མང་གཙོའི་སྒྲིག་འཛུགས་ནང་ཁྲིམས་ཀྱི་དབང་བསྒྱུར་ལས་གལ་ཆེ་བ་མེད།

གཞུང་པ་ཚེ་དབང་བསོད་ནམས།

མང་གཙོའི་སྒྲིག་འཛུགས་ནང་ཁྲིམས་ཀྱི་དབང་བསྒྱུར་ལས་གལ་ཆེ་བ་མེད་པ་དང་།   ཁྲིམས་ཡིག་གི་ལམ་སྟོན་འོག་མི་མང་འཚོ་དགོས་པ་དང་།    རྒྱལ་ཁབ་དང་།   སྲིད་གཞུང་།   སྒྲིག་འཛུགས་སོགས་ག་འདྲ་ཞིག་ཡིན་ཀྱང་ཁྲིམས་ཡིག་གི་ལམ་སྟོན་བརྒྱུད་ནས་ལས་དོན་ཚང་མ་སྒྲུབ་དགོས་པ་དང་།   གལ་སྲིད་ཁྲིམས་དང་སྒྲིག་གཞིའི་ལས་ཀ་བྱ་རྒྱུར་འགོག་རྐྱེན་བཟོ་གི་ཡོད་ན་ཁྲིམས་བཟོ་ལྷན་ཚོགས་ནས་ཁྲིམས་དང་སྒྲིག་གཞི་ལ་བསྐྱར་བཅོས་གནང་དགོས་པ་དེ་ཁྲིམས་སྒྲིག་ཚང་མའི་འཇུག་ཏུ་བསྐྱར་བཅོས་ཀྱི་དོན་ཚན་བཞག་ཡོད་པ་ལ་འགན་འཁུར་དགོས་པ་དང་།   ཁྲིམས་དང་མཐུན་པའི་ཁྲིམས་སྒྲིག་བསྐྱར་བཅོས་ཀྱི་བརྒྱུད་ལམ་ལ་འགན་མ་འཁུར་ནས་ཁྲིམས་བཟོའི་དབང་ཆ་ལོག་པར་སྤྱད་ནས་འབྲེལ་བཤད་རིང་ཙམ་ཐུང་ཙམ་རྒྱབ་ནས་ཁྲིམས་འགལ་དང་སྒྲིག་འགལ་རྒྱུད་ནས་ཁྲིམས་བཟོའི་ལས་དོན་སྤེལ་ནས་མི་མང་གི་འཚོ་བའི་མདུན་ལམ་དང་།   སྤྱི་ཚོགས་ཀྱི་བདེ་འཇགས།   རྒྱལ་ཁབ་ཀྱི་བརྟན་ལྷིང་སོགས་ལ་ནམ་ཡང་གནོད་རྐྱོན་གཏོང་མི་ཉན་པ་དང་།  མི་མང་གི་མངོན་འདོད།   (  will  of  the  people  )   མི་མང་གི་བསམ་

འཆར།   (   suggestion of people  )  གཞི་ལ་བཞག་ནས་ཁྲིམས་དང་སྒྲིག་གཞི་བཟོ་དགོས་པ་ལས་ཁྲིམས་བཟོ་ལྷན་ཚོགས་ནང་ཡོད་པའི་འཐུས་མིའི་མངོན་འདོད་དང་ལངས་ཕྱོགས་གཞི་ལ་བཞག་ནས་ཁྲིམས་དང་སྒྲིག་གཞི་གཏན་འབེབས་གནང་བ་ཡིན་ན་དེ་ནི་གྲལ་རིམ་དམངས་གཙོ།   (  Proletarian  )  ལ་ཁ་ཕྱོགས་པ་ཙམ་ལས་མང་གཙོ། (  Democracy  )  ལམ་ལུགས་མིན་པ་ནི་མང་གཙོ་དང་དམངས་གཙོ་ཟེར་བའི་ཚིག་གི་ཐ་སྙད་དང་དག་ཆ་སོགས་ནས་ངོ་འཕྲོད་ཐུབ་པ་དང་།  མང་གཙོའི་རྒྱལ་ཁབ་དང་མང་གཙོའི་སྒྲིག་འཛུགས་ནང་མི་མང་ཁྲིམས་ཀྱི་དབང་བསྒྱུར་འོག་འཚོ་ཐུབ་དང་མ་ཐུབ་པའི་འགན་དེ་ཁྲིམས་བཟོ་གྲོས་ཚོགས་འཐུས་མི་ལ་ཡོད་པ་ནས་མི་མང་ནས་གྲོས་ཚོགས་འཐུས་མི་འོས་འདེམས་སྐབས་ཟབ་ཟབ་གནང་དགོས་པ་ནི་ཕྱོགས་གཏོགས་དང་འགོ་འདྲེན།   སྐབས་ཚོལ་དང་།   ལུང་ཚན་ཤོག་སྒྲིལ།  གྲལ་རིམ་དམངས་གཙོའི་ལྐོག་ཇུས་འོག་མི་མང་ནམ་ཡང་ཚུད་མི་ཉན་པ་དང་།    འཛམ་གླིང་འདིའི་སྟེང་འཚོ་བཞིན་པའི་མང་གཙོའི་རྒྱལ་ཁབ་མང་པོ་སྐྱེས་མ་ཐག་ཏུ་འཚོ་མ་ཐུབ་ནས་མང་གཙོ་དམག་ཚོ་ལ་ཁ་ཕྱོགས་ནས་ཡུལ་མི་ནང་ཁུལ་འཁྲུགས་རྩོད་ལ་མགོ་འཁོར་ནས་རྒྱལ་ནང་གི་བདེ་འཇགས་དང་ལུང་པའི་ཡར་རྒྱས།   མི་མང་གི་འཚོ་བ་སོགས་ལ་འགན་འཁུར་མ་ཐུབ་པའི་གནས་ཚུལ་དེང་སྐབས་འཛམ་གླིང་གི་ལུང་པ་མང་པོའི་ནང་ཐོན་བཞིན་པ་ནས་ང་ཚོའི་ཤེས་ཐུུབ་པ་དང་ཧ་གོ་ཐུབ་པ་དང་།    ཡང་དག་པའི་མང་གཙོའི་ལམ་ལུགས་ནང་ཁྲིམས་ཀྱི་དབང་བསྒྱུར་འོག་གཞུང་སྲིད་བསྐྱངས་ནས་ལུང་པའི་བདེ་འཇགས་དང་མི་མང་གི་འཚོ་བའི་མདུན་ལམ་སོགས་ཆབ་དཔལ་རིག་གསུམ་ཡར་རྒྱས་ཀྱི་ཕྱོགས་སུ་ཁ་ཕྱོགས་ཐུབ་པའི་འགན་དེ་མང་གཙོའི་གཞུང་སྲིད་སྐྱོང་མཁན་གྱིས་སྡེ་ཚན་གསུམ།   ༡  འཛིན་སྐྱོང་སྡེ་ཚན།  (  Executive  )  ༢  ཁྲིམས་བཟོ་སྡེ་ཚན།  (  Legislature )   ༣  ཁྲིམས་ལུགས་དབང་འཛིན།   (  Judiciary   )    བཅས་སྡེ་ཚན་གསུམ་འདི་འགན་དབང་འདྲ་མཉམ་ཐ་དད་དུ་གནས་དགོས་པ་ནི་མང་གཙོའི་རིག་པའི་གཞུང་ལུགས་སམ་མང་གཙོའི་ལྟ་སྒྲུབ།  (  Democracy  Theory  )  ནང་གསལ་བའི་འགན་དབང་འདྲ་མཉམ་ཆ་བགོས།  ( Separation of Power   and  Check and  Balance )  ཐོག་གནས་དགོས་པ་དང་།  ཡང་དག་པའི་གྲོས་ཚོགས་ལམ་ལུགས་ནང་གོང་གི་སྡེ་ཚན་གསུམ་དེ་གཅིག་གི་གཅིག་ལ་འགན་བཀུར་དགོས་པ་དང་ལན་སྐྱོན་དགོས་པ་ནི།  (  Responsible  and Answerable  )  དང་།  མང་གཙོ་སྤྱིའི་རིག་པའི་གཞུང་ལུགས།    (  Democracy  Theory  ) དང་མ་འགལ་བའི་ཐོག་ནས་མང་གཙོ་ཁྲིམས་ཀྱི་དབང་བསྒྱུར་ལ་འགན་འཁུར་ནས་འཛིན་སྐྱོང་སྡེ་ཚན།   (  Executive  )     ཁྲིམས་བཟོ་སྡེ་ཚན།   (  Legislature   )  ཁྲིམས་ལུགས་དབང་འཛིན།  (  Judiciary  )   བཅས་མང་གཙོའི་གཞུང་སྲིད་སྐྱོང་མཁན་གྱི་ཀ་བ་གསུམ།   (  Three  Pillar of Democracy  Government  )  ནས་ཁྲིམས་ལ་བཅུས་རིལ་རྒྱབ་ནས་འབྲེལ་ལོག་འོག་ནས་རྒྱལ་ཁབ་ཀྱིས་བདེ་འཇགས་དང་།   སྤྱི་ཚོགས་ཀྱིས་མཐུན་འབྲེལ།  ་མི་མང་གི་འཚོ་བ་སོགས་ལ་ནམ་ཡང་གནོད་རྐྱོན་དང་ཉེན་ཁ་བཟོ་མི་ཉན་པ་དང་།   མང་གཙོའི་རིག་པའི་གཞུང་ལུགས་ནང་མི་མང་ནི་མང་གཙོའི་རྒྱལ་ཁབ་འཛིན་མཁན་གྱི་རྩ་བ།  ( Pillar of Democracy  )  ཡིན་པ་ནས་མི་མང་ནས་མང་གཙོའི་གཞུང་སྲིད་སྐྱོང་མཁན་གྱི་ཀ་བ་གསུམ་གྱིས་ལས་དོན་བྱེད་ཕྱོགས་ལ་བལྟ་སྲུངས་ནན་པོ་བྱ་དགོས་པ་ནི།   (  Watch Dog )  ཁྱི་གི་རྐུ་མ་སྲུངས་བ་ནང་བཞིན་བྱས་ནས་མང་གཙོའི་ལས་འགན་སྒྲུབ་དགོས་པ་དང་།   གལ་སྲིད་མི་མང་ནས་བལྟ་སྲུངས་མ་ཐུབ་པའི་ཉིན་མོ་དེ་ནས་མང་གཙོ་གཉིད་ཁུག་པ།   (  Sleeping Democracy  ) ཆགས་ནས་མང་གཙོའི་ཀ་བ་གསུམ་ཕྲད་རང་དབང་ཅན་ལ་ཁ་ཕྱོགས་ནས་མི་མང་མང་གཙོ།   (   Peoples  Democracy  )   དེ་གྲལ་རིམ་དམངས་་གཙོ།  (  Proletarian  )   ལ་ཁ་ཕྱོགས་ནས་རྒྱལ་ཁབ་དང་སྲིད་གཞུང་གིས་ལས་དོན་ཡོངས་རྫོགས་གྲལ་རིམ་མི་སྣའི་གཅིག་བསྡུས་དབང་ཆའི་འོག་ནས་ལག་ལྟར་བྱེད་བཞིན་པའི་དཔེ་མཚོན་ཡང་ད་ལྟའི་རྒྱ་ནག་གི་འགོ་འཁྲིད་ཚོོའི་ལས་སྟངས་དང་བྱེད་སྟངས་ནས་ང་ཚོའི་ཤེས་ཐུབ་པ་དང་མཐོང་ཐུབ་པ་དང་ཐོས་ཐུབ་པ་བཅས་མང་གཙོའི་སྒྲིག་འཛུགས་ནང་ཁྲིམས་ཀྱི་དབང་བསྒྱུར་ནི་བླ་ན་མེད་པ་དང་གོང་ན་མེད་པ་དེ་ཡིན་པའི་ངོས་འཛིན་ཞུ་གི་ཡོད།

ཀོ་ལི་གྷལ་གཞིས་ཆགས་གཞུང་པ་ཚེ་དབང་བསོད་ནམས་ནས་སྤྱི་ལོ་  ༢༠༢༡ / ༡༢ / ༡༣ ཉིན་རང་ཁྱིམ་དུ་ཟིན་བྲིས་སུ་བཏབ།