ཨ་རིའི་བོད་དོན་དམིགས་བསལ་འབྲེལ་འཐུད་སྐུ་ཚབས་ལྕམ་མ་རི་ཡ་ཨོ་ཊེ་རོ་ཡིས་འཛམ་གླིང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཐོག བོད་ནང་གི་ད་ལྟའི་གནས་སྟངས་ཐོག་ཨ་རི་གཞུང་གིས་ཐུགས་ཚབས་ཆེན་པོ་གནང་གི་ཡོད་པའི་སྐོར་གསལ་སྟོན་གནང་ཡོད་འདུག
འཛམ་གླིང་མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཁང་གི་ཚོགས་ཆེན་ཐེངས་བཅུ་དགུ་པ་དེ་བཞིན། ཕྱི་ཟླ་གཉིས་པའི་ཚེས་༢༧ནས་ཕྱི་ཟླ་གསུམ་པའི་ཚེས་༢༣བར་སུད་སི་གྲོང་ཁྱེར་ཇི་ནི་བའི་ནང་ཚོགས་བཞིན་ཡོད་པ་དང་། དེ་རིང་སྔ་དྲོ་ལྷན་ཚོགས་ཐོག་ཨ་རིའི་ཕྱི་སྲིད་ལས་ཁང་གི་དྲུང་ཆེ་ཕྱག་རོགས་དང་། བོད་དོན་དམིགས་བསལ་འབྲེལ་འཐུད་འགན་འཛིན་ལྕམ་མཱ་རི་ཡ་ཨོ་ཊེ་རོ་ཡིས་ལྷན་ཚོགས་ཐོག ཨ་རི་གཞུང་གིས་ཉེ་བའི་ཆར་བོད་ཀྱི་ཛ་དྲག་གནས་སྟངས་ཐོག་ཐུགས་ཚབས་ཆེན་པོ་ཡོད་པ་གསལ་སྟོན་གནང་སྟེ། འཛམ་གླིང་མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཁང་གི་རྒྱ་ནག་ཚུད་པའི་ཚོགས་བཞུགས་ཡུལ་གྲུ་ཚང་མས་གཞི་རྩའི་འགྲོ་བ་མིའི་ཆོས་དད་རང་མོས་དང་། གྲངས་ཉུང་མི་རིགས་ཚུད་པའི་སྤྱི་འབངས་ཀྱིས་རང་ཉིད་ཀྱི་བསམ་ཚུལ་བཏོན་རྒྱུའི་ཐོབ་ཐང་ལ་བརྩི་ཀུར་ཞུ་དགོས་པ་དང་། རྒྱལ་ཁབ་གང་དྲ་ཞིག་ཡིན་ཡང་མི་སྒེར་གྱི་འགྲོ་བ་མིའི་ཐོབ་ཐང་དང་། ཁོང་ཚོས་རང་ཉིད་ཀྱི་ཐོབ་ཐང་རྩོད་ལེན་ལ་སྲུང་བརྩི་ཞུ་དགོས་པ་གསལ་སྟོན་གནང་ཡོད་འདུག
ཇི་ནི་ལྦའི་ནང་ཚུགས་བཞིན་པའི་འཛམ་གླིང་མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཚོགས་ཐོག སུད་སི་ནང་ཡོད་པའི་སྐུ་ཚབ་དོན་གཅོད་དང་དེ་བཞིན་དོན་གཅོད་ལས་ཁང་ནང་འགྲོ་བ་མིའི་ཐོབ་ཐང་སྐོར་ལ་ཕྱག་ལས་གནང་མཁན་གྱི་ལས་བྱེད་ཡང་ལྷན་ཚོགས་ཐོག་ཚོགས་བཞུགས་གནང་ཡོད་འདུག།
བོད་ནང་གི་འགྲོ་བ་མི་ཡི་ཐོབ་ཐང་གླེང་པ་ཙམ་གྱི་དགའ་ཡ་ག་ཡང་མིན་འདུག དོན་དངོས་སུ་བོད་དུ་སྐྱོད་ནས་བོད་མི་ཚོའི་གནང་སྟངས་ཁ་ཡ་བྱེད་དགོས། སེམས་ཚབ་སེམས་ཚབ་ཟེར་བ་དག་ཙམ་རེད། ་་་་
ཁ་གཡང་གྲགས་པར་ཐུགས་རྗེ་ཆེ། དེའི་རྗེས་སུ་དངོས་གཞི་ལག་ལེན་གསེར་གྱི་ཐེགས་པ་ཞིག་ཡོང་བའི་འབོད་སྐུལ་ཞུ་རྒྱུ་ཡིན།
དབུ་མའི་ལམ་གྱིས་རྒྱལ་ཚོགས་དངོས་གནས་གཉིད་ཅིག་དཀྲོགས་ཟིན་པ་འདྲ། ཡག་པོ་འདུག མུ་མཐུད།