མིག་གསུམ་པ། ལྡི་ལི།
ཕྱི་རོལ་ན་གྲགས་འགུལ་ཅི་ཡང་མེད་པའི་ཁོར་ཡུག་འདིར
ང་རང་འོད་སྣང་གི་ཉེ་སར་བཅར་དུས
འོད་སྣང་གིས་བདག་ལ་སྩལ་བའི་བསམ་གཞིག་བརྩེགས་མ
ཁ་བའི་འདབ་མ་བཞིན་སྨྱུག་རྩེ་ནས་བབས
དེ་ལྟར སྙན་ངག་ཟེར་བ་དེས་ཁོ་བོར་རྟོག་པ་སྩལ་ཏེ
གནས་ལུགས་ཤིག་གཙང་བོ་ལ་འདྲེས་སོང
མཚན་མོ་ནི་ཅི་ཞིག་གླེང་བའི་ཁེར་རྐྱང་གི་གཏད་སོ་ཁོ་ན
སྒྲོན་མེ་ནི་ང་ལ་གནང་བའི་ཟབ་གནད་ཀྱི་གསེར་གྱི་ལྡེ་མིག་དེ་རེད
གར་སོང་གི་རང་དབང་མེད་པའི་ལུས་པོ་འདི།
འབྲས་སྐྱ་དང་ལྡ་ལིས་སྦོས་ནས་སྦོམ།
ལུས་རྩལ་གྱི་བྱེད་སྒོ་གྲངས་མེད་ཞིག
ཡང་ཡང་དུ་ནན་གྱིས་འབད་ཀྱང་།
ཆེ་རུ་ ཆེ་རུ་
སྦོམ་དུ་ སྦོམ་དུ་
རྐང་ཐུང་འདིས་ཀྱང་འདེགས་དཀའ།
སེམས་པ་འདི་མཁའ་དབྱིངས་ཀྱི་སྤོབས་པ་དེ་ཡིན་ན
སྐད་ཆ་དེ་ངེས་མེད་དུ་རྒྱུ་བའི་སྤྲིན་དཀར་གྱི་གནས་ལུགས་ཤིག
རི་བོ་མཐོ་ས་ནས གཡུ་འབྲུག་གྲགས་ས་ནས་ གཙང་བོ་བཞུར་ས་ནས
ཡོད་ཚད་ནས་ཡོད་ཚད་ཁ་སང་གི་འདས་དོན་ལ་འཐིམ
སེམས་པ་མཁའ་དབྱིངས་གི་དངས་མ་ཞིག་ན་། སྙན་ངག་སྤྲིན་བྲལ་གྱི་ཟླ་བ་དཀར་པོ་། ཡོད་ཚད་ཀུན་སོར་རྩེ་ནས་ཐོན་སོང་། མཐོང་ཚད་ཀུན་སྙན་ངག་གི་གླེང་སོང་།
སྙན་ངག་སེམས་ཀྱི་སྙིང་གཏམ། རྩལ་ལྡན་སོར་རྩེ་ནས་འཁྱུག་ཀྱང་། ན་ཟུག་སྡུག་གི་ཁུར་པོ། སྙིང་ནས་བྲལ་རྒྱུ་ནི་དཀའ་སོང་། མཚན་མོ་ཁུ་སིམ་དུས་འདིར་། གདུང་བ་སྙིང་དབུས་སྐྱིལ་ནས། དཀར་གསལ་ཟླ་འོད་འོག་ནས། རེ་འདུན་དབྱངས་སུ་གྱེར་ཡོད།