ལུང་རྟོགས།
གསར་འགྱུར་ལ་དགའ་བའི་གྲོགས་པོ་རྣམ་པར་གཏམ་བཟང་ཞིག་ཞུ་རྒྱུ་ཡོད། དེ་ཡང་ཉེ་ཆར་ཨ་རིའི་VOA རླུང་འཕྲིན་ཁང་ནས་ལེ་ཚན་ཁག་ལྟ་ཉན་བྱེད་སའི་མཉེན་ཆས་གསར་པ་ཞིག་བཟོས་འདུག མཉེན་ཆས་འདི་ཕབ་ལེན་གནང་དང་ལེ་ཚན་ལྟ་ཉན་བྱེད་རྒྱུ་ཧ་ཅང་སྟབས་བདེ་རེད། མཉེན་ཆས་འདི་ཀུ་ཤུ་རྟགས་ཅན་དང་ཨན་སྒྲོ་གཉིས་ཀའི་ནང་ཕབ་ལེན་བྱེད་ཐུབ་པ་ཞིག་ཡིན་འདུག གཤམ་ནས་མཉེན་ཆས་འདི་བེད་སྤྱོད་བྱེད་སྟངས་ཅུང་ཟད་ཞུ་རྒྱུ་ཡིན། མཉེན་ཆས་འདིས་གཤམ་ནས་ཕར་ ༡ མདུན་ངོས། ༢ ལེ་ཚན། ༣ དགའ་ཤོས། ༤ སྒྲ། ༥ more འམ་མང་བ་སྟེ་སྡེ་ཚན་ཆེན་པོ་ལྔ་ཡོད།
དེ་ལས་དང་པོ་མདུན་ངོས་ཞེས་པ་དེའི་ནང་ལ་གོང་ནས་ཕར་བརྙན་འཕྲིན་གྱི་ལེ་ཚན་ཁ་ཤས་དང་། གཤམ་ནས་མར་སྒྲ་ཡི་གསར་འགྱུར་ཁག་ཅིག་ཡོད། གཉིས་པ་ལེ་ཚན་ཞེས་པ་དེའི་ནང་ལ། བརྒྱུད་ལམ་སྣ་ཚོགས་དང་། བོད། རྒྱ་ནག ཨ་རི། འཛམ་གླིང་སྟེ་སྡེ་ཚན་ལྔ་ཡོད། དེའི་ནང་ནས་དང་པོ་བརྒྱུད་ལམ་སྣ་ཚོགས་ཞེས་པ་དེར་འཛུལ་ན། ཀུན་གླེང་དང་། ཀུན་གླེང་གསར་འགྱུར། དྲ་བརྙན་གསར་འགྱུར། དྲ་སྣང་གི་བོད་སོགས་བརྙན་འཕྲིན་གྱི་རིགས་ཚང་མ་ཡོད། གཤམ་གྱི་སྡེ་ཚན་དེ་དག་ན་གོང་གསལ་ས་ཁུལ་དེ་དག་གི་གསར་འགྱུར་རྣམས་ཡོད།
གསུམ་པ་དགའ་ཤོས་ཞེས་པ་དེའི་ནང་དུ། རང་ཉིད་གང་ལ་དགའ་མོས་ཡོད་པའི་སྒྲ་བརྙན་ཡིག་གསུམ་གྱི་ལེ་ཚན་ཁག་ཕབ་ལེན་བྱེད་ཆོག བཞི་པ་སྒྲ་ཞེས་པ་དེའི་ནང་ལ། སྔ་དགོང་ཉིན་གསུམ་གྱི་རླུང་འཕྲིན་ཁག་དང་། དེ་མིན་སྒྲ་ཡི་གསར་འགྱུར་ཁག་ཅིག་བཅས་ཡོད། ལྔ་པ་མང་བ་ཞེས་པ་དེའི་ནང་ལ། ༡ ང་ཚོར་སྒྲ་བརྙན་སྤྲོད་ས་དང་། ༢ སྒྲིག་བཀོད། ༣ འཚོལ། ཞེས་པའི་སྡེ་ཚན་གསུམ་ཡོད། དང་པོ་དེའི་ནང་ལ། བརྙན་པར་དང་། སྒྲ། ཡིག་ཐོག་བཅས་ནས་ཨ་རིའི་རླུང་འཕྲིན་ཁང་ལ་ཐད་ཀར་གསར་འགྱུར་མཁོ་སྤྲོད་བྱེད་ཐུབ།
དེ་ལས་དང་པོ་གཉིས་ལ་ནང་གསེས་སྡེ་ཚན་གཉིས་རེ་ཡོད་ཅིང་། དང་པོ་གཉིས་ནི་བརྙན་པར་དང་སྒྲ་གསར་ལེན་དང་གསར་འཇུག་བྱེད་ས་དང་། ཕྱི་མ་གཉིས་ནི་རང་ཉིད་ཀྱི་ཁ་པར་སོགས་ཀྱི་ནང་སྔར་ནས་ཡོད་པའི་པར་དང་སྒྲ་གཏོང་ས་རེད། གཉིས་པ་སྒྲིག་བཀོད་ཅེས་པ་དེའི་ནང་ལ། སྐད་ཡིག་གདམ་ས་དང་། ཡིག་གཟུགས་ཆེ་ཆུང་བཟོ་ས་སོགས་མང་པོ་ཞིག་ཡོད།
མཉེན་ཆས་འདིའི་ཁྱད་ཆོས་གཙོ་བོ་ནི།
༡ དགའ་ཤོས་ཞེས་པའི་སྡེ་ཚན་དེའི་ནང་ལ་ཨ་རིའི་རླུང་འཕྲིན་ཁང་གི་སྒྲ་བརྙན་ཡིག་གསུམ་གྱི་ལེ་ཚན་རྣམས་ཕབ་ལེན་བྱས་ན་དྲ་རྒྱ་མེད་ས་ནས་ཀྱང་ལྟ་ཀློག་ཉན་གསུམ་བྱེད་ཐུབ་པ།
༢ ཨ་རིའི་རླུང་འཕྲིན་ཁང་ལ་ཐད་ཀར་པར་དང་སྒྲ་ཡི་གེ་བཅས་ཀྱི་ལམ་ནས་གསར་འགྱུར་མཁོ་སྤྲོད་བྱེད་ཐུབ་པ།
༣ སྐད་ཡིག་སྣ་ཚོགས་རང་འདོད་ལྟར་གདམ་ནས་སྐད་ཡིག་དེ་དང་དེའི་ལམ་ནས་ལེ་ཚན་ལྟ་ཀློག་ཉན་གསུམ་བྱེད་ཐུབ་པ་བཅས་རེད།
ང་ནི་ནམ་ཡིན་ཡང་གསར་འགྱུར་ཉན་ན་འདོད་ཉིན་ཞིག་ཡིན། དྲ་གྲོགས་ཚོས་རོག་པ་མང་ཙམ་གནང་རོག
ངོ་སྤྲོད་གནང་བར་དགའ་བསུ་ཞུ།
ང་ནི་ནམ་ཡིན་ཡང་གསར་འགྱུར་ཉན་ཀློག་བྱེད་པ་དགའ་པོ་ཡོད། དྲ་གྲོགས་རྣམ་པ་ཚོས་རོགས་པ་མང་ཙམ་བྱེད་རོགས།
ངོ་སྤྲོད་བྱེད་པ་འདི་ལ་ཐུགས་རྗེ་ཆེ་ཞུ།
ཕབ་ལེན་བྱེད་སའི་གནས་གང་དུ་ཡོད་པ་དང་ཚུལ་ཇི་བཞིན་ངོ་སྤྲོད་ཞིག་གནང་རོགས།
ཀུ་ཤུ་རྟགས་ཅན་ཡིན་ན་ཕབ་ལེན་མཉེན་ཆས་ app store ཞེས་པ་དེའི་ནང་གི། འཚོལ་གཤེར་བྱེད་ས་ search ནང་ལ་VOA ཞེས་བྲིས་ནས་བརྩལ་ན་བརྙེད་ཐུབ།
ཕབ་ལེན་བྱེད་ཚར་རྗེས་ཁ་ཕྱེ་བ་དང་ཡིག་རིགས་འདྲ་མིན་མང་པོ་ཞིག་ཤར་ཡོང་། དེའི་ནང་ནས་ཨ་རིའི་རླུང་འཕྲིན་བོད་སྐད་ཅེས་པ་དེ་གདམ་དགོས།