མདོ་སྨད་ཀླུ་ཆུ་ནས་སླར་ཡང་རང་ལུས་མེ་སྲེག་བྱས་པ།

Comments (7) on “མདོ་སྨད་ཀླུ་ཆུ་ནས་སླར་ཡང་རང་ལུས་མེ་སྲེག་བྱས་པ།”

1. ཨ་མཆོག་དཀོན་མཆོག་ཚེ་རིང་ལཊ་ཀྱིས་མེར་བསྲེཊ།
   འདོན་སྤེལ། ༢༠༡༢/༡༡/༢༦
   དེ་རིང་ཕྱི་དྲོ་བོད་མདོ་སྨད་བླ་བྲང་ཨ་མཆོག་ཏུ་བོད་མི་ཞིག་གིས་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་བྱས་ཏེ་སྐུ་གྲོངས་འདུག

   དེ་རིང་ཕྱི་དྲོ་བོད་མདོ་སྨད་བླ་བྲང་ཨ་མཆོག་ཞང་བན་ཀན་སྡེ་བའི་རང་ལོ་ ༡༨ ཡིན་པའི་རྒྱལ་གཅེས་དཔའ་བོ་དཀོན་མཆོག་ཚེ་རིང་ལགས་ཀྱིས། ཨ་མཆོག་རྒྱ་གར་ཐང་གི་གཏེར་ཁ་སྔོག་སའི་སྒོ་འགྲམ་ཏུ་རང་ལུས་མེར་བསྲེགས་ཀྱིས་རྒྱ་གཞུང་གི་དྲག་གནོན་དབང་བསྒྱུར་སྲིད་ཇུས་ལ་ངོ་རྒོལ་བྱས་ཏེ་སྐུ་གྲོངས་འདུག

   རྒྱལ་གཅེས་དཔའ་བོ་ཁོང་གི་ཕའི་མིང་ལ་ཚེ་འཕགས་སྐྱབས་ལོ་ ༤༠ དང་། མའི་མིང་ལ་མགོན་པོ་མཚོ་ལོ་ ༣༧ ཡིན་འདུག ཁོང་གི་ཕུ་བོའི་མིང་ལ་དཔལ་འབྱོར་རྒྱ་མཚོ་ཟེར་ཞིང་ད་ལྟ་གྲྭ་བ་ཡིན་འདུག

   རྒྱལ་གཅེས་དཔའ་བོ་ཁོང་གི་ཆུང་མའི་མིང་ལ་སངས་རྒྱས་མཚོ་ཟེར་ཞིང་ལོ་ ༡༩ ཡིན་འདུག

   ད་ལྟ་ཨ་མཆོག་དགོན་པའི་གྲྭ་བ་མང་པོ་རྒྱལ་གཅེས་པ་ཁོང་གི་ཁྱིམ་དུ་སྨོན་ལམ་གསུང་གི་ཕེབས་ཡོད་པ་དང་། ས་གནས་མི་མང་ཡང་མང་པོ་འབྱོར་བཞིན་ཡོད་འདུག

2. ཟླ་འདིའི་ཚེས་༢༥ ཉིན་བོད་མདོ་སྨད་རྨ་ལྷོ་ཁུལ་རྩེ་ཁོག་རྡོ་དཀར་མོ་ཞང་བར་སྐོར་སྡེ་བའི་བཙུན་མ་ཞིག་གིས་རང་ལུས་མེར་བསྲེགས་ཀྱིས་སྐུ་གྲོངས་ཡོད་པའི་གནས་ཚུལ་འདུག
   རྡོ་རྗེ་དབང་ཕྱུག་ལགས་ཀྱིས་གནས་ཚུལ་མཁོ་སྤྲོད་གནང་བ་ལྟར་ན། ཁ་སང་ཚེས་ ༢༥ ཉིན་རྒྱབ་བོད་ནང་གི་ཆུ་ཚོད་བདུན་པ་ཙམ་ལ། མདོ་སྨད་རེབ་གོང་མགོན་ཤུལ་བར་སྐོར་ ནས་ཡིན་པ་བཙུན་མ་སངས་རྒྱས་སྒྲོལ་མ་ ༼རང་ལོ་ ༢༩༽ཞུ་བ་ཞིག་གིས། རྩེ་ཁོག་རྫོང་རྡོ་དཀར་མོ་ཞང་སྲིད་གཞུང་ཡོད་ས་ནས་རང་ལུས་མེར་བསྲེགས་བཏང་སྟེ། དེ་གར་འདས་གྲོངས་ཕྱིན་ཡོད་འདུག
   བཙུན་མ་སངས་རྒྱས་སྒྲོལ་མའི་ཕ་མིང་ལ་བསོད་ནམས་རྒྱལ་དང་། ཨ་མའི་མིང་ལ་དོ་བྷ་ཟེར་གྱི་ཡོད་འདུག
   དེ་རིང་གནས་ཚུལ་འབྱོར་དོན་ལྟར་ན། མདང་ནུབ་ཕུང་པོ་ཞུགས་འབུལ་ཞུས་ཏེ། དེ་རིང་མགོན་ཤུལ་བཙུན་མའི་དགོན་པའི་ནང་རྗེས་འབྲེལ་སྨོན་ལམ་ཞུ་སྒོ་གཉེར་བཞིན་ཡོད་པ་དང་། བཙུན་དགོན་འདིར་ད་ཆ་བཙུན་མ་བརྒྱ་ཕྲག་གཅིག་བརྒལ་བ་ཡོད་འདུག
   ཁ་སང་དེ་རིང་རེབ་གོང་རོང་འབྲོག་གང་སར་དྲ་རྒྱའི་བརྒྱུད་ལམ་བཅད་འདུག་ལ། དེ་བཞིན་ཁ་པར་དང་དྲ་ལམ་ནས་འབྲེལ་བ་བྱེད་མཁན་ཚོ་འབྲེལ་ཡོད་ཉེན་རྟོག་པ་དང་བདེ་འཇགས་མི་སྣ་ཟེར་བ་ཚོས་རྩད་གཅོད་བྱེད་ཀྱིན་ཡོད་པ་དང་། གཞན་ཡང་། ཁུལ་སྲིད་གཞུང་དང་རྫོང་གི་སྲིད་གཞུང་། ཞང་སྲིད་གཞུང་བཅས་ཀྱིས་ལས་དོན་བྱེད་མཁན་མང་པོ་གཞི་རིམ་མང་ཚོགས་ཁྲོད་མངགས་ནས། མེར་བསྲེགས་ལས་འགུལ་མུ་མཐུད་སྤེལ་མི་ཆོག་པ་དང་། སྤེལ་མཁན་དང་དེའི་ནང་མིར་མྱ་ངན་དང་གདུང་སེམས་མཉམ་སྐྱེད་ཀྱི་འདུ་འཛོམས་གཉེར་མི་ཆོག་པ་སོགས་ཀྱིས་བཙན་བཀའ་མུ་མཐུད་གཏོང་བཞིན་ཡོད་འདུག

3. དེ་རིང་ཞོགས་པར་མད་སྨད་ཆབ་ཆ་ནས་སློབ་མ་སྟོང་ཕྲག་གིས་ངོ་རྒོལ་སྐད་འབོད་བྱས་པ་དུས་བབ་དང་ངོ་དེབ་སོགས་ལ་གང་སར་ཁྱབ་འདུག ཁ་བརྡས་ད་དུང་མ་མཐོང་བ་ཡིན་ནམ། ཅིས་ཀྱང་འདྲེན་བཀོད་གནང་རོགས་ཞུ།

4. གངས་ཅན་འགྲོ་བའི་རང་དབང་བདེ་སྐྱིད་སླད། །
   རང་གི་ལུས་དང་སྲོག་ཀྱང་ཡོངས་བཏང་བའི། །
   རྒྱལ་གཅེས་དཔའ་བོ་མགོན་པོ་ཚེ་རིང་མཆོག །
   བདེ་ལྡན་ཞིང་དུ་མྱུར་བར་མྱུར་སྐྱེ་ཤོག །

5. བཙན་བྱོལ་ནང་ནས་བོད་གཞུང་དང་ཚོགས་སྡེ་ཁག་ཙམ་མ་གཏོགས་མི་མང་དང་བླངས་རང་བཞིན་གྱིས་མང་མི་སྡེབ་ལང་གིས་རྒྱ་ནག་གཞུང་ལ་ངོ་རྒོལ་བརྒྱབས་ཐུབ་མེད་པ་ནི་ཤིན་ཏུ་སེམས་སྐྱོ་དགོས་ཤིག་རེད།
   དེར་བརྟེན་མི་མང་ཚང་མས་མ་བསྐུལ་དང་བླངས་ཀྱིས་ཡར་ལང་བརྒྱབ་དགོས།

6. བདག་གཞན་བརྗེ་བའི་བསམ་སྤྱོད་མངོན་དུ་གྱུར་བའི་བཙུན་མ་སངས་རྒྱས་སྒྲོལ་མར་མྱ་ངན་ཞུ། འདྲེ་ནག་གི་བསམ་ཚུལ་འདི་བདེན་པ་རེད།

7. ༼ནོར་བཅོས༽བཙུན་མ་སངས་རྒྱས་སྒྲོལ་མ་དང་མགོན་པོ་ཚེ་རིང་རྣམ་གཉིས་ལ་མྱ་ངན་ཞུ།