མདོ་ཁམས་ཆུ་སྒང་རྒྱལ་ཡོངས་འོས་བསྡུའི་དངོས་གཞིའི་ལས་རིམ་འགོ་བཙུགས་པ།

གནས་ཚུལ་གཏོང་མཁན། ཁྱུངཿསྨོན་ལམ།

༄༅།།ཕྱི་ལོ་༢༠༡༣ ཟླ་༧ ཚེས་༦ ནས་བཟུང་མདོ་ཁམས་ཆུ་སྒང་དབུས་འོས་བསྡུ་ཚོགས་ཆུང་སྐབས་༥ པས་འགན་ཁུར་གྱིས་ཆུ་སྒང་དབུས་རྒྱུན་སྐབས་༢༠ པའི་འོས་བསྡུའི་ལས་རིམ་ཁག་གཏན་འབེབས་དང་། ས་གནས་འོས་བསྡུ་ཚོགས་ཆུང་གསར་འཛུགས་སོགས་བྱས་ཏེ་༢༠༡༤ ཟླ་༢ ཚེས་༡༥ ཉིན་བཙན་བྱོལ་བོད་མི་གནས་ཡུལ་ས་གནས་ཡོངས་ནས་རྒྱལ་ཡོངས་སྔོན་འགྲོའི་འོས་བསྡུ་ལེགས་གྲུབ་ཀྱིས་༢༠༡༤ ཟླ་༣ ཚེས་༢༤ ཉིན་འོས་ཐོན་མང་རིམ་རྩེ་བཏོག་སྔོན་འགྲོའི་འོས་དམིགས་མི་གྲངས་༤༠ ཐམ་པའི་མིང་གཞུང་ཁྱབ་བསྒྲགས་བྱས་ཁོངས་ནས་དགོངས་ཞུ་དང་། སྒྲིག་དོན་ཞིབ་འཇུག་དགོས་རིགས་སོགས་གྲུབ་སྟེ་ཕྱི་ལོ་ ༢༠༡༤ ཟླ་ ༤ ཚེས་ ༡༡ ཉིན་ཆུ་སྒང་དབུས་འོས་བསྡུའི་ཚོགས་གཙོ་སྤྱི་འཐུས་དགེ་བཤེས་སྨོན་ལམ་མཐར་ཕྱིན་དང་། ཚོགས་མི་སྤྱི་འཐུས་གསེར་རྟ་ཚུལ་ཁྲིམས། ཚོགས་མི་སྤྱི་འཐུས་འཇམ་དབྱངས་བཟོད་པ་བཅས་རྡ་སར་ལྷན་འཛོམས་ཀྱིས་མདོ་སྟོད་རྒྱ་ཆེའི་མི་མང་ནས་ཐད་ཀར་འོས་འདེམས་གནང་བཞིན་པའི་མདོ་ཁམས་ཆུ་བཞི་སྒང་དྲུག་གི་དབུས་རྒྱུན་སྐབས་ ༢༠ པའི་འོས་གཞིའི་འོས་གཞི་མི་འགྲོ་ ༢༢ ཀྱི་མཚན་གཞུང་སོགས་ཕྱིར་བསྒྲགས་ཀྱིས་དངོས་གཞིའི་རྒྱལ་ཡོངས་འོས་བསྡུ་ཆེན་མོ་ ༢༠༡༤ ཟླ་ ༥ ཚེས་ ༣ རེས་གཟའ་སྤེན་པ་ཉིན་བྱ་རྒྱུ་ཡིན་པའི་ཁྱབ་བསྒྲགས་དང་འབྲེལ་མདོ་སྟོད་རྒྱ་ཆེའི་སེར་སྐྱ་མི་མང་ཡོངས་ཀྱིས་མང་གཙོའི་ཐོབ་ཐང་ལོངས་སུ་སྤྱད་དེ་དངོས་གཞིའི་འོས་བསྡུའི་ལས་རིམ་ནང་ངེས་པར་ཞུགས་དགོས་པའི་འབོད་སྐུལ་གནང་ཡོད་པ་རེད།

འོས་བསྡུའི་ཚོགས་མི། འབྲེལ་གཏུགས་ཁ་པར་ཨང་།

ཚོགས་གཙོ། སྤྱི་འཐུས་དགེ་བཤེས་སྨོན་ལམ་མཐར་ཕྱིན། 91-9816272440

ཚོགས་མི། སྤྱི་འཐུས་གསེར་རྟ་ཚུལ་ཁྲིམས། 91-9816178505

ཚོགས་མི། སྤྱི་འཐུས་འཇམ་དབྱངས་བཟོད་པ། 91-9816217743

གློག་འཕྲིན་ཁ་བྱང། chugangw5@gmail.com

དངོས་གཞིའི་འོས་མིའི་མཚན་ཐོ་གཤམ་གྱི་འབྲེལ་ཐག་བརྒྱུད་ནས་གཟིགས།
Saldak