མདང་ནུབ་ངས་གློག་ཀླད་ཁ་ཕྱེ་བའི་དུས།

Comments (6) on “མདང་ནུབ་ངས་གློག་ཀླད་ཁ་ཕྱེ་བའི་དུས།”

1. ངས་ཁྱེད་ལ་བཤད།
   ཁྱེད་རང་ནི་ཁ་སང་གི་ཁྱེད་རང་ལས་བལྟམས་པའི་དེ་རིང་གི་ཁྱེད་རང་རེད།
   ཁ་སང་གི་ཁྱེད་རང་ + དེ་རིང་གི་ཁྱེད་རང = སང་ཉིན་གྱི་ཁྱེད་རང་རེད།
   མཚམས་རེར་ཁྱེད་རང་གིས་རྩིས་རྒྱབ་ནས་རང་ཉིད་རྙེད་ཐུབ་ལ།
   མཚམས་རེར་ཁྱེད་རང་གིས་སྒོམ་རྒྱབ་ནས་རང་ཉིད་རྙེད་ཐུབ།
   ཡིན་ན་ཡང་།
   མི་གཞན་ལ་དྲིས་ནས་རྙེད་པའི་ཁྱེད་རང་དེ་མི་གཞན་གྱི་ཁྱེད་རང་རེད་མ་གཏོགས་ཁྱེད་རང་གི་ཁྱེད་རང་མ་རེད།

2. ངས་ང་སུ་ཡིན་འཚོལ་བ་ནི།
   ཁྱེད་ཀྱི་ང་ལས་གཞན་པའི་ང་རང་གི་ང་འཚོལ་རྒྱུ་མ་ཡིན་པར།
   ང་ཚོའི་ང་འཚོལ་བ་ཡིན།

   ང་ཚོའི་ང་དེ་སུ་རེད་དམ།
   རིགས་གནས་ཅན་ཞིག་གམ། ལག་རྩལ་ཅན་ཞིག
   ལ་རྒྱ་ཅན་ཞིག་གམ། འཇོན་ཐང་ཅན་ཞིག
   སྙིང་རུས་ཅན་ཞིག་གམ། སྤྱི་སེམས་ཅན་ཞིག
   རྣམ་དཔྱོད་ཅན་ཞིག་གམ། རྒྱུ་ནོར་ཅན་ཞིག
   ཆེ་མཐོང་ཅན་ཞིག་གམ། གཟུར་གནས་ཅན་ཞིག
   རང་ཚུགས་ཅན་ཞིག་གམ། ཆིག་སྒྲིལ་ཅན་ཞིག
   ཡ་རབས་ཅན་ཞིག་གམ། ཕན་སེམས་ཅན་ཞིག
   ཡང་ན།
   ང་རྒྱལ་ཅན་ཞིག་གམ། རྒྱགས་པ་ཅན་ཞིག
   ཕྱོགས་རིས་ཅན་ཞིག་གམ། འཁྲུག་རྩོད་ཅན་ཞིག
   རྨོངས་པ་ཅན་ཞིག་གམ། རྦེད་མེད་ཅན་ཞིག
   ཅོལ་ཆུང་ཅན་ཞིག་གམ། བླ་སྡར་ཅན་ཞིག
   ལྐུགས་རྟགས་ཅན་ཞིག་གམ། འདོད་རྔམས་ཅན་ཞིག
   རྔ་མ་ཅན་ཞིག་གམ། ར་ཅོ་ཅན་ཞིག
   གད་སྙིགས་ཅན་ཞིག་གམ། དབུལ་ཕོངས་ཅན་ཞིག
   མི་རབས་གཞན་བརྟེན་ཅན་ཞིག་གམ། མི་རྒྱུད་གཞན་གཡོག་ཅན་ཞིག
   སོམ་དང་ཡ།

3. དངོས་ནས་འདི་འདྲ་བསམ་དུས།

   རོལ་དབྱངས་ཤིག་གི་སྣེ་མོ་རུ་འདར་བཞིན་པའི་སེམས་པ་ཞིག
   དལ་འཇག་གེར་ངུས་དུས ཚོར་ཤུགས་ཆེན་པོས
   སྐད་ངག་ཡོད་ཚད་ཀྱི་རང་གི་གློ་སྙིང་བཏོན་ནས
   མི་རབས་ཤིག་ལ་དྲན་ཤིང་འཇོག་འདོད་ཀྱང་

   དབྱངས་རྟ་ཡི་ཁུགས་སོ་རེ་རེ་ན
   ཡིག་འབྲུ་རེ་རེ་ཡི་ནང་དུ་སྐོང་བའི་འབོད་པ
   རོལ་ཆའི་རམ་འདེགས་ཀྱི་སྔ་གཞུག་ན
   མཐེབ་གཞོང་སྟེང་གི་མཛུབ་མོ་བཞིན་དུ་རང་འདུག་མེད་དུས
   ལྷིང་འཇག་གི་མཚན་མོ སྐར་མ་ངུ་བའི་ཁྲོད་དུ
   ང་རང་ཟླ་བའི་གླིང་དུ་འགྲོ་འདོད་ཀྱང་

   ཆེམ་ཆེམ་འཕྲོ་བའི་གནམ་འོག་གི་མཚན་མོར
   འཕྲུལ་ཆས་མང་བོ་ཞིག་གི་སྐད་སྒྲ་ཆད་དུས
   ངའི་ཕ་ཡུལ་ཁ་བ་ཅན་གྱི་ས་གཞི་དང་མཛེས་སྡུག་བསམ་ནས
   མུད་པ་ཐེད་རེག་བར་དུ་ཀུ་ཞིག་འདེབས་འདོད་ཀྱང་

   དྲ་ཐོག་ལ་འཇོག་ཐུབ་མཁན་གྱིི་སྤུན་ཟླ་སུ་ཞིག་ཡོད་ན་དེ་ལ་རེ་བ་ཞུས་ཡོད་ལགས།

4. ཁོ་རེ་ལྷ་ཀླུ་གཉན། ཁྱོའི་རྩོམ་འདི་དྲ་ཐོག་མེད་ན་གང་ན་ཡོད་ཀི།།

5. ཨོ་རེད་རེད་རེད། ང་ཚོའི་ང་ཡིན་ན། དེ་ཁྲ་ཁྲ་པ་ཁྲ་རྟ་མོག་མོག་གི་སྤུ་འདྲ་བའི་ང་ཞིག་རེད། དེ་ལ་འདི་འདྲ་ཞིག་རེད་ཟེར་ནས་བཤད་ཐུབ་ཐབས་ཡོད་པ་མ་རེད། ཡང་ང་ཚང་མར་གཅིག་གྱུར་གྱི་ཁྱད་ཆོས་ཤིག་ཡོད་པ་ནི་། ང་ང་ཟེར་བ་དེ་རེད། ང་གཅིག་པོའི་དོན་དག་ཤེས་པ་བྱས་ནས་ང་གཅིག་པོ་དེ་ང་གཞན་པཚོ་དང་གཅིག་པར་བལྟ་ཤེས་ན་ང་དང་ངའི་དཀའ་ངལ་མ་ལུས་པ་བསལ་ཚར་བ་རེད་དེ། དེའི་ཐོབ་ཐང་དེ་ང་ཚོར་འཇིག་རྟེན་བཀོད་པ་པོས་གནང་མེདཔ་དེའང་འཁང་ར་བྱེད་ས་གཞན་ཞིག་རེད།

6. རི་སྤྱང་ཁེར་འགྲོ་ལགས། ཉིད་ཀྱིས་གསུངས་པ་དེ་བདེན་པ་རེད་ལགས། ངས་ཞུས་པ་དེ་ནི་དྲ་ཚིགས་འདིའི་དྲ་དེབ་སྟེང་གི་སྙན་ངག་གི་ལེའུ་ཚན་དུ་འགོད་རོགས་ཟེར་བ་དེ་ཡིན་ལགས། གོ་བརྡ་མ་འཕྲོད་པ་འདྲ། ང་འདི་ལོ་ལོན་ནས་ཁ་ནང་གི་སོ་ཡང་འཐོར་བཞིན་ཡོད་པ་འདྲ།