—–སྐྱོ་བྲག་དགའ་དབང་།
གདན་ས་རུམ་བཏེག་གི་མཁན་པོ་སྐལ་བཟང་ཉི་མ་མཆོག་ནས། མདོ་ཕལ་པོ་ཆེའི་ཚིགས་བཅད།
རྒྱལ་བ་དེ་དག་ཐོས་མཐོང་མཆོད་པ་བྱས་པས་ཀྱང་། །
ཚད་མེད་པ་ཡི་བསོད་ནམས་ཕུང་པོ་འཕེལ་བར་འགྱུར། །
ཉོན་མོངས་འཁོར་བའི་སྡུག་བསྔལ་ཐམས་ཅད་སྤངས་གྱུར་དུ། །
འདུས་བྱས་འདི་ནང་བར་མ་དོར་ནི་ཟད་མྱི་འགྱུར། །
ཞེས་པ་འདི་ལ་གོ་བདེ་བའི་འགྲེལ་བཤད་ཅིག་དགོས་པའི་སྐུལ་མ་གནང་གི་གདའ། སྤྱིར་ཚིགས་བཅད་འདི་ཉིད་ནི། བྱང་ཆུབ་སེམས་དཔའ་དེ་བཞིན་གཤེགས་པའི་རིགས་སུ་བྱུང་བའི་དཔལ་གྱིས། དེ་བཞིན་གཤེགས་པ་རྣམས། མཐོང་བ་དང་། ཐོས་པ་དང་། དེ་དག་དང་འགྲོགས་པས་དགེ་བའི་རྩ་བ་སྐྱེ་བར་འགྱུར་བ། བྱང་ཆུབ་སེམས་དཔས་ཇི་ལྟ་བུར་ཁོང་དུ་ཆུད་པར་བྱ། ཞེས་དྲིས་པའི་ལན་དུ། བྱང་ཆུབ་སེམས་དཔའ་ཀུན་ཏུ་བཟང་པོས།
ཀྱེ་རྒྱལ་བའི་སྲས་དེ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་མཐོང་བ་དང་ཐོས་པ་དང་དེ་དག་དང་འགྲོགས་པའི་དགེ་བའི་རྩ་བ་སྐྱེ་བར་འགྱུར་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོས་མི་ཟད་པ་མངོན་པར་བསྒྲུབ་པའི་བློས་དོན་ཡོད་པ་དང་། བགེགས་མེད་པ་དང་། ཤིན་ཏུ་མཐར་ཐུག་པར་འགྲུབ་པ་དང་མི་བསླུ་བ་དང་། བསམ་པ་ཐམས་ཅད་ཡོངས་སུ་རྫོགས་པར་བྱེད་པ་དང་། འདུས་བྱས་ཐམས་ཅད་ལ་སྤྱོད་པའི་རྒྱུན་མི་ཟད་པ་དང་། འདུས་མ་བྱས་ཀྱི་ཡེ་ཤེས་འཐོབ་པར་འགྱུར་བ་དང་། དེ་བཞིན་གཤེགས་པའི་ཡེ་ཤེས་སྐྱེ་བར་འགྱུར་བ་དང་། ཕྱི་མའི་མཐའི་མུ་མཐའ་ཡས་པའི་མཐར་ཐུག་པར་འགྱུར་བ་དང་། རང་བྱུང་གི་རྣམ་པའི་མཆོག་ཐམས་ཅད་དང་ལྡན་པ་འཐོབ་པར་འགྱུར་བར་ཁོང་དུ་ཆུད་པར་བྱའོ། །
ཞེས་གསུངས་པའི་དོན་དེ་ཉིད་ཡང་བརྟག་པར་བྱ་བའི་ཕྱིར། ཚིགས་སུ་བཅད་དེ་སྨྲས་པ་ཡིན་པས་ན། སངས་རྒྱས་རྣམས་ཐོས་མཐོང་མཆོད་པས་བསོད་ནམས་ཚད་མེད་པ་ཐོབ་པ་དག །འཁོར་བའི་སྡུག་བསྔལ་ཟད་པར་སྤངས་པ་སངས་རྒྱས་ཀྱི་གོ་འཕང་ཐོབ་པའི་རྒྱུར་འགྱུར་བ་ལས། ཕལ་ཆེན་ལས། འདུས་བྱས་ཀྱི་ཆོས་རྣམས་གང་ཞེ་ན། འདི་ལྟ་སྟེ། འདོད་པའི་ཁམས་དང་། གཟུགས་ཀྱི་ཁམས་དང་། གཟུགས་མེད་པའི་ཁམས་དང་། སེམས་ཅན་གྱི་ཁམས་ཏེ། འདི་དག་ནི་འདུས་བྱས་ཀྱི་ཆོས་སོ། །ཞེས་འདུས་བྱས་འཁོར་བའི་ནང་དུ་བར་མ་དོར་ཟད་པར་མི་འགྱུར་བའི་དོན་ཏེ། སངས་རྒྱས་ལ་དམིགས་པའི་དགེ་རྩ་རྣམས་ནི་ཡུལ་གྱི་དབང་གིས་ཆེས་ཁྱད་པར་དུ་འཕགས་པ་ཡིན་པར་མདོ་སྡེ་མང་པོ་ནས་གསུངས་པ་དེ་ཀའོ། །
ཞིང་གི་མཐུ་ལ་བརྟེན་ནས་ཐོབ་རྣམ་སྨིན་གྱི་འབྲས་བུ་ཆེན་པོ་ཅིག་གསུང་སྲོལ་ཡོད་པ་དེའི་ཁུངས་སུ་འགྲོ་བའང་སྲིད།
འདུས་བྱས་འདི་ནང་བར་མ་དོར་ན་ཟད་མྱི་འགྱུར་།
ཟེར་བ་འདི་ལ་འབྲེལ་བཤད་གནང་རོགས་།