སློབ་ཕྲུག་ཡོངས་ཀྱི་ཁྱིམ་གཞིས་གཉིས་པ་ཙམ་མ་ཟད་མི་ཚེའི་མདུན་ལམ་ཁ་ཕྱོགས་ཀྱི་གོམ་སྟབས་ཐོག་མ་སྤོས་ས་དེ་ཡིན། ངའི་སློབ་ཆུང་གི་འཚོ་བའི་ཁྲོད་ང་ལ་མ་སྐྱིད་པའི་ཚོར་སྣང་མང་པོ་ཞིག་གི་འཇབ་རྒོལ་བྱེད་པི་སྐབས་དཀའ་ངལ་དེ་དག་མ་ཡུམ་ཁྱེད་ཀྱིས་བསལ། དེ་ལྟར་ང་ཆུང་དུས་ལོ་དྲུག་ལ་སོན་པའི་བུ་ང་ཤེས་བྱའི་གནས་ཚད་ཅུང་ཙམ་ཞཉ་པོ་ཡོད་པས་དཔེ་སྟོན་གྱི་ལྕགས་སྒོ་ནང་འཛུལ་མ་ཐག་སློབ་རིམ་གྱི་ལས་ལ་བསྐྱོད། མ་ཡུམ་ཁྱོད་ཀྱི་ང་ལ་མ་འོངས་པའི་མདུན་ལམ་གྱི་སྲང་ལམ་སྟོན་བྱུང་ལ་ཤེས་ཡོན་གྱི་དམིགས་ཡུལ་སྦྱིན་སོང། མ་ཡུམ་ཁྱོད་ནི་ངའི་ཆེད་དུ་འཇིག་རྟེན་ཐོག་གི་རིན་ཆེན་ནོར་བུ་དང་འདྲ་བའི་ང་ལ་མཚོན་ན་ཁྱོད་ནི་བརྗེད་ཐོབས་མེད་པའི་མཛའ་གྲོགས་ཞིག་དང་མཚུངས།
སློབ་མ་ཁྱེད་རང་དཔེ་སྟོན་སློབ་གྲྭ་ཡིན་པའི་དགའ་སུ་ཡོད།